Friday, December 28, 2007

علاقة الحجاب بالتخلف...علاقة التخلف بالحجاب

وانا بتصفح المدونات علي الشبكه العنكبوتيه ساعات بلاقي مدونات عبقريه ومدونات متناقضه ومدونات ملهاش معني
انا بحب جدا مبدأ
"كل واحد حر"
لكن ازاي يبقي الانسان مقتنع بالحريه وبالتعدديه في السياسه والتفكير وعقله مليان بحرية التعبير وبحرية الانسان وبيدور علي تحرير مصر من الفكر المتخلف اللي احنا عايشين فيه
وفي نفس الوقت
بينتقد بشده نوع من التفكير
فاهمين حاجه؟
افهمكم انا
.................................................................................
دي مدونة عنوانها
الحجاب والنقاب وزبالات اخري
واللي مستغربله
ازاي واحد بينادي بالحريه كاتب بنفسه في مدونته
"من حقي ان يكون لي راي ومن حقك ان تختلف معي"
ايه مفهوم الاختلاف عنده
يعني انا علشان مختلف مع واحد اعد اتريق علي تفكيره واتهمه بالغباء والجهل والتخلف
الكاتب بيقول ان الحجاب ده تخلف , وان المحجبه مبتعرفش تفكر لانها كاتمه دماغها بكاتم الذكاء او زي ما قال
يعني مثلا مثلا انا لما البس طاقيه ابقي غبي
ايه التناقض ده
وبيتهم وعمرو خالد والشيخ القرضاوي باتهامات ..ما يعلم بيها الا ربنا
عرفتم ليه احنا دولة متخلفه
اه احنا دولة متخلفه
لان اي حد بيختلف مع حد بيقول للتاني انه حمار
ازاي هو بينادي بحرية التعبير (للدنماركيين ) اللي اهانوا رمز الاسلام الرسول عليه الصلاة والسلام وبيعترف بان دي حرية
وبينادي بحرية عبدالكريم نبيل
وهو مش قادر ينادي بحرية البنت المحجبه
وبيعتبرها متخلفه لمجرد ان لبسها مش عاجبه
يا اخي زي مانت معترف بحرية دول...فيها ايه لما تعترف ان البنت المحجبه حره تلبس زي ما هي عايزه وان الموضوع ليه علاقة بمبادئها اللي حتي لو هتختلف معاها لازم تحترمها
عشان يبقي اختلاف وجهات نظر محترم
لكن كون قبول فكر ان الحجاب تخلف
هو بيقول ان المحجبه متخلفه
طب فين الدليل لا مؤاخذه العلمي
دايما عندنا في الكلية البنات الاوائل محجبات
مش فاهم اصلا ايه علاقة اللبس بالذكاء او بالغباء
جايز انك تلاقي واحده محجبه ذكيه وجايز تلاقيها غبيه
وذكائها او غبائها ده اكيد مالوش علاقة بحجابها , ده ليه مقومات علميه تانيه
وليه دراسها...ولا يعن يالاخ درس كل المحجبات وصنفهم علي انهم محدودي التفكير
تناقض غريب في وجهة نظر شخص واحد وعلي نفس المدونة

Friday, December 21, 2007

compose messages


ذكر أحد الأطفال بأنه رأى في منامه

طيف أبيض جاء يبلغه الرسالة التالية : ردد 10 مرات : إفتح يا سمسم أبوابك نحن الأطفال

... ملاحظة : أرسل هذه الرسالة إلى 10 أشخاص وسترى "علي بابا" في منامك

.. وإذا قرأتها أكثر سترى ميكي ماوس وسيأتيك كونان يحمل أخبارأ سعيدة

.. تنبيه هام جداً : حدث فعلأ أن أرسلت الرسالة إلى شخص وأهملها فانقطعت عنه قناة سبايس تون"..يا خبر ابيض "

وشخص آخر عمل بها فرزق بشريط "غرندايزر" ..( بموت في غرندايزر) مش كده بارضه؟

وأرسلت إلى شخص واستهزأ بها فانقلب إلى " زعبور" عارفين زعبور؟

ولا تنس إن أرسلتها سترى "بطوط" الليلة
.........................
تحفه مش كده

.........................

عارفين طبعا الرسائل دي ..بتيجيلينا كلنا عالايميل من forward msg

يعني اي حد بيلاقيها حتي ساعات من قبل ما يقراها بيعملها compose

طب والله عيب

والله عيب

لان معظمها اصلا حاجات مغالطه للاسلام وكلها هبل

انا من كام يوم جاتلي رساله

بتقول ان القران بيتمنع في هولندا وبيعملوا تصويت عشان يشوفوا اذا كانوا هيمنعوه او لأ واتبعتلي لينك علشان اصوت

وقالوا انه مكتوب بالهولندي

وفيه كمله بالهولندي ( مش فاكرها ) معناها نعم وكلمه تانيه معناها لا ومعرفينني النعم من ال لأ

ودخلت فعلا علي السايت

بس قبل ما اعمل اي حاجه

قلت طب هو انا هدوس كده زي الحمار

طب ما اترجمها

ولما ترجمتها من علي موقع

لقيت السؤال كالتالي

* هل توافق علي ان يتم التفاوض مع طالبان ام لا*

وطبعا الرساله مش مبعوتال لوحدي

دي مبعوته لواحد .قام هو بعتها لكل اللي مسجلهم عالايميل ...وكل واحد من اللي مسجلهم يبعتهم لكل اللي عنده عالايميل وهكذا

اه يا بهايم

يعني كل اللي صوتوا بنعم موافقين او حتي مش موافقين عالسؤال .. جاوبوا بنعم

علشان التخلف طبعا اومال علشان ايه

ومش بس الرساله دي

عشروميت رساله زي دي بتجيلي بمعدل كل يوم رسالتين

و90 % منها غلط

لا بقي واللي بيفقع مرارتي

الاقي واحد كاتب رساله فيها تسبيحات وادعيه وكاتبلي في اخر الرساله

ابعتها تكسب حسنات ..ولا كاني في مسابقه للشمعدان

لا واللي يفقع اكتر واكتر انه يقوللي

" لو لم ترسلها فانت لا تستحق ثوابها"

" لا تبخل علي الله فانت تحتاجه"

والحاجات المتخلفه التانيه بقي زي

واحد مبعتهاش لصحابه اللي عالايميل الايميل بتاعه اتحرق ...لو مبعتهاش هتموت متعور

او هتموت في حادثة تليفزيون ..او اي حاجه من الشلل اللي زي ده

جاتلكوا الرساله بتاعة

"الراجل اللي رسم الكارياتير مات محروق والدنمارك مكتمه عالخبر في اخت في فلسطين شافت في المنام ان اللي هيرسل الخبر ل 10 اشخاص ..ربنا هيفرحوا بعد اربع ساعات"

يا حلاوه

اشمعنا يعني اخت من فلسطين..ليه مش اخت من كوالالمبور

وليه الراجل مات محروق..ما ماتش مخنوق ليه

وليه بعد اربع ساعات

وليه 10 اشخاص بالتحديد

حرام عليكوا اموت مشلول وانا عندي 18 سنه ...طب استنوا كمان سنتين او استنوا لما اطلع رخصة العربيه

