Monday, December 3, 2007

في الاغاني

الاغاني .. حرام ..او مش حرام مش هتفرق
المهم اني بحب اسمع الاغاني
وعلي حسب الموود
بمعني
اني ساعات بتبقي طالبه معايا اسمع ام كلثوم وعبد الحليم ونجاة
وساعات تانيه ببقي هموت واسمع
eminem
50 cent
bep
fergie
sean paul
will smith
تناقض غريب بيحصلي في حكاية الاغاني دي
بمعني اني بحب محمد منير وعلي عكس معظم المنايريه ..بحب عمرو دياب وعاصي الحلاني وخالد سليم
ساعات ببقي عايز اسمع تامر او جنات
او جايز
انغام وشيرين وعايده الايوبي وحنان ماضي
بس كل الناس بتختلف معايا في اني بحب جاد شويري
اه بحب جاد شويري
بيعجبني الشو اللي بيعمله ..وستيله في الاغانيه
وساعات كتير جدا بحب اسمع
روك
evancense
& linkin park & green day & korn & creed & pink
وساعات الموود بيتقلب مره واحده واسمع اغاني كلاسيك اجنبي يعني
dean martin , george michel , elton john
وبحب اسمع بارضه
bryan adams , scorpion ,eagles , outlanidsh , blue
يعني وداني جايبه كل الدنيا
بكل انواع المزيكا اللي فيها
وكله حسب الموود
بس في اغاني كده الواحد بيحب يسمعها في موود معين
معرفش اسمه ايه
بس مثلا اغنية
ان مقدرتش تضحك...اللي غناها احمد زكي الله يرحمه في فيلم هيستريا
وغناها بارضه وجيه عزيز
عارفينها ؟
ان مقدرتش تضحك ..متدمعش ولا تبكيش .. وان مفضلش معاك غير قلبك اوعي تخاف .. مش هتموت هتعيش
وان سالوك الناس عن ضي جوه عيونك بيلمعش
متخبيش
قوللهم العيب مش فيا .. ده العيب في الضي
وانا مش عاشق ضلمه .. ولا زعلت الضي
مسير الضي لوحده هيلمع
ومسير الضحك لوحده هيطلع
مبيجرحش
ولا ياذيش
..........
كلام الاغنيه دي بيخليني مش عارف فعلا ايه هي حالتي...مش عارف ببقي زعلان ولا فرحان وانا بسمع الاغنيه دي
الاغنيه دي بالذات مش عارف ايه هو الموود بتاعها
لكن بحب اسمعها دايما
..
بارضه في اغنيه لوجيه عزيز
بتقول
ادن يا ديك... كمان شويه
الضلمه ليك ... والفجر ليا
والدمعه راحت .. الضحكه جايه
والحزن نشن ... ماجتش فيا
وهكذا ...بيعد يفرحني لحد اخر الاغنيه ..ويديني الامل
في كمان اغنيه ...لفيلم الجزيرة ..( فيلم احمد السقا الجديد ) معرفش ايه اسم الاغنيه بس عجبتني كلماتها
احم احم ..اسمع يا سيدي
احلامنا لسه بكر
ودموعنا بتجري نهر
والليل طويل اهات وويل ... مش باينله فجر
تحسي الاهات ..حبيبتي
وانتي عني بعيده
سهران جيتاري .يغني
اغاني جديده
حنيني وشوقي خوفني .
عيون الناس تكتفني
والبعد طعم مر
وبعدين بيعيد الكوبليه الاولاني
....
في اغاني كتير مميزه
بس دول انا بحب اسمعهم من وقت للتاني
وزيهم كتير
في النهايه ...انا ميهمنيش مين بيغني ..او نوع الغنا اللي بيغنيه ..
طالما الاغنيه حلوه ...هسمعها ..مش هيهمني هو مين او هو ايه

4 comments:

break said...

غالبا كدة انا بحب نفس الاغانى اللى انت بتحبها
الا طبعاااااااااااااااا جاد شويرى
و تامر حسنى ساعات ساعات
انما الباقى بتفق معاك فيهم

و اكيد المود هوا اللى بيأثر

اغنية فيلم احمد السقا دى مسمعتهاش بس شكلها حلوة اوى


:)

sa'7so'7te said...

فعلا انا لما حد بيسألنى انتى بتحبى تسمعى لمين ما بعرفش ارد غير انى بقول انا بحب اغنية تعجبنى ايا كان اللى بيغنيها
ساعتها اتسأل سؤال محرج تانى طب بتسمعى انه نوع من الاغانى
:)

موضوع جميل و اغانى مجيه عزيز اصلا تحفة"ربنا يخليها بريك اللى عرفتنى عليها"
و كفاية رغى بأه انا ورايا مذاكرة
:(

el3araby said...

break
يا مرحب يا مرحب
اكيد مبتحبيش جاد شويري ...دي حاجه متوقعه
اصلا محدش بيحبه غيري
:)
هو ده اللي عايز اوصله
ان الموود هو العامل المؤثر
:)

el3araby said...

sa'7so'7te
واضح ان حالة الموود دي عند معظم الناس
وبصراحه واضح ان هي الصح او هي المفضله
يحسن غير كده متهيالي يبقي ملل اوي
:)
ربنا يعينك ويعينا عالمذاكره
كفايه انا كمان عشان عندي مذاكره بارضه
:)