Tuesday, December 27, 2011

من مجموعة نصوص بعنوان - ضد الكسر


الوقفة في الشارع
البَص في عينين جميلة شابكها ايدها في ايد حبيبها
رؤية العصافير تمرجح ضحكها
لحظة ما صاحب السجن يسيبها
كل دي لحظات .. ببلاش بجد
بشرط
تدفع تمنها
وحدة
وحسرة
وانتظار .. للصدفة اللي هاتجيبها

Friday, December 23, 2011

ديسمبر

ديسمبر يأتي بالخطيئة

ويذهب بالكريسماس

كل عام

يطعم الأطفال حلوى مسممة

ثم يذهب ليعبث بهدايا سانتا كلوز ... وحده

Sunday, December 11, 2011

أغنية في رثاء الثورة

يالا حالا بالا بالا حيوا أبو الفصاد
النهردة الأربع عيده
والكلبش اللي في ايده
كان بسبب الاعتراض
يالا حالا بالا بالا حيوا أبو الفصاد

الشهيد مابقاش له قيمة
المظالم مستديمة
والبطل هايعيش بعاهة
أو بنص عين سليمة
ميت خساره ع الولاد
يالا حالا بالا بالا حيوا أبو الفصاد

يالا حالا بالا بالا قوموا صلّوا
كل ثاير داير حاير ع اللي حصلّه
فتّح عينك خاف على عينك واوعى تقولّه
زارع ثورة ودم وشهدا والخوف الحصاد
يالا حالا بالا بالا حيوا أبوالفصاد


مين اللي ثاير مين
مين اللي خاين مين
على حيطة الزنازين
يا حسرة الثوار
بلا طريق أو زاد
يالا حالا بالا بالا حيوا ابو الفصاد

ساقية بتطرح دم ولادها
والبقر بيدور
وقعت حبه في ايد مولانا
وفي ايد النسور
حبه قالوا دول م الصرب
وحبه من الموساد
جتكم نيله وستين نيله
حيّوا أبو الفصاد

Tuesday, November 29, 2011

أسطورة الدم

في العصر الحجري
رجل
أزعجته زوجته
في وجبة العشاء
فأطلق عصاه الغليظة على رأسها
فتدفّق الدم في السماء
صنع الأطفال
والمحاجر
ومكاتب البريد
وأشياء أخرى

روى دَم المرأة
كأس رجلين تشاركا المعصية
وقتل كل منهما الآخر
ابن ضال
قتل أمه لكشفها سر إدمانه
- هذا مبتذل حقّا -
ولكنه قتلها بالفعل
صديق .. تشاجر مع صديقه
في أمور الأمس
لا .. لم يقتل أحدهما الآخر
ولكن قتلت الذكرى بينهما

هناك نهر في أمريكا الشمالية يقول :
" أناس أصحاب بشرة بيضاء
قتلوا
جيراني ذوي البشرة الهندية الحمراء "
يقول النهر :
" لم أعد نهرا .أنا كيس دم كبير حقّا "

شاب تركه الله في منتصف الطريق إليه
علّق نفسه على المشنقة
ولم يسل دمه
ولكن .. عندما دخل عليه الله في غرفته في المساء
بكى الله
وجن جنونه
وظل يصرخ
ويضرب رأس الولد بهستيرية
فتلوّث ثوب الله الطاهر
من دم صاحبنا
ثم طهّر الله - بحبه الدائم - دم الرجل
بأن أسقى الأرض كلها
مرارة الدم
كان هذا في الأربيعنيات تقريبا .

كل هذا لم يزعج الرجل
في حقيقة الأمر
فقد سمع عن القتل في قصة سابقة
حيث روى له غراب ما
أن أخا قتل أخيه منذ زمن بعيد
وعلّمه الغراب كيف يدفن أخيه
ما أزعج الرجل حقا
أنه الان
وحده تماما .. على كوكب جيد الصنع
قليل المتعة
فقتل الغراب
أكله .. ثم نام
قرر أنه سينتظر الموت
من شرفة منزله
وينتظر أن ينتهي .. فينتهي هذا الكابوس

Saturday, November 26, 2011

صلاة من أجل جنكيز خان

كلب يتسول الذكرى .. ليلا
ونجوم تتساقط نهارا لتطفئ شمعة عيد الميلاد
وهواجس أخرى
تفرّق بيت المرء وشاحنته
بين أوراقه وأقراص المنوّم
بين ايمانه
وبين الحقيقة التي يريدها تتدلى على صدره
كابنة الجيران

أنا مثلا طفل مريض
ارتكبت ذنبا بالتلصص على جيراننا
لأتأكد من أن مصير المربّى الذي أرسلته أمي
سيذهب كاملا إلى ابنتهم

أنا مثلا
شيخ جليل , أو قل راهبا
وددت لو أستطيع أن أقبل إمرأة بعينها
وهي تأتي لي بفاكهة بعد العشاء
أو أدعوها إلى منزلي
كما يقول الأمريكيون
" لقضاء الليلة معي "


قال شاعر من قبل
" هي أشياء لا تشترى "

ولكن مع مرور الوقت
ومع اختلاف النظريات
تمكّن ليل عجوز من اختلاق قصة مثيرة
اقتنع بها الأغنياء
وامن بها الشعراء البؤساء

الذكرى للبيع .. والمزاد مفتوح لجميع الطرائف
وأعمدة النور
سلال القمامة
شاربي الخمر بشراهة
كارهي السجائر
وقليل من البشر الطبيعيين مثل
سوبر مان
وسانتا كلوز

آه سانتا .. أين انت
وأين المربّى
وأين الله

ألا يتجوّل ليلا ليرى أحوال السوبر ماركت القديم
ألا ينظر من ثقب الخفاء ليعلن
قسوة الظلام
ألا يعطس
اممم
هل يفضّل فريق معيّن في كرة القدم
هل يفضّل القهوة باللبن الصافي
اممم
كيف يرى في المساء ؟

الله
أه .. أين أنت يا الله
وأين سانتا
وأين وعود الضوء المنسجم على الكمانجة
أين التشيلو
وأين عازف التشيلو المخمور

الوجيعة خاوية على عروشها

عازف التشيلو
ربما ظهر على وجه سفينة متجهة إلى ايطاليا
لغسل القهر
وتنظيف الشوارع من المَني

أين العاهرات ؟
ها
أين العاهرات
قل لي
لماذا لم أقابل إحداهن حتى الان
أنا عجوز جدا يا رب
عمري تجاوز سن المراهقة
دعك مني
اتركني الان
ها أنا ذا
أملك الليل بطوله
للاستغفار
فقط
استغفر الله العظيم

Saturday, November 12, 2011

ذكريات تصلح للآخرين

خيالي متمكّن
ضرير متعجرف
أب مغرور
يشعر بالوحدة
يجبر أبناءه على خمس قبلات قبل النوم

هذا يحدث

يقتل آخر صديقه من أجل
عشرة جنيهات
ويقاتل صديق آخر على فتات الذكرى
تلهم بائعة الخبز روائي كلاسيكي
ويقحم القطار المسافر
في قضايا لا شأن له بها
ك فقر القرى المجاورة
وتزاحم النجوم على آخذ مكان في الصورة
وثرثرة السائق عن ذكرياته الفاسدة .
هذا يحدث

مثقف يتحدّث بعجرفة عن ريتسوس
موسيقي ناجح .. شاذ جنسيا
يجبر الآخرين على احترامه
قس جليل .. ينظر إلى وجه إمرأة
ويطيل التأمّل

هذا أيضا يحدث

لكن
أن يحب شاب فقير ابنة الملك أو رئيس الوزراء
لا
هذا لم يحدث من قبل
ستكون هذه قصتي التي سأبهر بها عالم الأدب
.