او استنوا لما اتجوز ولا اشتغل ولا اسافر ولا ادرس اخراج ولا اعمل اي حاجه

يعني هتشل كده وانا لسه بعيد سنه اولي تجاره

طب حتي استنوا لما اعدي السنه من غير مواد

ولو شيلت مادتين محدش يزعل

لكن لو عدت السنه تاني

ابقوا ابعتولي الرسايل دي كل تلت دقايق

قصة طفل...ممدوح عبد الحميد

في بلاد الحزن
كان هناك طفلا
قتيلا .. يرقد
بعد ضياع القطن
في بلاد مليئه بالذكريات
واشجار الزيتون ماتت
ورفرفت اعلام الاهات
والهويه .. ضاعت
كمثلها من المدن
كما ضاع علم المجد
كما ضاع الوطن
كان الطفل يلعب
ياتي ويعود ثم يعود ثم يذهب
واذا سالته .من انت
دائما يكذب
طفلا يلهو
كمثل كل الاطفال
والحرب دائرة
تقتل حتي صخور الجبال
والمدن ليست ثائرة
كعادة الاجيال
بل انها نائمة مثلها مثل الاطفال
كرضيعة
وديعة
في جيب امها
وفي حضن ابيها
تعبث بايديها
وتعض انامل وجنتيها
الجميلتين
الرقيقتين
ومع الفرق
فالطفله كلما زادت
وداعتها
كلما زاد جمالها
وصفوتها
اما البلاد فتسكت
وكانما نزعت زرعتها
والنساء لا تفعل شيئا سوي العويل
والرجال كانما فقدت خصيتها
يلهون في ليل طويل
يتحدثون
ويتسامرون
في قلب الليل
وسيل
من الطلقات
والصرخات ياتي من كل جانب
فتزيد الابتسامات
وتعلوا الضحكات
انه الممات
لا شئ الا الممات
فما ينفع البكاء
انه لم يعد جسدا
انه اشلاء
فما عادت تمطر
وزاد جحيم السماء
ولم يعد هناك هواء
ولم تعد تمطر مرحا
ولم يعد هناك شتاء
فما ينفع البكاء
الطفل الذي مات
فوق الغصن
في الربيع
وفي الصيف في موسم القطن
قتل الطفل
وزاد الحمل
فقتل الحلم
والطفل ما زال حتي بعد موته
يتالم
لعل احدا من اهله يتعلم
او يتكلم
او ربما يذهب ويقاتل من قتل الابن
وكيف ينام له جفن
هل قدم العدو الكفن
لا
بل زاد من القسوة
انه كالعفن
لا يمكن ان يكون في السماء
قد قطن
ارض القدس
اه بكل .حرقة وياس
كم جائك من منتصر يعرف ما معني البأس
اما هم
فهم ليسوا رجال
لقد نسوا كيف هزموا الفرس
قد قتل الليث طفلا جميلا
يبكي علي مجدا ضاع منذ زمنا طويلا
قد قتله حصان عربي
نسي انه اصيلا
نسي كيف كان سيفه يهزم الاعداء
قبل نزوله علي جسده كالوباء
يقطع كل الاشلاء
لقد نسي
سنوات الشموخ
وكما قال الرجل
قد ملاتهم الشروخ
انهم ليسوا عرب
انهم مسوخ
نعم انا عربي
ايها الطفل الغبي
ليس انا من قتلك
ولكني ايضا صبي
قد مات فيه الحلم
ومات حلم
عن عصر ذهبي
ومن اين ياتي الذهب
والكل يطل اللعب
الكل يكذب
ولتنزل لعنة الرب
علي كل من يكذب
اعرفك يا صغيري بنفسي
انا رجل عربي فقدت ضميري
وفقدت بأسي
فما عدت اصلح رجلا
وقد مات حاضري كما مات امسي
وسيضيع مستقبلي قريبا
وستبحث امك عني
تقتلني
من فوق جبل شاهق
تدفعني
وان كذبت عليها
تكذبني
فقد عرف الكل الحقيقه
لقد مت ايها الطفل
وانطفا بريق عينيك
ومن عنك
يعوضني
ومنذ دقيقه فقط
قد تعب الكلام
وقد بدا لي انه صمت
ولكنه لم يصمت
انه يتعنت
ويتشتت
كما تشتت الابناء
والامهات
كما تشتت الاولاد
والبنات
كما نزحت الذكريات
الي مصر والخليج
وبلادنا الشاميات
ولجات الي الاغراب
كل الصحوات
والام
واهات
تخرج من قلب السكوت
تمزق صدري واشلائي
وتبكي ...ولا يصعب عليها بكائي
وتعود بنا الذكريات
الي ارض الشتات
سيناء ومصر بل
يريدونها من النيل الي الفرات
هل تعرف او تفقه يا طفلي العزيز
لقد فعلوها الانجليز
وقد قرات عليهم كتب القران
والانجيل والتوراة
فكذبوا كل اديان السماوات
واخترعوا اديانا
تكذب كل ما فات
تكذب التاريخ
والكتابات
وتمزق الخرائط والرسومات
ولكن ليس العيب عليهم
انه علينا
فنحن من سقطنا من فوق الصراط
وهوينا الي جحيم الشهوات
فزادت في بلادنا المصليات
ولم نركع ولم نسجد ولم نؤدي الصلوات
وزادت في بلادنا الموبقات
والمومسات
فقدنا حتي التراب
واصبح يمشي هو فوقنا
وحزن القران وتخللي عنا
من الذل الذي اصابنا
وقد فقدنا العبارات
وتاهت الكلمات
ورفضت ان تستجيب لنا
قصائد المحبه
وقصائد البذاءات
زادت
وما العن تلك الزيادات
وقد كرهتنا
الاشعار والبيوت
والاغاني
واصوات السكوت
وكرهتنا كل انوار الشوارع
حيث زادت المدامع
وزاد الخشوع
وزاد الخضوع
فوق اطراف المسامع
فامرونا
حكامنا بالسكوت
وبدا العدو في ملأ الشروط
فتبا لكل هذا
ايها الطفل
قل الان؟
لماذا ؟
لم تدافع انت؟
لا تقل لي انك طفل
فكلنا اطفال
فما عاد هناك
في بلدنا رجال
ديسمبر 2008

Thursday, December 20, 2007

تم بحمد الله مسح المدونات

Photobucket
تم بحمد الله مسح
مدونة العربي
و مدونة اشعارنا
وان شاء الله كل المواضيع والاشعار هتتكتب هنا بعد كده ...وانسوا حكاية التخصص دي
طبعا انا عملت كده توفيرا للمجهود بتاعكم وبتاعي بارضه
وكمان لان الاشعار مظلومه لوحدها
فوجودها هنا هيسهل للناس انها تشوفها
وبالنسبه للمقالات السياسيه هتتكتب هنا بارضه ان شاء الله
وكل سنه وانتم طيبين
بمناسبة
العيد
والكريسماس
والسنه الجديده
والامتحانات :D:D
وكل حاجه حلوه

