Thursday, January 7, 2010

الشذوذ واشياء اخرى

سواء اتفقنا او اختلفنا على حريات المثليين فانا هافضل مقتنع طول حياتي ان الشذوذ ده مش هو الطريق الصح
وان زي ما قالتلي الوجا س. جاكمان
صديقتي الكاتبه والباحثه الامريكيه
GaY IS Not God way
واتمنى ان ييجي اليوم واصحابي المثليين ييجي عليهم اليوم ويشوفوا الطريق الصح
اللي ربنا ذكره في القران ومش محتاج تأويل
ولحد ما ييجي اليوم ده . انا مش مستعد اخسر أي صديق بسبب هو مين او بيعمل ايه او بيفكر ازاي

محمد منير .. مثلي الأعلى بيقول
اعرف بشر
عرفوني لأ .. لأ ما عرفونيش
قبلوني .. وقبلتهم
بمد ايدي لك . طب ليه ما تقبلنيش
لا يهمني اسمك ... لا يهمني عنوانك
لا يهمني لونك .. ولا ميلادك .. مكانك
يهمني الانسان .. ولو مالوش عنوان

ايوه انا كده مايهمنيش انت مين يهمني انت بالنسبالي ايه وانا بالنسبالك ايه

بالمناسبه دي

بعت ليا واحد على الفيس بوك رساله
بيقولي في الرساله
hi you are very cute wish we can be friends
قلت يمكن الرساله مبعوته بالغلط .. فرديت بعلامات استفهام ؟
i'm half american half egyptian boy . and i realy like the way you look
i think you are so hot
wish you can be my ..... i will not fill the blanks as of now
but who knows maybe one day thanks for your accpetance
by the way i'm 19 years old i'm in egypt now on vacation. wish you can come with me to usa we can have so much fun togther

ليه الناس بتتكلم على المثليه باشمئزاز رغم ان الناس المثليين اللي على الاقل انا اعرفهم اتحدا اي واحد فيهم انه من اول ما يشوفهم ويعد معاهم يعرف او حتى يلاحظ انه مثلي
ده لان بالنسبالهم المثليه دي حاجه خاصه بيهم . ومش لمجرد الجنس
لكن امثال الشخص ده . اعتقد ان هو اللي بيظهر المثليه بالمظهر ده
انا هنا مش بدافع عن المثليه او بهاجم
انا هنا باحدد موقفي
انا مش مع المثليه .. ولكن مع المثليين

ماعرفش ليه كلامي دايما بيتفسر غلط
لما اتكلمت عن كلنا ليلى كل اللي كنت اقصده ان ماينفعش اقول انا عايز حقي . واسيب حق الناس
اطالب الناس بالحريه وهم مايعرفوش شكلها
وقبل ما نقول الحكومه مابتديناش حريه
تعالوا نراجع نفسنا

لما المسلمين يدوا حريه للمسيحيين
والمسيحيين يدوا الحريه للمسلمين
والاتنين يدوا حريه للبهائيين وغير البهائيين
لما الملحدين يبطول يتعدوا على حدود الاديان
والغني يدي الحريه للفقير
لما البيض يدوا الحريه للسود
والسود يدوا حريه للبيض
لما الكبير يدي حريه للصغير
والصغير يدي حريه للكبير
لما الاهالي تدي الحريه لاولادهم في اختياراتهم
لما تدي لنفسك انت حريه في انك تعيش حياتك بالطريقه اللي تحبها مش اللي الناس فارضاها عليك

انا مش باقول خطبه .. انا باقول كلام اتقال من اكتر من 1400 سنه قالها واحد تسبب في انه يعطي الحريه لمليارات بعد كده
هو سيدنا محمد عليى الصلاة والسلام
لما كل واحد فينا يفهم معنى الحريه ويطبقها بنفسه ساعتها نقدر نتكلم عن الحريه ونقول للحكومه اه ولأ

