Thursday, September 30, 2010

إلى المطر .. و آخرون

بالترتيب
إسلام - بيشوي - رنا - هبه - خلود - حسام - دينا
الموت مش حاجه تخوّف .. انتوا أكتر ناس ماكانتش بتخاف م الموت
بيقولوا إن لما حد بتحبه أوي يموت مابتصدقش غير لما تقف على دفنته
من فيلم أحلى الأوقات
غريبه مع إني مصدق أوي إنكوا أموات ..يعني انتوا فوق
ماعرفش بقا مين فيكوا مبسوط مين بيتعذب مين بيلعب مين بيحب مين بيعيش
ولا تكونوش كلكوا أصلا ميتين فعلا .. مجرد جثث هامده مستنيه يوم القيامه
طب وحساب القبر ؟
يبقا أكيد انتوا بتسمعوا وبتحسوا وبتفرحوا وبتزعلوا
إسلام : كفاية إني أشوف العربية تخبطك قدام عيني .. بس عارف أنا ساعتها كنت لسه في خمسه ابتدائي ..خوفت وجريت بعيد والأتوبيس جري .. والدنيا اتلمت وانا وقفت اتفرج من بعيد
تاني يوم ..قالولي إسلام مات
والدنيا كانت بتمطّر ... مافهمتش يعني ايه الدنيا تمطر غير بعد سنين أوي
بيشوي : ماكانش لازم يعني تموت انت كمان في المطره وأرجع تاني يوم الدرس يقولوا بيشوي تعيش انت .. ضحكتك .. وخوفك ورعشتك كل ما تيجي تتكلم مع هند كانت أكتر حاجه بتبسطني وتضحكني في الدنيا
رنا : هو انتي عارفه يعني ايه شهر حداشر - نوفمبر - تحديدا 29 نوفمبر
تحديدا بعد 22 نوفمبر 2006 يوم عيد ميلادك .. فاكراه .. هو انتي اصلا بتسمعي صحيح ولا ايه .. يعني أصلي حاسس اني عبيط أوي وانا باكلم نفسي
هبه : ربنا كان عايز كده .. يمكن التوقيت كان غريب انك تبكي على أعز صحباتك أربع شهور .. وف آخر الأربع شهور تكوني عندها ... وقتها آمنت إن كل الأرواح متصله ببعض وإننا حتى لو بعدنا عن بعض سنين كتير أوي .. بنلاقي جوانا حاجه من كل واحد عيشنا معاه لحظه حلوه
خلود : عمري ما نصحتك تبطلي مخدرات يا خلود .. عمري ما قلتلك إن الكيميا أخطر من الخمره والحشيش عمري ما قلتلك إن عينيكي الحلوه بدات ماتباقش حلوه ..مالاحظتش كل ده يا خلود ... مالاحظتوش .. وقفت اتفرج عليكي كل يوم وانتي بتاخدي الحقنه وبترتاحي بعدها ... وأما جه وقت المصحّه كنت أنا بعيد ... ووقتها بس قررتي تعاقبيني على إني كنت بعيد ... وتخليني لسه بعيد لحد دلوقت
حسام : إييييييه يا عم ... مش قلنا السرطان بيموّت كان لازم تعمل دكر وتخش العمليه ..إستئصال ايه ونيلة إيه وفلوس أختك ايه اللي كنت خايف تصرفها ع الدوا .. ما كنت استنيت شويه يا حسام ... ما كنت استنيت تشوف أختك مريم شكلها بقا عامل إزاي ... صحيح .. من كام يوم شوفت نادين ...أختك .. كبرت وبصراحه بقت حلوه اوي ..بس طول مانا واقف معاه كنت باصص في وشها .. كان فيه حاجه ناقصه .. عينينها كانت زرقا وشعرها كان دهبي وكانت جميله زي ما كنت بتحبها دايما .. بس كان فيه حاجه في عينيها ناقصه يا حسام .. ماعرفش هي ايه
دينا : أنا وإنتي كنا المفروض نبقا مع بعض وقتها .. والغريب إن أنا خرجت م الحادثه ماعنديش حتى صداع .. حكمة ربنا .. لما قالولي أنك خلاص روحتي عند ربنا .. مازعلتش زي كل مره بيموت فيها حد وابتسمت وقلت ربنا أكيد هايرحمه لأنه خده عشان احنا بنعامله وحش وهو يستحق معاملة فايف ستار ..والمعامله دي مش موجوده غير عنده هو بس
وقتها .. قعدت اعيّط ومحمود جابر وعبد الله قعدوا يعيطوا ونيبال قعدت تعيّط يوميها بس عرفت يعني إيه موت
يوميها بس عرفت إني ماخافش م الموت
ولما باسمع إسمه مابارتجفش واقول يااه شوفولنا سيرة تانيه
كل الناس نفسها تخش الجنه ... وكل الناس بتخاف م الموت
طب ازاي ؟
عامة .. بما إنكوا أصلا مش سامعيني وبما إن كلكوا مش موجودين هنا... يمكن أقابلكوا قريب ووقتها نبقا نكمّل كلامنا ..أصل في حاجات كتير أوي فاتتكوا كان نفسي تعرفوها - ده طبعا في حالة إنكوا مش عارفينها - وحتى لو كنتوا عارفينها فيه تفاصيل أنا ماقلتهاش لحد ...سبتها
عشان وقت ما نتقابل أحكيهالكوا مره واحده .