Thursday, October 27, 2011

مارلا عقل

هذا الفرح كاف يا رب
هذا الخبز كاف يا رب
أما عن هذا الدمّ
أعطيتنا الخبز بلا قرار
و الفرح بلا نشوة
أنا فقط أريد مارلا عقل و قليلا من الشوكولاتة الساخنة
أرجوك
انتظر قليلا
قبل أن تخلق الرجل ذو البدلة الفاخرة
الذي سيبيع لرجل رديء رصاصة بجنيهان
ستقتل مارلا قبل الصلاة بوقت كاف
فقط ..أقبّل رأسها
وسوف أفصّل بنفسي بدلة الرجل
من جلد مارلا الناعم

Friday, October 21, 2011

أنت

أنت
لا تحمل هم فراشة سيقتلها طفل قذر .
أنت
لا تحمل رهبة كاهن يخاف أن ينظر إلى مارلا بفضول مراهق .
أنت
لم تكن يوما جبلا عليه الانتظار حتى القيامة
جبل فقير
معاقب بمشاهدة الحمقى يتسلقونه بحثا عن السعادة
معاقب
فقط
لأنه قال : لا ..عفوا .. لا أستطيع .

بسنت

اليوم هو أسوأ أيام حياتي
قرروا استكمال العلاج الكيميائي
ل" بسنت "

يقف على قدمي صرصار
قديم كدمية باربي
ذباب يلتف حول ذراعي اليسرى .

بين ممر وشارع عمومي
أشعر بالأسفلت يحك ظهري
والريح يفتك بالفراغ بينهما

أعود إلى البيت
أنا لست خائف
ولكن الكذب رائع حقا
وأبي
يبدو أحمقا
عندما يقول لي ..أحسنت .

Friday, September 23, 2011

دَمْ .. بجد

حلو كده
بس لسه الصورة ناقصة
أيوه .. اخر واحد ناحية الشمال
من فضلك .. عوّر نفسك
وادبح القطة اللي في ايدك
... خلّيك واقعي
اشرب من دم صحابك
كمان بالمرة
من فضلكم كلكم
ابتسموا

Saturday, September 17, 2011

الإلياذة

هاحكيلك القصة الحقيقية ..







زمان
بوسايدون ( اله البحر ) بنته كانت حورية اسمها ثيتيس .. زوس ( كبير الالهة ) شافها بصراحة البنت طلعت من عينيه .. وهي حبته .. بس الأقدار قالتله ان الحورية دي هاتخلف عيّل عيل هايطلع أحسن من أبوه ..بصراحة .. الراجل قلق .. مارضيش يبقا هو الأب ده .. قام مجوزها لواحد تاني .. وبجاحة منه راح الفرح
هو ومراته .. هيرا (آلهة الجواز ) وشوية الهه كده من جبل الأوليمب

بوسيدن عملها وماعزمش الهة ( الشقاق ) بس الحرباية بنت الحرباية راحت الفرح رخامة .. وهناك .. رمت تفاحه في وسط الفرح ..
وكتبت عليها " إلى أحلى الحاضرات " .. طبعا الفرح كان فيه بنات كتير
هيرا .. الهة الجواز
وبنتها أثينا الهة الفكر
وأفروديت ألهة الحب
كل واحده فيهم اتخانقت مين اللي تستحق التفاحة .. كانوا هايمسكوا في بعض
لولا ولاد الحلال قالولهم يروحوا لواد حليوه .. راعي جبل اسمه باريس
شغال على جبل ايدا .. مش بعيد عن الفرح

باريس ده كان واد حليوه .. بيشتغل راعي غنم اه بس مهما كان ده بارضك ابن بريام ملك طروادة ومراته هيكوبا .. بس وهو صغير
عرّاف - الله يخربيتهم يا شيخ العرافين دول - قال لبريام .. ان هايجيلك عيل هايخرب عليك وعلى بلدك
قاموا سمعوا كلام العراف وسابوا الواد حتة لحمة حمرا على الجبل
ربنا كرمه براعي غنم فقير ربّاه
بس الواد ..ربنا كرمه ..وبقا اخر حلاوة
بقا .. فهلوي ..بيوقع النسوان ..والواد كبر وحب بنت اسمها اوينون واتجوزها وعاشوا زي السمن ع العسل

يوم الفرح لقا التلت نسوان المهاتيك جايينله بيتخانقوا ع التفاحة.. كل واحده فيهم قالتله هيت لك بطريقتها
عشان يقول ان التفاحة من حقها

هيرا ..قالتله هاديك السلطان والمال
أثينا ..قالتله هاخليك أعظم محارب وهاديك المجد الحربي
أفروديت ..قالتله هاجوّزك أحلى ست في الدنيا

عجبه الحل الأخراني .. - وعملها صاحبنا - .. اداها التفاحة ..

في نفس الوقت .. في أسبرطة .. ملك اسبرطة كان متجوز واحده اسمها ليدا .. وبارضك عجبت زوس وطلعت من عينيه ..
كان عندها من ملك اسبرطة واد وبنت بشر .. وجابت من زوس واد وبنت الهه

قامت مجوزه البنت البشرية لأجمانون ملك مسينا .. جابتله بلاوي يا عيني وطلعت عينه وخربت عليه
وجوزت البنت الالاهية .. " هيلين " وكات حلوه اوي ..لمينيلاوس

حوار هيلين ومينيلاوس ده كان حدوتة وحوار .. ملك أسبرطة راجل واعي ..قالك اللي هايتجوز البنت دي هايتعب معاها ... الناس هاتبصله في الجوازه وهايخربوا عليهم

فقام جاب كل اللي عايزين يتجوزوا هيلين وراح مقعّدهم قعدة عرب
وكل واحد فيهم حلف بشرف سيفه ..أن اللي هايتجوزها ..ماحدش من الباقيين ييجي جنبه
وبالعكس .. لو حد اتعرضلها ..هم كمان يدافعوا عنه .. ولو اتخطفت لا سمح الله .. كل الرجالة تتجمع عشان يجيبوا هيلين

