Monday, June 21, 2010

الحب .... ابن الوسخه

تحذير : البوست ده بوست رجالي حاد ...مقاس 36
------------------------------------------
حتى ظهر اليوم .. كنت مخدوعا كأغلبكم
ظللت طول حياتي العشرين والواحد وعشرين كمان , أعتقد خاطئا بأن الحب - بهدله - كما يقول الحكيم شكوكو
ولكني استفقت اليوم فقط على نبأ عظيم .. ألا وهو ان الحب ليس بهدلة كما يظن البعض ..إنه ابن وسخه
نعم هذه ليست دعابه يا صديقي ولكنها الحقيقه المُره التي أخفاها عنا العالم أجمع فظللنا طوال حياتنا بحب جميل حتى فوجئت اليوم أن الحب ليس جميلا ... الحب ابن وسخه
كنت أجلس بأحد مقاهي وسط البلد ملتزما الصمت أمارس هواية التصفح اللا مبالي على صفحات الانترنت
أتنفس دخان الشيشه ودخان عوادم السيارات ودخان الشاي أبو نعناع حتى انتبهت الى شاب وفتاه في العشرينات يبدو عليهم الجد والأسى والرومانسية
مارست هواية أخرى اعتدت عليها عند الجلوس وحيدا
منتظرا صديقي - الكلب ابن الكلب - الذي يتأخر كعادته ويتركني أعاني
هواية " رمي الودن " على مخاليق ربنا
اقترب الشاب من الفتاه بكلتا يداه ممسكا كلتا يداها . كاد أن يدهسهما ثم فوجئت بتأثر الفتاه بهذه المسكه المبالغ فيها حتى كدت أن أتقيأ من فرط التأثر أنا أيضا وقبل أن تترك لدموعها العنان للانطلاق
بادر الشاب الرومانسي لحظتنا وقال لها
- يا شيماء ماتعيطيش ..يا بت ده انا بحبك حب ابن وسخه
انهارت الفتاه حينها من البكاء وقبلت يداه واحتضنتهما وكأنه جاب الديب من ديله
وانهرت أنا من شدة الاستغراب
ثم بدأت التفت حولي لأستنجد بأي انسان طبيعي شاهد معي هذه الجريمه في حق ( رشدي أباظه وشكري سرحان وماجده وعمرو دياب ومنه شلبي ) لأجد اني الوحيد الذي يتابع هذا المشهد الغرامي الغريب
حيث لم أتصور يوما أن أكون مخدوعا كل هذا العمر وأنا أعتقد ان من يرتبط بفتاة يخبرها عن الورد والقمر والرموش والعيون والخدود والجواز
كنت طول عمري مخدوعا أظن أن الفتيات ينبهرن بكلمات الغزل من نوعية
مضناك جفاه مرقده
أو جفنه علم الغزل
أو جيتي انتي بسرعه يا بنت الاييييييييه ..بصراحه كده قلبي قدرتي عليه أوه أوه
لم أتصور يوما ان الحب ابن وسخه ..احترت بالفعل ..كيف يكون هو الحب ابن الوسخه ..أي نوع من الحب هذا
حينها جاء صديقي ونظر الي وقال
مالك مذهول كده ليه ..لم أرد عليه من فرط الصدمه والتأثر
وبادرته
الا قولي ..هو انت لما بتعد مع مي بتقولها كلام حلو ايه
فقال
اقولها كلام حلو ازاي يعني ؟
استغربت من رده ثم باستعجال قلت له
يعني لما بتعدوا مع بعض لحظة رومانسيه ؟
ثم نظر لي في فتور كأني أتحدث الايطاليه بطلاقه وقال
لحظة رومانسية ؟
فهمت قصده ولم يفهم هو قصدي فسألته
هو لما واحد يقول للواحده انا بحبك حب ابن وسخه يبقا ايه ؟
يبقا بيحبها فشخ طبعا
طوال الطريق كنت أفكر .. كيف يكون هو الحب ابن الوسخه ؟ ولما يكون الحب ابن وسخه أصلا .. ويا ترى ما هي مواصفات الحب ابن الوسخه ... وهل يا ترى يجوز أن تكون البنت بنت ناس والواد ابن ناس وتكون بينهم علاقة بنت وسخه ؟
عندما أخذت رأي صديقي الطويل أبو نضاره وشيشه من غير مبسم - حيث انه اخبرني ذات مره انه
يعني انت خايف من واحد عنده انفلونزا ومش خايف من البتاعه اللي بتجيب سرطان دي - ؟
لذا تذكرت هذه الجمله وسألته
إزاي يكون الحب ابن وسخه ..أصلي سمعت النهرده واحد بيقول لواحده انا بحبك حب ابن وسخه
فنظر الي بتعقل شديد ..وقال لي
يبقا أكيد البت دي مؤدبه نيك
لذا لذت بالفرار لصديقتي الجميله التي ألجأ اليها في مثل تلك الأحيان العصيبه وقلت لها
لي لي ..علاقتك بحازم شكلها ايه
فتنهدت لي لي وأخبرتني وهي تربت على يداي
بصراحه ..حازم بيحترمني جدا وانا كمان باحترمه والعلاقه بينا الحمد لله بينا كويسه جدا
ابتدأ صدري ينشرح قليلا .وأعتقدت لوهلة أنني عدت الى كوكب الأرض مرةأخرى
فسألتني
مالك ؟
قلت لها : ..ماتقلقيش أنا بس كان عندي حوار كده والحمد لله اطمنتيني
ثم التفتت الي وقالت
انت على فكره أقرب أخ ليا
أنا بحبك حب ابن وسخه

18 comments:

М€ŝЋМΣŞĦ said...

no comment!

dr.lecter said...

