وانا بتصفح المدونات علي الشبكه العنكبوتيه ساعات بلاقي مدونات عبقريه ومدونات متناقضه ومدونات ملهاش معني
انا بحب جدا مبدأ
"كل واحد حر"
لكن ازاي يبقي الانسان مقتنع بالحريه وبالتعدديه في السياسه والتفكير وعقله مليان بحرية التعبير وبحرية الانسان وبيدور علي تحرير مصر من الفكر المتخلف اللي احنا عايشين فيه
وفي نفس الوقت
بينتقد بشده نوع من التفكير
فاهمين حاجه؟
افهمكم انا
.................................................................................
دي مدونة عنوانها
الحجاب والنقاب وزبالات اخري
واللي مستغربله
ازاي واحد بينادي بالحريه كاتب بنفسه في مدونته
"من حقي ان يكون لي راي ومن حقك ان تختلف معي"
ايه مفهوم الاختلاف عنده
يعني انا علشان مختلف مع واحد اعد اتريق علي تفكيره واتهمه بالغباء والجهل والتخلف
الكاتب بيقول ان الحجاب ده تخلف , وان المحجبه مبتعرفش تفكر لانها كاتمه دماغها بكاتم الذكاء او زي ما قال
يعني مثلا مثلا انا لما البس طاقيه ابقي غبي
ايه التناقض ده
وبيتهم وعمرو خالد والشيخ القرضاوي باتهامات ..ما يعلم بيها الا ربنا
عرفتم ليه احنا دولة متخلفه
اه احنا دولة متخلفه
لان اي حد بيختلف مع حد بيقول للتاني انه حمار
ازاي هو بينادي بحرية التعبير (للدنماركيين ) اللي اهانوا رمز الاسلام الرسول عليه الصلاة والسلام وبيعترف بان دي حرية
وبينادي بحرية عبدالكريم نبيل
وهو مش قادر ينادي بحرية البنت المحجبه
وبيعتبرها متخلفه لمجرد ان لبسها مش عاجبه
يا اخي زي مانت معترف بحرية دول...فيها ايه لما تعترف ان البنت المحجبه حره تلبس زي ما هي عايزه وان الموضوع ليه علاقة بمبادئها اللي حتي لو هتختلف معاها لازم تحترمها
عشان يبقي اختلاف وجهات نظر محترم
لكن كون قبول فكر ان الحجاب تخلف
هو بيقول ان المحجبه متخلفه
طب فين الدليل لا مؤاخذه العلمي
دايما عندنا في الكلية البنات الاوائل محجبات
مش فاهم اصلا ايه علاقة اللبس بالذكاء او بالغباء
جايز انك تلاقي واحده محجبه ذكيه وجايز تلاقيها غبيه
وذكائها او غبائها ده اكيد مالوش علاقة بحجابها , ده ليه مقومات علميه تانيه
وليه دراسها...ولا يعن يالاخ درس كل المحجبات وصنفهم علي انهم محدودي التفكير
تناقض غريب في وجهة نظر شخص واحد وعلي نفس المدونة
14 comments:
انا بحجز اول تعليق اللبس لا يدل علي الذكاء و بعدين دي حريه شخصيه
هاقرا البوست علي مهلي و اجي تاني
emy
مبروك عليكي اول تعليق
وفعلا اللبس مالوش علاقه بالذكاء
ولما تقري الموضوع ان شاء الله هتتاكدي من ده
نورتي :)
اولا انا سعيد جدا بمعرفتك موضوعك غايه ف الاهميه والمدونه دي مرت عليا قبل كده لكن للاسف فضلت اني مش اضيع وقتي ف كلام يعصبني ويفرسني وانا عندي الضغط بيعلى وكمان بعد ما اكتشفت ان صاحب المدونه فكره ديكتاتوري ولا يقبل معارضه من سواه
ردودك مقنعه جدا وسعيد بموقفك وحجتك