هيلين اتجوزت مينيلاوس .. اللي بقا ملك اسبرطة .. وفي يوم زارهم أمير شاب من طرواده .. طبعا باريس .. أصل أفروديت لما خدت التفاحة ..قالتله انت ترجع لأهلك تقولهم يابا .. يامّا .. أنا ابنكوا .. ابن بطنكوا ..ماليش غيركوا .. وهم هايدولك اللي انت عاوزه
وفعلا ..راحلهم .. وقالهم انا عاوز أسافر اليونان أتفسح وأرفه عن نفسي
لما راح .. لقا الست اللي أفروديت بتقوله عليها
جمال ايه .. وشعر ايه وعيون ايه
حورية حورية ؟
أه حورية حورية .. هي
بس متجوزه الملك بنفسه .. بس ولا فرق معاه .. هو ده حوار يعني .. قام واخدها وهرب بيها ..
قليل الأصل باريس .. مش ابن أصول
تربية جبال .. وراعي غنم .. مش تربية ملوك

مينيلاوس أول ما عرف الخبر .. سخن وراح مكلّم كل الرجالة بتوع قعدة العرب
أجامنون واوديسيوس .. وأخيل ابن الحورية ثيتيس ( اللي كانت في الفرح ..فاكرين .. اللي الراجل مارضيش يبقا هوأبو أخيل راح مجوزها لواحد تاني وابو ثيتيس ماعزمش الهة الشقاق قامت جت ورمت التفاحة وانتوا عارفين بقا.. الدنيا أصلها ضيقة أوي )

أخيل ده حكاية .. مافيا لوحده ... الأقدار لما جت فرح أبوه وأمه .. قالتلهم ان ابنكوا .. هايحارب طروادة بحالها . هايدخل فيهم كلهم ويوقّع بدل الراجل عشرة .. وماحدش هايعرف يقف قصادة .. بس يا عيني هايموت على بابها

ثيتيس ( أم أخيل ) خافت وقلقت .. قلب الأم .. خافت عليه .. ابنها ..ضناها .. حاولت بكل الطرق تبعده عن الحرب .. راحت لنهر " ستيكس " المقدس .. النهر ده اللي يستحمى فيه .. ياخد مناعة ضد الموت ... هناك مسكت الواد من كعبه قام الواد خد البركه كلها
والمناعة ضد الموت .. ما عدا الحتة اللي فوق كعبه .الحتة اللي كانت ثيتيس ماسكاه منها .

الواد كبر وبقا نمره .. بقا بيروح لأجدعها رجاله في أسبرطة عشان يدربوه عالقتال .. .. أمه كانت خايفه عليه ..
خوفها وصلها انها تلبسه واحده وتخليه يشتغل مع وصيفات البلاط الملكي .

بس الملك الكبير .. أوديسيوس .. اللي اشتهر بالحداقة والمفهومية وانه بيفهمها وهي طايرة .. هرشه من اول نظرة . قام متنكرله هو كمان في دور بيّاع سرّيح على باب الله .. دخل يبيع أساور وحلقان وسلاسل .. وحط في وسطهم خنجر صغير .. أول ما أخيل شاف الخنجر .. كشف نفسه .. مسك الخنجر وقعد يرقص بيه رقصة الموت ..
أوديسيوس ماكدبش خبر .. وخده معاه في أخيل وهم رايحين طروادة عشان يجيبوا هيلين اللي اتخطفت ..

كده الرجالة كملت .. خدهم أجامنون وراح طروادة ..بس وهو في الطريق جات عاصفة مش متوقعة .. ورجعت السفن .. وكالعادة .. راحوا للعراف يستفتوه .. قالهم الالهة زعلانة منكوا .. لازم يا أجاممنون تقتل بنتك الكبيرة وتقدمها قربان للالهة ..قام بعت لمراته قالها هاتي البت الكبيرة وتعاليلي عند المعركة

بس - مش باقولكوا الدنيا ضيقة - البنت دي طلعت مين .. خطيبة أخيل
زعل وزعّق وقاله لأ .. كله الا خطيبتي .. بس الناس كدّرته وقالتله جرى ايه يا أخيل هاتبيع بلدك عشان واحده .. ما تغور
بس البنت العاقلة الرساية .. ست العقل
قالتلها : ماما .. انا اخترت الموت يا ماما .. خلاص ..انا راضية باللي قسمتهولي الألهة .. وكل اللي تجيبه الألهه كويس .. الألهه عاوزاني ياماما .. وأنا ماقدرش أكسر كلمتهم حياتي للبلد يا ماما .. هانعيش ونموت عشانها .. روحوا انتوا طروادة ومالكوش دعوة بيا "

وماتت البنيّة
والريح تخف .. والألف سفينة اللي رايحين بيها راحوا ناحية طروادة
وبدأت المعركة

تسع سنين يا ابن آدم وطروادة متحاصرة .. واليونانيين ماعرفوش يدخلوها ..

وكل ده بسبب هيلين .. هاقولك انا بقا هيلين دي ايه
م الاخر عشان مينيلاوس ماياخدش على خاطره مني ..
هيلين دي بنت مُلعب
حكايتها حكاية
دي زي ما قلتلك .. بنت زوس وليدا ..ومرات تونداريوس .. ملك اسبرطة .. ذات نفسه وأخت ديسكوري وكلوتمنسترا .. عيال مجدع واخر رجولة .. وأخيرا .. اتجوزها مينيلاوس زي ما حكلتك .. جابتله حتة عيلة اسمها هيرميوني .. ساعة ما حصل اللي حصل يوم ما اختطفت راحلها الواد الحليوة ..باريس ابن بريام وخدها معاه طروادة .. وخدت معاها دهب وكنوز ياما .. هي اللي ولعت الدنيا بين العيلتين .. أينعم هم غلطانين انهم جريوا ورا واحده
بس بارضه ..يعني .. الشرف
ورغم كل البلا اللي جابته للطرواديين .. بس بارضه ماهانتش عليهم .. وحبوها ..البت اصلها حلوه .. وركبوا دماغهم وقالوا للإغريق اللي عنده معزه يلمها .. والبنت عاوزه الواد ..ومالكوش نسوان عندنا
ومن جبروتها .. لما باريس مات .. دايفوبوس حاول يظبّطها .. وساعدت الاغرقيين انهم يدخلوا طروادة .. وأول ما دخلوا .. خانت دايفوبوس .. وسلّمته تسليم أهالي لمين ؟ .. لمينيلاوس

وأخرتها رجعت مع مينيلاوس بعد 8 سنين هنا وهناك .. وعاشت معاه في تبات ونبات .. وتوتة توتة ..مافرغتش الحدوتة
للحديث بقيّة

Saturday, August 6, 2011

مصادفة



كنا وحدنا نقسو على الخطوات في شارع مظلم

قلت لها : ألا يعيد الرب قوّتنا وعاداتنا وأيامنا والقدامى العائدون على الطريق
وأشلائنا التي فقدناها في حربنا مع السماء


قالت لي وهي تنفث دخان سيجارتها في وجهي في ملل :
عندك ميّه سخنة في الحمام ؟

Friday, August 5, 2011

بالنسبة لي

بالنسبالي :