Monday, December 17, 2007

بحبك يا سافله...حدث في مصر الملبوسه

في ليله من الف ليله وليله اللي الواحد بيعيشها في مصر
وقبل ما يدن الديك ببتاع خمستاشر ستاشر ساعه كده
وكان البدر ساطعا في ليلته ال 14
وكانت خيوط الشمس تغيب وكانها تتمسك بالسماء , لا تريد ان تتركها
ماكنش في تاكسي كالعاده راضي يقف
فكرت تفكير عبقري
وقومت راكب اتوبيس
ودفعت التذكره
وقعدت
وفي المحطه بتاعتي نزلت
(عادي يعني ايه اللي ممكن يكون حصل في الاتوبيس)
(1)
المهم اول ما نزلت
لاقيت طفلين تبدو عليهم علامات البراءه والسذاجه والطيبه
ميزيدش عمر كل واحد فيهم عن 12 سنه
واحد واخد غرزتين في وشه... وواحد حالق شعره زي احمد زكي في فيلم كابوريا
واحد كان في ايده مطوه بيلعب بيها ...والتاني ماسك سيجارة من بتوع ( بوب مارلي) وكنت معدي من جمبهم
روحت رامي عليهم ودني
( وما ادراك ما ودني)
وسمعت كده بالصدفه ( واخد بالك انت من بالصدفه دي) لطفل ابو مطوه بيكلم الطفل ابو سيجاره
بيقوله ايه يا عم" جيفا" اختصار ل"جيفارا" طبعا.. ما تروق كده وتفكك من الواد ابن ال(تيييييت) هو انت لازم كل واحد يشتمك تعمله عاهه مستديمه ..علي ايه يا عم ده عيل (بييييييب) ميستاهلش انك تبوظ الدماغ اللي انت عاملها
.............................
(2)
وانا ماشي
قابلت اتنين صحابي
من ايام المدرسه
كانت علاقتي بيهم متزيدش عن ايه يا مان عامل ايه ايه يا ريس عامل ايه ...
طب عايز حاجه ؟
لا سلام
،
يا نهار ابيض
ممدوح زيكا
رؤوف
ايه يا زيكا يابن ال(تييييت) انت فينك ياض ...
قلتله: انا كويس يابني الحمد لله ..انت عامل ايه
انا كويس....واحشني يابن ال(تيييييت) محدش بيسمع اخبار عنك ليه ياض يا ( تييت ) هه ؟ ..رد.
عاي بقي يا مان ..مشاغل
" وعلي راي الدكتور احمد خالد توفيق لما قال "
رد عليا رؤوف: بكلمه من تلت حروف ذات اصل اسكندراني تدل علي الاعتراض....ليه يعني انت اتعينت في الوزاره ..وحركة بالانف تدل علي الاعتراض
قلتله عادي بقي يا رؤوف عايزين نبقي نشوفك كده ...
خلاص اوك
عايز حاجه
سلام
.........................
وانا معدي في نفس اليوم الجميل المشرق ده
كنت معدي من جمب مدرسه ابتدائي
ووانا ماشي
"بالصدفه"
سمعت طفلين بيهزروا مع بعض
ولا يا احمد يا بتاع اسماء
ايه ياض يا مازن يا ( تييييت ) يا بتاع ميس الهام
يالا يا احمد يا ( تييييت ) ياللي امك ( تيييييت ) وابوك ( تييييييت ) يا ابن ال تيييييييييييييييييييييييييييت وكلمه اسكندرانيه من تلت حروف تدل علي الاعتراض
انا بارضه اللي امي ب( تيييييييييييييييت ) يابن الراجل ال( تييييييييت) ياللي اختك ( تييييييت) وعيلتك كلهم ( تيييييت)
ياللا ياض روح لامك قولها تبقي ( تيييييت ) عشان انا مش ه( تيييييييييييت)
* طبعا كفاية كده انتوا اكيد فهمتوا كانوا بيقولوا لبعض ايه*
.....................
(3)
فنفس اليوم
لاقيت اتنين خارجين من الجامع وفنفس ذات الوقت واحده من اللي هم معديه
وكانت طريقة المعاكسه كالاتي:
يا شيخه حرام عليكي بقي داحنا لسه خارجين من الجامع
القمر بيصلي ؟
طب عايزين نصلي العشا مع بعض
خدي بس هقولك
ياللا مالكيش نصيب تاخدي حسنات النهارده
...........................
(4)
واحد صاحبي بيحكيلي:
ماشي انا وواحده زميلتي في الجامعه
لاقيت واحد معدي من جمبنا ومبحلق فيها وبيقولها
ايه يا موززه ..يخرب بيت حلاوتك
تنحت للدنيا كده
وقتله خد يا ض يا ابن ال( تييييت)
قاللي انت بتقول مين ياض يا (تييييت)
يعني هكون بكلم مين ياض يابن التييييييت هي مش ماشيع مع راجل ولا انا ابن ( تيييييت)
وطبعا انتوا عارفين الباقي
.............
(5)
كنت في يوم رايح لوالد زميلي ..فالمدرسه اللي بيشتغل فيها
وهي مدرسه .....الاعداديه الخاصه للبنات
ووانا داخل الباب
لاقيت واحد محترم كده بيقوللي
انت رايح فين يا كابتن
قلتله انا رايح لمستر محمود بتاع الانجليزي
قاللي طب استني انا هناديهولك
قتلته لا حضرتك متتعبش نفسك انا هعرف اوصله هو قاللي هو في فصل 3/5
قاللي طب اتفضل
وخللي بالك من نفسك
قلتله نعم
قاللي خش خش
دخلت
لقيت واحده بتوقفني بتقوللي :
انت رايح فين يا موزه
نعم
رايح فين
انا رايح لمستر محمود بتاع الانجليزي
الحقي يا بت يا مي في واحد عايز الاستاذ محمود
وضحكت كده ضحكه من بتوع هند رستم
وصحابها جايين يجروا كده يشوفوا في ايه
روحت واخد رجلي ومديت كده خطوتين
مشيت لحد ما قابت مدرسه بنت حلال كده
قالتلي انت بتعمل ايه هنا يابني
انا ..حضرتك رايح لمستر محمود بتاع الانج..
يوووه...هو يوم اين ستين (تيييت) من اوله
اتفضل اطلعله في مبني ب الدور التالت اخر فصل عالشمال
" هو استاذ محمود ده تاجر مخدرات ولا ايه"
وانا طالع لاستاذ محمود الفصل قابلت اتنين بنات بيتخانقوا
ياللا يا بت يا ( تييييييييت ) يا بنت التييييت ده انتي صحييح تيييت زي مامتك
" يا خراشي"
انا بارضه يا سافله يت بتاعة استاذ محمود
" يالهوي"
يالهوووووي
الله يخرب بيتك يا سامح انت ومستر محمود ابوك ده اللي هيودينا في داهيه
.......................
(6)
فيلم هي فوضي
فيه كمية شتايم
وفيه مشهد اتنين ستات في السجن
صفوه وواحده تانيه
بيتخانقوا
وفوسط ما هما بيضربوا بعض لاسباب مش هقولها لانها لوحدها منيله بنيله
بتقولها
ده انا هطلع ( تيييييييت ) امك
وطبعا مش محتاجه مفهوميه
بالاضافه الي ان كل مشهد ممن مشاهد الفيلم اللي فعلا عجبني جدا
كان فيه شتيمه حتي المشاهد العاديه اللي مفهاش احداث تخص مشكلة الفيلم الرئيسيه
........***************................
الخلاصه
.......***************.................
ان قلة الادب في مصر دي حاجه طبيعيه
وبالعكس دي بقت في بعض الاحيان ...دليل علي الحب
* راجع الفصل رقم(2) بتاع رؤوف
..
انا مش ضد ان كل واحد يكون عنده حرية في الكلام
بالعكس
دي حاجه كويسه وتطور مفيد جدا لحرية التعبير
بس في الفاظ معينه بتجرح الحياء العام
هي دي اللي انا معترض عليها
ومعترض عليها جدا
لانها طبعا مضره بالذوق العام
ولان احنا لسه موصلناش لسه لدرجة الحرية اللي تخللي كل واحد يقول اي حاجه من غير ما يتفهم غلط
او " يتعلم عليه" بمعن اصح
وهتستغربوا جدا لما تعرفوا اني شايف ان دي مش غلط
اقصد هنا الجراه في الكلام...مش الافلاظ المعينه اللي انا شاورت عليها بكلمة ( تييييت) والمقصود بيها
ان في الافلام او الاغاني اللي فيها الفاظ من دي
بيقطعوا فيها الصوت
وبيعملوا صوت جرس خفيف كده
وعشان ابقي قولت اللي ليا واللي عليا
افتكر ان فيه حديث عن الرسول صلي الله عليه وسلم " فيما معنا" انه يوم القيامه
سياتي رجل بصلاة وبصوم وياتي وقد سب هذا وسرق هذا وصفك دم هذا ..فياخذ هذا من حسناته وهذا من حسناته
وطبعا مش هتنفع ساعتها الصلاه ولا الصوم ولا الحاجات التانيه
لان المعاملات في الاسلام مهمه جدا
...
انا عايز اقول اني مش هكدب عليكوا واستثني نفسي واقول اني مبعملش كده
لان ده في حد ذاته يعتبر نفاق
لكن علي الاقل الواحد بيعمل الغلط وهو عارف انه غلط
او علي الاقل الواحد مبيوصلش لدرجة الطفلين اللي بيتخانقوا او البنات اللي بتسب الدين لبعض في الشارع
لكن اكيد.... طريقة الكلام دي
عاده مصريه اصيله متاصله من زمن الفراعنه لحد دلوقت
وده اكيد ملموس وموجود وكلنا عارفينه وحاسينه
في كل الكبقات مش هنخص طبقه معينه
لا
دي حاجه كده زي سلامو عليكو
سلاو عليكو

