Thursday, October 2, 2008

بلاك تيما

انا اسف علي الانقطاع في الفتره اللي فاتت عن مدوناتكم ومدونتي بسبب ظروف الشغل ورمضان
وان شاء الله الفتره اللي جايه هكون موجود وهقرا كل تدويناتكم اللي فاتتني
نخش في الموضوع
......................................
كسر المجنون مرايته
لما مالقاش صورته فيها
قام خابطها بكعب حظه
اللي صدي سنين طويله
فسر الدنيا في لحظه
لما شاف بيت القصيده
كثف الدنيا في لقطه
قصر وسط بيوت فقيره
......................
اساليني يا حبيبتي عاللي داير في البلاد
اللي فيها صادروا حلمي وباعوا صوتي في المزاد
اساليني عن ولاد شوفتهم بعنيا دول
دربوا كل الحلول وبيفشلوا في الاجتهاد
احكي ليكي الف قصه من حكاوي التعبانين
اللي عايش نص ميت واللي ميت من سنين
اللي نص كلامه كحه
واللي شاف خماره راحها
واللي اكل العيش دبحها دايره دور عالسكرانين
............
وغيرها كتير من الكلام الجميل اللي اختاروه بعناية جدا مع الحان جميله مختلفه
مزيج جميل من الجاز والبلوز والكلام المصري اوي
طبعا بتكلم عن بلاك تيما


Photobucket

بحر وعبده وامير
اصوات مصريه جميله اوي وان شاء الله يكون ليهم مستقبل مشرق جدا
وبالمناسبة بلاك تيما عاملين حفله في الساقيه
يوم 4- 10
رابع يوم العيد
الساعه 9 بالليل
ياريت تروحوا الحفله هتعجبكم ان شاء الله

8 comments:

david santos said...

Hello, Zika!
Excellent posting. Congratulations!


This is not Spam. It is a campaign against the abuse of children.
Thank you.

break said...

حمد لله على السلامة
انا كمان لسة جاية من السفر
طبعا السفر دا مجازا يعنى

رمضان كريم
وعيد سعيد
وكل سنة و انت طيب عشان 6 اكتوبر بالمرة

انا مسمعتش عن بلاك تيما قبل كدة
بس هدعبس وراهم دلوقتى
وواضح من الكلمات انهم هيعجبونى

Zika said...

david santos </B
الله يسهلك

Zika said...

break
الله يسلمك
وحمد الله علي سلامتك انتي كمان
وربارضه رمضان كريم وعيد سعيد وسته اكتوبر هايل
دوري عليهم ومش هتندمي
ان شاء الله هيعجبوكي جدا
نورتي كالعاده

Desert cat said...

حمد الله على سلامتك
نورت النت من تانى
وعيد سعيد عليك

قلب شاعره said...

مدونتك جميله وجزابه جداا ان شاء الله ازورها دايما

Zika said...

desert cat
النت منور بناسه
الله يسلمك
نورتي

Zika said...

قلب شاعره
نورتي مدونتي المتواضعه
واتشرف بزيارتك دايما