إن أسوأ من غنى" أنا هويت " هي فيروز
وإن شايف البحر شو كبير من عبير نعمة أحسن كتير من فيروز
ولازم نتأكد إن أغنية ربك لما يريد مش حلوه
ولازم نعرف إن عمرو دياب بيهذي في آخر ألبوماته
وإن السود ..سود عشان ربنا خلقهم كده
وإن الرفيعين مش ضعاف
وان التخان مش أغبيا
وإن الدكاترة والمهندسين مش أكثر علما من المحاسبين والمحاميين
وإن الجيش مش هو اللي بيحمي مصر
وإن 6 ابريل مابياخدوش تمويل ولا تموين
وإن الشعرا مش مسهوكين
وإن الشيوعية مش معناها إني أبقا معفن
وإن الليبرالي ده مش حد مستهتر
وإن السلفي ده مش شرير بطبعه
وإن اللي بيديني حاجه ييجي ياخدها
وإن الملحدين غالبا .. دمهم تقيل وفاكرين نفسهم فاهمين كل حاجه ومتعاليين جدا
وإن المؤمنين غالبا فاكرين إنهم كده كده داخلين الجنة
وإن الزمالك مش هو أكبر مثال على مصر إنما هو أكبر نموذج لفشل مصر
إن الإخراج والفن عموما مش تضييع وقت ومستقبل
وإن الشغل حلو مهما كان تعبه ..لأن الفلوس شيء كويس
وإن الحب في الوقت ده كلام فارغ تماما
وإن الناس مش دايما بتظهر زي ما هم بيوروك من ولاء وانتماء وشرف

Tuesday, July 12, 2011

نظرية ولاد الوسخة

هم هم .. هم هم
نفس الأفكار

الأول كانوا حاطين صور مبارك على بروفايلاتهم ع الفيس بوك

وبعد كده صورة احمد شفيق

دلوقت حاطين صور الفنجري

وحاطين صور عصام شرف

رغم ان عصام شرف ده قالوا عليه ياللي حلفت في الميدان حكمك بس على الميدان وخدوها مع بعض على جميع البروفايلات

عصام شرف اللي كانوا عاملين عليه دايره حمرا وبيتريقوا عليه

ونفس الراجل اللي عمل تحية للشهدا اللوا الفنجري

اللي هم أصلا مش بيعتبروهم شهدا وكانوا بيسخروا من الصوره اللي الأخرون - حلوة الأخرون - حاطين فيها صورته وهو بيعظم للشهدا

دلوقت أول ما اتقلب ع الثورة بقا حلو .. وكلهم حاطين صورته

في البيان الأخير .. مش في البيانات اللي كان بيطلع فيها شكله طيب ومع الثورة وبيتعامل مع الثوار بألفاظ منتقاه

يا جماعه هم اللي كانوا نفسهم اللي في اس استفتاء ع الفيس بوك
بيعترضوا على الثوار

هم اللي بيختاروا عمر سليمان وأحمد شفيق في أي استفتاء للرئاسة

هم اللي كل شوية يقولوا لازم الداخلية تضرب الصيع دول

لازم البلطجيه يكسروهم .. هم مايجوش غير كده

لازم الجيش يضربهم ..دول بيستهبلوا

هم اللي قالوا علينا اننا بنفسي عجلة الانتاج في حين ان وزارة الداخلية ركبت عجلة الانتاج لما بطلنا تظاهرات وراحت جابت قنابل مسيلة للدموع من انتاج شهر مايو
بفلوس عجلة الانتاج اللي احنا خرمناها

هم اللي بيقولوا كفايه كده بقا عايزين البلد تستقر

نسبه كبيره منهم قالوا نعم في الدستور ( مش لأنهم مقتنعين ) ولكن لأنهم فاكرين ان ده هاكسر عين الثوار وخلاص يعني
مش لأي منطق سياسي يحترم من وجهة نظرهم

هم اللي قالولنا يوم موقعة الجمل ... كفاية كده مش عايزين البلد تقلب بفتنة

هم والله مش حد غيرهم

يا جماعه انا هنا مش باكلمكم على المجانين بتوع احنا أسفين يا مبارك ركّزوا شوية

أنا هنا باكلمكم على ولاد الوخه

ولاد الوسخه بتوع حزب الكنبة .. ولاد الوسخه بتوع الاستقرار .. ولاد الوسخه اللي حاطين صور اللواء المتعصب اسماعيل الفنجري

وبكره لو علاء الأسواني شتم الثورة هايحطوا صورته

وبعد بكره لو طلع وائل غنيم يقول كفايه كده ارجعوا هايحطوا صورته ويقولوا عليه مصري أصيل

ولاد الوسخه يا جدعان .. ولاد الوسخه .. مش قصدي حد تاني

ولاد الوسخه اللي بيقولوا ايه كفايه ماتسيبوا الناس تشتغل

ولاد الوسخه اللي بيقولوا البرادعي ده عميل وعايز البلد للشواذ وبنته متجوزه كافر

ولاد الوسخه اللي بيقولوا على البسطويسي مالوش فيها

ولاد الوسخه اللي بيقولوا على حمدين الصباحي بلدي

ولاد الوسخه اللي قاعدين ع الكنبه يا جدعان

ولاد الوسخه يا جدعان اللي بيتكلموا وهم مش فاهمين اي ابن كلب

ولاد الوسخه اللي قالوا الخروج عن الحاكم حرام فاحنا مش هاننزل عشان شيوخهم ولاد الوسخه قالوا كده وشيوخهم بيفهموا أكتر منهم

ولاد الوسخة اللي بيتكلموا في اي ابن وسخه من غير ما يعرفوا اي ابن وسخه

ولاد الوسخه اللي بيطلعوا في التلفزيون يلحسوا للحاكم .. الإعلاميين ولاد الوسخه

ولاد الوسخه اللي خروجه مع صاحباتهم أهم كتير من مصلحة البلد

ولاد الوسخه اللي جوزها أو أخوها أو أبوها أو ابنها ظابط في الداخلية ومش عاوزاه يفقد وظيفته وعاوزاه يفضل يتنطط ع الناس ..أومال هي متجوزاه ليه ؟؟

ولاد الوسخه اللي بيقولوا العيال اللي في التحرير دول موقفين حالنا

ولاد الوسخة اللي كانوا بيطَلعوا مصالح م الحزب الوطني وراحت المصلحه

ولاد الوسخه اللي لسه بيعرسّوا لنواب الحزب الوطني السابقين في الأحياء الشعبية

يا جدعان ولاد الوسخة يا جدعان

ولاد الوسخه اللي بيقولوا علينا ولاد وسخه

وهم أصلا ولاد وسخه

ولاد الوسخه اللي أحب أقولهم .. مش هانسيب الميدان يا ولاد الوسخه

مش هانسيب حقنا يا ولاد الوسخه

ولاد الوسخه اللي جمهور الزمالك قال عليهم .. مش ناسيين التحرير يا ولاد الوسخه

ولاد الوسخه اللي قال عليهم جمهور الأهلي .. مش هانمشي على مزاجك ارحمنا من طلة جنابك

ولاد الوسخه .. اللي لو قلتلهم خليكوا مع الثوره ..يقولك ايه احنا نبقا مع ولاد الوسخه ؟

