Tuesday, October 21, 2008

عاااش يا نهي .. راجل والله

Photobucket
نهي رشدي
مخرجة افلام تسجيليه
كان لازم نرفعلها القبعه ونقولها مبروك عليكي وعلينا
كسبت اول قضية تحرش في مصر في بداية مهمه اوي لسن تشريع واقعي وحازم للتحرش الجنسي
والواد اللي اتحرش بيها لبس 3 سنين سجن
وعلي راي المثل
اضرب المربوط يخاف السايب
وبعد كده اللي هيتلسع من الشوربه هينفخ في الزبادي
واي حد قبل ما هيتحرش باي بنت هيفكر الف مره ان يبقي مصيره هيبقي زي مصير الاخ اللي انا مش عايز حتي اعرف اسمه
لاني عمري ما هتعاطف مع واحد زي ده
وياريت ماحدش يتعاطف معاه
لان اي حد يتخيل مكان البنت دي اخته او امه او بنته او مراته او صاحبته
يا تري لو كان شاف واحد بيعملها كده كان ممكن يعمل فيه ايه
احلي حاجه في الموضوع ان المجني عليها ( نهي رشدي ) الواد ده كان سايق عربيه نص نقل خرج ايده من الشباك وهي معديه من جمبه ولمس جسمها جريت وراه وهو سايق عربيته النص نقل وجابته من قفاه وعالقسم عدل وده بيثبت انها ب 100 راجل
ما يجيبها الا بناتها ( مشيها بناتها ) ويارب كل بنات مصر تعمل زيها لان ظاهرة التحرش دي اختفت من العالم كله ويارب نعديها بعقلنا ونفهم بقي اللي العالم كله فهمه
تحياتي لنهي رشدي
ولاي بنت هتعمل زي نهي رشدي

4 comments:

~*§¦§ Appy §¦§*~ said...

وليه يقتصر اسمها راجل
هى بنت جدع الرجاله اليومين دول مش كلهم طبعا اسم بس
البنت دى انسانه وجدعه مش راجل ههههههههههههههههههههههههههه

Zika said...

appy
ماتخبطيش في الحلل يا آبي بقي الله
ايه اللي دخل الرجاله في الموضوع دلوقت
مانا كنت ساااااكت وكويس
ياللا عشان خاطرك انتي بس
هي بنت جدعه
بدل ما يبقي يوم كله قلل وخرفان
نورتي يا آبي

Desert cat said...

اعتقد ان اللى عملته نهى رشدى خطوة ايجابية تشجع اى بنت انها مش تتنازل عن حقها
الف مبروك لنهى ولكل بنات مصر

Zika said...

desert cat
مش مبروك لبنات مصر بس يا قطه مبروك لاي حد محترم في مصر ومايرضيهوش اللي بيحصل ده
تحياتي يا قطه