Wednesday, March 17, 2010

حوار مع مسطول




هذا الحوار قد أجريته مع مناضل عوني بعد ما كان منتشيا لحصوله على أول مرتب في حياته يتعدى ال 1000 جنيه ومايكونش تيبس من حتة خليجي ( وهذا على حد تعبيره ) تعبيره عشان مش طالبه غباوه


ما رأي سيادتكم في التطبيع مع اسرائيل رغم ان الاسرائيلين ( بيعملوا الغلط ) مع الفلسطينيين واتعدوا حدودهم ؟

بص .. أنا لما أفك الفلوس دي اروح احطها في البنت يحسن تتسرق أه واسيبها للذكرى وابقا استلف فلوس م البت أختي أو استقطع العيال اخواتي الصغيرين في مصروفهم


احم .. بقول لحضرتك ما رأيك في التطبيع مع اسرائيل ؟

عارف ياد يا زيكا .. أول مره أحس ان انا راجل


حضرتك مش راجل على فكره يا فندم والتقارير اللي قدامي بتقول كده

احترم نفس أهلك ده انت حيالله صحفي وانا راجل قابض باكو .. بقولك باكو يا عم يعني هانشتري درينكيز كله النهرده


بس حضرتك على طول بتشرب سفلقه علينا وده غلط ع الزلط ثم ان حضرتك انا مش صحفي اشاسا .. ده حوار ايه المهبب ده

يا عم ماتزقش ان اللي كنت عاوز اسنجفك


كفي نفسك يا فندم

لو كفيت نفسي اللي زيك مش هايعيش


حضرتك كفي نفسك وانا واللي زيي لينا ربنا .. ماتحملش هم وكفي نفسك انت بس

طيب


طيب أرجع وأقول لسيادتك ايه وظيفة سيادتك ع الفيس بوك غير انك تتريق ع اللي جابوني وتخش تضيف البنات من عندي ومن عند اختك وانت ماتعرفهمش اللهم الا من رحم ربي

انا مابضيفش حد من عندك غير المشتركين بينك وبين أختي .. وبعدين يا أخي ما اللي مش عاجبه ما يعملي اجنور ولا انا يعني قافش ع الماوس


طيب ايه رأي حضرتك في الناس اللي داخله تقولك ان دي مش صورة سعادتك اللي حاططها ع الفيس

أحب أقولهم *&^@#&$%@&# يا ولاد ال *&*&*%^* هو ايه المميز في الصوره فشخ كده لدرجة انهم مش مصدقين يعني جون ترافولتا . دي حاجه تفقع ال ... مراره يا أخي


طب ايه رأي سعادتك في البنات اللي مش بتحط صورها ع النت أو بيحطوا صور مش بتاعتهم لفنانات وكده وايه راي حضرتك أصلا في الاختراع ده

شوف


ايوه اديني في العالي بقا .. ها ؟

حاجه من اتنين

يا اما وحشين وخايفين يحطوا صورهم

يا اما حلوين أوي لدرجة انهم صورهم بتتسرق فبيتقوا شر من صبحت عليه بعششينايه أما بالنسبه للاختراع فهواختراع جيد جدا ولكن كعادة المصريون يسيئون استخدامه لدرجة تفقع المراره اللي باقيه

هه ( راجع سطرين تلاته فاتوا ) هتلاقي في واحده اولريدي اتفقعت*


هنا خرجت الصديقه جزره الشهيره بمي جمال عن صمتها وقالت

بالفعل - أي والله قالت بالفعل - المصريون يسيئون استخدام أيوها شئ خلقه ربنا .. راجع الليزر والتليفزيونات والنت والعربيات والموبايلات جت ع الفيس بوك وبعدين أنا أحب أضيف حاجه ممكن ؟


اتفضلي سيادتك . ولو انك أصلا دخلتي زي الخازوق في نص الكلام

بص حضرتك انا باختلف مع الاخ مناضل في حتى ان البنات وحشين عشان كده شايلين صورهم لسبب وهو اني زي القمر ومش حاطه صورتي .. هذا وبالاضافه الى ان سيادته زي القمر وحاطط صورته وبيشوف بلاوي وارجو من سيادته تحري الدقه - ويتحريها كويس كده - عشان ماتغاباش عليه