Wednesday, September 22, 2010

أنا ونفسي والشيطان ..د/ مصطفى محمود رحمه الله

أنا ونفسي والشيطان
( الشيطان حقيقة وليس شخصية اسطورية )
بقلم : د. مصطفي محمود


قالت لي نفسي:


نارك وجنتك بين جنبيك.. نارك وجنتك فيما تختار, وما تعجل اليه من اقوال وافعال, وماتبادر اليه من عمل وماتمتد اليه يدك من حلال وحرام.

يدك هي التي تحفر بها قبرك وتصنع بها مصيرك, ولسانك هو الذي يهوي بك الي الهاويه او يصعد بك الي أعلي عليين.. انت ماتقول وانت ماتفعل.
انظر ماذا تفعل تعلم مسكنك, وتشهد قيامتك قبل قيامتك وتعلم ساعتك قبل ساعتك.

قال لي شيطاني مستنكرا:
وأين أنت الآن من قيامتك وأين أنت من ساعتك؟ هذا الوسواس الشوم الذي تصحو وتبيت فيه.. انظر حولك يافتي.. أنت مازلت في الدنيا اقطف زهرتها, وانعم بلذاتها, وأمامك فرص التوبه ممتده بطول عمرك.. وأنت ماعشت فأنت في رعايه التواب الغفار غافر الذنب وقابل التوب.. لاتعقد امورك واضحك للأيام تضحك لك..

قلت وأنا أتحسب كل كلمه
تضحك لي أو تضحك علي يالعين.. ومن أدراني ان ما أقول الآن هو آخر أقوالي وماأافعل الآن هو ختام أفعالي, واني ميت اليوم ومن مات فقد قامت قيامته وبدأت ساعته.

قال شيطاني.. أعوذ بالله من غضب الله
ماهذا الكابوس الذي تعيش فيه حياه كالموت وموتا كالحياه لم يبق الا ان تصنع لنفسك تابوتا وتنسج لك كفنا تتمدد فيه.. أين أنت من هذا اليوم يارجل؟!

قلت:
؟ومن يدريني أن بعد اليوم بعد

قال شيطاني:
هل أقمت من نفسك قابضا للأرواح وفالقا للإصباح ام أنك المتنبي الذي لا تخيب له نبوه.. إلزم غرزك يارجل ما أنت الا عبد من عباد الله.. عش يومك كأنك تعيش ابدا.

قلت:
ما قالوها هكذا يالئيم.. بل قالوا.. اعمل لدنياك كأنك تعيش أبدا, واعمل لآخرتك كأنك تموت غدا.. أرأيت كيف تقلب كل الحقائق.

قال شيطاني:
إنما أردت لك الحياه, وأردت انت لنفسك الموت.. ومرادي كان دائما مصلحتك.

قلت:
بل موت النفوس كان مرادك, وهلاكها في الجحيم كان شغلك الشاغل, وهمك المقيم ياسمسار الجحيم.

***
هل كنت أكلم أحدا؟؟.. أم كان يكلمني أحد
هل كان حوارا بحق.. أم كان خيالا.. أتخيله
ان حديث النفس حقيقه لاشك فيها.. وهو نوع من الإعجاز الرباني.. فهو حيث داخلي لايسمعه غيرك, ولا يطلع عليه سواك.. ولايستطيع اي جهاز الكتروني بشري ان يسجله عليك.. والنفس فيه طرف.. والطرف الاخر يمكن ان يكون النفس ذاتها.. ويمكن ان يكون الشيطان..

وإبراهيم الكليم أبو الانبياء كلمه ربه.. وهكذا ترتفع المكالمه لكل نفس علي حسب قدرها ومستواها.
يقول ربنا محادثا موسي في سوره الاعراف الايه144
ياموسي اني اصطفيتك علي الناس برسالاتي وبكلامي فخذ ما اتيتك وكن من الشاكرين.
وحينما تكون وساوس النفس من المستوي الشيطاني.. يمكن ان يكون الشيطان طرفا في الحديث.. وحينما ترتفع النفس الي المستوي الملائكي.. يمكن ان يكون القرين المتحدث ملائكيا.. وكلما ارتفع مستوي الحديث ارتفع مستوي المتحادثين.
وللغيب علومه كما أن للفيزياء علومها وللذره علومها وللنفس علومها.
والشيطان حقيقه وليس شخصيه روائيه خياليه من بنات خيال المؤلفين.
وفي آخر الزمان حينما تقوم القيامه سوف يعترف الشيطان بما فعل بضحاياه امام الملأ وأمام الحشر المجتمع من كل الخلائق و

وقال الشيطان لما قضي الأمر إن الله وعدكم وعد الحق ووعدتكم فأخلفتكم وما كان لي عليكم من سلطان الا أن دعوتكم فاستجبتم لي فلا تلوموني ولوموا انفسكم ما أنا بمصرخكم وما أنتم بمصرخي اني كفرت بما أشركتمون من قبل ان الظالمين لهم عذاب اليم(22 ـ ابراهيم).

