عاشت دماغي زي ما هي
لا هي سلفيه ولا هي علمانيه
لا هي حزبيه
ولا هي مفتريه
ولا هي مثليه
ولا هي ذكوريه
ولا انثويه
ولا اي حاجه من الحاجات اللي فاتت ديه
لا انا متفائل
ولا متشائم
لا مع الحكومه
لا انا ايوه امين
ولا خالف تعرف
دماغي معايا لوحدي
مش مع حزب
ومش مع حد
لا هي مع حركه
ولا هي مع جماعه
لا انا اخوان
ولا انا كفايه
ولا انا حزب وطني
ولا حزب غد
لا انا تبع تيار
ولا انا تبع حركه
ولا جمعيه
ولا شله
انا لوحدي انا ودماغي
يعني زي ما بيقولوا
رئيس جمهورية نفسي
عاشت جمهورية دماغي الحره
عاشت دماغي حره مستقله
عاشت دماغي حره مستقله
عاشت دماغي حره مستقله
15 comments:
زيـــــــــــــكا
عامل ايه يا صاحبي
ايه الاخبار
وحشني جدا جدا والله العظيم
عاشت دماغك يا زيكا دايما حره مستقله وعاشت دماغي انا كمان
:)
ازيك يا زيكا ؟ , بص أنا برده بحس أنى مش تبع شىء معين , و ساعات بحس أنى غريبة وسط أصحاب الاتجاهات المختلفة , كل واحد عنده اللى ينحاز له و أنا عامله فيها سويسرا أو السويد ,بس أنت عندك حق فعلا " عاشت دماغتنا حرة مستقلة "
سلام
عاش عاش عاش
بس معقول كمان من غير شلة
mado
مااااادووووو
الحمد لله تمام يا باشا
انت ايه اخبارك
والله العظيم واحشني انت كمان جدا جدا جدا
طمنا عليك يا مادو وعلي اخبارك
عاشت دماغنا حره مستقله يا مادو
ساره نجاتي
الحمد لله
ازيك انتي ؟
احسن حاجه في الدنيا انك ماتخليش حد يفكرلك ويقولك ايه الصح وايه الغلط او ايه اللي يتعمل وايه اللي مايتعملش
نورتي
break
عااااااااااااش
اقصد يعني شلة سياسيه او فكريه
مش شوية المقاطيع اللي بعد معاهم
D:D:D
عاشت دماغك انتي كمان يا بريك
انت فلسعت بدرى كده هههههههههههههههههههه
انضم يا خويا انضم
عاشت دماغك
تا تعيش
والله بهتف لها بجد
لان الدماغ اللى من النوع ده بيكون فكرها ممتاز وصاحب قرار حر قيادى مفيش خنقة مفيش ضغط
ونقول تانى عاشت دماغك
تا تعيش
:)
appy
ولو اني مش فاهم
بس اووووووووك
انضميت
:D:D
desert cat
اشكركم اشكركم
كفاكم هتافا لدماغي
وعاشت دماغنا كلنا حره مستقله
نورتي يا قطه
أحلي حاجة أن دماغ الواحد تبقي حرة ليس عليها قيود
أصل الواحد حيوجع دماغه فيه إيه دلوقتي
كله مصالح
تحياتي
زيكا باشا
او زى ماحب اقول "مخرجنا العظيم"
انا النهارده خدت جوله لذيذه اوى على بوستاتك من بعد رمضان_ده بعد اذن حضرتك طبعا_
:D:D
و قلت اعلق هنا على كله
"عاشت دماغك حرة مستقله"جامده جدا
يمكن انا اخاف اقول الكلام ده حد يرد يقولى "انتى فيكى دماغ اصلا"..بس ماعلينا
...............................
سبعينات تمانينات تسعينات الفينات
احبطتنى
$:
................................
النقاب و لارقص و الجنه و النار
اختلفت معاك فى اسلوب الحوار فى بعض الجمل
و لوهله اختلفت معاك فى سبب طرحك للموضوع و ان كل واحد حر فى تعامله او تقربه من ربنا بالطريقه اللى تعجبه
بس لما قريت جملتك"لاني ما صادفتش محجبات او منقبات مثقفين في حاجه غير الدين ده اذا كان مثقفين في الدين اصل" قلت يمكن ده سبب طرحه للموضوع او يمكن هو عايز يقول ان الدنيا مش دين و بس و ان الدين لازم يكون على علم..
و دى حاجة احترمتها اوى
.......................
نشرة الاخبار..اسعدتنى جدا جدا جدا جدا..و مبرووك عليها و لونها متأخرة
.............................
بلاك تيما
عجبتنى الكلمات اخر حاجة ..و لازم هدور على اغانيهم..تشكر يافندم
................................
على فكرة صحيح..احنا اتفقنا احنا السته ان على فرح كل واحده فينا هنجيب "اجوزاتنا" قبلها تعلمنا رقصه للفرح بدل ال"سلو" المتخلف اللى احنا فاهمين ان احنا بنرقصه اصلا
و طبعا ببلااااش و أبو بلاش كتر منه
:D
انا بعد ما بلف على بوستاتك بحس ان دماغى اتفوّرت بعد ما كانت نايمه
تحياتى يا زيكاا
michael
عاشت دماغك حره من غير قيود يا مايكل
sa'7so'7te
حمد الله عالسلامه
نورتي بيتك ومطرحك
:D:D:P
عاشت دماغك حره مستقله يا سخسوختي
مافيش احباط ولا حاجه ... دي شوية كهربا للدماغ بس
:)
وبالنسبه لموضوع النقاب والرقص زي ما فهمتي بالظبط هو ده الغرض من الموضوع ان في ناس مابتقبلش غير الدين في دماغها ورافضه اي علم او فن تاني
والله يبارك فيكي علي موضوع نشرة الاخبار
دوري علي بلاك تيما وهيعجبوكش ان شاء الله
وبالنسبه ليكوا انتوا
و " اجوازاتكوا" تنوروا وعقبال ما تعملوا فرحكم في يوم واحد وترقصوا للصبح
يارب بس تكون البوستات عجبتك فعلا يا سخوسختي
النبي يا شيخه تبقي تنوري البلوج من وقت للتاني
:D:D
نورتي كالعاده يا سخسوختي
يا سيدي عاشت دماغك حرة، ودماغي أنا كمان، بس فكرة انتمائك لحزب أو مجموعة بتتحرك من خلالها مش معناها التبعية لأن الواحد بيختار المجموعة اللي افكارها تتناسب مع افكاره، وده مش شرط يكون في السياسة بس ده في اي حاجة
Post a Comment