بحبك يا مصر...احمد فؤاد نجم

المشكله يا جماعه اننا رغم كل الارف والبلاوي دي ..بنحب مصر علي ايه مش عارف..بس بنحبها..انا عن نفسي بحب مصر اوي..ومعرفش السبب

مع ان البلد دي اللي يشوفها من فوق..غير اللي يشوفها من تحت

بحبك بحبك
بحبك بحبك
بحبك بحبك بحبك
يا مصر
مسايا و صباحى
أسبح بحبك
و حبك شفايا و جراحى يا مصر
و اسافر بحبك
و اميل زى ميلك
وتحلا الخطاوى
فى حبك يا مصر
واحب اغترابى
فى صبحك و ليلك
و احب الونس بالرفاقه
يا مصر
***
تنام الدموع فى العيون الهواجع
و تسهر دموعى
فى حبك يا مصر
تهون السجون
و الشجون
و المواجع
و يغلا مع القهر حبك
يا مصر
ولو يحبسونى
ولو يشنقونى
ولو فكروا بالعذاب
يبعدونى
ح أقرب و أقرب
ومش ممكن أهرب
و تنزل دموعى على خدودى
تشرب
تلاقى الرموش و الخدود و المباسم
مراسم
و صورتك عليهم يا مصر
بحبك بحبك
بحبك يا مصر
أحمد فؤاد نجم
******