Friday, February 19, 2010

شيخ الجامع

شيخ الجامع بدأ الدعاء في صلاة الجمعه
اللهم وفق أولاة الأمور الى العمل بكتابك و سنة رسولك .. اللهم وفقهم الى ما فيه الخير لهذا البلد وشعبه .. اللهم وفق أولاة أمورنا بما فيه الخير والصالح لهذا الشعب
وعندما كدت اشرع في استخدام مناخيري وتحضير اطول شتيمة سب دين في مصر ادخل بها موسوعة جينيس
استفاض الشيخ بعد هذه العدوه
ب
اللهم لا تؤاخذنا بما فعل السفهاء منا
اللهم لا تسلط علينا بذنوبنا من لا يخافك ولا يرحمنا
فكتمت شخرتي وسب ديني .. وقلت في سري .. أيوه كده اتعدل يا روح أمك هو انا باصلي الجمعه كل أسبوع عشان تضيعهالي

Sunday, February 14, 2010

نوال السعداوي ... ونوعيتها ... وأنا

أخيرا وبعد عناء في البحث عن كتب لها قرأت ما يكفي من كتب الكاتبه العميقه العبقريه الفظيعه الرهيبه نوال السعداوي .. وحقيقة لم اجد في كتبها تلك العبقريه او العمق او الفظاعه او أي شئ من أي نوع سوى سخط وغضب ولعن سلفسيل أم اللي جابوا ده دين على سلسفيل ام الرجاله والمجتمع الذكوري والمجتمع السادي الذي يكره المرأه وعن المدرس الذي كان يقول للطلبة المسحيين في حصة الدين والغضب على وجهه " اطلعواا بره " صارخا غاضبا لاعنا أبو اللي جابهم البلد
وأنا .. وأحمد الله على قولة أنا .. أنا الذي أفنى في التعليم المصري عمره ولا يزال
وأخي وأمي وابويا وامكوا وابوكوا واللي جابوكوا دخلوا مدارس مصريه و أقسم برب العزه ولا أزكي على الله أحدا أني في حياتي لم أرى ذلك المدرس الذي يفعل ذلك ولم أسمع عنه ولم يسمع عنه أحدا غير السيده نوال .. ولكني وبما أن الطلاب المسيحيين كانوا لا يتجاوزون العشره من التمانين طالب فكان لابد ان يخرج العشره الى المعمل ليذهبون إلى قدرهم " أستاذ ميشيل " الذين يخرجون من عنده لاعنين حصة الدين . ونخرج نحن أيضا من حصة أستاذ مصطفي لنتقابل مع أصدقائنا المسيحيين في " الفسحه " لاعنين أم دي حصة قائلين غاضبين مش كنا خدناها " ألعاب " عشان نكمل الدوره
حديث السيده نوال السعداوي عن المرأة المصريه اللي طالع دينها يشعرني أنني كمصري يعيش على هذه الارض منذ عشرين سنه كامله أو يزيد لم أرى ما يتحدثون عنه من رجل يضرب امرأته في الشارع الا من حكاوي الاصدقاء الذين يحكون عن إن ابن عمتي شاف أو الواد حسن شاف النهرده حتة خناقه
وعندما تسأل حسن يقول لك للأمانه أنه لم يرى ذلك بل أن سامح قد حكى له
تمام كذلك الفيلم الجنسي الذي لم يراه أحدا لمطربه غير مصريه مع ممثل مصري والاثنان من زمن الفن الجميل وكلما سألت أحدا يقول لك بكل ثقه نعم .. ابن خالتي شافه
وبما أنني قد أكلت الدنيا على ضهري وشربت ثم عملت بيبي وقد رأيت من مهازل - لا اخفيها - ما لم يرى الكثيرون
فأرجوا من كل من يقرأ هذا المقال ان وجد رجلا يسب زوجته في الشارع فليذهب له ويصرخ في وجهه ويلعن دين أمه ويقوله عيب يا ابن الوسخه ياللي جبتلنا الكلام . جتك الارف
واذا راي هذا المدرس ابن الوسخه ايضا الذي يطرد زملائه المسيحيين أن يقوم في وسط الحصه مشيرا له بأصبعه الأوسط قائلا .. اتكلم مع الناس عدل يا أستاذ انت
------------------------------------