بمناسبة الحريه

انا ليا صديقه ( هي عارفه اني باتكلم عليها دلوقت ) ومش مهم اسمها
هي بتشتغل ...... شرموطه
اه .. هي بتنام مع ناس وتاخد فلوس
هي مش صديقه بالمعنى الحرفي . لكن بما ان الجنس ده بالنسبالي حاجه مقننه جدا .. ومش شايله على كتفي .. كنت ممكن انام معاها في اي وقت ودي فرصه اي شاب بيحلم بيها خصوصا لو واحده في جمالها او حتى في ربع جمالها
لكن لان الجنس اسمى واكبر من اننا نمارسه لمجرد سد شهوه ..كنت دايما بارفض
الجنس ده حياتنا
وكلنا جينا ع الارض هنا بسبب خطيئه
ارتكبها سيدنا ادم في الجنه
" فأكلا منها فبدت لهما سوءاتهما وطفقا يخصفان عليهما من ورق الجنة "
صدق الله العظيم
من سورة طه
لما ادم وحوا كلوا التفاحه .. حسوا ان عندهم حاجه لازم يخبوها ويتكسفوا منها رغم انهم كانوا عايشين مش مكسوفين منها قبل كده
اللي هي الاعضاء التناسليه .. ومن هنا اتولدت الشهوه واتزرعت في جسم كل واحد فينا
بسبب خطيئه ؟
ولما جه ابليس يوسوس للبني ادم
اللي ساب الجنه والعز اللي ربنا كان معيش فيه ابليس قبل ادم .. اول حاجه لعب عليها كانت الشهوه
واول انتصار . يحسب للبني ادم انه ينتصر على شهوته
لكن ؟
ايه علاقة ده بكلامي عن وجود صديقه ليا في نظر اي واحد في الدنيا مجرد حثاله
او ليه يصاحب مثليين ويعتبرهم اصدقاءه
الحريه
الحريه اللي عشنا محرومين منها .. حسيت ان الحريه مش لازم اخدها من الناس
لأ
الحريه دي لازم احنا اللي نعيشها جوه نفسنا الاول
قبل ما نطلبها من الناس
قبل ما اطلب من الناس انهم مايضايقونيش
اني اسمر
او اني بارقص
او اني أي حاجه تانيه
كان لازم ماضايقهومش بكونهم اي حاجه ممكن يبقوا عليها
الحريه المطلقه هي أسوأ انواع الحريه
وسقف الحريه
بيقف
لما تيجي لحد عندي .وتاخد حته مني
ساعتها هاقولك لأ دي مش حريه
وعشان كده رفضت الاخ اللي بعتلي رساله ع الفيس بوك مضمونها جنسي
لاني مش كاتب على صورتي انا مثلي
ولاني مش مثلي
انا انسان طبيعي ومش من حق اي حد انه ياخد من حريتي او ينتهك مبادئي
ومن حريتي ان الناس ماتفكرش فيا زي ما هم عايزين او زي ما هم شايفين .. لكن زي مانا فعلا
وعشان كده عمري ما هاقطع علاقتي بصاحبتي اياها .. لانها لم تتعدى حدود حريتي لحد النهرده
بشرط اني طالما شايف ان اللي بتعمله حرام وفلوسها حرام
مش هاخد منها
زي ما كنت باقول لأي حد يقولي فلوس الرقص حرام
خلاص
ماتاخدش منها
لما ابقا اعزمك على حاجه ماتاخدهاش مني
ارفض اي هديه هاجيبهالك
لكن نفضل صحاب
مفهوم الصداقه
من اسمى مفاهيم الحريه
خصوصا لما يبقا ليا صديق زي احمد عبد الحليم( مايعرفش اني باتكلم عليه دلوقت ) وماعندوش نت ومش مدمن منير وبيختلف معايا في كل حاجه
الا انه اعز اصدقائي بلا اي حدود
فضلنا صحاب وانا شايفه مش زيي وهو شايفني باتغير عن الطفل اللي كان شايفه
وانا شايفه بيكبر وبيبقا مش هو الطفل اللي انا عارفه
وده ببساطه
لاننا عمرنا ما بنتعدي حرية بعض
وعشان كده يمكن الايام دي بنحتفل ب 10 سنين كامله
من الحريه ومن الصداقه
الحريه بمفهومها السهل البسيط بدون اي مصطلحات ساذجه
عشان كده تعالوا نعمم الحريه بكلام من الدين
الدين اللي هو اول حاجه عرفنا بيها الحريه
" يا أيها الناس إنا خلقناكم شعوبا وقبائل لتعارفوا إن أكرمكم عند الله أتقاكم إن الله عليم خبير "
صدق الله العظيم
وللحديث بقيه

