Tuesday, May 26, 2009

عفوا

مسحت بلوج الاشعاريزم حفاظا علي حقوقي الفكريه.
فبعد سرقة اشعاري قررت التوقف عن كتابتها علي الانترنت باستثناءات صغيره
لاني وبصراحه باتغاظ لما كل يومين ادعبس في جووجل الاقي واحد ولا واحده ناشل قصيده
واتمني ان الناس اللي كانت بتدخل عليها وبتعجبها اللي مكتوب فيها ما تزعلش ارجوكم
لان ده هيحافظ علي الحاجات دي والقرار ده في مصلحتي واتمني انكم ماتزعلوش

7 comments:

dr.lecter said...

طالما ده انت شايفه الصح خلاص مش هنزعل ولا حاجه بس هتوحشنا اشعارك بجد

MǿиY El-Shreef said...

طيب يازيكا بدل ماتقفلها خالص

اعمل الكلام ع صور

يعني بالفوتو ولا باي طريقه اتصرف وخلي اسمك ع الصور

لان خساره تقفلها بجد :(

Che said...

كلامك صح يا زيكا و اهم حاجه انك تكون انت مرتاح
بالتوفيق يا معلم

z!zOoOo said...

السلام عليكم

اولا واحشني جدا

ثانيا زعلان جدا لأنك ندل

يا عم الحج مفيش مره الاقيك غلطان وجاي مدونتي

صدفه حتي متعلقش علي بوستات قول ازيك وامشي

ولا ما استاهلش ؟؟؟

تصدق بقي انا اكتر حد هزعل علي مدونتك ديه

لأني كنت بحبها قوي

وهي سبب معرفتي بيك

بس في نفس الوقت مقدرش اقولك ان الي انت عملته غلط

لأني بفتكر شعوري لما بعمل سيرش ألاقي حاجه من اشعاري مسروقه بتضايق قوي برضه

خطوه جريئه

ومش عارف انت ايدك طوعتك ازاي وعملتها

علي العموم شوف الاصلح ليك فين

ومش عارف هنبقي نقرالك ازاي

بس يمكن في يوم من الايام لو شوفتك علي الطبيعه ابقي اسمع منك حاجاتك

او يمكن يوم علي الايميل لو ربنا أراد

شد حيلك في امتحاناتك يا زيكا

ونشوفك علي خير

واطلع بقي من المود الي انت فيه

وارجع زيكا الي كلامه بيضحك :)

بجد هتوحشنا اشعارك

تحياتي

micheal said...

مش عارف أقولك إيه يا فنان
أنا برضه لقيت واحد لاطش مقال لي وحطه في موقع في الجول بدون ما يغير العنوان حتي
:))
حاجة تقرف

Magi Mostafa said...

تؤ انا زعلت بس مدام ده فى مصلحتك خلاص
وربنا يوفقك

Bent Men ElZman Da !! said...

طب ما انت كنت ممكن تسجلها بأسمك عشان تحفظ حقوقك وتكتب كده
وماحدش كان هيتجرأ وياخدها ادام هيتحاسب