بيصحي الفجر يصلي الفجر . وبعدين ينزل علي شغله يفضل ينبح في صوته لحد الساعه 5 وبعدين يرجع ياكل ويستحمي ويتخانق مع مراته شويه عالمصاريف اللي مش مكفيه ويوم الخميس يعمل واحد عشان الجمعه اجازه وبعدين ينام
بيصحي الساعه 12 الضهر يتصل بالمكتب ..ايه الاخبار النهرده يا عم احمد يقوله كله تمام يا باشا .. السكرتيره الجديده جت وفي انتظار سعادتك... دايما يحتار هيركب انهي عربيه النهرده .. ينزل ما يلاقيش غير عربيه واحد عشان ولاده ومراته خدوا بقية العربيات , يفضل طول اليوم في الشغل وبالليل مع السكرتيره الجديده ويروح ينام
بيصحي الساعه 7 بالليل ينزل يروح يسهر مع صحابه في اي كافيه يعاكسوا بنات اصغر منهم بييجي 30 سنه واربعين سنه وبعدين يشقطوا موزز من جامعة الدول ويروحوا في الشقه اللي بقالها اكتر من 30 سنه نجسه
جيل الاموات
الجيل اللي بيتهمنا باننا اكثر فشلا من غيرنا و الجيل اللي رضي بغرور الراحل انور السادات و مشي جنب الحيط
الجيل اللي اخرنا 50 سنه عن العالم كله
الجيل اللي بسببه عاشت مصر جمود غريب تحت مسمي الانفتاح
الجيل اللي ماعرفش حتي يحقق 20 % من احلامه
دور عليهم في كل بيت
دور عليهم في المصالح الحكوميه
والشركات الخاصه
والقهاوي البلدي
كانت علي ايامهم اسمها قهوة الشباب لما كانوا فعلا شباب
لكن دلوقت شابوا وشابت معاهم القهموه وبقي اسمها قهوة المعاشات
يا تري لما نوصل سنهم
هنبقي زيهم ؟
ولا هتنجح جهودنا ومصر هتتغير
هل احنا فعلا الجيل اللي هيغير مصر اللي ماتغيرتش بقالها سنين
2 comments:
هاى يا زيكا , أنا أول مرة أدخل مدونتك , بس عجبتنى صراحتك .
بص , أنا مش فاهمة قصدك ايه بأن الجيل اللى قبلنا عنده سكرتيرة و كام عربية , و لا هما لاقيين ياكلوا و لا احنا لاقيين ناكل , أما بخصوص جيلنا فاحنا أكثر الاجيال اللى عدت على مصر يأسا و فى نفس الوقت واقعة مفرطة , يعنى لا كنا فاكرين أننا داخلين تل أبيب بكرة , و لا بنقفل علينا الباب عشان نسمع خطب السادات , و لو أن بينى و بينك هم عرفوا يعنى ايه تبقى عندك قضية اكبر من العالم المحدود بتاعك , و بيشاركك فى أحلامك الناس كلها .
أنا لسه عامله مدونة جديدة , ابقى قولى رأيك ضرورى .
سلام
ساره نجاتي
نولا نورتي المدونه يا ساره
انا بس كنت باعرض كام مثال علي الجيل اللي قبلنا وضربت نموذك لطبقة غنيه وطبقه فقيره وطبقه ضايعه
نورتي المدونه مره تانيه
تحياتي
Post a Comment