8 comments:

adel said...

في الجون يازيكا

دخل دماغي الكلام

بس .... هاقولك بيني و بينك
هههههههههه

Che said...

صقفه كبيره جدا يا زيكا ليك من هنا لغايه السنه الجايه
طبعا انا مش هعلق على الكلام اللى انت قلته لأنه ده نفس الكلام اللى بقوله و مينفعش الواحد يعلق على كلامه هو شخصيا .... جامده جدا حكايه الواد بتاع انت كيوت دى زيكا ... ههههه

aMr saYed said...

انا مش هقول غير وحشتني يا بن ال.....
ووحشتني مناقشاتك الساخنة معايا

اكتر حاجة حببتني فيك بعد كل السنين ديه اننا زي بعض اينعم مش في الكل بس في الخطوط العريضة زي بعض

وطبعا لو فيه حد مش مصدق ان الكلام الي انت قولته في الدين انا هقوله قصة كلنا عارفنها المراة التي زنت واتت للرسول صلى الله عليه وسلم تبوح ليه باثمها كان ممكن يعاملها كانها حثالة او حشرة و لكنه عشان نبي الرحمة صلى الله عليه وسلم وجه صحابي شتمها وهو يقذفها قال له رسول الله صلى الله عليه وسلم انها تابت توبة لو وزعت علىاهل الارض لوسعتهم
اي شملتهم

وحشني يا واد

موضوع هايل انا هعتبره موضوع الشهر

سارة نجاتى said...

well , I thought I am the most tolerant person in planet earth loooool but looks like you are even more .. I can not have gay or whores as friends ...I won't , of course , mistreat them , I will just be the normal me ... but they would never cross the line and become my friends...
About homosexuality , it is also a question of pshychological disturbances , these people needs treatment ...we sympathize rather than condemn them...

salam

سارة نجاتى said...

I mean we ( should) sympathize

micheal said...

فاهم كلامك كويس يا زيكا..وحتلاقيني اتكلمت عن الحرية بمفهوم مقارب في اخر بوست من كلنا ليلى
:)
شفت يعني كنت تستنى عليا شوية يا برنس
بخصوص المثليين فأنا تملي مقتنع أنهم بني ادميين زيهم زي وكل الاختلاف في الميول الجنسية فقط..يعني في أوضة النوم
مش معقول أتعامل مع إنسان بشكل فيه دونية لمجرد أننا مختلفين في أوضة النوم
!
بالنسبة لموقفك من الجنس فأرفع القبعة وأتمنى تفضل كده دايما
فعلا لازم كل واحد يفهم ويحس بالحري ة من جواه
تحياتي

dr.lecter said...

بص انا متقبل وضع الشذوذ بشرط انهم مايعيثوش في الارض فساسدا مايمارسوش الرذيله علني ميعيشوش الدور ويهيصوا فيها ويتحرشوا بيا

فيه ناس عندها مشكله انها مش منجذبه للستات ومنجذبه بس للرجاله

بس مابيمرسوش الشذوذ بيخلوا ده سر جواهم ومابيتزوجوش

دول بيصبروا وبيعانوا جدا واعتقد ان ده بلاء من ربنا وامتحان لهم واكيد ربنا هيعوضهم في الاخره

هبة الله said...

الله عليك يا زيكا،بجد أنا بأحترمك جداً و أتمنى لك بجد كل التوفيق و السعادة فى حياتك