Saturday, February 28, 2009

زيكا في بلاد العجائب + تحديث


تحديث
بناء علي تعليمات السيد المسؤل الاستاذ احمد سووووو ورغبات الانسه المبجله انجي قررنا نحن ممدوح ابن ابن عبد الحميد والملقب بزيكا القيام بعمل مونتاج صغير للبوست حيث يخلو الان من اية تلميحات خارجه ( من باب الحمام وكل خد عليه خوخه ) او شتايم او كل ما سبق
وهذا اقرار مني بذلك




اتفاجأت لما صحيت لقيت دونالد قاعد جمبي , عامل ايه يا دونالد واحشني , بدا دونالد يحكيلي عن حوار حصله وهو جايلي , ميكي ماوس عامل مشاكل جامده جدا , وكل يوم بيتخانق مع ميني وصوتهم بيوصل لاخر الشارع ده شئ عادي بس اللي استغربلوا دونالد ان بكار ماكنش عند ميني ولا حاجه , وانا اللي اكدت ده لان بكار كان معايا انا كنت قاعد انا وهو وسبيدر مان عند سندباد في الكهف بتاعه بنشرب شيشه , اذ فجاة الاقيلك ميني هي اللي جايالنا وده بارضه اللي انا اكدته لدونالد وعشان كده دونالد مسك ميكي ماوس وميني زعقلهم وقالهم ازاي صوتكم يعلا كده وازاي ميكي ماوس يفضح ميني بالشكل ده


المهم ميني في اخر الحوار اعترفت انها كانت ماشيه مع باتمان قبل ما تصاحب ميكي اصلها بتحب الوطاويط جدا ومن زمان كان نفسها تعرف وطواط لكن بعد ما الجوكر حط علي باتمان لما لقت ميكي ماوس قدامها الامر اختلف لانها بصراحه وهي مع باتمان كانت بتضرب هيروين هي وهيث ليدجر اللي هو الجوكر, قالت علي الاقل فار ومن توبي


وبعد الجواز المشاكل بانت بينهم اكتر


فرق طبعا بين باتمان وميكي ماوس , لكن اللي زعل جدا سوبر مان . وبصراحه بقي من حقه يزعل ازاي رافاييل بتاع سلاحف النينجا , يتخانق مع مايكل انجلو ويقولوا انه ما بيعرفش


هو اه مابيعرفش


بس بارضه مش كلمه تتقال لسلحفه يا جدعان


السلاحف ليها احترامها


الموضوع وصل لمد ايد , لكن الحمد لله المعلم رشدان اتدخل وحل الموقف بدل ما اتنين سلاحف يشدوا مع سوبر مان , وبحكم ان هو جد ميكي ماوس


راح شاخط لميكي ماوس و تيييييت وقاله : يعني ينفع يا ابن الفار .. تعمل كده مع مراتك وقدام مين قدام توم وجيري


بس الحقيقه الموقف اختلف كتير بعد ما بكار اتصالح مع سندباد , هم كانوا بيتخانقوا علي ذات الرداء الاحمر بس بصراحه بعد ما قلعت الرداء الاحمر ولبست الرداء الابيض كلهم سابوها ورجعوا تاني لسندريلا


خدوها من الملك اصلها بصراحه زعلت منه جامد لانه ضيع فردة الجزمه بتاعتها


ودي جزمه من عند الجنيه يعني جزمه اوريجينال


الكلام ده كله اثر في دونالد جدا


لدرجة انه قال انه هيلغي الحوار كله بسبب ان فريد كويمبي قافش مع الكلب اللي في توم جيري عشنا عاوز ابنه يطلع في حلقات زياده وفريد كويمبي مش عاوز , انا زعلت جدا علي زعل دونالد وعومت علي عومه لاني فعلا اتاثرت بالموقف , ماهو مش معقول يعني دونالد بعد ما يطلع تيييت في خناقة بكار وسندباد


يطلع كده من المولد بلا حمص


وانا كمان زعلت لاني طلعت من المولد بلا حمص


ذات الرداء الاحمر طلعت مش تمام وبصراحه ضحكت علينا كلنا خصوصا علي سندباد وعليا


خصوصا كمان ان اليس سافرت لبلاد العجائب وياريتك ما سافرتي يا اليس , رغم اني كنت عارف ان اليس هتطول في بلاد العجائب بس ماعرفش ايه اللي خلاني اتصرف كده رغم اني عارف ان اليس قبل ما تسافر جالها شد عضلي في مشكله بينها وبين بكار بسبب رشيده بس ان جيتو للحق