سيد مناضل يعني .. الأخت جزره هزأتك ومسحة بكرامة أهلك الأرض وقالت عنك انك حمار ومتخلف وده مش كلامي طبعا ده الكلام اللي هي قالته

* اوعا حد يراجع الكلام اللي فوق

فما رد سيادتك على ذلك الادعاء ؟


أنا مش فاهم أصلا انت ايه اللي خلاك تجيبها معانا وانت عارف انها بتروح مع تالت توت ... لكن بما انها طلبت ردي فانا جاهز بردي وباقول .. اني متفق معاها مش كل البنات اللي مش حاطين صورهم وحشين ..خلاص يحطوا صورهم عشان نعرف نفرق

الحلوه تيجي كده ( وأشار بذراعه الأيمن ) والوحشه تيجي كده ( وأشار بذراعه الأيمن بارضه بس الناحيه التانيه ) عمل كده يعني

فهمتوا .


طيب أستاذه جزره يعني حضرتك عارضة أزياء مش مشهوره خالص وماحدش يعرفك غيرنا

طبعا طبعا

ورغم ذلك انت لا تضعين صورتك فما المبرر

المبرر يا سيدي الزيكا انه الفيس بوك بالنسبة لي هو مثل موبايلي لا أحب أن أضيف أرقام جديده وخلاص

وخاصة ما يبتليني الله به من ذكور قادمين من اتجاه بروفايلك أمثال هذا الوغد الذي يجلس أمامنا الآن ويضيفني ثم يبرشط علي ويبدأ في مخاطبتي وكأني نايمه فحضنه امبارح أو أننا راضعين على بعض فما يكون من علي الا ان اشتكي لي . فتشمئز بوجهك وتقول يخرب بيت دين ام الفضايح .. أعملِك ايه ماهم لغوا البرايفسي بتاعة الفريندز ومابقاش ينفع اخبيهم زي زمان

فاسكت قائلة .. يخرب بيت العيشه


سيدتي ولكن اعذريني .. ربما أحب ان أضيف ان تعليقاتك المبجله عندي ربما تكون سبب في أن يفهم الناس اننا أمام احدى بيوتشي الدعاره ولولولوولي باي باي يا قطه رغم اني أشدو ليل نهاء أن كلكن صديقاتي واخواتي البنات التي لم يرزقني الله بهم وقد عوضني بكن خيرا


هنا قاطعنا مناضل

خخخخخخخخخ اييييييييييه انتوا هاتقلبوها بيض ولا ايه .. انت يا عم انت مش بتعمل الحوار ده معايا انا .. خلاص ركز


هنا قاطعتنا منه و سامح دون قصد موجهان كلامهما لبعضهما

لا وربنا الكوره دي اوفسايد الحكم ده حرامي .. والكلام كان على لسان منه ... وسط قهقهات سامح الذي يبدو وأنه قد أحرز جولاً


عودة اليك سيدي مناضل .. ومع أخر سؤال قبل أن نخرج لفاصل اعلاني ونقوم نتخمد وكل واحد يروح بيت أهله

بعد حصول سيادتك على مبلغ وقدره ألف جنيه لأول وآخر مره .. واضعين في الاحتياط ان سيادتك اترفدت وخدت زومبه .. الجمهور يود أن يسألك ... ماذا بعد ؟

يندفع الي السيد مناضل بكلتا يديه ماسكا الزجاجه من يدي قائلا .. هات بس أم البتاعه اللي انت خلصتها لوحدك دي يا طفس افندي

بص قل للجمهور لا تقلقوا ... وان غدا .. الأربعاء قريب

وأني لن أسكت وسوف أعود الى مرتبي المفضل 500 جني بالصلاه ع النبي وعودة للزباين الخليجيات ذوي الطرحات والشيش والذكور أصحاب الكروش المتقدمه والمعرسين اللي بيعدوا جمب أصحاب الكروش .. ونقضي الليل كله في اقناع سيادته ان المكان محترم ولا يقدم الخمور .. لكنه طبعا مابيفهمش .. فيقوم يمشي ويرفض يحاسب ونجيبله البوليس فيدفع زي البوبي .. ثم يغادر لاعنا السياحه في مصر مناديا السيد السواق .. ودينا لشارع الهرم حبيبي ..خلينا نشوف نسوان اللي علي حق .. والله فديت شارع الهرم كله والله فديته

