مع الحجاب وضده

الحجاب فرض؟
اه فرض
اومال ازاي تبقي ضد الحجاب..ازاي تبقي ضد الفرض
.......
اقولكم انا ازاي
بس في الاول لازم تعرفوا ان ده مالوش علاقه باحترامي للناس اللي هتكلم عليهم هنا
.......
يعني ايه حجاب؟
بكل بساطه الحجاب ده غطاء للراس بتبلبسوا البنت علي اساس تداري شعرها بحيث انه يعتبر احد مصادر اثارة الرجل
يعني هو بيدي معني احتشام اكتر من حجاب
طب تمام
اذا البنت اللي لابسه حجاب متاكده من ان الحجاب ده هو طريقها الصحيح لعدم اثارة الرجل
اكيد
ومن هنا جه الاعتراض علي الحجاب, ازاي؟
افهمكم
ازاي تبقي واحده لابسه حجاب ولابسه بنطلون ضيق جدا وقصير جدا وتيشيرت مفتوح مثلا من عند الدراعات
ونقدر نعتبر دي محجبه
او انها تنضم لقائمة المحافظات علي المجتمع .من اثارة الرجل
يعني ازاي تبقي محجبه من فوق ومن تحت لأ
وعلي راي عادل امام
هي من فوق مانتمه مع محمود ومن تحت مانتمه مع عمرو دياب
( من فيلم مرجان احمد مرجان)
ازاي تبقي بنت محجبه مثلا و لابسه جيبه قصيره
ايه مفهوم الحجاب عندها؟!!
..................................................................
النوع ده من المحجبات
انا بسميهم اللي رقصوا علي السلم
لا منهم خدوا ثواب الحجاب لانهم محجبين حجاب زائف ومالوش معني
ولا منهم عاشوا حياتهم علي طريقة تانيه لانهم .بالاسم.محجبات
فيا ايها الراقصون تحت السلم....بطلوا رقص

<<<<<<<<<

تحديث

الاخ كريم صاحب المدونه الرائعه
لا تصالح

ساب التعليق ده عندي علي الموضوع ده اللي هو يعتبر تعديل لبعض الكلام اللي انا قلته

وانا بصراحه موافقه في اللي قاله انا فعلا كنت اقصد كده .بس التعبيرات خانتني

التعليق:

السلام عليكم "بكل بساطه الحجاب ده غطاء للراس بتبلبسوا البنت علي اساس تداري شعرها بحيث انه يعتبر احد مصادر اثارة الرجل" لأ طبعا الحجاب مش غطاء للرأس الحجاب هو أن الست تلبس هدوم لا تصف ولا تشف وتستر جسمها كله فيما عدا الوجه والكفين وطبعا المفهوم الغلط بتاع الايشارب بس منتشر عند ناس كتير وهو ده السبب انك تلاقي واحدة مغطية راسها وفي نفس الوقت لابسة لبس ما يعلم بيه الا ربنا، موضوعك جميل بس محتاج توضيح