وهكذا ينزل ستار الختام علي الدراما الكبري للوجود التي استغرقت أجيالا وقرونا من آدم أول الخلق الي الخاتم محمد بن عبدالله اخر الرسل عليه الصلاه والسلام.. في كلمات هائله تتصدع لها القلوب ومشهد جامع يشيب لهوله الولدان.
وسوف نري الشيطان ساعتها, وهو يتكلم في قلب الجحيم وسوف نسمع آخر كلماته
ان الظالمين لهم عذاب اليم

ان الشيطان حقيقه وليس اسطوره
والنار حق
والعذاب حق
إنها ليست اوبرا ياسادة.. يصفق بعدها الحضور وينزل الستار.. كما يتصور الاوروبيون المتحضرون عشاق الفن.
والأمر ليس كما تصوره الرئيس ميتران في الحديث التليفزيوني الذي أجاب فيه علي المذيع الذي سأله.. ماذا تقول لله حينما تراه ياسيادة الرئيس.. فأجاب ميتران:
سوف أقول له
SORRY
هكذا قال الرئيس ميتران في بساطه فرنسيه
ولا أظن ان الرئيس ميتران سوف يري الله.. ولا اظنه سوف يقوي علي مكالمته.
ولا أظنه سوف يجتمع له رشد أمام ذلك المشهد الرهيب او يبقي فيه لب لينطق.
وكان آخر ماشهدت من الرئيس ميتران مشهدا لا أنساه أيام حرب الاباده التي اعلنها الصرب علي مسلمي البوسنه.
رأيته وقد جاء مسرعا من فرنسا ليري بعينيه مصارع المسلمين في الأرض الاوروبيه.. ووقف يتلفت حوله في ثقه واعتداد.
أخيرا جاء يوم الطرد النهائي للمسلمين من الارض الاوروبيه
هكذا نطقت عيناه.. وان لم تنطق شفتاه.
وقلت له في نفسي ساعتها
بل لم تنته القصه بعد ياسيادة الرئيس
وقد انتهت حياه ميتران ومات بالسرطان
ولم تنته القصه, بل تعددت فصولا.. فشاهدنا لها فصلا ثانيا في حرب كوسوفا, ثم فصلا ثالثا في حرب الشيشان تخوضها روسيا بتمويل امريكي ومسانده اسرائيليه وسكوت اوروبي.
والحرب معلنه علي المسلمين في كل مكان هذه الايام
وللشيطان اعوان من شياطين الانس بلا عدد..
ولله شهداء يختارهم كل يوم ليزين صدورهم بأوسمه البطوله
والحرب مستمره.. وسوف تتعدد فصولا الي اخر الزمان.. حينما ينزل ستار الختام.. وتعلن الحقائق في مشهد جامع

هو يوم القيامه

Tuesday, September 14, 2010

عنصري 3

اسكندريه
بدون مقدمات .. لا أفهم هذا السر المتطرف الذي يجعل من الاسكندرانيه أكثر شعوب العالم عنصريه ضد الزوّار القاهريين - المصريين كما يطلقون علينا - والزوار الفلاحين والصعايده إلخ
متعللين بأنهم يساهمون بشكل مباشر في عدم نظافة الاسكندريه وازدحامها وتلوث البيئه فيها ..وربما أنهم سبب أن هناك اسكندراني لم يأكل وجبته باستمتاع لأنه واصطبح بوجه مصري عفن
لم يجرب الشعب الاسكندراني أن تكون بلدتهم هي العاصمه وما أدراك ما العاصمه - حيث تتحول القاهره أثناء النهار وبعض أطراف الليل إلى سويقه كبيره بفضل المصريين من كل شبر على باقي الخريطه صعايده فلاحين اسكندرانيه دون أن نقول " يع " ...المصريين العفنين قد احتلوا القاهره
القاهره تلك المدينة البائسه التي أنارها سكانها ثم أظلمها جميع المرتحلين إليها سواء مصريين أو لاجئين أفارقه أو عرب
القاهره التي تبدو قطعة من الجنه في الرابعه صباحا والسادسه صباحا
القاهره التي لا يترفق أحد بأي أديب أو فنان يخرج منها ... بل تطاول عليه الأقلام والأفواه بما لذ وطاب من النقد , لا يعلمون أن القاهريين لا يرون في يومهم العادي سوى مزيدا من البشر من كل ثقافات مصر والعالم , لا يرون سوى ازدحاما ليسوا هم كامل السبب فيه
لذا أعزائي الاسكندرانيه ..الإسكندريه مدينة جميله والاسكندرانيه - ناس لطاف - فلا تعكروا صفونا بمزاجكم الغير رائق لرؤية المصطافين الذين يزورون المدينة الرائعة 3 اشهر في السنة , فلولاهم لكنتم تمارسون مهنة الشحاته على أبواب الاسكندرية