Monday, January 11, 2010

امتا هاننضف ؟

البوست ده عباره عن سؤال
محمود معروف بيشتم جوزيه وشمتان فيه
المسلمين والمسيحيين بيتخانقوا لاسباب
ظاهريه : اللي هي التعصب الديني
باطنيه : مشاكل خناقات وجهل وتخلف وعصابات ومجرمين ومسجلين خطر بس كل الفرق ان المره دي كانوا مسلمين ومسيحيين
الزباله لسه في الشوارع رغم ان الموضوع بدأ يموت اعلاميا
الدكاتره لسه بيكفروا الطلبه في عيشتهم
انفلونزا الخنازير بتنتشر ... واحنا البلد الوحيد في العالم اللي مستمر فيه الانتشار بالطريقه دي
الناس بقت انتهازيه وكله عايز يطلع مصلحه من كله
انا عايز اسال سؤال وياريت ماحدش يرد عليا ب.. طب هانعمل ايه . ربنا ع الظالم والمفتري وبان الحرام .. . ماحش يقولي الكلام الحمصي
ده .. الحكومه خلاص مابقتش تفرق معاها .. يبقا لازم احنا تفرق معانا
قبل ما نفكر في الحكومه نفكر في نفسنا شويه
لو كل واحد نضف نفسه من جوه كلنا هاننضف غصب عن عين الحكومه
لو كل واحد شال الخبث والغل والحقد والشماته والوساخه والانانيه وحط مصلحة البلد قدامه هاننضف
بس انا بارضه عايز اعرف
امتا البلد دي هاتنضف .. شكلا وموضوعا .؟

5 comments:

Che said...

عمرنا ما هننضف يا زيكا

بطوط حبوب said...

ملكش دعوه البلد هتنضف امتى
شوف انت فيك غلط اد ايه واسأل نفسك هتتنضف انت امتى

وانا كمان هعمل كده

dr.lecter said...

نبتدي بنفسنا بنحاول والله بس من كتر الوساخه بيجيلنا ياس

اسماء عوني said...

مانت مجاوب ع البوست
قبل كده ميت مره
لما كل واحده ينضف ويتعامل مع اللي قدامه بنضافه
البلد هاتنضف لوحدها كده منها فيها

MǿиY El-Shreef said...

مش هيحصل ف الوقت الحالي ع ما اظن :)