وهم اللي أصلا ولاد وسخه

Saturday, June 25, 2011

التدوينة ال 24 متهيألي - السعودية

على فكرة مش عايز ابقا متحامل
بس والله فيه كتب تاريخ من وجهات نظر انجليزيه شبه محايده
بتعترف
أن قيام دولة اسرائيل كان مرتبط بقيام دولة آل سعود في شبه الجزيرة العربية
والعكس صحيح
انا ماعنديش ادنى مشكلة مع السعوديين ك أشخاص
لكن عندي كام مشكلة
مع التضامن المستمر للسعودية مع الفساد
ومشكله مع الملكية اللي مسيرها إلى زوال
وكمان مشكلة مع الفكر الوهابي برعاية آل سعود

وكمان مشكلة مع اتحاد جده عشان ماحترموش جوزيه :D:D

Friday, June 24, 2011

تدوينة كمان - يبليك ربي

حد عارف مين اللي كاتب الكلام ده ؟؟؟؟

أنهو شاعر .. فانهي عصر

وما كانت المناسبة

وما هو لون السيراميك المستخدم في البناء ؟

شكرا لصاحب هذه المدونة اللي انا قفشت منها اللينك وانا باسيرش

http://tagreba.wordpress.com/2006/12/04/%D8%A3%D9%88%D8%B1%D9%83%D8%B3%D8%AA%D8%B1%D8%A7-%D8%AF%D8%A7%D8%BA%D8%B1-%D9%88%D8%B9%D9%85%D8%B1%D8%A7%D9%86-2/



وماتنسوش تنزلوا اللينك اللي في آخر المدونة وتسمعوها
حاجه كده فشيخه يعني








يا من هواهُ أعزّه وأذلنـــــــــي
كيف السبيل إلى وصالك دُلني

حالـفتـني وحلفـــــــــــــــتَ لي
وحلفتَ بأنكَ لن تخونَ فخُـنتني


وحلفتَ أنك لا تميلُ مع الهوى
أين اليمينُ وأين ما عاهدتنـــي


ولأقعُدنّ على الطريقِ وأشتـــــكي
إني أنا المظلوم منك وأنت ظلمتني


ولأدعُونّ عليكَ في غسقِ الدُجى
يُبـليكَ ربي مثلما أبليــــــــــــتني

Wednesday, June 22, 2011

Monday, June 20, 2011

التدوينة ال 19 - كان لازم يعني




نصيحة مهمة جدا :
اللي تعرف ديته اقتله

ده مش تحريض ع القتل.. ده تحريض ع الحلول

لو عندك حل لمشكلة .. له أثار جانبية
مش مهم
يادوبك ... شكة دبوس

Sunday, June 19, 2011

التدوينة ال 18 - جزء من قصيدة


كل البنات
قطعوا مسافة طويلة
لحد روحي
وفضّلوا عليا الطريق

عيون بتسقط م النظر
وايدين بتندب ع الحقيقة
زرعة دايبة في نص بير ..
ومايمتلكش الصبح غير
وجهة نظر

وعينيا وقعت في البحر
ماقدرش اجاذف بالغرَق
ولا المراكبي كان هايتشعبط على كتاف السما
ويجيب عياط المغرمين
بالمشي نص الليل لحد عندك

Thursday, June 16, 2011

التدوينة ال 16 - الحرّيف






نجاح الموجي وهو بيعيّط بعد ما زق العربية هو وعادل امام

عادل امام وهو بيتكلم مع المومس ع السلم وفي وسط ماهي عمّاله ترغي يقولها
" أنا أمي ماتت "

عادل امام وهو بيطلع جنيهات لابوه اللي لسه بيشتكيله من تحت لتحت من انه ماعهوش فلوس

ابو عادل امام وهو بيقوله
" فارس , لما أموت ادفني في البلد "

عادل امام بعد ما نجاح الموجي نط عشان مايتمسكش
وهو بيبص على اسرة نجاح الموجي وهم مرعوبين
ويقوم قايل
" ملعون أبو الفقر "

Wednesday, June 15, 2011

التدوينة ال 15- جزء من قصيدة

كان نفسي بجد أحس الصمت في قلبي
و ف عز ما صمت الحارة بيلعن حظ الشارع
لحظة ما يخلى من ذنوب الأوليا
هانده لآدم وأسأله
يا هل ترى
طعم التفاّحه كان يستحق المعصية ؟

Monday, June 13, 2011

التدوينة ال 13 - عندي امتحان بكرة

ببساطة

A person that aged 30 years and wishes to purchase a pure endowment policy that will pay him l.e 1000 when he attains age 65

Find the Present Value (P.V)


وانا مال أمي ان شالله ما عنه عاش ولا شاف تأمين ولا مات ولا اتنيل على عينه

المهم يعني ان
x = 30 n 35 S = 10000

N.S.P or (P.V) = s.nEx
10000. 35E30


N.S.P = 10000 . D65
ـــــــــــــ


D30

وبتعوض من الجدول
10000 . ( REsult) = 1639.27


دي مش مسألة بتيجي في الامتحان
انما ايه بقا
يجي يطلع عين أهلك في الامتحان ويقولك

A man aged 65 is granted a pension of L.E 1500 A year for 5 years beginning at once ( لازم نعرف انها كده عاديه مش فورية ) and L.E 200 a year .. there after for the rest of his life .
If all payments on his survival ,
Find their Present Value

هنا لازم نخلي بالنا ان دول وثيقتين
مش وثيقه واحده
يبقا ايه

x = 65 R1 = 1500 N1 = 5
R2 = 200 N2 = 5

نلاحظ هنا يا جدعان ان الأولانية

Sunday, June 12, 2011

التدوينة ال 12 .. نادي القتال












You're not your job. You're not how much money you have in the bank. You're not the car you drive. You're not the contents of your wallet. You're not your fucking khakis. You're the all-singing, all-dancing crap of the world

Saturday, June 11, 2011

التدوينة ال11 - سورة يوسف - كل مشكله وحلها عند ربنا


كل ما تحس انك متضايق
وعندك هموم
اسمع أو إقرأ السورة دي
وشوف المصايب اللي كان فيها سيدنا يوسف
تقريبا دي السورة اللي بتحسسني اني سليم ومعافى ميه في الميه وأتخن مشكله عندي حلّها عند ربنا سهل أوي وهايحلها لوحده

حابب أجيبهالكوا بارضك بالصوت ده
http://www.youtube.com/watch?v=ZenPIv92XVM
صوت الشيخ محمد عمران
اللي عامل توشيح اسمه " فكم لله من لطف خفي " اللي بتقول
http://www.youtube.com/watch?v=ZenPIv92XVM
وكم لله من لطفٍ خفيٍّ يَدِقّ خَفَاهُ عَنْ فَهْمِ الذَّكِيِّ
وَكَمْ يُسْرٍ أَتَى مِنْ بَعْدِ عُسْرٍ فَفَرَّجَ كُرْبَة َ القَلْبِ الشَّجِيِّ
وكم أمرٍ تساءُ به صباحاً وَتَأْتِيْكَ المَسَرَّة ُ بالعَشِيِّ
إذا ضاقت بك الأحوال يوما فَثِقْ بالواحِدِ الفَرْدِ العَلِيِّ
تَشَفَّع بالنبيِ فكُلِ عبد يجار اذا تشفع بالنبي
وَلاَ تَجْزَعْ إذا ما نابَ خَطْبٌ فكم للهِ من لُطفٍ خفي
أظن الشِعر ده لسيدنا علي بن أبي طالب