Friday, December 14, 2007

عبد الحليم والمعجزات

Photo Sharing and Video Hosting at Photobucket
اليومين دول هافف عليا الحاج عبد الحليم حافظ الله يرحمه ..عشان بمر بحالة قولون وبحب علي روحي كل يوم
عبد الحليم حافظ واحد من الناس اللي زمان ركبوا الموجه
بس ركبها صح
ولا انسي طبعا من ركبوا الموجه واتفضحوا زي عبد الوهاب الله يرحمه
المهم
عبدالحليم حافظ ...الله يرحمه ويبشبش الطوبه اللي تحت راسه ( نفسي اعرف يعني ايه) قدر يكسب الجمهور بطريقه غريبه
مش لان صوته هو احلي صوت سمعته في حياتي
او لان الحانه هي تعتبر اعظم الحان في تاريخ الموسيقي ( من وجهة نظري الغير متواضعه خالص) ولا لان الموسيقي كانت بتخدر الناس وهي قاعده بتتسلطن مع كل ما سبق بالاضافه الي الحشيش والخمره والاصطباحات والقعده الحلوه .
لكن لان عبدالحليم عرف يركب الموجه صح
بمعني انه غني للحب في وقت ما الناس بدات تمل وتزهق من ام كلثوم وعبدالوهاب ( ومحدش يحدف طوب) بمعني ان عبد الحليم حافظ كان هو التغيير بتاع الموسيقي والنقله اللي نقلت الناس من زمن عبد الوهاب وام كلثوم الي نجم الاغنيه الشبابيه عبد الحليم حافظ
اي والله
يعني في شبابه لما كان بيغني اغانيه الاولي
كان بيغنيها بالحان شبابيه ( بالنسبه للوقت ده ) وفجاة وهم مش واخدين بالهم ...
قامت الثوره
( انا لا اعرف لماذا قمنا بثوره ... انا كنت في الحمام ساعتها )
وكان لازم عبده يركب الموجه ويراكب المراكب السايره..ويغني للثوره
وغني عبدالحليم ...انجح وافضل ما غني للثوره في هذا الوقت.
وفوسط ما هم مش واخدين بالهم لسه
قام العدوان الثلاثي
غني للعدوان الثلاثي
وحط في النص ...التاميم .. والسد العالي
( في ملحمه غنائيه قوقعيه رائعه اسمها)
" حكاية شعب"
بتاعة ..: راح علي البنك اللي بيساعد ويدي ...قاله حااااااسب . هنا مش باركينج
وهي حكاية حرب وتار ..بيننا وبين الاستعمار
ويا سلام عليك يا عبدالحليم لما النكسه جت
وغنتلنا عدي النهار
عدي النهار ..والمغربيه جايه تتخفي ورا ضهر الشجر
اللي هي بتاعة الابنودي طبعا عمنا وعم الناس
لما بيقول
تحلم ببكرة .. و اللي حيجيبه معاه
تنده عليه في الضلمة و بتسمع نداه
تحلم ببكرة .. و اللي حيجيبه معاه
تنده عليه في الضلمة و بتسمع نداه
ومش فاهم لسه ايه علاقة الضلمه بالصوت ..مع احترامنا لعمي وحبيب قلبي من جوه ومن بره الابنودي
وكذا دواليك دواليك...الخ الي اخر ما غني قبل ما ينتقل الي رحمة الله
ولا يمكن ننسي اغاني عبد الحليم الوطنيه ايام حرب 73 و اغاني الانتفاضه
اللي الناس لو سمعتها دلوقت ... هتنط بعد بكره في فلسطين علشان تحارب
فعلا كل الشواهد بتقول انه ركب الموجه زي ما هو عايز وبدون ابتذال وهفلطه
ده غير ان غني ديني كمان
متفهمش ربنا تاب عليه كام يوم
عمل كام اغنيه تخللي الواحد يتوب عن البيبسي كولا ذات نفسها
وبعدين الراجل غني لكل حاجه في الحب
غني للي بيحب وللي لسه هيحب وللي مبيحبش وللي مش عارف يحب
وغني قصائد جامده اخر مقاس
زي طبعا قارئة الفنجان ...دي حاجه كده من ابو اخر او ( اخر حاجه) زي ما بتقول البنات
ومين بقي ينسي معجزات عبد الحليم في الغنا
لان عبد الحليم حافظ هو المطرب الوحيد
اللي تنفس تحت الماء .( لا مركب خياشيم يا واد)..بس بعد كده ملحقش يمسك نفسه وانه يغرق يغرق يغرق
وهو بارضه اللي مسك الهوا بايديه ( بطل كدب بقي) ال ماسك الهوا ال
وطبعا غيرهم وغيرهم
in other words
النجاح والشهره والشعبيه مش بييجوا للفنان عن طريق موهبته او موهبة اللي بيشتغلوا معاه لكن بييجي لما تعرف الناس قد ايه هو حاسس بيهم وبيحسوا بيه لما يبقي كانه واحد منهم سواء في افلامه او في اغانيه
يعني بالنسبه لعبدالحليم ...انا في رايي الشخصي (الغير متواضع خالص بارضه ) ( وبلا اي فخر ابدا ) نجاحه كان لانه
بيغني للناس ... مش بيغني عليهم .. وسلملي علي عمرو دياب

