Friday, July 13, 2012

فجأة


لم الذكريات في كيسه
حط كل شيء مكانه
بيشتري غاليه برخيصه
والسكات بيموت عشانه


مش غريب ع الدم جرحه
شجر الدمع اللي طارحه
البكا بيحب شرحه
والأماكن مسؤولين


عدّى لم الخوف وخبّى
كل شيء في العتمة دب
بس كل حاجه صحيت
فجأه ماتت لما حب


الزمن ده واخده حاله
والأماكن عايشه عاله
والأمل مبعوت حوالة
والسنين بتجيب سنين


فجأة ساب الصح فايح
فجأه بيفكّر بصوت
فجأة فاكر فجأة رايح
فجأة بيقرر يموت

2 comments:

حنان الشافعي said...

حلوة قوي

Eman Muneir said...

ايه الجمال ده ؟ بمنتهى البساطة تقفله و تظبطه كده .. بس يوجع أوي على فكرة