ملحوظه أخيرة .. ربنا مش بينسى حد وبيحبك وبيحبنا كلنا
ولو كان بيحاسبنا بأخطائنا ماكانش حد فينا شم ريحة خير أو جنه

Friday, June 10, 2011

التدوينة العاشرة - على قد الليل ما يطوّل - سيد درويش









http://www.youtube.com/watch?v=RjtRvjfF4Wg



مش لاقي النسخه الاساسية بتاعة سيد درويش

كل اللي موجود بتاعة سيد مكاوي واسعاد يونس
أينعم هي نسخه منقّحة .. ومؤدبه شويه
بس حلوه بارضه

بحبها أوي
أول مره سمعتها في ميريت
في ندوة كده
وكان بيغنيها
الممثله والمغنية .. ريم حجاب وزوجها

الأغاني دي كان دمّها خفيف
:)

التدوينة التاسعة - ع المعاش - غنوه قديمه

كان بيسأل ع المعاش
عند بيّاع الجرايد
روحه تنقص حتة لكن
جوه عينه حزن زايد

تكمل الغنوة في ملامحه
صبره جارحه
ثم يسكت
ثم يسأل
ع المعاش ..

كل يوم بأشعر بخوفه
وأما قالوا في الخبر
زاد المرتّـب
روحت جري عشان أشوفه
من ساعتها
لسّه باسأل
ليه ماجاش؟ ..

Wednesday, June 8, 2011

التدوينة الثامنة - قصيدة مش بتاعتي


قصيدة للشاعر لمدحت منير



هاعمل .. باخرّ دم
واعملي بتعيّطي
كأن مطره
واحنا مبلولين
وشجرة
بتوطّي على الشباك وتبص
هاعمل
مش مهتم
واعملي بتحضنيني
كأن نسمة
مش بتتشطر غير على الخصلة الحرير
هاعمل باطير
والناس من آخر الدنيا
بيشوفوني سحابه
يخرب عقلك دي دموع بجد

Tuesday, June 7, 2011

التدوينة السابعة - يا الله

كان لازم يعني
؟!
مانت عارف اني مش قادر واني لازم ..... السنه دي
أرجوك .. يارب . بلاش المره دي
فعلا .. بلاش
انت عارف اني مابقولش لأ وباقولك الحمد لله وباغيظلك الشيطان وبافرهدهولك ورايا
بس معلش
والنبي
بلاش المره دي

Monday, June 6, 2011

التدوينة السادسة - خالد





فاكر يا خالد اليوم ده
أكيد فاكره
وزمانك دلوقت قاعد فوق وبتضحك عليه ومقطّع روحك ضحك

عندي طلب يا صاحبي لو سمحت

أنا عاوزك تجيلي في الحلم هاقعدك على قهوة حلوه ونعد نرغي شويه ع اللي بيحصل
عارف
يوم 28
لما الظابط ضربني على كتفي , ( بالمناسبة لسّه معلّمه على كتفي لحد دلوقت ) وقفت قدامه وقلتله
الله أكبر .. بصوت عالي وزعّقت
وماكنتش خايف
أوّل حاجه جت في بالي ساعتها
صورتك
وانت ماسك القطّه وبتلاعبها
طبعا وقتها كلت العصايه من هنا وهاتك يا جري ماكنتش هاقدر أعمل دكر ساعتها اكتر من كده
اليوم ده كان كله
كر وفر
كنا بنتنفخ يا معلم في شارع الجامعه كنا شبه محبوسين
مانت عارف
أنا عارف ومتأكد انك كنت موجود ساعتها
كنت حاسس بيك أساسا

أو أقولك

روح لمامتك يا خالد
روحلها وهي نايمه
هاتشوفك وتسمعك واضحكلها .. وقولها حقّي مش هايضيع

وبالمره وانت بتحضن ربنا
قوله يفضل واقف معانا يا خالد عشان احنا محتاجينله

احنا محتاجينله أوي
واستسمحوا يعفيني لو كنت بتقّل عليه يعني ساعات
هو عارف والله الدنيا صعبه يا خالد
تصبح على خير يا صاحبي

Sunday, June 5, 2011

التدوينة الخامسة - علامة استفهام

أنا لا أتمنى أبدا أن اعود يوما إلى طفولتي
سأظل أتمنى أن أكبر وأكبر وأكبر .. حتى أنتهي أو ينتهي منّي العمر

هذا وباعتراف ذاكرتي بأني لم أكن يوما طفلا سعيدا

Saturday, June 4, 2011

التدوينة الرابعه - جزء من قصيدة

مش هاتفرق
- لأ هاتفرق .. وانتي عارفه
القميص ده
دمّه كان شاهد عليّا
- بس صاحبك ده اسمه ايه ؟
- اسمه يحيى
- قوله يكتب ع اللي شافه
- بس خايف / والضلام حِمل لكتافه
قول للتاريخ يحلف بطعم المعجزات -
ان الحقيقه المرّه لذّه
واللي شاف الذئب يومها ..بير وحيد
واللي رايح مش على قد اللي فات
والبيوت اتثبتت
و السلاسل .. سلسلت
والأرض صوتها

هزّ قلب الصبح هزّه
- ربما ... أنا مش مصدّق
- بكره تعرف
- بكره .. جايز !
- للي عايز
- بكره تصبحي ع الحقيقه
- التاريخ بيصيح بصمت الممكنات وال مش ممكنة
- خليك مصدّق
- مش كنتي أول مؤمنه ؟!
- خليك مصدّق
- خليكي قد البحر يقلع من عيوني الأزمنه
- خلّيك مصدّق
- خلّيكي زي الليل بيكدب زيّنا
دم بكره لسه فاير ع النهرده
بس صمت القاضي قاتل

Friday, June 3, 2011

التدوينة التالته - جزء من قصيدة

وبشّر الصابرين الساكتين
العارفين معنى السكات
المُضحِكين .. والموهومين . . والمرصوصين
كالكوبايات
بعد ما تكسّر طموحك
ذكّر
انما انت مُذَكِّر
مش هاتفرق لو هاتقطع عنّهم
حبّة حاجات

التدوينة التالته - جزء من قصيدة

وبشّر الصابرين الساكتين
العارفين معنى السكات
المُضحِكين .. والموهومين . . والمرصوصين
كالكوبايات
بعد ما تكسّر طموحك
تحت أفكار البنات
ذكّر
انما انت مذكّر
مش هاتفرق لو هاتقطع عنهم
حبّة حاجات