ماهو فعلا مايتسماش غير كده

Boky said...

تصدق مش عارفة أعلق !!!!

مش عارفة اتنح ولا أضحك


يخربيت كدة

وانت عامل ايه دلوقتى ؟ :))

mostafa rayan said...

زيكا انا عمال اضحك مش مصدق اللي بيحصل دة في الاول افتكرت انك هتحكيلنا عن صدمة عاطفية وانك بسبها غيرت رايك من ان الحب جميل إلى انه ابن وسخه لكن لما قرأت اذبهليت اكتر طب هو بيعمل رومانسية مع صاحبته وبيقولها كدة طب لما بيناغشها ولا بيبقى زعلان منها بيعمل ايه دة قليل قوي لما سبلها 100 دين و100 ملة
واضح ان كل حاجة اتغيرت لا البنات هما البنا ولا الرجالة-المفروض كدة يعنى- هما الرجالة
تحياتى لك يا اخي

adel said...

ههههههههههههههه
ياسيس خلصت امتحانات و بتنزل من غيري ياعبـ مهيمن

اسامه عبدالعال said...

موتنى من الضحك

بصراحه احنا وصلنا لمرحله من الهيبره بنت وسخه

فاتيما said...

كدا يا زيكا ؟!!!

مش قادرة اقول
انى اتخرعت ع الآخر
عشان عنوان البوست من الريدر
ادانى تمهيد


بس مش للدرجة دى برضو


يا لهوتينى !!!!



حد يقول لحد
انه بيحبه قوى
بالألفاظ دى ؟!!


اقولك ؟
متقعدش على قهاوى تانى

عشان متكتبش بوست كدا
و تخلينا نكتشف
ان الحب ابتذلوه لهذه الدرجة
حوارياً و تعبيرياً
و سلوكياً
و كل حاجة


يا خراااااشى
هوه الشوباب
جرالهم ايه
إين ذهبت الرومانسية
و البراءة
و الإحترام!!!!



انا منصدمة
و منحبطة دلوقتى
انا عاوزة تعويض
عن قراية التدوينة دى
يا جدع انتا و مليش دعوة

هه

Zika said...

mesh mesh
ليه يا مشمش نو كومنت ؟

dr.lecter
هو فعلا كده

boky
طب انتي انهي واحده فيكوا طيب
:D:D

مصطفى ريان
اه والله يا مصطفى زمن عجايب
نورتني بزيارتك

Zika said...

عادل
والله ما خلصت يا معنمي انا لسه هاخلص يوم 26

أسامه
الله يخليك يا أوس
والله احنا وصلنا لمنطقا غامقه بطريقه بنت وسخه

Zika said...

فاتيما
أولا انا آسف على كمية الالفاظ اللي في البوست بس زي مانتي شايفه مش انا اللي باقولهم

وناقل الكفر ليس بكافر :)

وعلى فكره ماكانش فيه مبالغه الكلام ده شبه بيتقال يوميا بصوره عاديه جدا

وانا مجرد حولته لموضوع مش أكتر

عموما انا اخلص امتحانات واللي تطلبيه بقا :D

محمــد العطــار said...

والنبى خدنى معاك يا زيكا ع القهوة بنت ( تيت )دي .. خلينا نشوف ولاد ( التيت ) دول بيحبوا بعض إزاي الحب ابن ( التبت ) ده
ههههههههههههههههههههههههههههه

محمود عثمان said...

هههههههههههه
مش ممكن يا زيكا
انت فاتك كتير يبني
الحب في تطور من ساعة ما اللمبي قال بلوبيف بلوبيف
:D:D

Mahmoud البطراوى said...

يا بنى امال عاوزه يطلع شاب سيس ويقول لحبيبته بحبك جدا
لازم يوريها انه واد مخربس وبيحب حب ابن :D

М€ŝЋМΣŞĦ said...

أصلى قريت العنوان استغربت

قريت البوست

لقيت تيييت كتير قوى

فمعرفتش أعلق من كتر التيييت


وانت عامل ايه ؟
:P

Wanda said...

يعنى الاغانى و فيها كلام ...
و الحبيبة بتتغزل بكلام ....
اقولك انا مش حشيل الmp3
من ودانى بقى لما انزل مصر :-(((
حرام و الله
حطرش

اوع يكون الكلام المؤدب بيبقى كلام عيب و ممكن ندخل بيه السجن ؟؟؟
حتخرس

كملت
ايه الى فضل اتعمى ؟؟

VOltaa said...

انت كده هتغير مفاهيمى

لأنى حصل معايا موقف زى ده

بس الحب ساعتها كان ابن شرموطة مش ابن وسخة


واضح ان مصر بتتقدم بينا

مساء الفل

Amr said...

مساء الخيرات

يخرب بيت الحب و سنينه ... دمك زي العسل

هزورك كثير

أحمد سبع said...

جامدة يا زيكا
يخرب بيت دماغك