Monday, December 3, 2007

في الاغاني

الاغاني .. حرام ..او مش حرام مش هتفرق
المهم اني بحب اسمع الاغاني
وعلي حسب الموود
بمعني
اني ساعات بتبقي طالبه معايا اسمع ام كلثوم وعبد الحليم ونجاة
وساعات تانيه ببقي هموت واسمع
eminem
50 cent
bep
fergie
sean paul
will smith
تناقض غريب بيحصلي في حكاية الاغاني دي
بمعني اني بحب محمد منير وعلي عكس معظم المنايريه ..بحب عمرو دياب وعاصي الحلاني وخالد سليم
ساعات ببقي عايز اسمع تامر او جنات
او جايز
انغام وشيرين وعايده الايوبي وحنان ماضي
بس كل الناس بتختلف معايا في اني بحب جاد شويري
اه بحب جاد شويري
بيعجبني الشو اللي بيعمله ..وستيله في الاغانيه
وساعات كتير جدا بحب اسمع
روك
evancense
& linkin park & green day & korn & creed & pink
وساعات الموود بيتقلب مره واحده واسمع اغاني كلاسيك اجنبي يعني
dean martin , george michel , elton john
وبحب اسمع بارضه
bryan adams , scorpion ,eagles , outlanidsh , blue
يعني وداني جايبه كل الدنيا
بكل انواع المزيكا اللي فيها
وكله حسب الموود
بس في اغاني كده الواحد بيحب يسمعها في موود معين
معرفش اسمه ايه
بس مثلا اغنية
ان مقدرتش تضحك...اللي غناها احمد زكي الله يرحمه في فيلم هيستريا
وغناها بارضه وجيه عزيز
عارفينها ؟
ان مقدرتش تضحك ..متدمعش ولا تبكيش .. وان مفضلش معاك غير قلبك اوعي تخاف .. مش هتموت هتعيش
وان سالوك الناس عن ضي جوه عيونك بيلمعش
متخبيش
قوللهم العيب مش فيا .. ده العيب في الضي
وانا مش عاشق ضلمه .. ولا زعلت الضي
مسير الضي لوحده هيلمع
ومسير الضحك لوحده هيطلع
مبيجرحش
ولا ياذيش
..........
كلام الاغنيه دي بيخليني مش عارف فعلا ايه هي حالتي...مش عارف ببقي زعلان ولا فرحان وانا بسمع الاغنيه دي
الاغنيه دي بالذات مش عارف ايه هو الموود بتاعها
لكن بحب اسمعها دايما
..
بارضه في اغنيه لوجيه عزيز
بتقول
ادن يا ديك... كمان شويه
الضلمه ليك ... والفجر ليا
والدمعه راحت .. الضحكه جايه
والحزن نشن ... ماجتش فيا
وهكذا ...بيعد يفرحني لحد اخر الاغنيه ..ويديني الامل
في كمان اغنيه ...لفيلم الجزيرة ..( فيلم احمد السقا الجديد ) معرفش ايه اسم الاغنيه بس عجبتني كلماتها
احم احم ..اسمع يا سيدي
احلامنا لسه بكر
ودموعنا بتجري نهر
والليل طويل اهات وويل ... مش باينله فجر
تحسي الاهات ..حبيبتي
وانتي عني بعيده
سهران جيتاري .يغني
اغاني جديده
حنيني وشوقي خوفني .
عيون الناس تكتفني
والبعد طعم مر
وبعدين بيعيد الكوبليه الاولاني
....
في اغاني كتير مميزه
بس دول انا بحب اسمعهم من وقت للتاني
وزيهم كتير
في النهايه ...انا ميهمنيش مين بيغني ..او نوع الغنا اللي بيغنيه ..
طالما الاغنيه حلوه ...هسمعها ..مش هيهمني هو مين او هو ايه

Friday, November 30, 2007

صوره وذكري

مجموعة الصور دي ..انا جايبها..لاني مش لاقي موضوع احطه وانا عايز احط مواضيع بس مش لاقي حاجه اكتبها

ودي مراحل مختلفه في اماكن وازمنه مختلفه او في اماكن وازمنه واحده مش هتفرق

المهم انها حاله...ساعات مبسوط..وساعات الحاله تشتغل وابقي مجنون ..او ابقي كئيب وممل..

Photo Sharing and Video Hosting at Photobucket


الحرام مبيدومش يا ساحلي

Photo Sharing and Video Hosting at Photobucket

انا تالت واحد من ناحية الشمال...قبل ماتش الاهلي والاتحاد في اسكندريه الاخير بتاع يوم الاربع اللي فات

Photo Sharing and Video Hosting at Photobucket
دي بقي صوره من تصويري ..للغروب في الازهر
Photo Sharing and Video Hosting at Photobucket

دي بقي في الازهر بارك...والقميص الاسود ده ..بيفكرني بايام سودا عشتها السنه اللي فاتت ..ياللا .اللهم اجعله خير
Photo Sharing and Video Hosting at Photobucket
احلي حاجه في الصور اللي بتصورها ..ان وشي مبيبقاش باين فيها :D
Photo Sharing and Video Hosting at Photobucket
بكار بيفكرني بحاجات كتير اوي
رغم اني من صغري بكره كارتون بكار...لكن اول ما بشوف صورة بكار
بفتكر بسرعه صوت محمد منير وهو بيغني اغنية بكار
بتفكر جنوب مصر اللي بيتمحي من تاريخ مصر
بفتكر عنصرية المصريين ضد السمر
بفتكر غباء مني ابو النصر الله يرحمها ..في تحجيم شخصية الطفل المصري في ابن الجنوب فقط وقتل باقية الطوائف والفئات
فين الوش الصعيدي الرجولي الجذاب والنسائي الطيب...فين الوش الفلاح الابيضاني ابو عيون خضرا...فين الساحلي ...فين ابن القاهره القمحاوي
Photo Sharing and Video Hosting at Photobucket

احلي قطه في الدنيا ...قطتي
Photo Sharing and Video Hosting at Photobucket
كل ما تكبر تحلي ... وتصير احلي واحلي
Photo Sharing and Video Hosting at Photobucket
ده بقي "حاجي" اخويا الكبير وهو عامل نفسه ايمينم
Photo Sharing and Video Hosting at Photobucket
بفكر ارمي نفسي واخلص بقاااااااا...:D:D
Photo Sharing and Video Hosting at Photobucket
دي بقا بعد ما شيلت الصبغه الخضرا...ولقيت نفسي رجعت تاني من الفضاء
Photo Sharing and Video Hosting at Photobucket
في الصوره دي بحس .. اني كائن مائي ..كنت عايش في البسين اللي كنت فيه ده .. ومره واحده خرجت علي كوكب الارض
Photo Sharing and Video Hosting at Photobucket
الغردقه وهدوء الغردقه وجو الغردقه وجمال الغردقه
Photo Sharing and Video Hosting at Photobucket
الغردقه بارضه الجزء التاني :D
Photo Sharing and Video Hosting at Photobucket
يا نورس يا ابيض..يا ابو قلب ابيض .بحب البشر وبالخير بينبض.سحاب الشرور مكتف جناحك.. ودمع البحور مزود جراحك
الله عليك يا كينج
انا اللي صورتها بارضه
Photo Sharing and Video Hosting at Photobucket
انا اللي صورت الصوره دي
لمركب في الغردقه بارضه
واحب اقول ان الصوره دي اخدتها الساعه 10.30 الصبح
Photo Sharing and Video Hosting at Photobucket
يا لذيذ يا رايق
Photo Sharing and Video Hosting at Photobucket
يحدثكم من داخل ارض استاد الاسكندريه ..انا
Photo Sharing and Video Hosting at Photobucket
ترقص ...ارقص...غصب عني ارقص

