Friday, January 18, 2008

بحبك يا مصر...احمد فؤاد نجم

المشكله يا جماعه اننا رغم كل الارف والبلاوي دي ..بنحب مصر علي ايه مش عارف..بس بنحبها..انا عن نفسي بحب مصر اوي..ومعرفش السبب
مع ان البلد دي اللي يشوفها من فوق..غير اللي يشوفها من تحت
Photobucket
بحبك بحبك
بحبك بحبك
بحبك بحبك بحبك
يا مصر
مسايا و صباحى
أسبح بحبك
و حبك شفايا و جراحى يا مصر
و اسافر بحبك
و اميل زى ميلك
وتحلا الخطاوى
فى حبك يا مصر
واحب اغترابى
فى صبحك و ليلك
و احب الونس بالرفاقه
يا مصر
***
تنام الدموع فى العيون الهواجع
و تسهر دموعى
فى حبك يا مصر
تهون السجون
و الشجون
و المواجع
و يغلا مع القهر حبك
يا مصر
ولو يحبسونى
ولو يشنقونى
ولو فكروا بالعذاب
يبعدونى
ح أقرب و أقرب
ومش ممكن أهرب
و تنزل دموعى على خدودى
تشرب
تلاقى الرموش و الخدود و المباسم
مراسم
و صورتك عليهم يا مصر
بحبك بحبك
بحبك يا مصر
أحمد فؤاد نجم
******

4 comments:

سلوى said...

ولو يحبسونى
ولو يشنقونى
ولو فكروا بالعذاب
يبعدونى
ح أقرب و أقرب
ومش ممكن أهرب
و تنزل دموعى على خدودى
تشرب
تلاقى الرموش و الخدود و المباسم
مراسم
و صورتك عليهم يا مصر

بنحبها
لأن مصر شئ
وحكامها شئ

أحسنت في اختيارك

تحيااااااااااتي

Empress appy said...

انا بحبها علشان حضنها دافى علشان بعرف امشى فى الشوارع من غير خوف علشان لما تكلم حد باحترام هيحترمك علشان لو سافرت بره هتحن ليها

Zika said...

salwa
فعلا مصر حاجه وحكامها حاجه
شكرا
نورتي
تحياااتي

Zika said...

appy
بصي هو انا بحبها بس للاسف معرفش ليه
وبصراحه عمري ما عرفت يعني ايه حضنها الدافي
لانها عمرها ما حضنتني قبل كده
بس رغم كده بارضه متعلق بيها
هموت واعرف ليه