Friday, June 12, 2009

باب الاوضه بيلعب ليه ؟



باب الاوضه بيلعب ليه ؟

هو ده السؤال اللي بتطرحه كل اسره مصريه في اهم ليله في موسم تزاوج ذكر المصري علي أنثي المصري اللي هي ليلة الدخله

وليلة الدخله .. للي مايعرفش

هي الليله اللي بتكتشف فيها انثي المصري ان الدكر المصري مش جامد اوي زي ما هي متخيله . وهي ذات الليله اللي بيكتشف فيها ذكر المصري ان انثي المصري مش شاكيرا .. مش شاكيرا خالص

وجري العرف في مصر ان معركة ليلة الدخله لابد ليها من استعدادات خاصه مش اي حاجه يعني لأ.. دي زي نهائي الكاس , يعني مش بعيد يجيبوا حكام اجانب

وطبعا تحضيرات ليلة الدخله مش بالسهوله اللي الناس فاكراها

لأ

لكن .. معسكر اعداد الدكر المصري .. مش زي معسكر اعداد انثي المصري

معسكر اعداد انثي المصري غالبا بيكون معسكر مغلق . يعني ماحدش يصور ومافيش صحفيين

وبيقتصر الاعداد علي حكاوي صديقات انثي المصري عن تجاربهم مع ليلة الدخله . سواء كانوا متجوزين او لأ بس هم كلهم بيفهموا فيها . اصلها حاجه كبيره اوي يعني ومحتاجه مذاكره ومراجعه عامه ومراجعه نهائيه

كمان بيضم معسكر الاعداد حكاوي الام ونصائحها

اعمل اللي يقولك عليه ... ماتقوليلوش لأ علي حاجه , حسك عينك جوزك تعصيه احنا ماعندناش بنات تعصي اجوازها

ومفيش مانع ان خالات وعمات وولاد خلات وولاد عمات انثي المصري يقرصوها ليلة الفرح عشان يحصلوها


اما تحضيرات ذكر المصري .. فبيبدأ الاعداد من بدري يعني من قبل الجواز مثلا ببتاع سبع سنين لو ذكر المصري اتجوز بدري ولو ماتجوزش بدري ممكن المده دي توصل لعشرين سنه

وايضا في معسكر اعداد الذكر المصري بيتجمع حوالين ذكر المصري العديد من ذكور المصري عشان ينصحوه

والنصائح معروفه ودائما ما تنحصر في الأكل

أكل السمك دائما هو الافضل في تلك المناسبات

جمبري واستاكوزه ويا سلام لو تاخد كوكتيل الفارس من عندك حسنين العطار . اقولك بلاش فيه زنبوق الغفير بتاع الحجم الكبير ودي بقي برشامه بتاعة كله ودي اللي بتجيب من الاخر ولو ماخدتش البرشامه دي يا معلم هاتبقي عامل زي الكتكوت المبلول ولو خدتها

هاتبقي واد مجدع وجته ونظرك سته علي سته او كما يقول الاعلان المصري الشهير

هاترقص وتباصي وهتلعب وقت اضافي


بابا الاوضه بيلعب ليه ؟

بتتلخص اجابة السؤال ده في الليله دي اللي هي بيكرم فيها المرء او يهان , فاذا انتصر الدكر المصري فده بيكون فخر ليه جدا حتي لو قعد طول حياته مايعملش حاجه المهم انه شرف بلده ااا اقصد شرف عيلته ليلة الدخله


كمان بتتعمد الاسره المصريه واصدقاء ذكر المصري في نفخ ذكر المصري علي قد ما يقدروا كما تتعمد صديقات انثي المصري انهم ينفخوا بااااارضه في ذكر المصري حاكم دكر المصري بيحب النفخ

وبيتم النفخ . ثم النفخ ثم النفخ لحد اما هوووووووووووب

طش

دكر المصري يفرقع

ولحد دلوقت باب الاوضه بيلعب ليه ؟

تعبير مجازي يدل علي ان دكر المصري ربنا وفقه

او ها يوفقه

وبالتوفيق لذكر المصري ولانثي المصري

كان معكم من امام باب الاوضه

مراسلكم

ممدوح عبد الحميد

19 comments:

MǿиY El-Shreef said...

ههههههههههههههههه

شكل العركة حاميه قدام الباب عندك

طيب عايزين المره الجايه بالصور :P

بس انت كده بجد بتحطم معنويات الاناث الي لسه مامروش بليله الدخله

وممكن كمان تأثر ع فكرتهم عن صباح الخير يا زيكا

يرضيك كده :D:D:D

هههههههههههههه

ع فكرة انت ذكر مصري بردوا ولا ايه :D

سلام ياعم لحسن تحدفني بأقرب جزمه هع

اووووووووول تعليق :]

مواطن مصري said...