مثل هؤلاء يعتبروا انه لكي يظهر فلابد من انتهاج فكر غبي يلفت اليه الانتباه
ربنا يهديهم بجد بأحس ان الناس اللي عامله نفسها عارفه كل حاجه مش بتبقى فاهمه اي حاجه
بجد انا سعيد اني اتعرفت عليك
ولو
يا باشا انا اتشرفت جدا بمعرفتك
ونورت المدونه
والف سلامه عليك من الضغط
فعلا هو مبيقبلش غير رايه بس بدليل ردوده علي الناس اللي بترد عليه
انا مبسوط اوي ان التوبك عجبك ومبسوط اكتر انك شرفتني
وانا اسعد اني اتعرفت عليك
رغم اختلافي مع الحجاب ، ومع النقاب تحديدا إلا ان كلامك سليم بالطبع
أختلف ، ولكن علىّ احترام الآخر
على فكرة أنا رديت على تعليقك عندي
تحياتي
اشرف حمدي
علي فكره انا كمان بختلف مع النقاب وساعات مع الحجاب بس ده فعلا ميمنفعش انه مالوش علاقه باحترامي للمحجبات والمنقبات وبطريقة تفكيرهم
وكمان ان ده مالوش علاقه لا بذكائهم ولا بغبائهم
تحياتي
معاك حق
انا بقي عندي حاجا لاحظتها غير التناقض
لما تقلب كده في المدونات هتلاقي بنسبه تسعين في الميخ ناس معقده وناس كأيبه وبلوجرات لونها اسود
وكأن البلوجر اتعمل للمعقدين نفسيه وللسياسه والكأبه
ونسيين حاجا اسمها مرح وحاجا اسمها تفاؤل
بس بردو منكرش ان في ناس كتيره بلوجراتها حلوه جداجداجدا
وكمان حبيت اقولك ان الموضوع بتاع قناه اسبيس تون والرسايل الي بتتبعت علي الميل ومحدش فاهم حاجا ده موتني من الضحك فعلا لانك حطيت ايدك علي موضوع شائك
تحياتي ليك ومدونتك جميله موووت وكمان شرفتني بزيارتك لمدونتي الي اتمني متنقطعش ابدا
تحياتي
تامر حسين
تامر حسين
عندك حق يا تامر والله
الحمد لله يا باشا ان الموضوع عجبك وان الموضوع التاني بارضه عجبك
ونورت المدون وشرفتني والله
واتمني بارضه ان زيارتك الجميله دي متتقطعش
نورت
تحياتي
كل سنه و انت طيب سنه جديده سعيده
انا موافقه جدا علي كلامك و عرضك للموضوع و مستنيه رأيك في البوست الجديد عندي
emy
وانتي طيبه والسنه الجديده ان شاء الله تحققي فيها اللي عايزاه
باذن الله
والله معاك حق
فين الدليل العلمي ولا مؤاخذة
:DD
marvel
مارفل حبيبي
:D:D
والله يا أخ زيكا الناس دي فاكرة أن حرية التعبير عن الرأي هي أنهم هما بس اللي احرار انهم يعبروا عن آراءهم، وانا كنت دخلت على المدونة دي من فترة وما حبتش اتكلم عليها عشان ما اساعدش على نشر اسمها اللي هو بيسيء للإسلام وليا وليك ولكل المسلمين، انا اعرف ان حرية الرأي في الحاجات اللي قابلة للنقاش لكن نقول الحجاب اللي ربنا أمر بيه حلو ولا وحش ونقعد نتباحث فده هبل، مش نقول انه تخلف وزبالة وربنا يهدي
karem
اولا نورت المدونه
ثانيا ربنا يهدي يا باشا
ثالثا هم كمان بالاضافه انهم مش بيقتنعوا
كمان بان الحجاب مش فرض
يعني يبقي قدامهم الايات واضحه وكل الدلائل واضحه
ويقولك لأ اصل هو كان يقصد كذا وكان يقصد انه في الوقت ده بس وحاجات كده كلها تاويلات ما يعلم بيها الا ربنا
ربنا يهدينا جميعا
Post a Comment