Thursday, November 22, 2007

22/11/1989 - to - 29/11/2006

wednesday 22/11/2006 ....
i remember that day ..your bd party ...when u told me that u will never forget me ..and asked if i will remember u one year later ..........when u said that u will love me forever and wish that i do too ..and asked me .. if i will still love you one year later
wednesday 29/11/2006 .... the day u left me ....
the day u die ....
NOW IT'S ONE YEAR LATER
and ...
TODAY is thursday 22/11/2007 and i still remember u .... as u asked ... and i still love you ...and i will do forever as u wished .... so happy birth day baby
hope you r enjoing your paradise .... wish that god put his merci in your lovely soul ..
oh my...... u don't know how much i miss you ....how much i wanna see u ...once again
just one more time
one more look at your eyes
one more minute in your arms
one minute to hear your voice again ....
oh it has been along time ....very long ,hard time for me.....
actually i didn't expect that things gonna be like this ..... i didn't even imagin it
but ..now ...it's true..and i should face it..
it's god willing ....
so please lord...

let merci go ... and wash away all her saints ....let her be happy in your heavens .....
...oh ...rana ... i remember

Tuesday, November 13, 2007

the old man story

An old man lived on a farm in the mountains of eastern Kentucky with his young grandson. Each morning Grandpa was up early sitting at the kitchen table reading his Qur'an. His grandson wanted to be just like him and tried to imitate him in every way he could.
One day the grandson asked, 'Grandpa! I try to read the Qur'an just like you but I don't understand it, and what I do understand I forget as soon as I close the book. What good does reading the Qur'an do?'The Grandfather quietly turned from putting coal in the stove and replied, 'Take this coal basket down to the river and bring me back a basket of water.' The boy did as he was told, but all the water leaked out before he got back to the house. The grandfather laughed and said, 'you'll have to move a little faster next time,' and sent him back to the river with the basket to try again. This time the boy ran faster, but again the basket was empty before he returned home. Out of breath, he told his grandfather that it was impossible to carry water in a basket, and he went to get a bucket instead. The old man said, 'I don't want a bucket of water; I want a basket of water. You're just not trying hard enough,' and he went out the door to watch the boy try again.At this point, the boy knew it was impossible, but he wanted to show his grandfather that even if he ran as fast as he could, the water would leak out before he got back to the house. The boy again dipped the basket into river and ran hard, but when he reached his grandfather the basket was again empty. Out of breath, he said, 'See Grandpa, it'suseless!''So you think it is useless?' The old man said, 'Look at the basket.'The boy looked at the basket and for the first time realized that the basket was different. It had been transformed from a dirty old coal basket and was now clean, inside and out.'Son, that's what happens when you read the Qur'an. You might not understand or remember everything, but when you read it, you will be changed, inside and out. That is the work of Allah in our lives.'

Tuesday, November 6, 2007

في معقل الدراويش...حدث بالفعل

انا رايح الماتش بكره ..تيجي
اكيد ...راشق ...بس هنروح ازاي
اتوبيسات تبع النادي الاهلي
خلاص .معاك احجزلي .هي بكام؟
20 جنيه علشان سوق سودا..هي اصلا ب8 جنيه
طب قشطه معااااااااااك
*********************************
هكذا بدات الرحله الطويله الي الاسماعيليه الجميله..في زيارة خطيره وغير امنه لمشاهدة مباراة الاهلي والاسماعيلي في استاد الاسماعيليه او بمعني اصح( مركز شباب الاسماعيليه) لان امن الاستاد وشكله وتنظيمه مش مبشر ابدا
الاول روحنا عند النادي الاهلي في الجزيره وركبنا الاتوبيسات وتوكلنا علي الله
طول السكه كان الجو جميل وهادي والحياه حلوه
وتبدا المغامرات عند دخول منطقة( الكارته)
رمونا بتاع ساعه كده في حته في الصحرا قال ايه علشان يامنوا الطريق
ده علي اساس اننا داخلين اسرائيل
المهم
دخلنا الاسماعيليه
ان ان اااااااااان بررم
*************
انا كنت فاكر ان القاهره فيها نسبة جهل كبيره
وفعلا القاهره والجيزه فيهم نسبة تخلف اكبر من خورم الاوزون
بس الاسماعيليه هي مدينة التخلف
او بمعني اصح
عاصمة التخلف
الناس العاديه في الشارع واحنا في طريقنا للاستاد
ستات وولاد ورجاله وبنات وكل الحاجات
بيشتموا وبيشاوروا باديهم وبيشتموا وبيحدفوا علينا طوب
الطويل حدف والقصير حدف والمحجبه شتمت والمش محجبه شتمت وحاجه اخر حلاوه
الستات الكبار بيشاوروا باديهم والعواجيز بيجروا ورا العربيات بالعصيان
يعني حاجه كده مصلحه للام بي سي اكشن
المهم نزلنا من الاتوبيسات وطبعا كان لازم نرد علي الاهانات والبلاوي اللي خدناها في السكه
نسيت اقول اننا كنا 11 عربيه مع كل عربيه عربية بوليس بالاضافه الي عربيتين امن مركزي من اللي واقفين قدام جامعة القاهره عندنا مع البعثه كلها
الامن عالرصيفين
الناس واقفه في البيوت بتعمل كل حاجه حلوه
رمي طوب تلاقي شتيمه تلاقي .رش ميه تلاقي...اشارات باليدين تلاقي
كلللللله تلاقي ...كل اللي قلبك يحبه
*******************
تفتيش ذاتي وعدم نظام في الدخول
ومفيش اي حاجه تقدر تدخلها سوي نفسك
كان ناقص ياخدوا الهدوم
يعني احتياجاتك وانت رايح استاد الاسماعيليه بعد كده هي كالتالي
1- ازايز مياه ...عشان تشرب في السكه ومش هيدخلوك بيها ..رغم ان اصلا مفيش مياه في الاستاد
2- ــ بامبرزــ علشان لو حبيت تعمل زي البني ادمين ...عشان مفيش اصلا حمامات ..تخيلوا استاد رياضي مفهوش حمام
غير ان اخوكم عنده قولون وبيدخل الحمام كتير...يعني كانت ليله ما يعلم بيها الا ربنا
3- اكل لو حبيت تاكل
4- اذا كان جمهور الاهلي بيشتم والاتراس اهلاوي اللي انا بقيت منهم بيشتموا وبيعملوا كل الحاجات اللي بيقولوا عليها وحشه دي
فاحب اوضح ان اسفل جمهور في مصر واكثرهم قلة ادب..هو جمهور الاسماعيليه المحترم
في الماتش ..اكيد زي ما كله شاف فرقه الاسماعيلي كانوا احسن بلا شك وكانوا الافضل ..وبرافو عليهم لعبوا ماتش كويس...الوحيد اللي لعبوه كده في الدوري..فقط عشان الحماس كان واخدهم قدام الاهلي ..يعني عادي ..هيتغلبوا من فرق الدروي كلها وييجوا يلعبوا قدامنا كويس
****************
طبعا مش مهم الماتش
بس كان عاجبني علم تونس اللي كان رافعه الطرابيش...اقصد البراطيش ..يوووه قصدي الدراويش والشتيمه اللي كانوا بيقولوها
اللي بتقول
يا ولاد المو** هنشجع تونس
اكمل انت بقي بما تراه مناسبا
المهم انهم قعدونا بعد الماتش من الساعه 7.15
للساعه 8.15
علشان يامنوا الطرق ويفضوا جمهور الاسماعيلي الاول
8.20 فتحولنا الابواب ...وطبعا بدون نظام وقعدنا لحد 8.35 علي بال ما عرفنا نخرج ونركب الاتوبيسات
واللي حصل كالاتي
اول 9 اتوبيسات بالاضافه لاتوبيس اللاعيبه ..اتضرب عليهم طوب
واتكسر منهم اللي اتكسر واللي نجي نجي
ولكن بما ان العبد لله نيته حلوه وصافيه زي اللبن الحليب
اخر اتوبيسين اللي انا كنت في واحد منهم الوحيدين اللي اتضرب عليهم طوب ومفيش حاجه اتكسرت ...
يعني انا فلت ولله الحمد
شوفتوا انا ربنا بيحبني اد ايه
...................................
سيظل العداء دائم بين جمهور الاهلي العظيم وجمهور الاسماعيلي الكبير ...طالما انهم بيقارنوا نفسهم بينا
وطبعا المقارنه غير مقبوله بين اسياد مصر وبين المانجويه
وتحيا مصر
كان معكم من استاد الاسماعيليه
ممدوح عبد الحميد
loool