رشيده غلطانه ازاي يعني تقول قدام الناس ان اليس عاوزه تاخد منها لبن بالعافيه


حصلت ثورة وخناقه وزعيق وشتيمه وتييييت وناس بدات تتيييييت وتردح وحاجه اخر قلة ادب


بصراحه الموضوع ده كان محتاج كبير


ماهو اللي مالوش كبير يشتريله كبير


طلعنا كلنا علي غرندايزر عشان يحل الموضوع ده رفض بشده وزعق وصمم ان كونان هو اللي يحل المشكله لكن احنا مش بنحب كونان وطبعا كورومبو من ساعة لما اتجوز سحس وهو بقي اومليت


المهم اتجهنا كلنا علي مازنجر وقلناله اللي حصل بين ميكي ماوس وبين ميني


وكمان مشكله سندباد وبكار


ومشكلتي مع سندريلا


واخر حوار ليا مع اليس


وقلة ادب دونالد


ومشاكل بيني كده وبين باور رينجرز عشان خاطر التييييت اللي اسمهم سلاحف النينجا , ماهو مش معقوله يعني كابتن ماجد والراجل ضيف وكان جايب معاه عمر وبسام والفرقه كلها , يمشي وهو زعلان ويروح يحترف في البرازيل ويفهمني غلط مش عاوزين مشاكل بين الفرق يا جدعان


مازنجر قعدنا كلنا وشربنا حشيش ومعسل وشاي بحليب بربري , انا ماشربتش حشيش معاهم بس ميكي ماوس ما صدق ودخل هو وسندباد وبكار في كوباية وسبيدر مان والسلاحف وباور رينجرز شربوا تفاح


و آش قفش مع سابق ولاحق علي حوار حمضان لحد ما زيكا اطلق جملته الشهيره


لحد ما فجأه


.


..


...


....


.....


ايه ده .. مين اللي شال الغطا


ايه تيييت ام القرف ده


فين ام الغطا


يا جدعان مين شال الغطا يا جدعان


اكيد دونالد الوقح هو اللي عملها


تليفوني بيرن , تيت احا دي اليس


بتتصل من بلاد العجائب


هارد اشوفها عاوزه ايه




اعملي معاك شاي يا مازنجر

Thursday, February 19, 2009

تحيا مصر


حمد الله عالسلامه يا بطل
.........................
اغنية : محبوس يا طير الحق
كلمات عبد الرحمن الابنودي
غناء : فريق الاصدقاء
فيلم البرئ
احمد ذكي
اخراج : عاطف الطيب

محبوس ياطير الحق

قفصك حزين ولعين

قضبانه لا بتنطق

ولا تفهم المساجين

قضبانه لبتعرف

ولا تفهم الانسان

ولا الحديد ينزف

لو تنزف الاوطان

بين العتمة هنا

وبين النور هناك

حبسانى ويا الغنا

قضبان على شباك

زنزانتى لو أضيق

انا من ورا السجان

فى العتمة بتشعلق

حتى على الدخان

وأغنى بدموعى لضحكة الاوطان

وأغنى بدموعى لضحكة الأوطان

Tuesday, February 17, 2009

عودة اخطر رجل في العالم



تنويه

البت المشمشيه واضح انها اتقلبت في البلوج بتاعها

فامعرفش حصل ايه كده انا مش فاهم حاجه بس ادي لينك ليها

اهو

ده لينك جديد
كله يغير اللينك القديم
بصوا البروفايل اهو
ماحدش يسالني ايه اصلا اللي حصل
انا اصلا مش فاهم