الكاتب مصطفى فتحي كاتب شاب وهو عضو في راديو ناجح يسمى راديو حريتنا . علما بأني الشهاده لله لا اعرف الرجل معرفه شخصيه ولم أقابله الا لمدة عشر ثواني عن طريق صديق مشترك قال معرفا ايانا لبعض .. زيكا .. ده مصطفى فتحي .. مصطفى فتحي ده زيكا وتبادلنا الابتسامات .. اذن فانا لا أملك عليه الا ما يقدمه لي من " نوت" على الفيس بوك أو كتاب أقرأه
أنا وقد اعتدت ان اشتم كل الكتاب الذين لا أفهم منهم شيئا ولكن في قرارة نفسي وفي مكان لا يراه أحد حتى لا أجرح شعور أحدا
ألا وهو الحمام .. ولكن مشكلتي مع الحمام أني عندما اسب أو العن دائما ما الحق شتيمتي باستغفارا لله تعالى
فمتعة شتيمة الحمام .. انه لا يحق لي أن أذكر الله في هذا المكان النجس . كما يقولون . فأشتم براحتي
ولكني لم أشتم مصطفى ولن اشتمه ولن أتفوه كلمة تجرحه ف الرجل أولا وأخيرا يقول رأيه .. ولكني سأدعي له لا بالهدايه فأنا اخر من يتكلم عن ذلك ولكن أدعي له بأن يلهمه الله المنطق الذي لا يجعله يكتب كلاما عجيبا
ثم عندما يرد الناس عليه بالمنطق لا يرد عليهم ويتجاهلهم مكتفيا بتعليقا
بهذا الشكل
:))
حسنا .. أنا أستطيع أن أفعل ذلك .. من الصباح الباكر سالعن الاسلام والمسلمين والرجال وأقول كل ما يتنافى مع مبادئي من أن الاسلام والمسلمين وحشين وولاد كلب وأن المصريين ولاد كلب وان الاخوان ولاد كلب . وأننا نعيش في ظل حياة بنت كلب .. وأن الذين يقيمون الصلاة أثناء عملهم - لعنهم الله - ولاد كلب
وأن أي شئ متعلق بأي شئ على العموم وارتضى به الناس ولو قليل هو تخلف وجهل وحاجه بنت كلب
وقتها سيرد على الاصدقاء بالمنطق
ووقتها سيدخل صديق معين لي يلهمنى بفتوى رهيبه صادره من هيئة الفتوى المصريه الازهريه - تخيل بقا - قائلا أنه يجب علي ( فلترة ) قائمة الاصدقاء لدي لانها تمتلئ بالمتخلفين والرجعيين والذين يردون بالمنطق ويعترضون على رأيي الحر المثقف الواعي
الصديق مصطفى فتحي - واسمح لي باعتبارك كاتبي الأسوأ ان أعتبرك صديقي ووهذا شرف لي والله - أرجوك اما ان تعمل بالمنطق أو لا تتكلم عنه .. أرجوك .. أبوس ايدك يا جدع
فآرائك التي يعتبرها اتنين تلاته في الميه من الذي يردون على مقالاتك عبقريه هي بالنسبة لي ولباقي الميه في الميه هي دربا من شخبطة الوزير فاروق حسني الذي يعتبرها اتنين تلاته في الميه عبقريه بينما يتفق معي باقي الشعب والعالم بأنها مجرد شخبطه سخيفه جدا للغايه ... أوي
نوال السعداوي .. مصطفى فتحي .. فاروق حسني .. وغيرهم
والله لم أفقد بعد احترامي لكم لأنكم تكتبون بحريه وأنا أعشق الحريه وقد أموت دفاعا عن أن تقولوا لنا آرائكم الملهمه العبقريه ...أي والله
ولكن أرجوكم .. كفايه
كفانا الله واياكم شر الهراء
ملحوظه : لا أضع مصطفى فتحى بين نوال السعداوي وفاروق حسني ولكني فقط أقول أن الهراء غير مرتبط بسن او بمركز انما مرتبط بفكر
فمصطفى فتحى وأمثاله من شباب جيلي .. الباحثين عن الحريه هم أول من يدوس بكلتا قدميه على حرية الاخرين في الرد عليهم
علما بان مقالي هذا لا يعد - تربية عداوه - وانما هو نتاج خروجي من الحمام مستريحا وقلما يحدث ذلك