Thursday, June 2, 2011

جزء من قصيدة



أسمر
ولأنه كان أسمر
كات الطيور دايما
بتهجّ من روحه
ترسى على الرمله
وتلم عناقيده
كان كل يوم ينقص
شكل السما في عينيه
الضحك بينقّصه .. والمٌر بيزيده

Wednesday, June 1, 2011

أول تدوينة في يونيه 2011

أنا اسمي زيكا
أنا كنت جزء م النظام
كنت جزء م النظام لما قررت اقلل تدوين وأكتر سجاير
كنت جزء م النظام لما قررت أقصّر شعري وماجبش جيل
كنت جزء م النظام ..لأني كنت باكل العيال الصغيره بالنص وهم مش واخدين بالهم
مصر بتتغير
وأنا كمان
أنا هاشرب سجاير وهازود التدوين وهادون كل يوم في شهر ستّه
هاطوّل شعري .. وهاحط جيل
( مش محتاجه فقاقه يعني )
مش هاكل العيال الصغيره بالنص
أنا هاكلهم ساده كده وأرميهم في أي سلة مهملات

Tuesday, May 31, 2011

حيّ


أعلم أني سأبقى على قيد الحياة أكثر حتى مما يتوقع ملك الموت

وأكتب هذه السطور الآن لكي أثبت لنفسي أني لازلت حيّا

Saturday, May 28, 2011

حدوتة حزن آخر الليل

بطلت أعاقب نفسي من زمان
لأن الوجع نفسه مابقاش يوجع زي زمان .. وكل عقاب او حاجه كنت باحرم نفسي منها مابقتش بخاف منها ومابقتش باعوزها مقابل الحاجه اللي باعملها واللي هاتضرني
واللي عايز أعاقب نفسي عشان عملتها


الحقيقه اني كمان مابقتش بخاف م الحرمان أو م الكره
ولا م الضلمه زي زمان وانا لسه طفل أكبر مشكله عنده ان الناس مش واخده بالها منه
فقرر يعمل كل حاجه الناس بتحب تبص عليها
لحد ما بقا نفسي يدور على حته يعد فيها .. ويرجع تاني لنفسه ويتأملها


حاجات حلوه كتير زي البنت الحلوه اللي باشوفها كتير ونفسي أكلمها .. وعمري ما جاتلي الجرأه اني أكلمها أصلا .. وفاكر اني كل ده بعاقب نفسي اني ماكلّمهاش
لحد ما عاقبت نفسي على كدبتي على نفسي
وقلت لنفسي بكل وضوح
" اتنيل هو انت تعرف تكلّمها أصلا "
لكن كنت كل يوم باكتشف فيّا عقاب جديد


جوايا بيتحدّاني أوي لدرجة انه بيبقا بالنسبالي لذّة ومتعة وبيتحول من عقاب لألم مش ممتع اطلاقا وباكرهه بس باخرج منه وانا عندي شعور كامل بالرضا اني لو كان ربنا خلقني غراب أو تعبان برّي كان زمان عايش ومتكيف مع الوضع
وماكنتش عيّط وقلت لأ أنا عاوز ارجع بيتنا تاني


كنت طول عمري وانا صغير لما والدي ووالدتي يخرجوني في أي مكان - قلما كان يحدث هذا أصلا - أو ندخل محل لعب لا قدر الله .. كنت باتكسف أقولهم أنا نفسي في اللعبة دي أو نفسي أروح هنا أو هنا مع اني كنت باحس أوي اني نفسي في اللعبه دي


مره في الحضانة .. كان فيه رحله تبع الحضانه وأمي صممت اني البس قميص معيّن وأنا قعدت أعيّط - أيام ما كنت باعرف أعيّط - وقعدت أقولها لأ مش هالبسه
وفي الآخر
زي كل مره لحد دلوقت في حياتي باقرر فجأه العقاب
" طب خلاص مش رايح "
واقعد اعيّط أعيّط أعيّط أعيّط أعيّط
اني ماروحتش
من بعدها بكام شهر ولحد دلوقت وأتا لما بافتكر الألم ده
باضحك كتير
لأني قدرت انتصر على ارادة أمي وصممت
بس ... جايز يمكن كنت هانبسط أكتر في اليوم ده من إني أقعد أعيّط


كل عقاب بالنسبالي بيتحول لمتعة باخترعله عقاب جديد بحرمان أو بالتصميم على فعل شيء معين
لحد ما حياتي اتحولت لسيرك كبير كل اللي فيه بيتشقلبوا على وجع التانيين
وبيعدوا يرقصوا على حبال الوجع عندهم لحد ما يتقطعوا
فيقوم الأولانيين يقعوا على رقبتهم تتكسر
من الوجع
عشان جرّبوا الوجع اللي كانوا بيتسببوا فيه للي حواليهم


فيه حاجه دايما باقولها لنفسي
الألم بيبدأ بجرح وبينتهي عند الوجع
الألم مش بس الاحساس بالوجع اللي قد يكون في الفصحى مرادف أصلا لكلمة ألم


لكن أكيد مهما اختلفت المسميات
ألم/جرح/وجع/عقاب/حرمان/
لازم هادوّر على وش الحزن في وشوش كل اللي جايين عاملين نفسهم فرحانين وهم بيشوفوني


شَـعري ودقني وشنبي لما بيطولوا
بيخلّوا شكلي وحش أوي
بالنسبة لنفسي ع الأقل
ده غير الحر
والاحتكاك السخيف


احساس الألم لما يبقا من مظهرك وجسمك اللي ربنا خلقهولك
كل اللي مطلوب ساعتها ..أو أنا باطلبه من نفسي وباضحك عليها
إني أفضل أقنع نفسي بكلمتين حلوين من فلان أو فلانه
قاولهم مَـرّه في حقّي عشان ياخدوا حسنات


"" شـِـعــر

الأجره بخمسه وسبعين
كان ناقص رُبع
علشان أتشعبط في عينيكي وأبات عريان
كان ناقص اني أخطفلك سكّة بوح
علشان أتعلّم فيكي حدودي مع الهذيان
الحزن بعيد
وقابلت الشـِعر لأول مَرَّه في آخر شارع في الأحزان

.

