Sunday, July 19, 2009

the a7a thing

مش شرط خاااالص . خااالص بنتين ماشيين عالكورنيش لوحدهم الساعه اتنين تلاته بالليل يبقوا عايزين يتشقطوا
مش شرط علي فكره
فكرة ان دايما امين الشرطه اللي بيوقفك ويقولك بطاقتك . وهو مش لابس لبس رسمي ولا جمبه بوكس ولا ظباط . تعرف انه لا امين شرطه ولا حاجه ومربي شنب كده وكده عشان يبان ال يعني انه امين شرطه اسم الله وبكده تقدر بكل بجاحه
لما يقولك وريني بطاقتك
تقوله احا ليه انت مين ؟
الشغل في الحكومه مش عيب بس العيب انك تبقي شاب لسه متخرج وبتبدا حياتك وطلع ميتين امك في الكليه .. واول ما تبدا حياتك تقبض 150 جنيه
وتعالوا نحسبها
لو انا باخد ميه وخمسين جنيه وابويا مش عايش واخويا الكبير ما بيشتغلش وماليش غير شغلي
انا باقول مثلا
انا باشرب مارلبورو ابيض العلبه بتمانيه ونص
في اتنين
ب 17 جنيه
في تلاتين يوم
ب 510
يعني احا .. ماله الرقص .. مااااااله
ايه المغزي ان اي واحد راكبه في المترو ولا في مواصلات عامه وزنها تلاتين الف كيلو وساده السكه . تيجي تعدي من جمبها تقولك .. ماتحاااااسب
احاسب مين يا وليه وانا ذنب امي ايه انك بتاكلي اكل عيالك
وحتي لو مش الست تخينه
بارضه خلاص يا روح خالتك اعملك ايه يعني هو من جمال اللي خلفوكي باتمسح يعني
جتكم الارف مليتوا البلد
انا باكره سواقين التاكسيات عشان رغايين وانا ما بحبش الرغي
وباكره العيال السرسجيه عشان بيخلوا البلد شكلها ابن وسخه .. اكتر ماهي اصلا شكلها ابن وسخه
انا باكره الاسماعيلاويه عشان ما بيفهموش في البطيخ مش عشان الكوره . بعيدا ع الكوره هم اصلا شعب ابن ستين في سبعين
وباكره اي حد يعمل مهم في الدنيا لان مافيش حد مهم .. يعني من الاخر ما بحبش الغرور ولا المغرورين
واحد بضين يسال يقولي طب وانت كاتب البوست ده ليه
اقولك وانت مالك . انا حر دي مدونتي يا عم
باكره الشحاتين عشان دول اكتر ناس في العالم مش مؤمنين بربنا
باكره الملحدين لانهم بتاكلهم علي طول وماواراهمش شغلانه غير شتيمة الاسلام ما عايز تبقي ملحد ما تلحد بعيد عن اللي خلفونا يا عم هو حد قالك ماتبقاش . كل واحد متعلق من عرقوبه
وباكره الشباب اللي بيضيفوا صحابي البنات عندي عالفيس بوك وهاتك يا رخامه وتقل دم مش عشان حاجه بس ابو ام اختراع البرشطه والكلام لناس معينه واحب اطمن البعض . الناس اللي باتكلم عليهم مابيقروش الكلام ده دلوقت
وباكره الزباله اللي في الشارع ... واللي يرمي الزباله في الشارع
وباكره الزحمه
وباكره الحر .. والجو دلوقت حر
وانا حران
>>

32 comments:

dr.lecter said...

فعلا معاك حق

a7a

Anonymous said...

وانا كمان بكره كل الحاجات دى

سارة نجاتى said...

بغض النظر أن عن مفيش علاقة بين كل الحاجات دى بعض ( الا لو قصدك أن كل بتندرج تحت بند مقومات ظهور البلد بمظهر بنت الوسخة هههههههه)

و بغض النظر عن أن ده مش بوست ده تنفيسة كده

الا أنى حاسه بيك جدا , بس هو تلاقى يومك كان ميت فول و عشرة يومها

فى نقطة أنت قولتها فى كلامك ح اقولك عليها جملة واحدة
" أنت قررت تبقى مختلف , يا تدفع ضريبة احتلافك ... يا ترجع تمشى مع القطيع اللى أنت طلعت عنه "

خد واحدة كيت كات ح تروقك , صدقنى متجربة

Che said...

