Sunday, May 3, 2009

اعزائي المشاهدين.. اسماء عوني





سيداتي آنساتي سادتي


اسماء عوني تحييكم من استاد مدونة زيكا وتقدم لكم بوست جديد بعيدا عن مدونتي وكنوع من التبادل الحمبولي بين مدونة مكعب سكر ومدونة المخرج العربيه الشقيقه




المهم




من كام يوم قريت عند مياسي موضوع عن جاد شويري , وكليبه الاخير


funcky arabs


سيبكم من الكليب فيه هبل عميق .. هبل علي ابوه يعني انا اصلا افتكرته كليب اجنبي , هبل اللي هو بتاع زمان ده يا اخواننا ايام الزبده الفلاحي والسمنه البلدي


الكليب عباره عن ايه


موزز


بس


هو ده كل الموضوع


جاد شويري حابب يقول للناس اللي في الخارج يا جماعه احنا عندنا موزز


رجاله وستات


وجايب في اول الكليب بيقول ان كل فرد اشتغل في الكليب ده عربي


يا حلاوه . ومالك ياخويا كده بتتفشخر اوي هم يعني طلعوا الفضاء ما اي حد يقدر يرقص ويقلع في الدنيا مش فتاكه يعني ولا هم يعني هيفرحوا ويقولوا علينا كويسين ومتقدمين اول ما نهز


عموما جاد شويري اصلا زي ما بيقولوا


مش عايش عيشة اهله


يا عم احنا عرب


بنحب وبنكره وبنتسهوك وبنشتم وبنقل ادبنا وكل حاجه بس مش علي الملأ


ومش بنعمل كليبات نقول احنا قلالات الادب اللهم الا الناس اللي عارفين نفسيهم اللي بيطلعهم جاد بارضه


سواء جاد شويري


او جاد صوايا


او حتي جاد بتاع السندوتشات


كل اللي اقدر اقوله انه كليب بيتعمد الاثاره بشكل واضح وبدون مبرر


عشان ما تطلعلناش واحده من بتوع انا مابتباسش بوس الا لو كان في سياق الدراما


مافيش اي ام سياق في الكليب اصلا




تاني حاجه بقي ودي الاهم بالنسبه لتامر حسني


تامر حسني خامة صوته مش بطاله ينفع يغني يعني مش ضايع


لكن للاسف عقله ضايع


كلام اغانيه ضايع


وهو يعني المفروض اني ابقي تافهه زي البنات اللي بيسمعوا اغانيه الهبله ويقولوا عليها حلوه لا مش مطلوب مني


يعني مثلا واحده اعرفها من بتوع ( الا تيمو حبيبي ) وهي فتاة عشوائيات من الدرجه الاولي كما انها في سن المراهقه يعني ماتحطوش في دماغكم .. بقولها طب الاغنيه بتاعة خليها تاكلك دي وحشه


قالتلي اه . ما دي اغنية الفيلم مش شرط يعني تبقي ليها معني


يعني ايه اغنية فيلم لازم تبقي تافهه


الله


ما الملك عامل اغنية اسمها علي صوتك .. وكمان عشاق الحياه


واغاني فيلم بارضه وفيلم حلو كمان


ولا حدوته مصريه ما هي اغنية فيلم


ولا هو المحن جايب اخره معاكوا


وبعدين يا جماعه انا مش ضد ان الانسان يكون عنده شعر في صدره


لا والله كل واحد حر يعني يربي شعر صدره يحلقه يحط جيل يصبغه يعمله كيرلي كل واحد حر


بس السؤال بقي هل هي ازمة تي شيرتات عند تامر


ولا الفكره انه دايما بيصوروه في الصيف والدنيا حر وكده


لو ازمة تي شيرتات انا الواد اخويا مقاسه زي مقاس تامر ده وعنده تي شيرتات حلوه وعادي يعني يا تموره ماتتكسفش مناضل ده زي اخوك


ومش هايعايرك


بس يا جدعان في النوهايه


احب اقول للناس اللي غاويه تظهر وخلاص وتخلي الناس تتكلم عنها


تقوم تعمل حاجه غريبه عشان الناس تاخد بالها


بحكم المثل اللي بيقول


خالف تعرف


يعني الناس قالعين


البس


الناس لابسين اقلع


الناس بتغني هادي . طرقعهم


بيتطرقعوا .. اتسهوك


اقعدوا في بيوتكوا بقا جتكم الارف مليتوا البلد






وفي نهاية البرنامج احب اشكر الاخ زيكا علي التعاون البوهيمي بيني وبينه واستنوا البوست الجاي بتاع زيكا هتلاقوه عندي في المدونه قريبا


وآدي لينك المدونه عشان ماحدش يعوأ




كان معكم من ستوكهولم


اسماء عوني


19 comments:

MǿиY El-Shreef said...