Saturday, February 14, 2009

احلام اليقظه

ذهبت يوما في النوم
يوما من ايام شهر يناير
حيث كانت تمطر في الشتاء
وفي احدي تلك الليالي الممطره استلقيت في غرفتي المظلمه بحثا عن الهدوء والراحه ولعلها تكون ابدية
وعندما استيقظت
ما هذا كم الساعه ؟
يبدو اني نمت كثيرا
هل نمت اثني عشر ساعه , ربما نمت اكثر
استيقظت لاجد ابي يقسو علي الباب . لقد نسي المفاتيح
اخي ... كان عائدا هو الاخر من احدي رحلاته التي لا تنتهي
امي .. متي بدات تلك التجاعيد في الظهور علي وجهها ؟
تفاجات كثيرا .. يبدو اني نمت اكثر مما توقعت
تبا
لقد نمت كثيرا بالفعل
ان النتيجه تشير الي الرابع عشر من فبراير
انه العام 2009
ما الذي يحدث
لم اشعر بكل تلك السنين وهي تستبيح من غفلتي ما تشاء ان تستبيح
لم اشعر بتلك الفوضي التي باتت جزءا لا يتجزا من حياتي
كيف اصبحت ما انا عليه
حقا
لقد اصبحت اسوأ من اكثر كوابيسي سوءا
ما الذي حدث
لقد تغير العالم كثيرا
ما هذا .. هل ما زال حسني مبارك رئيسا
اعتقدت ان في 2005 ستتغير الامور
لم يتغير شيئا
ما الذي يحدث
هل انتخب جورج بوش ثانية . هل اصيب الامريكان بالغباء .. اليس هو هذا الرجل الذي لطالما لعنوه بعد11 سبتمبر
رئيسا اسود لامريكا ... لا مزاح
لا تمزح هل اصبح بطل فيلم المدمر حاكما لولاية كاليفورنيا
لا اصدق .. كل هذا التطاول علي المصريين في السعوديه
لا اصدق هذا العالم
انه يزداد سوءا
ساخلد للنوم
حقا ساخلد للنوم لا اعرف الي متي ولكن الي ان اعود تبقي كلمه
"
ان الثوره من دون رقص هي ثورة لا تستحق ان نحصل عليها
v
"

لساني انا بحلم لساني
مستني في شط الحريه
انا لسه صغير لساني
وببص علي الشط التاني
وسط شطوطي الفقريه
شط روحي شط جروحي
شط بيشطح فوق سطوحي
شط عن الازمه الحقيقيه
ازاي انا ساكت علي نفسي
ازاي ماقدرتش افكرلي
ماقدرتش احب
مالحقتش اصلي
ماقدرتش احافظ علي وقتي
مافهمتش حبك يا حبيبتي
انا لسه بفكر من يومها
في حبة حاجات
ازاي انا بحلم بيها تاني
يوم ما حضنتها
يوم ما باستني
يوم شفتها
يوم حستني
يوم قضينا الليل سوا
بعد العشا
لا قلنا لا عيب ولا حرام
والناس ما بتبطل كلام
قلة حيا قلة خشا
حيا ايه . يا بني ادمين
ده مجرد حلم
شاب مراهق عاشله يومين
من جوه الفيلم
اكشن . ضرب وطيخ وطاخ
حب وحزن . شجن وصراخ
وارجع من تاني لاحلامي
هارجع وهاقول نفس كلامي
لساني انا بحلم لساني
مستني علي الشط التاني
بحلم بيا وبيحلم بيها
حتي في حلمي بفكر فيها
لا مش قصدي يعني حبيبتي
اقصد خيبتي
صديقة عمري
مهما انا ببعد عنها
وبجري
ارجع تاني واحن اليها
انا شايف عيل مش قدي
اقصد شبهي
لأ مش شبهي
يمكن انا وانا لسه صغير
يمكن بحلم
بس ده حلم طويل وعريض
وانا اكبر حلم حلمته قصير
شايفه بيحلم بالفكره
شايفه بيضحك من بكره
شايفه بيعلب بالكوره
ولا الكوره بتلعب بيه
مش فارقه
طفله حزينه اوي ومكسوره
حبت مرة تقرب ليه
تلعب جمبه
تزق الكوره
خدت الصوره
وراحت جايبه باقي الفرقه
لعبوا يوميها يادوب ماتشين
كسب الاول 1 زيرو
بس مصيره
خسر في الاخر سته .. اتنين
ومن يوميها بتحلم بيه
لا مش اقصد يعني حبيبته
اقصد خيبته
اقصد حلمه الساكن
جوه قفص مقفول
اقصد بيت الشعر بيحكي
في المعقول والمش معقول
اقصد فكره كانت في دماغه
لما حكاها
الناس ضحكتله
اما صحيح عيل مسطول
لساني انا بحلم لساني
يخلص حلم
هييجي التاني
اما نسيت احكيلكوا حكايه
كان في مره ولد في روايه
لأ دي حكيتها
باين التانيه شكلي نسيتها
لما افكر راح احكيها
مانا مش هافضل مستنيها
هي هتيجي
من غير زن
لما هتيجي
هتيجي بفن