Friday, February 12, 2010

عودة الأحا

نعم أعزائي انها عودة الأحا التي وإن غابت فانها غابت لتعود اليكم بقوة
فكم ذا بمصر من الأحّاتِ
-------------------------------------------------------
الأحا الأولى
ــــــــــــــــــــــــ
شوفوا يا اخواننا انا أه باعترف لساني اطول من دراعي .. ودراعي اطول من رجلي لكن ده مايمنعش اني باعرف احافظ عليه كويس جدا مع الناس المحترمه اللي بتشهد اني انسان محترم جدا لغاية ما يدخلوا مدونتي ويعرفوا اني محترم اكتر .. ولا حد عنده اعتراض ؟
يعني من الاخر .. مش باخرف .. والملحوظه دي عشان الزميل العزيز اللي قابلني في معرض الكتاب لاول مره وقالتلي .. ايه ده يا ممدوح ده انت مؤدب ؟
احا ياخويا . وانت كنت فاكر نفسك جاي تقابل سواق ميكروباص بروح امك ؟
الأحا الثانيه
ــــــــــــــــــــــ
هي احا صغيره معلش وهي للزمالكاويه اللي لا مؤاخذه بعد رابع مباراه يكسبوها على التوالي - شوف يا مؤمن الابداع - وده طبعا انجاز فشيخ غير مسبوق لفرقه انها تكسب اربع ماتشات ورا بعض ومع هزيمة الاهلي الأولى في الدوري - شوف يا مؤمن فرقة وسخه صحيح الاهلي ده وتعبانه وكحيانه دول خسروا م المحله - وده طبعا مؤشر قوي لانهيار الأهلي وصعود الزمالك للمنافسه بقوة على جايزة الأحا الكبيره السنه دي .
الأحا التالته
ـــــــــــــــــــــــــ
مازال معرض الكتاب يواجه نفس المشاكل بتاعة كل سنه ونفس البيض بتاع كل سنه
العيال اللي جايه تلعب كوره وتتفسح ويعاكسوا بنات - أحا
مقر الجامعه الأمريكيه بارضه معفن والكتب غير مرتبه ومافيش قسم فيه نفس الكتب اللي متصنفه بيه - أحا
الدنيا زحمه كيك و النظام مش قد كده - دي بارضه أنزر أحا
الانسان البسيط ممدوح زيكا يأخذ جايزة الأحا لكونه الاول الذي يتسوق من معرض الكتاب ويتجول فيه حامله في فمه أول مصاصه في تاريخ معرض الكتاب - أحااا بقاااا
الأحا الرابعه
ــــــــــــــــــــ
قررت قرار مش هارجع فيه اني لن امتهن الرقص مره تانيه في حياتي لاسباب معنويه وجسديه - واخدين بالكوا يعني - خلاص زمن ال ... خلاص انتها ماعادش فيه لازم الواحد يبدأ يركز في حاجه تانيه أينعم انا مافشلتش في الرقص بس وصلت فيه للي ماكانش فارق معايا اني اوصله وبما اني وصلتله فمفيش داعي افضل فيه ..خصوصا ان موضوع الرقص اصلا جه بالصدفه زي ما قلت قبل كده
الأحا الخامسه
ـــــــــــــــــــــــــ
الحكومه تعلن استمرار قانون الطوارئ .. ياخي ستميت أحا في بعض
هو قانون الارهاب ده قانون جملي يعني بقالوا زرتميت سنه بيتعمل يا جدعان ده قانون بيتعمل من وانا صغير
ده انا كبرت وعجزت وقربت اموت والقانون لسه ماطلعش للنور
الأحا .. ما قبل الأخيره
ـــــــــــــــــــــــــــــــــــــــــ
مابحترمش أي حد شايف نفسه ... ومابحترمش أي حد مش بيقدر الناس عيب لما حد مايحترمش حد أكبر منه ... زي مثلا اللي حصل لصديقي الكاتب الجميل المشهور لما راح يقابل ناس مش مشهوره ومش فنانين ومش ادباء ومش ومش .. فقالهم انا فلان الفلاني فقام كبيرهم فقال .. ايوه ..امم اا انت مدون صح
فقالهم صاحبي لأ بس انا لما باشوف حد باشبه عليه باسلم عليه - وصاحبي وأستاذي طبعا أحرج بشكل كبير - فقام كبيرهم بارضه - شوف ياخي كبيرهم عمال يقوم ازاي وقاله اه طبعا ماحنا معروفين واعمالنا منتشره ع النت
الى هنا انتهت الحدوته ... واحا أحا اااااحااااا
زي فاينال أحا
ـــــــــــــــــــــ
من يومين سمعت انهم هايعملوا جزء جديد من final destination
ماعرفش ده يبقا الجزء الرابع او الخامس تقريبا
لكن الغريب انهم رغم ان الجزء التاني بس هو اللي حلو والباقي كله فاكس الا انهم مصممين بااارضه يعملوا أجزاء تانيه منه
زي عندنا المقطوعه السينمائيه الفشيخه عمر وسلمى
وزي المقطوعه التليفزيونيه الفشيخه بارضك الدالي
الا اني لاحظت انهم كل مره بيقولوا
فاينال ديستينيشن
كل مره فاينال ديستينيشن
ونفسي اعرف امتي هايخلوا عند اللي جابوهم دم ويعملوا فيلم ويسموه
" THE " final destination