ههههههههههه

طيب مفيش مشجعين في المعركة دي

ولا اية

بوست جامد يا زيكا

سارة نجاتى said...

ههههههههههههه

زيكا , خلاص أنا مش ح تجوز مش عايزة خالاتى فى معسكر أبدااااااااااااا

adel said...

ههههههههههههه
جامد بجد يابني
كان مزيكا تصويرية و يبقي شبة برنامج ما وراء البحار

ههههههههههههههههه
بس معتقدش في مصر دكورا بيخلوا البيبان تلعب
ليه هالك ياعم

MaNoOoSh said...

ههههههههههههههههههه


طيب كويس اننا عرفنا سر عن ذكور مصر
الا وانهم بيحبوا النفخ

س لحد دلوجيت معرفناش بردوا باب الاوضة بيلعب ليه
هه
هه
لية بقى .. بيلعب ليه؟

Zika said...

mony
اه يا موني انا سامع اصوات وناس بتموت جوه
ربنا يستر عالناس دي

اه انا دكر مصري بس انا متربي في مزارع محترمه :D

Zika said...

مواطن مصري
هنعمل مدرجات قريب يا عمرو
:D:D

Zika said...

ساره نجاتي
ماحدش يتجوز خلاص يا جماعه مش ناقصين فضايح ههههههه
او اللي عايز يتجوز يتجوز في السر :D

Zika said...

adel
لا يا عم ماعادش فيه خلاص رجاله كده راحت عليهم :D:D:D
دول بتوع الزبده الفلاحي والسمنه البلدي الله يمسيهم بالخير

Zika said...

manooosh
هههههههه
ايوه بس مش كلهم يا مانووش يعني
باب الاوضه بيلعب ليه من حلاوة اللمبي عليه زي ما قالت الست فرنسا في فيلم اللمبي
ابقي اساليها هي بقي ماليش دعوه هههههههههه

Che said...

ايه يا عم زيكا البوست الجامد ده ... يا بنى حسستنى انى قاعد فى الاستاد ... بوست ماينفعش غير تقراه تانى و تالت
ده اول تعليق بعد اول قرايه على فكرة

Zika said...

che basha :D
ربنا يخليك يا باشا :)
منور الدنيا والله

Unknown said...

ههههههههههههههههه

هو هاي ليلة العمر ولا معركة حربيه؟

بس جد تحشيش الحمدلله عنا هون الوضع محترم حاله وكل واحد قاعد على باب غرفته باحترامه:)

*البت المشمشية *حلوة بس شقية * said...

بدون تعليق

Zika said...

مياسي
لا هي خلاص بقت معركه حربيه :D
الحمد لله اما اجي عنكوا بقي ان شاء الله نبقي نشوف اذا كان زي هنا ولا لأ
:D
نورتي يا مياسي

Zika said...

مشمشه
هو ايه اللي بدون تعليق
طب انا مافهمتش يعني البوست عجبك ولا لأ؟

z!zOoOo said...

السلام عليكم

ازيك يا زيكا يارب تكون بخير

عامل ايه واد في الامتحانات

هعزرك بس عشان زورتني المره الي فاتت

لكن لما تخلص هستني منك تليفون

ثم ايه ياض البوستات الي بتنزلها ديه

بتجيب الافكار المنيله ديه منين


هو صحيح باب الاوضه بيلعب بس عادي يعني في اللذيذ

يعني مش مثلا مصارعه تيران جوه الاوضه

ولا واحد فيهم هيقتل التاني

هو بس مجرد تجهيزات للفرح عشان كده فيه معسكرات

اما ساعه الفرح انا مش عارف الناس بتعمل كل ده ليه

المفروض لا باب الاوضه يلعب ولا يتنطط :)

يلا ربنا يرحمنا من افكارك الي عايزه الحرق :)

شمتمهم فينا

دمت بكل خير يا ابو الزكازيك

تحياتي

جزره said...

ايه يا زيكا مالك انت ومال باب الاوضه والاس اللي قاعده جوه باب الاوضه عيب علي فكره :D
سيب الناس في حالها يا اخي
وبعدين الناس مش ناقصه عقد
دلوقت كل واحد كان حاطط امل عالليله دي راح عليه الامل كده . يخرب بيت ام الاحباط ده :D:D

الدرعمي said...

يخرب عقلك يا زيكااا إيه جلة الحيا دي ؟ بس الأغنية سقف الأوضة مش بابها آل يعني السقف هايقع من كتر اسمه إيه ده .. سيبك انت . انت واحشني موووز .. فاضي الجمعة ؟ @ تقبل مروري @ آدم الدرعمي @