الاستاد
ــــــــــــــ
ماتروحش الاستاد فيه مشاكل ومش ناقصين بلاوي , كفايه جريتنا وراك وشحططنا لما كنا في بورسعيد وبعدين اعمل حاجه مفيده بلا كوره بقي بلا زفت
انا باروح الاستاد من وانا عندي 12 سنه جاي دلوقت تخاف عليا وانا قربت علي 20 سنه ده انا باروح من ايام ما كنت باخد معايا سندوتشات وانا رايح وماكانش فيه موبايلات وقتها يعني ماكنتش بتعرف تطمن عليا هاتعمل دلوقت خايف ومهتم
عموما انا قلتها كلمه ماتروحش يعني ماتروحش
حاضر ماشي
ممدوح... انا قلتلك ماتروحش
يارب صبرني . يا عم انا باقولك حاضر ماشي
ماهو انا عارف حاضر بتاعاتك دي
مالها
معناها انك مش هاتسمع الكلام
طيب
ممدوح ؟
مالها طيب بقي ؟
معناها انك هتروح
....
...
ساكت ليه ؟
الله مانا كل ما اقول حاجه اطلع مش هاعملها قلت اسكت
مانت طالما سكت كده يبقي مالهاش غير معني واحد
ايه ؟
انك هاتروح
لا يا بابا خلاص مش هاروح اسكت بقي دماغك ودماغي
بعد مرور ساعتين
اووووووووووووه مصراوي اووووووه مصراوي اوووووووه مصراوي
========================================
ايمن
ـــــــــــ
صباح الخير
صباح النور
هاي ازيك عامل ايه
الحمد لله كويس ازيك انتي ؟
انا كويسه الحمد لله
استني اما اعرفك
ممدوح صاحبي . . داليا يا ممدوح
اه اهلا وسهلا ازيك يا داليا فرصه سعيده
انا اسعد
( احمد كل شويه يهز ايدي وانا متنح لداليا تتنيحه زي الزفت كان بقالي تلات ايام مانمتش ولازم انزل الجامعه اخلص ورق )
ممدوح . انت مركز معايا شويه صح؟
اه الحقيقه يا داليا انا مركز معاكي هو انتي اخت ايمن؟
ايمن !!
لا ماعرفش حد بالاسم ده .
غريبه
اشمعنا ؟
اصلك شبه واحد صاحبي اسمه ايمن
احمد غير الموضوع بسرعه جدا وقالي روح هات نيسكافيه يا ممدوح
طول السكه عمال افتكر مين ايمن ده
في الاخر افتكرت اني ماعرفش حد اسمه ايمن
بس هي البت كانت مديه علي ايمن اوي .. سبحان الله يخلق من الشبه اربعين
===========================
العفريت
ــــــــــــــــ
شبيك لبييييك عبدك وملك ايديك
ميييييين ؟
شبييك ولبيييك عبدك وملك ايديك
انت هتستعبط يا روح امك
ليه بس يا ممدوح ده انا عفريت
عفريت ايه . الله يخرب بيوتكوا هي ناقصاكوا غور ياض عالصبح
يا ممدوح ده انا هاحققلك تلت اماني
تلت اماني مين ياض . انت هتشتغلني انا غور
ليه يا ممدوح بس . انت عمرك ما طلعلك عفاريت قبل كده
انا . انا كل يوم بيجيلي كلب زيك ويقولي شبيك لبيك وفي الاخر
يقولي ادفع عشره جنيه وخمستاشر قرش وادخل السحب
طيب ماهو الشركه هي اللي حاطه الشروط دي
وهو انتوا بتشتغلوا تبع شركه
يا بيه خلاص الحاله بقت دنك ومافيش شغل . كلنا نازلين مبيعات عند عفركوش جروب وبنقلب رزقنا
امشي يابني الله يسهلك انا مش عايز احلم
طب احلم حلم واحد وادفع خمسه جنيه ونفعني
لا انا بطلت احلم يا عم الاحلام بتاعتكوا دي وغوور بقي ده محل اكل عيش
غوور
30 comments:
واضح انك لسه مشربتش النسكافية
ههههههههههههههه
بس هي مداية قوي علي ايمن فعلا
و احسن حاجة نقولها لبابا حاضر
بترييح قوي
هههههههههههه
انت كمان بيطلعلك عفاريت
انا طلعلي واحد من يومين قلبته في اللي معاه
ههههههههههه
يا زوكي يا حبيبيم اننا حنا السود فاول حوار تعتبره معايا بس الفرق انك بتروح تتفرج واننا بروح العب
المهم تاني حاجة على فكرة انا طلعت المريخ من شوية كده لاقيت برده عفريت داخل عليا بيقولي مفيش شغل عندي انت تعرف كان اسمه ايه عفركوش ايوا هو بتاع الشركة اصله باعها
