Wednesday, June 17, 2009

اسطورة شبه مخيفه

من العدد ال 73 لما وراء الطبيعه
ومن صفحته الثلاثين اقتبس تلك الفقره
" من موضع ما تنفض براعم الازهار التي التفت حول ساقيها منذ الاذل , وتنفض طيور السنونو التي تحلق حولها في شئ من دلال , ثم تزيل النجوم والشهب التي تمسكت بخصلات شعرها , ربما تتحرك من قاع المحيط حيث احاطت بها الشعاب المرجانيه بانتظار لحظة اللقيا .... ربما تفتح عينيها فتحلق ذرات الضوء الغامضه التي يرونها في المستنقعات ليلا ... ومن شعرها تفوح رائحة زهر البرتقال ..
ربما تمشيب فيتخلل الففيروز والعنبر اصابع قدميها , بينما الحيتان تلفظ المزيد من عنبرها علي الشط لتتعطر بها .. ربما تتمطي فتتهاوي ارواح الاشرار التي تبحث عن فريسة تفتك بها , وتنغلق المقابر التي كانت موشكة ان تقئ محتوياتها .. ربما تزفر فيسقط الظلام صريعا عند قدميها ..
"

"
( انها هنا )
الوجه النبيل النحيل الذي يبدو كانه الهم دستة من فناني عصر النهضه ودستة من اخوة ( ما قبل رافائيل ) لابد ان ( مايكل انجلو ) رآه وحاول ان ينقله الي الحجر .. ساعات وساعات يحاول ثم القي بالأزميل وراح يبكي لابد ان ( موتسارت ) قرر ان يجعله مسموعا .. اول وجه مسموع في التاريخ .. راحت انامله الرشيقه تجري علي مفاتيح البيانو السوداء في تلك الليلة في فيينا , ولابد انه شرب الكثير جدا من الخمر , وف النهاية مع طلوع الصبح تهاوي مرهقا فوق المفاتيح وبكي .. ارتطم راسه بالمفاتيح فدوي صوت رهيب .
لابد ان بيتهوفن جرب حظه . لكن روعة السيمفونيه التي كتبها اصامته بالصمم , لم تتحمل اذنه سماع هذه الروعه لابد ان فان جوخ جرب ان ينقل هذا الوجه لقماش الرسم . جرب عدة ايام , وفي النهاية اخرج المسدس والصق الفوهه البارده بجمجمته وضغط الزناد
سيدة الليل تمشي في تؤده .. يمكنك بسهولة ان تعرف السبل والوديان التي قطعتها لانك تري كيف استعادت النباتات عافيتها وكيف ذابت الثلوج ..
انها تبتسم
لان هذا الوغد المحظوظ قد جاء من شمال افريقيا من اجلها
هذا الوغد هو انا
( انها هنا )

27 comments:

dr.lecter said...

اه يااحمد ياخالد ياتوفيق انت وكلامك اللي يخلب العقل

adel said...

هو فعلا رفعت اسماعيل ابن محظوظة
لان وصف احمد خالد توفيق دايما لا يعلي عليه
يخليك تعشق شخصياته رغم خيالياتها و عدم و جودها

Appy said...

تيررررررررررراررررررررا
حلو اوى بجد تصدق انا مقرتش للراجل ده وبلاش تضحك عليا
بس كلامه جامد

سارة نجاتى said...

أسلوب وصفه جامد جدا

Zika said...

drlecter
فعلا الجزء ده بالذات يا جدعان مشكله

Zika said...

adel
لا المره دي مش رفعت اسماعيل هو اللي محظوظ يا عادل باشا هههههه:d

Zika said...

appy
حاحجه آبي انتي يا فاهماني
روحي اقري للراجل ده بقي بسرعه بسرعه
انتي لسه هنا
امشي :DDD

Zika said...

ساره نجاتي
ايوه يا ساره الراجل ده مشكله بجد

micheal said...

اه يا وغد يا شرير..نياههههههههههههه

الراجل أحمد خالد توفيق ده مالوش حل رغم أني بقالي فترة طويلة مش بقراله...الله يسامحك يا إيمي..هي اللي شجعتني علي تضييع وقتي في مجلات ميكي
:))
تحياتي يا رفعت..قصدي يا زيكا

مواطن مصري said...

لا دة توارد افكار انا لسة بقرأ في الجزء دة في اسطورة شبة مخيفة


النهاردة

مواطن مصري said...

بس انا بحب لوسفير عن رفعت و بحب اعداد سالم و سلمى

enjy said...

يانهار اسوح

انا مش هقولك كام مرة قريت الكام مقطع دول..يالهوى بجد فظيع شنيع رهيب مريب محصلش

بحبه الراجل دة اوى

Che said...

انت بتحب جديد ولا ايه يا زيكا .... عموما احمد خالد توفيق ده باشا و مين قده يا عم .. مع انى ليا كتير مش بقراله .. او بقرى لغيره الصراحه

MǿиY El-Shreef said...

اساسا كان عدد تحفه تحفه وجاي مظبوط اوووي معاك يازيكا

اخترت جزء روووعه بجد

تسلم ايدك

*البت المشمشية *حلوة بس شقية * said...

الله
ان ابموت فى الرعب ااساسا

magi said...

انا من مدمنين احمد خالد توفيق وفلا هو مبدع ومظنش انى ابدا هبطل اقرى ماوراء الطبيعه وسافارى

z!zOoOo said...

للأبد

ماذا ؟؟

هل ستظل تحبني للأبد ؟؟

وحتي تحترق النجوم وحتي

وفجأه جئت إلي هنا كيف أطمئن عليك

كيف حالك ايها الوغد الصغير

جونثان دارتيمور :)

شد حيلك في الامتحانات

تحياتي

Anonymous said...

قول حاحا :)

من طرف ابو صدام :)

Zika said...

مايك
نعم انا هذا الرجل
:D:D

Zika said...

مواطن مصري
بتحب لوسيفر يا عمرو
ربنا يهديك يابني هههههه
اللهم اغزيك يا شوشو
بص هو طبعا الروايه كل شخصياتها رائعه وده ناتج لان الراجل بيوصف حلو اوي حتي لشخصيات مش حقيقيه

Zika said...

enjy
انا بحبه اكتر منك :D

Zika said...

che
انا بحب بس مش جديد هههههه
نورت يا عمنا

Zika said...

Mony
تسلمي انتي يا موني
العدد جاي علي مقاسي ايون
نورتي يا موني

Zika said...

البت المشمشيه
بتموتي في الرعب
طب
عووووووووووو :D

Zika said...

magi
ماحدش يقدر يبطل يقرا ما وراء الطبيعه او سفاري او روايات عالميه للجيب
او اي حاجه الراجل ده بيكتبها
ده انا ناقص اخده حقن

Zika said...

زيزووو
ماسمسيش جوناثان دارتمور ده ده الاسم اللي كده وكده
انا اسمي خرياسوس المدون ابن دكتور لوسيفر العظيم هههههه

خلصت امتحانات الحمد لله
ايه اخبارك؟

Zika said...

انونيموس
عارفك .
عارفك وهاجيبك
:d