طبعا انا مش هسأل سببه ايه البوست النار ده عشان مبقاش شاب بضين ... هههههه
بس عادى والله يا زيكا ... على فكره تقريبا كلنا الشباب بنكره نفس الحاجه ... بس انا اكتر حاجه بكرها هما بتوع الاسماعليه
ماتخدش الدنيا على صدرك أوى كده يا عم

الدرعمي said...

ياااا خبرررر دانت حراااااان موووووت كفاية كدة طلعت كل السخونة والنار من جواك هتاخد برد كدة هههههههههههههه مع إني مش بميل لبوستات التنفيس بس البوست بصراحة جامد .. ابقى فوت كدة على نادي الأدب فيه حاجات جديدة @ تحياتي @ آدم الدرعمي

الدرعمي said...

ياااا خبرررر دانت حراااااان موووووت كفاية كدة طلعت كل السخونة والنار من جواك هتاخد برد كدة هههههههههههههه مع إني مش بميل لبوستات التنفيس بس البوست بصراحة جامد .. ابقى فوت كدة على نادي الأدب فيه حاجات جديدة @ تحياتي @ آدم الدرعمي

Unknown said...

واحد عايف حاله فعلا!!!
ملاحظه: عـايف=قرفان من نفسو:)

aMr saYed said...

كلنا ايد واحدة يا ابهجت كلنا بنكلم بعض

مشتركين في كره البرشطة و 150 جنيه و الاسماعيلاوية

وخلي عندك دم وتعالالي الزماتلك
نقعد هناك بعد اما اخلص

MǿиY El-Shreef said...

:)

والله انا كمان بكره كل ده

بس بحبك انت ;)

ربنا يعديها الايام المنيله دي

وان شاء الله نفسيتك تبقى تمااام

Zika said...

dr.lecter
احا بجد انا اتخنقت

Zika said...

اسامه
هو ده الكلام يا اسامه
:D

Zika said...

ساره
لأ ليهم
البلد فعلا بنت زفت اوي وفيها حاجات كتير اوي


"فى نقطة أنت قولتها فى كلامك ح اقولك عليها جملة واحدة
" أنت قررت تبقى مختلف , يا تدفع ضريبة احتلافك ... يا ترجع تمشى مع القطيع اللى أنت طلعت عنه "

مش فاهم دي بصراحه يا ساره قصدك ايه

لا هاتيلي جالاكسي

Zika said...

تشي
هههههه
ماتخافش هاخدها علي صدري واطلعها من مناخيري
:P:D
نورت يا معلم

Zika said...

الدرعمي
اه والله يا ادم الجو حر فعلا ههههههههههه
بالعكس والله يا ادم بوستات التنفيس دي بتريح اوي والله
انا جاي علي نادي الادب الرائع
سلام يا ريس

Zika said...

مياسي
:)))
حلوه عايف دي جديده
بس انا مش قرفان من نفسي يا مياسي انا قرفان من المجتمع

Zika said...

عمرو
صح ولا ايه يا عمرو
حبيبي انت يا ابو فوكس

عينيا هابقي اعدي عليك في الزمالك شويه ولو ان عندكوا انفلونزا الخنازير بس قشطه يا نعيش عيشه فل يا نموت احنا الكل

Zika said...

موني الشريف
عارفه الحل يا يا موني ان الناس دي تتضرب بالنار ههههههههه

mojo said...

بس فيه ناس كتير تانيه غير الاسمعالويه واطيين هما الاسمعااويه انا متفق معاك بس انت سيبت بتوع طنطا انا دول بكرههم عمى

micheal said...