Monday, February 9, 2009

اي نصر هذا




كتب :

ممدوح عبد الحميد

د\ حسناء الجندي



الان وبعد انتهاء المجزره الاسرائيليه


بعد الصمت العربي المخجل


بعد التخاذل العالمي


بعد تظاهر الملايين في كل انحاء العالم تنديدا بما يحدث في غزه

بعد غلق معبر رفح



حان الوقت لنتحدث ووبكل صراحه وواقعيه وبعيدا عن اي عاطفة هوجاء قد تزيد الامور سوءا

حان الوقت لنفتح هذا الملف الممنوع فتحه




دائما ما طالعنا الاخ اسماعيل هنيه بتصريحات تذكرني وبشده بتلك التي كان بطلها الاول الصحاف في العراق منذ سنين ليست بالبعيده




وحان الوقت لان نسال الاخ اسماعيل هنيه وبكل ثقه

اي نصر تتحدث عنه

ان كنت تقصد انك افقدت العدو قدرته وتوازنه

فانت مخطئ تماما . لم تهتز شعره واحده من شعرات اسرائيل

لم يدين العالم اسرائيل


بالفعل توقف العدوان ولكن هذا ليس نتيجة لقوة حماس ولكن نتيجة لضغط دولي ادي في الاخر الي اظهار اسرائيل بصورة الملبي المحترم


لرغبات المجتمع الدولي


الاخ اسماعيل هنيه .. للاسف الشديد لم تنتصر فلسطين في تلك المعركه


المعركه التي راح ضحيتها


اكثر من الف فلسطيني ومثلهم من الجرحي والمصابين


ان عدم تحقيق العدو الصهيوني لطموحاته بالقضاء علي المقاومه لا يعد نصرا


هو مجرد ( مسالة وقت ) ليس الا


كما احب ان اقول دائما ( بيدي لا بيد عمرو ) كان اولي ان نسمع اخبار عن انتصار عسكري لحماس علي اسرائيل


اسرائيل ليست بالمرعبه عسكريا والدليل انتصار حسن نصر الله ورجالته ( ايوه رجالته ) علي الصهاينه وتحقيق ما يعد في علم النصر نصرا


لا تخرج وتشجب وتدين الحكومات العربيه والشعوبي العربيه , وانت مثلك مثل باقي الحكومات العربيه مزيفا للحقائق وهو اننا امام هزيمة نكراء


هزيمه للكرامه العربيه


الاف اللترات من الدماء المهدره في حمامات مستشفيات غزه ستشهد عليك يوم القيامه بانك كذبت وقلت ان هذا نصرا


عفوا عزيزي هذا ليس نصرا


كان لابد من صمت وتشجيع في موقف الحرب فوقت الحرب لن اسال عن اسباب فقط سادافع عن اخوتي في الله والوطن , اما بعد انتهاء المعركه فيجب ان يحاسب كل من اعلي اخطاءه


حاسبني انت اذن لانني لم اكن موجوده في غزه مشهرا سلاحي في وجه رجل صهيوني


واحاسبك انا علي خداعك وعلي تزييفك للواقع بعبارات براقه وبتصريحات ثورية جيفاريه للاسف لا تستحقها


في النهايه


انا اعرف مصيري بعد هذا المقال .. وهو القائمه السوداء عند احدهم ولكن اذا كان هذا الكلام قد يضعني عند بعض ضيقي الافق في قائمتهم السوداء فان لهذه القائمه السوداء اشرف لي من الف قائمة بيضاء احاسب فيها امام الله علي كذبي وتضليلي وصوتي العالي بدون حجه ودليل


ممدوح عبد الحميد

د \ حسنا الجندي

لرسالة الدكتوراه الخاصه ب د\ مريم عيسي جلال

حول اراء الشباب العربي فيما بعد مجزرة غزه