Wednesday, October 24, 2007

حدث في مصر المفروسه ...1

ساعات الواحد بيمشي في الشارع مع نفسه ... المواصلات زحمة والتاكسيات مبتروحش امبابه ..ليه معرفش؟
يقوم الواحد بكل بساطه وبكل برود وبكل كل حاجه ياخدها مشي ..احسن وبدل وجع الدماغ والحر والزحمه
انا بعمل كده
وفليله من ذات الليالي ..وفي ارض الكيت كات المجيده
اكرمني الله عز وجل ..بسواق تاكسي ابن حرام مصفي
امبابه يا اسطي
بس هاخد 20 جنيه
نعم؟..ليه حضرتك يعني ..ده حتي النهارده الطريق فاضي
لا معلش والله انا بقولك الرقم ده من الاخر
لا يا اسطي ..اتفضل سكتك خضرا
........
ماهو انا مبحبش حد يستغلني
.......
بعديها بحوالي ربع ساعه وبعد حرق كام دقيقه من عمري وحرق صدري بكام سيجاره
بعث الله بتاكسي اخر من حيث لا احتسب
امبابه يا اسطي
ايوه ..هتدفع كام؟
لا اله الا الله......انت عايز تاخد كام يا اسطي؟
هاخد منك يا سيدي عشان شكلك واقف بقالك كتير25 جنيه ..وخليها عليا
بس يا اسطي ..انا بروح كل يوم من امبابه لجامعة القاهره ب 8 جنيه ولو الدنيا زحمه بدفع 10
لا والله يا برنس ..ده كان زمان
زمان ايه يا اسطي ..أنت هتستعبط...مانا روحت الجامعه النهارده
اتكل علي الله يا اسطي ..طريقك اخضر
........
ايه يا عم ..هو انا جاي من الهند
ولا هو الفيل اللي راكن تحت بيتكوا ده بتاعي
............
" ملحوظه "
الطريق بين الكيت كات وامبابه ...
حوالي اتنين تلاته كيلو وكلام بسيط
.................
وبعديها بساعه ...وبعد ما خلاص ..صدري اتحرق من السجاير ..وعيني وجعتني من البص في الساعه
ورجلي نملت من الوقفه وايدي واكلاني عايز اضرب حد وظابط المرور ماشلش عينه من عليا ( عرفت ليه بعد كده) والناس عماله تبص عليا كاني عامل عامله..او بيدوروا علي مشتبه به
او يمكن انا مثلت في التليفزيون وانا مش واخد بالي
.................
رزقني الله بتاكسي اخر...ياااه
امبابه يا اسطي
وحضرتك هتروح امبابه ليه؟
ساكن هناك بعد اذنك
لا مؤاخذه يا باشا ..مبروحش امبابه
..................
يا لهوي....هم لغوها يالهووووي
شالو بيتنا ...يالهوي انام فين انا النهرده
.................
لو مكنتش راجع من ماتش كوره ..كان زماني خدتها مشي
........
ان الله مع الصابرين
.........
وفجاه لقيت سواق تاكسي بيرمي عليا ..
شاورتله بسرعه
امبابه يا اسطي؟
اتفضل يا مان
يااااااه
اخيرا
( يا عنيا يا قلبي جرا ايه..الدنيا احلوت كده كده ليه)
( لما تلاقي الجد في ايده حفيده والناحيه التانيه السبحه في ايده ..يبقي انت اكيد اكيد في مصر)
يا اصحابي يا اهلي يا جيراني ..انا عايز اخدكوا في احضاني
...........
غريبه..الراجل متكلمش في فلوس
يلا كويس
بالمناسبه
انا ماكنش في جيبي غير 25 جنيه
المهم
تليفوني رن
ودايما تليفوني بيرن في اوقات مش تمام
واحد صاحبي..كندي
hey man .wuss up?
yea puddy ..u too
وطبعا بقيت المكالمه متخصكوش
السواق اتلخبط وبصلي وفضل مركز معايا من اول المكالمه
لحد
alsalamo 3alykom
شوية وبصلي وركز معايا
في حاجه يا اسطي؟
هو النجم مصري؟
اه ان شاء الله..بتسال ليه؟
لا بسال بس
هو انت اي حد بيركب معاك بتساله علي جنسيته؟
لا اصلك شكلك مش من هنا
يمكن
شوية ...وجالي تليفون ..من المدام في لبنان
وعلي سبيل الفكاهه مش اكتر
بدات كلامي ..بكيف حالك؟...
ورميت كام كلمه لبناني كده في النص
علي سبيل الدعابه المنيله با رضه
السواق ابتسم ابتسامه مريبه
المهم
وصلنا امبابه ..بالسلامه
وانا بكل زوق طلعت حوالي 6 جنيه كنوع من المجامله لانه وقفلي
بص السواق باستغراب شديد
حضرتك ايه دول؟
فلوس يا اسطي.ايه مبتعرفش تعد
لا والله بس دول قليلين جدا
نعم يا اسطي؟ ده انا بروح الجامعه ب 8 جنيه..هو فيه ايه النهرده؟
معلش يا باشا ..انا هاخد 10 جنيه
اللهم اني لا اسالك رد القضاء ولكني اسالك اللطف فيه
ماشي يا اسطي
خد
;)
ومشيت وانا بفكر...ايه اللي خللي سواقين التاكسي عايزين يستغلوني كده
وحطيت النقط التاليه واسيكم انتوا تقولولي اي حاجه
1- صابغ شعري اخضر
2- يمكن عشان مسقط البنطلون( مظنش بارضه..الشباب كلهم بيلبسوا زيي)؟
3- ولا يمكن عشان لابس (جونتي) هاف ( لا لأأ ماظنش) ؟
4- ولا يمكن عشان حاطط سماعات في ودني وبسمع اغاني( طب وايه يعني ما كل الناس وصلها الاختراع ده ) ؟)
5- ولا يمكن لما اتكلمت انجليزي شكوا فيا
6- ولا يمكن لما رميت كلمتين لبناني( قالك ده عربي ولازم نضحك عليه) ؟
كل الحلول دي بتثبت حاجه واحده...ان السياح بيتقلبوا في مصر بلدنا
وواضح اني كنت سايح اليوم ده
والسؤال الوجيه بقي... ايه اللي يخللي سايح يروح امبابه ؟
يمكن علشان يشوف الاهرامات ولا برج القاهره ولا نفسه يشوف معبد الكرنك ولا ايييييييه
يا ايها السياح ..اياكم وان تزرووا القاهره..وان زرتم متجوش امبابه بالله عليكم
................
حاجه غريبه ..حاجه غريبه.. حاجه غريبه ..الليل ده كله كان امبارح بيزيدني حرمان وقسيه .اتغير لييييييييه اتغير ليييه
انا كده هيست
كفايه كده
واعيش واخد غيرها