ايه ياض يا زيكا الحلاوة دي
متفق معاك جدا في سواقين التاكسي والاسمعلاوية ونظرية لو بنت ماشية لوحدها بعد نص الليل تبقي نازلة تتشقط..علي فكرة مرة اتخانقت مع اتنين صحابي بسبب أنهم كانوا بيعاكسوا واحدة وهما في العربية عشان كمنا الساعة 3 بالليل..نياهههه
بس تعالالي هنا ياض أنت ياض..ما أنا ضفت إيمي جزرة وعائلة عوني من ع الفيس..الوحيدة اللي ضافتني هي منة ..مش لازم يعني أكون داخل أرخم
بقي أنا وش ذلك يا أبو الزيك..اهيء اهيء

مواطن مصري said...

فعلا احا بوست في الجول

مواطن مصري said...

انت سبقتني و كتبت عن ال a7a

انا هكتب انا كمان عن ال البلد الوحيدة الي تخليك تقول احا

*** حور- نور*** said...

طبعا من حقك تقول اللى انت عايزة لكن باسلوب كويس شويه
هى صحيح مدونتك بس برضه أكيد فى ناس بيحبوا يدخلوا يقروا عندك
على فكرة انا كمان بكرة كل الحاجات دى
بس فى حاجه زياده أنا بكرة الروتين الحكومى وتعالى بعد اسبوع يا انسه وهاتى كذا وكذا
تحياتى
صحافيه حرة

Zika said...

حور - نور
"رأيى ملكى أنا وحدى ومادمت أحيا سأظل أكتب ماأريدولن يقيدنى أحد
"
الكلام ده انا واخده من مدونتك
انا يا فندم مش باكتب مقال ساخر انا باكتب اللي انا شايفه من وجهة نظري وبطريقتي مش اكتر
واعتذر لو كان فه الفاظ ضايقتك
نورتي

Zika said...

mojo
مش الاسماعيلاويه ولا الطنطاويه هو فيه اكتر بس مش هاينفع اقول
هههه
نورت يا باشا

Zika said...

مايكل
يا واد اكيد مش قصدي عليك شكلي هاسيب ساره واسماء يكهربوك هههههههههه

Zika said...

مواطن
انا وانت واحد يا برنس

Anonymous said...

kol klaml sa7 ya zika 3la fekra

by : sameh ezzat ..facebook

*البت المشمشية *حلوة بس شقية * said...

واد انتا انتا عايز تضرب على فكرة

Zika said...

سامح
كويس ناس كتير وافقتني اهو عاللي باقوله

Zika said...

مشمشيه
ليييه بس ليييه ده انا غلبااااان

نعكشة said...

نفسي في سؤال رخم محدش بيجاوبني عليه و احتمال حضرتك كمان تقولي
وانتي مالك محدش قالك تقري البلوج بتاعي

ونظراً لإني رخمة و بحب اتسآئل برغم إني مبحبش حد يقولي اني حشرية

وليكن السؤال هو...


ليه الألفاظ النابية .. الوحشة يعني بقت إيزي كدة خالص عند معظم الشباب
الولاد و البنات بس الولاد أكثر؟؟؟

لو حضرتك شايف إنه مش دخلي

ممكن تكبر و مش ترد على هذا التعليق

أو ممكن ترد و أبقى أنا اللي جبته لنفسي

شكراً سيدي المواطن

سلام عليك

Zika said...

نعكشه
المدونه دي تاخدي راحتك فيها عالاخر اي حد عايز يعمل حاجه او يسال عن حاجه بيسال عادي ههههههه
بصي يا ستي
المدونه بالنسبالي عباره عن مكان للتنفيث
وانا عن نفسي مش مسؤل عن الولاد اللي بيشتموا او البنات اللي واخدينها عادي
انا مسؤول عن نفسي
وعن اختياراتي اللي شايف انها راجعه ليا ولدماغي
وللطريقه اللي حابب بيها اخرج الكلام ولو كنت عايز اطلع الكلام متزوق
ماكنتش عملت مدونه
لاني مش كاتب
انا باكتب اللي ييجي علي دماغي
حتي القصص القصيره او الاشعار باكتب فيها بحريتي الكامله من غير ما اذوق كلامي
بس كده
عموما نورتي جدا
استني بقي اشربي حاجه
فيه ليمون كويس جدا عندنا
واحد ليمون يا دقدق