Monday, March 8, 2010

رصيف

لم تكن مرة ككل المرات .. أخبره صديقه ان الذهاب تسع مرات لمشاهدة مسرحية استعراضيه هو دربا من الجنون
هو أمرا مملا لا شك في ذلك
ما الممتع في ان تذهب الى عرضا يرقص فيه شابا وفتاه تسع مرات
تسع مرات متتاليه .. انت مجنون
لم يكن يبتسم كعادته حتى قلق أصدقائه من احساسهم بابتعاده عنهم , أخبره صديقه ذات مره
أن العزله عن العالم أمرا سيئا بالطبع كما انها ليست عادته وأنه ليس على سجيته تلك الأيام
يرد عليه بابتسامة ممله : سيبني بس شويه
يتركه صاحبه فيعود الى سرحانه
لم تكن مره ككل المرات
ذهب الى المسرح .. أخذ تذكرته من بائعة التذاكر التي لاحظته ولم تبتعد عيناها عن النظر اليه حتى مضى بعيدا قبل أن يقاطعها زائر آخر
لو سمحتي تلت تذاكر
كم هو رائع هذا العرض
هناك فتاة تمضي وحدها في الطريق يعترضها الناس ذهابا وايابا .. وحيدة في احتفالات المدينه .. المدينه كلها ترقص تتحرك تتخبط هي بينهم مع ارتفاع الموسيقى من حولها حتى يلقيها الزحام بين ذراعي هذا الشاب
فترقص وترقص
وتدور حول نفسها وحوله
يحتضنها فتبتسم فتبتعد فتقترب فتعود مره أخرى لحضنه وهي في قمة سعادتها يعود الزحام الذي جمعهما ليفرقهما مرة أخرى فتبكي وتعود للتخبط بين الزحام مرة أخرى
حينها يأتي دوره
قام مسرعا من مكانه على نغمات الموسيقا راقصا بين المقاعد .. نظر اليه كل من في صالة العرض في استغراب
راح يجوب بين المقاعد محركا قدميه مستديرا حول نفسه بحركات راقصه مع صوت الموسيقى
يقفز الى المسرح مع توقف الراقصين وارتفاع حدة نظرات الجمهور له
وحين بدأ الراقصين يعترضونه اخذ يقاومهم .. ارتفعت الانوار .. وقف الجمهور وارتفعت صيحات استهجانهم حتى تغلب المخرج على ذلك والقى بالضوء عليه واعاد الموسيقى مرة أخرى حينها وفي وسط الزحام على المسرح رقصت الفتاه في اتجاه ذارعيه
أفسح الجميع المجال له
اعتلت الحاضرين نظرات رضا واعجاب بابتسامة قبول
فيرقص ويرقص
ويدور حول نفسه وحولها
تحضنه فيبتسم فيبتعد فيقترب فيعود مرة أخرى إلى حضنها وهو في قمة سعادته ..ولكن يعود الزحام بينهم ... حينها .. يدفعه صديقه بقوه
رجعت تسرح تاني انزل ع الارض احسن الرصيف زحمه
من وحي أغنية
edith piaf - la foule

Sunday, March 7, 2010

أنا أسف

أ . ع
اسف عشان انا غبي
واسف عشان انا مش محظوظ
ح . ع
اسف عشان مافتكرتكش رغم انك واحشني جدا يا صاحبي ولو اتمنيت اني اموت في يوم هايكون السبب الوحيد اني اشوفك انت والناس اللي انت عارفهم
د . ج
أسف عشان مازعلتش على موتك زي ما كان المفروض ازعل
م .ع
أسف اني مخيب ظنك فيا . والله مش بايدي
هـ . م
أسف اني مش باموت كل يوم لانك بتنامي زعلانه وأسف بارضه اني مخيب ظنك فيا .. والله والله مش بايدي
س . ج
أسف عشان مقصر معاك جدا
أنا
أسف عشان بازعل منك كتير