اووووووووووووووووووووول تعلييييييييق

توت توت توت

الريدر ابن الوحشه ماجابش عنديالبوست ده الا دلوقتي

تصدقي جاد زفت ده انا قرفت من الكليب

او الكلب زي ماسميته

والله حاجه تكسسسف جاته الهباب ف شكله

بالنسبه لتامر بقى :))

بصي هو صوته جميل اوي وفعلا ليه اغاني هبله بس مايمنعش ان عنده اغاني جميله اوي

يعني وحياه امي دي ام العبط اصلا

وحكايه تيشيرتاته انا هقولك السر

بصي الموضوع ان الشعر بيكلكع تحته فبيعمل كتل مش حلوه وممكن تعرق بقى فتطلع بيرفيوم مش حلو فلازم تهويه :D:D:D

فخمتو ياخواجه

بوست موتني من الضحك خصوصا ف حكايه يعمله كيرلي دي :D

سلام ياقمره

aMr saYed said...

عزيزتي اسماء

ولا بلاش ديه احسن تشتمي ولا حاجة او يمكن بيفكرك بحد سيس المهم يا بنتي اصلا جاد شويري وعلى حد ما اسمع واد مش تمام يعني سيس اوي بمعنى اصح منحرف جنسيا لدرجة انه كان هيعمل قناة بورنو مثليات كله يعني تخللي مصيبة اصلا وبعدين هو اصلا من الاخر بقا دكه عيل بن كلب وامه مربتهوش انا نفسي يقابله حسن حسني ويقوله هي البلد ناقصه محن

وبالنسبة لتموور الاموور يا بنتي ده شعر صدره لازق فيدقنه يعن يعلى راي المثل من دقنه وافتله بس بجد هو كصوت كويس بس كهبل واستعباط واستهبال واستعراض مفيش زيه حاجدة كده من الي بتجيب من الاخر وعندنا واحد صحبنا بيحب يقلده بس في شعر صدره
وبعدين البوست بقاله يوم كامل بس يا ترى ليه لغاية دلوقتي محدش علق يمكن يكونوا طفشوا يمكن او كل ده بسبب انفلونزا الخنازير سؤال يطرح نفسه

كان معكم عمرو تعلب مراسل قناة مكعب سكر من اول ش الوحدة

Magi Mostafa said...

يابنتى طب سيبى تنويه قولى حاجه ان البوس نزل
انا اصلا بقالى شهر كل ماجى هنا الاقى فى بيض فى الموضوع والحكايه كبيره وانا مش فاهمه حاجه فاخلع
وبالنسبه لجاد فانا كمان افتكرت ان الكليب اجنبى لغايه ملقيت الواد جاد شويرى عمال يتنطط زى فرقع لوز مش عارفه على ايه ده لا صوت ولا منظر
بالنسبه لتامر حسنى بقى ده يابنتى رمز الجيل فكر جديد بقى كل واحد عايز يبقى تامر وكل بنت عايزه تبقى هيفا مع ملاحظه ان ممكن بعض الولاد يبقو تامر انا شفت واحد شبه بالظبط فى ستى ستارز وفى كذا حته لكن ولا بنت هتبقى هيفا -انا مش بقر ولا حاجه على تنط هيفا دى برده قد ماما تؤ ثوانى كده ده ماما اصغر
-

Unknown said...

لووووووول

حلوه حلوه

أول شي شكرا عالدعايه المجانيه يا سيمو- بس ياريت ما ترفعيش عمولتك بتعرفي عشان الاعلانات والترافيك-:)

الأخ جاد-الله لا يقيمه- أنا حكيت رأيي فيه على المدونه

والأخ تامر بصراحه مرات إلو أغاني حلوه بس مرات سلامتك!!!

أساسا معظم اللي بيحبوه حتى هون في الأردن بنات صغار ومراهقات زي ما حكيتي

آخر كليب إلو-عمر وسلمى 2- الأخ نصحان ومبغّل عالآخر بالعربي

لدرجة إني لما أشوفو وحضرته فاتح القميص بقرف عالآخر وبغيّر المحطه!!!

أنا عارفه مجانين ولاد ناس!!

المهم كيفك إنتا يا قمر؟

مسدس صغير said...

جاد شويرى ده اساسا متخلف عقليا
على رأك مش عايش عيشة اهله
وان كان ع السهوكة فنص الشعب متسهوك وان كان ع الطرقعة فالنص التانى مطرق

.
احييكى على البوست

اسماء عوني said...

موووووني
حلوه الريدر ابن الوحشه دي هههههههههههه
ماشي عنده اغاني مش وحشه اوك بس
بارضه بحسه تافه شويه

اسماء عوني said...

