Sunday, May 17, 2009

البوس البوس .. الحضن الحضن.

انا سايب ملزمة رياضة 59 ورقه
وسايب التطبيقات ماحلتش فيها كلمه
وعندي امتحان يوم 24
ومش عارف اي حاجه في الماده
وداخل اقول الكلمتين اللي واقفين في زوري
سمعت كده ان ال ايه
هيعملوا غرامه علي البوس والاحضان ومش عارف بيناقشوها في مجلس الشعب
يا ولاد الفاضيه
سايبين كل حاجه في البلد حلوه ووحشه
وجايين تتكلموا في البوس
ال يعني الشعب المصري بيبوس اوي
عايزين يطلعوا اي مصلحه من الناس وخلاص
شويه شويه هيقولك اللي لابس شورت عليه غرامه
ضيقتوها علي الناس من كل حته الله يخرب بيوتكوا
اقول ايه
اقول ايه
اشتم ؟
مش عايز ..
لا لا لا مش عشان مؤدب .. لا خالص
عشان عندي امتحانات
يعني الناس ولا تاكل ولا تتجوز ولا حتي تبوس
طب افرض واحد اخته جايه من السفر وواحشاه . مايبوسهاش في الشارع يعني ولا لازم ابوه يكون واقف
افرض يعني واحده جوزها كان مسافر
تستقبله كده في المطار اورديحي
وربنا انتوا عالم فاضيه
وانا بقي ضد منع البوس في الشارع المصري وعندا فيكوا بقي انا هابوس اي حد يقابلني
اي واحده اعرفها هابوسها في الشارع عندا في اللي معترض
وبعدين يعني ما البحبحاني قالك حلال ولا انتوا غاويين نكد
استغفر الله العظيم
ولا يعني شيكمنكوا مقضيينها بوس هنا وهنا وواخدين حقكوا في البوس تالت ومتلت مش هاممكوا الناس تبوس ولا لأ
وانا بعد كده لو بؤي واجعني هاجيب مبوسه بالكهربا
وعليا الطلاج بالتلاته لاني بايس
واللي هاشوفه مش بيبوس او مش بتتباس هاقاطعوا بس بقي
وفي النهايه احب اهديلكم
اغنيه بلاش تبوسني في عينيا دي البوسه في العين بتحبس
وليكوا كل واحد بوسه ليه لوحده
وببلاش مش من ام خمسميت جنيه ( الغرامه ) بتاعة الحكومه
اممممممممموووووواه

16 comments:

مواطن مصري said...

لالالالالالالالالالالالالالالالالالالا البوس حق لكل مواطن

من حقة البوس


كلو الا البوس

dr.lecter said...

والنبي ماحدش يكلمني عن البوس علشان داخلين علي صيف سخن اوي والواحد برده من لحم ودم ولسه ماتزوجش ولا باس والله لغايه دلوقتي فخفوا ياخواننا احنا تعبانين اوي

Appy said...

ههههههههههههههههه
يا مسخره يا زيكا لا بجد هما بيعملوا كده والله
بوس يا زيكس ولا يهمك وكل الشعب يشترى مبوسه وهو وماشى فى ايده

سارة نجاتى said...

أعصابك يا زكزوكتى
بوس يا خويا محدش حايشك هههههههه

بس ايه الهبل ده , يعنى ايه غرامة ع البوس ؟؟ من كتر ما البوس مقطع بعضه على رأيك
يروحوا يشوفوا حل للزحمة الاول الله يحرقهم

Anonymous said...

ههههههههههههههههه
غرامة على البوس


كان فيه اغنية اسمها والله ولا دمعة
بتاعة خالد عجاج

بعد كدة هنغنى على نفس الوزن بتاعها

والله ما انا بايس

بسنى وحبسنى واشتكى
وحضن وحضنى وبكى
وراح مبلغ عنى اللوا
وقال ايه عايز يتبااااااااس

والله ما انا بايس

سماء said...