Sunday, May 15, 2011

كس ام المجتمع

يعني أنا دلوقت المجتمع هايبصلي ازاي .. كواحد معاه ثانوية عامه
!
طب مانا اولريدي لحد دلوقت لسه معييش غير ثانوية عامه
ورغم ذلك
عملت حاجات كتير أوي مش محتاج اقولها هنا لأني مابكرهش ف يحياتي قد الغرور
الفكره اني لو ماخلصتش الكلية
مش هاشتغل في حاجه ومش هاجيب فلوس - على كلام أبويا - وهابقا ولا حاجه
حتى لو ماشتغلتش
بس المهم تبقا في جيبك الشهاده
طب ماهي لو مالهاش لازمه للدرجادي
ولأني غالبا ماحدش بيشتغل بشهادة الكلية انما بالواسطه اللي ربنا كرمه بيها
او بكومة الكورسات اللي هو نسي تلت تربعها بس محطوطه منوّره ال سي في
ثم انا اصلا عارف انا عاوز اشتغل ايه ..
طب خلاص بقا
سيبوني أشتغل وان شالله الكلية تخلص في سبعين سنه
قالبين دماغي بيها ليه
لأ
مصاريف وانت لازم تعتمد على نفسك
مع ان تقريبا هم بيشاركوا في حياتي المادية بما لا يزيد عن 40 في الميه
وهم ولا يعرفوا حاجه أصلا عن حياتي المادية او انا عايش ازاي وبالبس ايه وباجيب مين ولفين
هم كل همهم اللي يعرفوه
مش مهم اللي بيحصل
وبعدين ليه المجتمع مصمم اني ابقا خول
أنا مش خول ومش هاعرف ابقا خول لمجرد ان المجتمع عاوز كده
انا مش عاوز ابقا ..أحسن عادي في الدنيا
عل رأي رامي يحيى
كل الحكاية انكوا بدين أهاليكوا سيبوني في حالي
انا منّي لربنا على طول كده ..مش عايز حد يشعلقني في النص ويقولي احنا المجتمع
انا مش عاوز اشتغل شغلاانه بنت حلال والاقي بنت الحلال عشان اعمل واحد في الاسبوع ..ماعرفش ليه كل العاديين بينيكوا مره واحده بس في الاسبوع
وكلهم متخانقين مع مراتتهم وحاجه خرا
وفي الاخر اخلّف ولاد في الحلال
يطلعوا دين امي في الحرام
ليه
ليه اشتغل موظّف وابقا بطيخه مجرد مكتب
في حين اني بافهم في حاجه معينه واعرف اشتغل فيها كويس اوي
واعرف ازود فيها
وأتعلم فيها لحد ماأموت



ينعل كس ام ده مجتمع
أنا أعرف واحد متخرج بقاله 6 سنين ومابيعرفش يعمل بي بي الا لو ابوه دخّله الحمام
واهو دلوقت ما شاء الله متجوز .. عشان بابا جابله عروسه وشقه وجهّزله البيت
وغيّر عربيته .. بابا حب يوجّب معاه عشان يباركله على أحمد
أصله عقبال عندكم هايبقا عنده بعد سلمى ..أحمد
بالاضافه لاني باكره الاطفال كره العمى وشرطي الوحيد للجواز
ان مايبقاش فيه خلفه
كنت سبتله ميت دين


حاجه أخيره
اللي فوق ده مجرد ترجيع لحظي
اللي مش عاجبه
المدونة دي بتاعتي واللي مش عاجبه او مش عاجبها الخرا اللي فوق ده
كس امه او كس امها

Saturday, March 26, 2011

ممدوح لازم يموت في سكات

كنت كل ما أقولها
ممدوح هايموت من غير حِس علشان مايزعجش صوت الرصيف اللي نايم جنب الأسفلت
كانت تقولي : مش مهم ..المهم انك ماتموتش وأنا عايشه
بس أنا كنت محتار فعلا . لو مت قبلها .. هاكون بقيت سبب رئيسي لاصطدام حزنها بالسما , وفي نفس الوقت لو ماتت هي قبلي .. أكيد روحي مش هاتستحمل الوجع والحياه من غيرها وهاتتكرمش بسرعه ..والناس بكل ذوق وشياكه , هايرموها على جنب
صدقيني , مش كل النهايات حقيقيه خصوصا لو كانت سعيده , زي الحمامه اللي بتقابل صاحبها على باب الغار عشان انا وانتي نصلي العصر بعد معادهم بييجي 1400 سنه وشوية
أو مين يقول إن حتة عنكبوت حب يساعد الحمامه الولد في توفير جو رومانسي فشبك روحه ع الغار .. وده كان سبب رئيسي ان الجامع اللي باصلي فيه يكون جنب المطعم اللي مش هانتقابل فيه النهرده
وبالمره أشبك ايدي في ايدك وننام ع الكنبه المريحه اللي في سيلنترو
والجارسون يقوم بدور العنكبوت بكل شجاعه
تحسي كده ان روحك كلها كات متركبة على روحي عشان مالحقش أقولك اني هابات برّه .. وتزعّقي جامد
العشا جاهز .
كل الظروف دي كانت ممكن تبقا مناسبة لقصه تانيه غيرنا . صدقيني مش تكبّر ومش لأني مش باعرف أغني وهو بيعرف يغني
أو لأني ببالغ في الاحباط , لكن اللي انتي مش فاهماه إن باب بيتنا وهو بيتفرج على الشارع في يوم , قرر يعاكس بلكونه في الدور الرابع .. عارفه ايه اللي حصل
أنا خرجت من الباب .. اتفرّجت على المشهد الرومانسي كله ..ماحسّتش بحاجه
فكان لازم أروح اجيب كارت شحن بسرعه ..واطلع جري عشان ابلّغك إن أنا .. وآسف جدا إني أقولك
مش مناسب تماما لأي قصة حب ربما هاتنجح يوم من الأيام
ماحدش هايزعل عليا لما أموت صدقيني ..عايز لما أموت أموت في هدوء ..عزرائيل مابيحبش العيال اللي بتعيّط
اللي بيتشعبطوا في كتف الدنيا , وأنا وعزرائيل عشرة قديمة
لدرجة ان النوته اللي بيكتب فيها ليستة الأموات .. معايا ..نسيها في آخر مره لعبنا طاولة أنا وهو ع القمر
عارفين ..كل ما كنت أحكيلها على الحاجه ... كانت بتصدّقني
!

Friday, January 21, 2011

تونس .. الشرفاء ..ثورة حتى الموت

هاييجي يوم هانقول لولادنا اننا حاربنا الفساد ...وانتصرنا
فخور باني عربي

Sunday, January 2, 2011

المشرحه

" المشرحه كات ناقصه قُتَلا "

المسألة فعلا كان ينقصها إرهابي مثير للفتنة , كان ينقص الحياه إرهابيا متخلفا يعكر صفو السعاده , كانت سنة 2010 رائعة بحق , كان أداءنا رائعا في كأس العالم , كان يسودنا جوا من التفاؤل والديمقراطيه والنجاح في العديد من المجالات ومصر كانت في مصاف الدول الكبرى , كنت أستذكر دروسي بكل نجاح وأغني وأرى الابتسامة على وجوههم , كنا على شفا الوصول لتحقيق أحلام عديده , فجاء الارهابي اللعين ودمرها , كانت حياتنا سعيده ولا ننظر لبعض نظرات كئيبة , فجاء الإرهابي اللعين ليذيق المصريين شيئا لم يعهدوه اسمه الحزن

بالفعل كان يحتاج المشهد إلى شيئا يدعو المصريين للحزن فهم لم يعرفوا الحزن خلال 2010 , المصريون كانوا سعداء منتشين ناجحين أغنياء يضحكون يمارسون حقوقهم بكل ديمقراطيه واتزان

حقا كان ينقصنا أن يموت أخواننا وأخواتنا من مدينة الرب
فقط أتذكر كلمة صديقي حسام رحمه الله
" المشرحه كات ناقصه قُتَلا "
وأتذكر كلمة أبي وأمي
" حسبي الله ونعم الوكيل "