Friday, January 16, 2009

اموت واعرف مين اللي زقني

تحديث
اكس لا يمكن يوم ينتهي
نياااعااااااهاهاهاها
"ضحكات متقطعه شريره"
انا كان بقالي فتره بسمع عن حاجه اسمها تدوين ومدونين
وحاجات كتيره كده
وفيوم صحيت الصبح قعدت اقلب اقلب
وبصراحه عجبتني الفكره
الكلام ده كان قبل يوم 6-1-2007
لان ده اول يوم ادون فيه
وعملت مدونه اسمها العربي
علي اسم فيلم انا كنت كاتبه
وبعدها غيرت اسم المدونه
بقت البلياتشو
ثم الي
المخرج و الاشعاريزم
البوست ده كان المفروض ينزل من فتره لكن للاسف
ماكانش ليا نفس اكتب حاجه
احداث غزه 2008
احداث ضهري ورجلي اليميك يناير 2009
احداث ضهري ورجلي الشمال يناير بارضه 2009
لكن معلش بارضه نزلت البوست
ومن هذا المزنق
اعلن سعادتي التامه بتمام مدونتي المتواضعه عامها الثاني
يعني خلاص بطلت ترضع وبدات تمشي وبتتكلم وبتقول بابا وماما
واهو زبون من هنا .. زبون من هنا
عمالين ننش
لكن بارضه اللي قبلنا قالوا التدوين يحب الخفيه
طبعا انا سعيد جدا جدا جدا جدا بالناس الكويسه اللي اتعرفت عليهم من خلال هذا العالم التدويني
سعيد باصدقائي
وسعيد باعدائي
سعيد باللي يعرفوني واللي مايعرفونيش
سعيد باللي بيدخلوا مدونتي عشان يقروا حاجه متواضعه انا كاتبها وسعيد بارضه باللي بيدخلوا المدونه تضييع وقت
سعيد باللي قابلتهم وسعيد باللي ما قابلتهمش واللي اتمني اني اقابلهم وقت ما
انا اسمي ممدوح عبد الحميد
انا بلوجر

14 comments:

سارة نجاتى said...

شفت بقى أول من عبرك ازاى , عشان تعرف اللى مالوش خير فى سارة مالوش خير فى التدوين هههههههه
أنا مبسوطة أن معنوياتك مرتفعة شوية , أنا قلت ح أسمع الزعيق من عندى , أنت اخبارك ايه دلوقتى ؟؟ و ح تعمل ايه فى العرض بتاعك ؟؟ يلا ربنا أراد خير للى كانوا ح يحضروا , أنا مش قصدى حاجة طبعا هههه
ما علينا يا عم ألف سلامة عليك , و تحياتى يا جميل

safa7_karmooz said...

ههههههههههه

الف مبروك يا باشا

وعقبال ما تكبر مدونتك اكتر وتتخرج من الجامعه وتتجوز

المدونة طبعا ^_^

aMr saYed said...

زكزوكي العزيز هذا النداء الى زيكا يعني زيكس يعني هراتي الاول والاخير كووووووووووووووول سنة و مدونتك طيبة و ان شاء الله بعد الامتحانات هنجيب تووووووووووورتة كبيرة ونحتفل بيها و متقولش كده مدونتك جامدة وسلاااااااااام يا زكورتي

رابطة هويتي اسلامية said...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

Empress appy said...

حمد لله على سلامتك يا ابنى
خلى حد يمسك ايدك وانت معدى بقى
وكل سنه وانت طيب

Zika said...

ساره نجاتي
سمعني سلام يابني لست ساره ام المصريين
صاحبة واجب بارضه
يا فندم انا معنوياتي غير قابله للهبوط
العرض بتاعي هيتاجل
فتره
لا لا لا
اوباااا
كده هعلن الحرب عليكي تاني
فهميني بقي قصدك ايه
قصدك يعني ان الناس استريحت مني
:)
بيني وبينك جايز يا ساره ليه لأ؟
:p
الله يسلمك يا ساره يارب

Zika said...

safa7-karamooz
الله يبارك فيك يا سفاحنا
نورت يا باشا

Zika said...

mr.fox
اهلا اهلا عمرو بيه
وانت طيب يا عمور نورت يا ريس المدونه

Zika said...

رابطه هويتي الاسلاميه
وعليكم السلام ورحمة الله وبركاته
عارف انتوا بتفكروني بمين
رضا المسيري من شركة النصريه للاتصالات
معايا كتالوجات خصم يا فندم
معايا شرابات وساعات
معايا بارفانات ومناديل
نفعنا باي حاجه يا بيه

Zika said...

appy
الله يسلمك يا آبي
ماتخافيش عليا انا ماشي علي عكاكيز
وانتي طيبه

Unknown said...

زيكا...كل سنة والمدونة طيبة وعقبال ما نحضر فرحها ان شاء الله....سلامتك تانى الف سلامة عليك ابقى بطل سرحان وانت بتعدى السكة يا عم احسن تروح الجنة وتيب مدونتك يتيمة من غير اب اهىء اهىء....بعد الشر عليك وكل سنة وانت طيب

اسماء عوني said...

زكااااااااااااااااوااااا
عود حميد للتدوين يا ريس زكاوه
ال اكس عمره ما ينتهي ال
ما خلاص يا معلم راحت عليك وبقيت اسطوره يا اسطوره
بااارضه فاهمني انت طبعا
اشطه عليك يا زيكا
يا زيكا علي فكره انا عاوزه اقولك
ان الموضوع ماكانش تسييح ده بس عشان انت غالي عندك ومقامك عالي
فانا بوريك ده
فمهت
وربنا شكلك مافهمتش
نياااهاهاهاها
ضحكات متقطعه شريره زي بتاعتك

Zika said...

enjy
وانتي طيبه يا انجي عقبال عندك ان شاء الله
حاضر هابقي اخد بالي من السكه ومش حط صوابعي في الكهربا
:P
عشان بارضه انا عندي مدونه ومسؤليه هيهيهيهي
نورتي يا انجي
وانتي طيبه يا قمر

Zika said...

اسماء عوني
ماشيين ماشيين ماشيين في ايدنا سلاح
راجعين راجعين رافعين رايات النصر
خللي السلام صاحي صاحي صاحي ان ان اااان
سلاح يفي ايديا نهار وليل صاحي ينادي يا حمار .. عدونا غدار
خللي السلاح السلاح صاحي صاااااااحي
دي التحيه بتاعتك يا اسماء بس
بصي يا اسماء انا عارف الناس اللي زيك كويس
العيال السييس دول
يا سيييس
يا بتاعة ماريان فاكره ولا نسيتي
انا بقي هسيحلك وهفضحك في كل حته
ودي جزاة اللي مايسمعش كلمه زيكا يقولها
دقوا الطبول
افتحوا الشباك
نزلوا الستاره عشان الدبان