Thursday, July 16, 2009

BLAYATCHY

i heard a joke once, man go's to doctor say's he's miserable an' life seems harsh and Cruel an' he feels all alone in this world , doctor say's treatment is simple the great clawn BLYATCHY is in town go see him that should cheer you up , man burst into tears ( but doctor
- he says - i am BLAYATCHY )

كل الجموع مستنيين
اللي لسه شاكك
انه يقدر
او قدر
واللي ماسك نفسه
من المضاحك
صبر
كان ورا الكواليس
مستني فقرته
واقف بيدور في الكراسي
بنظرته
اللي قاعد جمب واحده بيضحكوا
واللي قاعده ماسكه واد بترضعه
واللي عيل لسه فيه في عينيه امل
ولا اسره جايه تلعب
لا هتشوفه ولا تسمعه
كل الكلام ده بيوجعه
كل البشر مستنيين
وصوله
رغم انه من ساعة وصوله
مش لاقي حد يرجعه
وكله بيسال عن اصوله
وبيطرحوا في الاسئله وبيجمعوا
لما بدا مقدم الحفله الهمام
بدا الكلام
قالك ده ايه
بلياتشو ايه
ينط علي اجدعها حبل
ولو وقع مابيتكسرش
قالك يا بيه
انه حارب يوم اسد
وماتهزمش
شكله يضحّك
لبسه يضحّك
ضحكه يضحّك
دمعه يضحّك
وكل شئ جواه يضحّك
الله يسامحك
اكيد كدبت
لاني صابر
ياما صبرت
قال المقدم
فجاة جدا
مره واحده
ان المهرج
الليلادي
فقره واعده
راح ينط عالحبال
راح يضحك العيال
ومن حرارة الانتظار
الجمع كله بعيونه شد
نظره جد ورا الستار
افتح يا ستار
شبيك لبيك
اطلع يا نهار
ابدا مزيكا
دقوا الطبول
في صمت جايز من الذهول
الكل مستني
اما البطل
واقف وكانما هيغني
مشي عالحبال
حاجه يافندي فوق الخيال
لكن سمع
صوت صراخ عيل
وقع
ساد الذهول
وناس تقول عايش
وناس تقول
لا لا ده مش ممكن
مش معقول
اكيد ده جزء من فقرة الليله
ايوه صحيح
هو جزء من فقرة الليله
هي قلة حيلة
مرمي الغلبان
جثه
مات البهلوان
والناس بتصقف لسه
قفلو الستار
والناس مشيت مبسوطه
توته توته
فرغت الحدوته


23 comments:

dr.lecter said...

حلوه
بس صغنطوطه

مواطن مصري said...

حلوة يا زيكا

adel said...

حلوة جدا ياواد

انا عارف النكتة بس انت صغتها بشكل حلوة
احييك عليها

aMr tA3LaB said...

جميلة يا زيكا وحلوة الحدوتة بس صغنتوت مش ملتوتة

كل واحد يهمه نفسه ميهموش غير نفسه

z!zOoOo said...

وجعت قلبي قوي

لأني حسيتها قوي

الله يسامحك

Che said...

حلوة يابو الزيك
بس النكته قديمه شويه ، بس شغاله برضه .... هههههه

سارة نجاتى said...

مش عارفة أقولك ايه بجد

أوعى تسيب موضوع الشعر ده يا زيكا بليز

أصل الناس لما بتكبر شوية بتسافر الخليج تعمل قرشين

و بيوصوا أمهم على عروسة مطيعة تشحنهاله على هناك

و يجى هنا يجيب الشقة و عربية حلوة

و لما بسمعشعر ( لانه غالبا مش ح يقراه ) يقول أه و الله كنت بعمل و بكتب

معرفش ممكن أكون كأبتك بس أنا أصلا مخنوقة

أنى واى
كمل فى طريقك ده يتهيأ لى ان سكتك صح

أه

بس ليه على طول الناس متصورة أن البلياتشو ده شحص حزين؟؟؟؟؟؟؟؟؟؟؟

مياسي said...

اللعب على المتناقضات

حـلوه

MAЯV3L said...

life is a joke...it's all a joke

micheal said...

كل مرة عندك جديد يا زيكا ودي أحسن حاجة في كلامك
تحياتي

الدرعمي said...

جميل و حزييييين أوي .. أنت ولد تختلط في داخله الدماء بذرات الإبداع و إفرازات الفن الداخلية @ وفقك الله @ آدم الدرعمي

الدرعمي said...

جميل و حزييييين أوي .. أنت ولد تختلط في داخله الدماء بذرات الإبداع و إفرازات الفن الداخلية @ وفقك الله @ آدم الدرعمي

Zika said...

dr lecter
شكرا يا باشا
خير الكلام ما قل ودل

Zika said...

مواطن
شكرا يا عموور

Zika said...

عادوول
الصيغه دي مش بتاعتي يا مان دي واخدها من فيلم
watchmen
اوعي تكون شفته فيلم وحش اوي والله هههههههه

شكرا يا باشا نورت

Zika said...

amr ta3lab
هو ده يا ابو فوكس

Zika said...

zizoo
مش قاصد ادوس عالجرح
بس سعيد ان الكلام وصلك

Zika said...

che
منور يا عمرو بييه
:D:D
علي فكره دي مش نكته هيهيهي
:P

Zika said...

ساره نجاتي
مش هاسيبه يا ساره ماتخافيش هو انا ورايا غيره
انا اعرف ناس كتير اوي من النوع اللي انتي بتقوليه ده
بس دول مابيحبوش الشعر زي مانا بحبه

الناس ليه دايما شايفه البلياتشو شخص كئيب ؟
مش عارف يمكن عشان بيضحك الناس

يمكن عشان هو مرغم انه يضحك قدام الناس . ماحدش عارف هو حاسس بايه
زي ما تكوني مرغمه انك تروحي الشغل وانتي تعبانه
بس لأ مش شرط يعني يبقي حزين
بس هو مثال لشخص بيضحك الناس وغالبا هو ما بيضحكش

Zika said...

مياسي
شكرا جدا
نورتي

Zika said...

marvel

big joke

Zika said...

مايكل
يخليك ليا يا صديقي

Zika said...

الدرعمي
انت رائع حتي في مجاملتك يا صديقي