موني
نورتي يا قمري

اسماء عوني said...

عمرو تعلب
امممممم
شامة ريحة زيكا في موضوع عزيزتي ده هععععع

عندكوا واحد صاحبكوا بيقلدوا
ياي
طب ومصاحبينوا ليه
وسلملي علي اخر شارع الوحده ياخويا

مواطن مصري said...
This comment has been removed by the author.
مواطن مصري said...

طيب انا هسيب التعليق هنا و هناك الشب تمورة المفروض يتبلغ علية دة هارب من جنينة الحيونات

و بعدين جاد شويري يتبع نظرية الاهتمام ب المؤخرة يضعك في المقدمة

و كل ما تقلع اكتر كل ما تكسب اكتر

اسماء عوني said...

ماجي
انا اهو سمعت الكلام اهو وحطيت تنويه هناك
اه ماهو عشان كده قلت اكتب بوست هنا يحسن ريحة البيض فاحت اوي هنا
هو عامل زي فرقعلوز فعلا
علي فكره هيفا مش كبيره اوي عندها اتنين وتلاتين سنه بس
بس اه هي فعلا ليها لون لوحدها كده ماحدش بيعرف يجيبه
انا باموت فيها اصلا :D

اسماء عوني said...

مياسي
لا ما تحطيش في بالك . الدعايه مجانيه هيهيهيههي
انا بعرف رايك عن جاد
اما تامر
فعلا ليه اغاني حلوه بس قليله اوي
وكمان بصراحه منظره مش لطيف وهو علي طول قالع هدومه كده
المفروض انه مطرب محترم يعني :D:D
انا كويسه يا جميله . انتي ايه اخبارك واخبار اربد علي حسك؟

اسماء عوني said...

مسدس صغير
جاد شويري ده عيل سيس يا كابتن
شكرا يا مسدسنا

اسماء عوني said...

مواطن مصري
:D:D:D:D:D:D:D
تحفه انت يا عموور
سلام

dr.lecter said...

تامر ده عيل ولا بالاش


يااه قبل مايشتهر كان بيعمل حفات عندنا ومكانش حد معبره خالص

سبحان مغير الاحوال

ارجع واقول البنات هم اللي شهروه للاسف

جاد شويري كنت فاكره شاذ بس للاسف طلع مش شاذ

انا كنت من اول الناس اللي انضمت لجروب عاوزيبن نحلق شعر صدر تامر ولو شفته مش هاحلقه له شعره هناتفهوله

micheal said...

ههههههههههههههههههههه..حقول زي كل مرة
عثل يا كابتن والله
:)
شوقتيني جدا أشوف كليب شويري لأني مشفتوش ومش متابع كريبات اليومين دول خالص
:)
بخصوص تيمو شعر الصدر حسين فأنا بحب أسمع أغانيه عشان أضحك وأفرفش مش أكتر..يعني حلاقي فين اللي يقول خليها تاكلك وبالمناسبة الأغنني دي أنا مدمرها تماما منذ أسبوعين هي وحاجات غيرها بس مخليها فاكهة الألبون القادم
نياههههههه
تحياتي

Magi Mostafa said...

32سنه مين بس يا كابتن بس الصراحه هى طلعت اصغرمن امى بعشر شهور
هى مواليد مارس 1967 وعندها بنت من سننا
بس هى قمر فعلا ودلعها مش على حد

Bent Men ElZman Da !! said...

انا شوفت كليب جاد هباب ده
جالى اندهاش فى الذاكره وربنا
الراجل راجل ايه بس قصدى الواد ده بقى مشكوك فى امره خلاص هههههههه
اموت وافهم ايه الفايده او الميزه اللى بتعود عليه يعنى
واد سيس صحيح :D

اما تامر بقى
ده حبيب الملايين :D
بيجبولى شلل البنات اللى بيقعدوا
يتحدفوا عليه
بيجبوهم منين دول
ياخراشى على الشلل
بنات اخر زمن صحيح :D
صوته حلو زى ما قولتى وليه اغانى هايله
بس ماينفعش يستر فى حته ابدا
كل ما يجى يكحلها يعميها
ودايما مخلى الناس تسئ الظن فيه هههههههههه
ال هو ده وهى دى وخليها تاكلك :D

البوست جاااامد يا اسماء

سارة نجاتى said...

تامر ده ديته معايا جردل مايه و مسحوق ايريال بالحبيبات الفوحلوئى
محتاج دوش و الله

بس أنتى مسخرة يا سمسم ههههههه
هو فعلا عنده مشكلة تشيرتات

أما جاد شويرى ده , فأنا عاوزه اعرف ده كاتب فى البطاقة المهنة ايه و لا مؤاخذة ؟؟

سلام أنت و الواد صاحب الدكانة