Wednesday, February 10, 2010

يارب

اللهم إني أشكوإليك ضعف قوتي وقلة حيلتي وهواني على الناس برحمتك يارب العالمين

، أنت رب المستضعفين وأنت ربي إلى من تكلني ؟ إلى بعيد يتجهمني ام إلى عدو ملكته

أمري ؟ إن لم يكن بك غضب علي فلا أبالي ، ولكن عافيتك أوسع لي من ذنوبي اسألك

بنور وجهك الذي اشرقت له الظلمات وصلح عليه أمر الدنيا والآخره من أن يحل بي

سخطك أو ينزل علي عذابك لك العتبى حتى ترضى ولا حول ولا قوة إلا بالله

العيب في الضي

عشان لما بتضلم ساعات ماحدش بيحس بالضلمه دي زي ما بنحس , ولانها لما بتنور بتنور على كل الناس . ف لازم نعترف ان العيب في الضي .
لان الوقت بيجري والسنين بتضيع من عمر الواحد ولا اللي كانها في سبق
عشان الوحده بتعلم القلب ازاي يكون قوي وازاي مايحسش بحد بعد كده
عشان الاحلام ساعات بتبقا اكبر من البني ادم خصوصا لو ماكانش محظوظ اوي
عشان النجاح اصعب مما نتخيل
عشان الضحك حتى لما بييجي بييجي مجروح
ولان الساعه بتقف كل ما الحجاره بتفضى وندوخ نسال الساعه كام وعلى بال ما نلاقي ساعه .. تكون دقايق مش مهمه لحد غيرنا تكون ضاعت وضاع معاها فرص كتير
كان لازم نلاقي حجه ونقول ان العيب في الضي زي ما الاغنيه بتقول ..ولو اني متأكد ان العيب في الضي