لسعااااااااااااااااااااااااااااااان
جناااااااااااااااااااااااااان
ههههههههههه
محتاج تنام يازيكا
بطل فرهدة بقىىى :))
وابقى حاول تروح المانيا يمكن تعمل حاجه ف الاهلي :@
وبركاتك تحل ونكسبلنا ماتش :D
ههههههههههههه حلوة خش نام وريح دماغك
ههههههههههههههههه..يعني رحت الاستاد برضه
يا عم أنا مش حكتلك ع البهدلة اللي حصلتلي
بلاش أنت متبتش من بعد بورسعيد
غريب أنت يا أبو الزيك
:))
وبعدين يا عم فرق أيمن من داليا
حد لاقي يطلعله عفريت
رووح يا زيكا وتعالي بسرعة
:)
مش دي برده طنطا؟
لا مؤاخذه يابني بقالي 4 ايام مطبق شغل ورا بعضه
ههههههههههه
حتى العفاريت اتخصخصت
بس ابقى اتغطى وانت نايم
ههههههههههه
ده مش نسكافيه , ده أنت كنت واخد قرش كابيتشينو يا حبيبى
لا انا بيصدقوا الحاضر بتاعتى , أصل يا اما بقولهم حاضر و فعلا تبقى حاضر
يا اما افضل أجادل فيهم لحد ما حد فيهم يكفر ههههه
أما بالنوسبة للعفريت , ابقى ابعت لى واحد اشتغله شوية ههههههه
صباح الصباح يا زيكا باشا
رائع الشغل ده يا ابو الزيك
على فكره
انا نفسى يكون لينا علاقه على مستوى المسرح ممكن ؟
انا مصمم ديكور
هههههههههههههههههههههههههههه
يا زيكا
ابقااتغطا وانتا نايم
طيب كلكوا متفقين اني لازم انام اتغطي وان انايم
الا ما في حد جابلي غطا ههههههههه
وبعدين غطا ايه في الحر ده
عادل
ايه ده هم بيطلعوا لكل الناس كده
طب كويس اصلي افتكرتهم افشني انا بس هههههههههههه
نورت يا عدول
عمرو تعلب
ماشي يا عم اللاعيب الكبير لما اخف فرقه قصاد فرقه ونشوف يا عموووووووور
ههههههههههههههههههههههههه
عمرو تعلب
ماشي يا عم اللاعيب الكبير لما اخف فرقه قصاد فرقه ونشوف يا عموووووووور
ههههههههههههههههههههههههه
موني
اه والله محتاج انام فعلا
لا انا مش رايح المعسكر مش محتاجه هههههههه
فاروق عادل
طيب تصبح علي خير يا راجل يا طيب هههههههههههه
فاروق عادل
طيب تصبح علي خير يا راجل يا طيب هههههههههههه
مايك
يا عم انت عارف السمك عمره ما يخرج من الميه يا موككااااااا
dr.lecter
ايه طنطا دي
لا يا عم احنا في القاهره هنا
هات كرسي لعمك يا دقدق
جلابيه لخالك يا بت
اشرب حاجه يا باشا طيب اشرب حاجه
ماجي
اتغطا ايه بس في الحر ده يا مااااجي
الجو حرر
اه احمد عز خد توكيل العفاريت خلاص
هههههههه
ماجي
اتغطا ايه بس في الحر ده يا مااااجي
الجو حرر
اه احمد عز خد توكيل العفاريت خلاص
هههههههه
ساره نجاتي
صصصصصصصص يا خطر انت يا خطر
طب وليه تتعبي نفسك وتتعبيهم يا ساره
حاضر دول بيجولي كتير اوي هابقي ابعتلك تلاته اربعه تشتغليهم
ساره نجاتي
صصصصصصصص يا خطر انت يا خطر
طب وليه تتعبي نفسك وتتعبيهم يا ساره
حاضر دول بيجولي كتير اوي هابقي ابعتلك تلاته اربعه تشتغليهم
تشي
صباح الفل يا عمووور
لاااااااااااااازم تشرب حاجه
مسافه
تسلم يا ريس
والله جميل اوي
ياريت يكون فيه بيننا تعاون
انا بامثل وباكتب
نورت يا باشا
البت المشمشيه
اتغطي اييييييه بس يا ناااس الجو حر
جميل أنت يا زيكا .. إبداعك يعجبني دائما @ تحياتي لرأسك الزكي @ آدم الدرعمي
ههههههههههههههههههههههه
سؤال بيطرح نفسه بنفسه
هى كل المواقف دى حصلت فى يوم واحد
والا انت مانمتش ايام كتير
الوضع شكله صعب اوى ههههههههههههه
صعبت عليا والله داليا
المفروض ماحدش يقف قدامك لما تكون مش واخد كفايتك من النوم ههههههههههههههههه
الدرعمي
ادم باشا . منور دائما ودايما بتفرحني برايك الجميل ده
تسلم يا باشا
والله يا جدع واحشني :)
Post a Comment