Sunday, October 21, 2007

الشيشه والصيدليه

كان يا مكان , يا سعد يا اكرام , ما يحلا الكلام , الا بذكر النبي عليه الصلة والسلام
- عليه الصلاة والسلام-
في ارض مصر الحبيبه , في امبابه الحبيبه بالتحديد
كنت نازل اخد حقنة الفيتامين بتاعتي
من نوع
try(a) & try(B)
mix ben el etnen
وكل ما اروح صيدلية يقولي اسف مبنديش حقن
اكنها حقنة ماكس ولا حاجه
المهم
ماشي في ارض الله الواسعه والصيادله كلهم مبيدوش حقن وكلهم بيرتبوا الصيدلية ..
:@:@:@:@:@
اشمعنا دلوقت يعني
:@:@:@:@:@
انا عايز اخد الحقنه واخلص
:@:@:@:@:@
المهم اني لقيت يافطه مكتوب عليها صيدلية (( الراعي)) : قولت يارب يا مسهل :
وعلي باب الصيدلية لقيت واحد وواحده بيشربوا شيشه
انا قلت في نفسي ايه اللي مقعد دول قدام الصيدلية دي وبيشربوا شيشة ,
دخلت برجلي اليمين اعدت اتنحنح واقول احم احم
احم احم سلامو عليكو
يا جماعه
صوت التليفزيون شغال ( هاله سرحان مستضيفه عادل امام) يلا يا جماعه حد يرد عليا
لقيت الست اللي كانت بتشرب شيشه بره داخله بتتمشي كانها خارجه من الحمام
( يا خارجه من باب الحمام وكل خد عليه خوخه )
ايوه عايز حاجه ؟
( علي اساس يا فالحه اني كنت داخل بيتكوا بطلب حسنه )
هو حضرتك اللي هنا؟
اه
اؤمر
والله كنت عايز اخد حقنة تر
لا مبنديش حقن
طيب شكرا .... بقول حضرتك .
افندم
هو حضرتك الدكتوره اللي هنا
لا والله انا بشتغل مع الدكتور اللي اعد بره ده
اللي بيشرب شيشه ؟
اه فيه حاجه ؟
لا متشكر
سلامو عليكم
وعليكم السلام
.............................................................
الاول
الاتنين كانوا شايفني داخل الصيدلية ومحدش دخل ورايا ولا التفت لي لدرجه اني اتاكدت انهم مش تبع الصيدليه اصلا
ثم اني متوقعتش ان اللي شغالين في الصيدلية نفسهم يكونوا بيشربوا شيشه ..او علي الاقل مش قدام الصيدليه
هي قهوه ولا صيدلية
ثانيا
طريقة كلام الاخت اللي كانت واقفه ..طريقة واحده بتشتغل مع سواق ميكروباص..مع احترامي لسواقين الميكروباص يعني
ثالثا
انا لما بدخن قدام اي حد من صحابي او اي دكتور من اللي بتعالج عندهم للقولون او لضهري او اي حد بيقوللي ان السجاير مضره
وانا متاكد من كلامهم وبحاول ابطل
وباخدهم قدوه باعتبارهم اهل الذكر
(واسالوا اهل الذكر ان كنتم لا تعلمون)
انا عن نفسي علاقتي مع اي دكتور او صيدلي سواؤ كان صاحبي او مش صاحبي
بتبقي علاقة واحد مش فاهم اي حاجه في موضوع مع واحد فاهم كل حاجه في الموضوع
يعني باخد كلام الدككاتره ثقه
ومن هنا كانت الناس بتقول ان الدكاترة والصيادلة هم القدوه للبني ادمين عشان يحافظوا علي صحتهم
طب تخيلوا
بالله عليكم لتتخيلوا
تخيلوووووووووووووووا
صيدلي اعد معاه واحده وبيشربوا شيشه علي باب الصيدلية
لولا اني عارف ان فيه صيادله كتير هنا ولو قلت حاجه ممكن اخد طوب للصبح
كان زماني قلتكلام كبير
كلام كبير من الكلام اللي هو
:D

Friday, October 19, 2007

عيني وجعتني

حاول تقرا اللون اللي مكتوب بيه الكلام مش الكلمة نفسها
يعني مثلا اول كلمة من الشمال
تقراها
green
مش
yellow
وهكذا
Photo Sharing and Video Hosting at Photobucket


دي بتبقي حالتي لما بقرا الهيروغليفي اللي الناس بتكتبوا عالنت
يعني كلامي موجه لناس كتير اوي
منهم طبعا سخسوختي واخوها شادي شان
وناس كتيره اوي
بيحبوا يكتبوا بالطريقه اللي بتخلي عيني تحمر وتزرق ودماغي تصدع
ربنا ما يبتليكوا يارب
وان شاء الله بكره هييجي اليوم اللي عيني ودماغي هيرتاحوا والناس هتكتب يا اما عربي او انجليزي او ميكتبوش خالص
:):):)

Friday, October 12, 2007

breaking the habit

Linkin Park
Breaking the Habit
Memories consume
Like opening the wound
I’m picking me apart again
You all assume
I’m safe here in my room
(unless I try to start again)

I don’t want to be the one
The battles always choose
‘Cause inside I realize
That I’m the one confused

I don’t know what’s worth fighting for
Or why I have to scream
I don’t know why I instigate
And say what I don’t mean
I don’t know how I got this way
I know it’s not alright
So I’m
Breaking the habit
Tonight

Clutching my cure
I tightly lock the door
I try to catch my breath again
I hurt much more
Than anytime before
I had no options left again

I don’t want to be the one
The battles always choose
‘Cause inside I realize
That I’m the one confused

I don’t know what’s worth fighting for
Or why I have to scream
I don’t know why I instigate
And say what I don’t mean
I don’t know how I got this way
I know it’s not alright
So I’m
Breaking the habit
Tonight

I’ll paint it on the walls
‘Cause I’m the one at fault
I’ll never fight again
And this is how it ends

I don’t know what’s worth fighting for
Or why I have to scream
But now I have some clarity
To show you what I mean
I don’t know how I got this way
I’ll never be alright
So I’m
Breaking the habit
Breaking the habit
Tonight