هههههههههههههه


هى جت على البوس يعنى


عالم فاضية

مش عليك انت

ربنا يوفقك

adel said...

هابوس يعني هابوس
ممكن نستغني عن الحضن
لا البوس
لايمكن ابدا

MǿиY El-Shreef said...

ههههههههههههه

عالم فاضيه والله

بوس يابني ان شالله ماحد حوش

hamada said...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

Bent Men ElZaman Da !! said...

ههههههههههههههههه
ناس ماورهاش حاجه اصلا
عايزين يدفعوا الناس فلوس على اى حاجه
ناقص يقولوا اللى يتنفس فى الشارع بعد كده هيدفع غرامه

micheal said...

ههههههههههههههههههههههه..يخرب بيت كده حتي البوس
بس حلوة الأغنية اللي في الاخر
ملعوبة
:)
يا عم دي عالم مش عارفة تمص دمنا في ايه
تحياتي يا فنان

الدرعمي said...

وده عشان أخلاقهم نقحت عليهم ولا عشان الإنفلوانزا ! ربنا يوفقك يابو الزيك @ تحياتي @

thunder said...

ههههههههههههههههه
واد يا زيكا اووووووموووووووووووووووووووووه
فى جبينك يا منيل ليفتكروا البوسة غلط هههههههههههههههههه
ياعم خاليهم يجمركوها هما عاوزين البلد بركة جات على البوسه متحطش فى يور مايند ياعم ونفض انته قولت بلد وناسها فاضيه اصل اللى غايظهم ان محدش فى بلاد بره بيبوس الا هنا وفاكرين كدا غلط وبيقولك اصل الشباب اللى هو احنا بنبوس عامل على بطال والواحد يكون سايب صحبه من ساعة ولما يشوفه ياخد حضن وبوس طب يعنى مش عاوزين العلاقات الاجتماعية تنمو هههههههههههههههه نفض وروح امتحان يا منيل محدش من اللى بيبوسوا هيقف معاك دمت بكل بوسه وفى رعاية الله

وينكى said...

مش يمكن انت ظالمهم يا زيكا
وهما عاملين الموضوع ده عشان الناس تبطل تبوس بعض وانفلوانزا الخنازير ما تنتشرش اكتر

ههههههههههههههههههههههههههههه
بيني وبينك
فيه ناس يستاهلوا الغرامه
عشان يتلموا شويه ويقدروا مشاعر اللى ما بيتباسوش زى حالاتى
وكسه ايه دى ياخويا
يروحوا يطبقوا القرار ده فى الميريلاند عشان خاطري
هههههههههههههههههههههه
روح ذاكر يااااااد

تامر حسين said...

يمكن عشان البوس جايه من كلمه لبوس
وممكن احد المناقشين في هذا الموضوع عنده عقده
اقولك انا ممكن يكون وهو صغير سخن ولا حاجا وهروه يا عيني لبوس لحد ما الحياه وسعت فقال لازم اديقها عالكل بقي
وغير كده كمان ممكن يكون في اختراع مبسه بالكهربه فعلا وعاملين عليها مناقصه وهيدخلوها البلد فلازم يطلعو عليها قانون الاول عشان تضطر تجيب واحده
زي موضوع حزام الامان كده والشنطه ومتنساش المثلث
وبلامره لو معاك منقله اهي تنفع بردو
واهم حاجا البرجل عشان لما تخمس بالعربيه تطلع صح
اوعي تكون اتخنقت مني انا بضحك معاك بس
متجيب بوسه بقي ههههههههه
تحياتي البلوجريه

Anonymous said...

بسم الله الرحمن الرحيم أحييك أخي الكريم وأدعو الله لك كل القبول وأقول: حج مبرور وسعي مشكور وذنب مغفور وتجارة لن تبور… إن شاء الله دعوت لنا في الحج ولسائر المسلمين؟….