Thursday, October 15, 2009

شامي وبلدي

قالتلي ازيك قلتلها الحمد لله ... قالتلي انت اسمك ايه قلتلها ممدوح ... قالتلي بتشتغل ايه قلتلها بادرب رقص .... سكتت .... قلتلها وباكتب شعر .... سكتت ... قلتلها وبادرس اخراج .... سكتت ..... قالتلي بابا بيشتغل ايه يا ممدوح ... قلتلها مهندس ... قالتلي وماما بتشتغل ايه يا ممدوح قلتلها مدرسه ... قالتلي بابا مهندس وماما مدرسه ومخلفين رقاصه . قلتلها ك .. ام حضرتك وسيبتها ومشيت
فاكرين الايام بتاعة زمان دي ايام ماكانت الشرطه في خدمة الشعب .. قبل ما يقبضوا ع الشعب ويشغلوه مع الشرطه ويبقوا هم الاتنين شغالين عند سيادة القانون .. يعني سيادة القانون يطلب واحد شاي تقوم تفز تعمله .. سيادة القانون مش مرتاح تعمله مساج ... سيادة القانون مزاجه مش رايق تقومي ترقصيله عشره بلدي .... فاكرين الايام بقا بتاعة زمان .. ولما انتوا فاكرينها . قاعدين فيها ليه
كل اما اقول حاجه تعترض لحد اما في مره قلتلها احا هو انتي كل شويه تعترضي هو انا كافر .. قالتلي كلمة احا عيب .... احا طب مانا عارف ان كلمه احا عيب
ساعات بتبقا الايام من غير ملامح يعني تبص على يوم التلات كده تلاقيه يشبه يوم الاربع كتير اوي , تركز مع السبت تلاقيه مدي على الخميس ... تصحي يوم الاتنين تلاقي صلاة الجمعه شغاله كده يعني
وساعات تلاقي يوم السبت والاحد والاتنين والتلات والاربع والخميس .... كلهم ... جمعه
حاجه غريبه بتحصلي اليومين دول حاسس ان انا ابن ميتين كلب
على فكره لما بكتب شعر ذم مابقصدكيش انتي ولما باكتب شعر حب مابقصدكيش انتي ولما باتكلم باسمي مابقصدنيش انا ولما باكتب وطنيات مابقصدش مصر
بيقولي :
عارف يا ابو الزيك .. لو كانت اتباست مره كنت قلت معلش لو كانت طلعت المقطم الفجر مع صاحبها في العربيه مره .. بارضه معلش تلت تربع البنات اللي انا اعرفهم جايبهم من ع المقطم ساعة فجر اساسا . عارف لو بتشرب كتير عادي ماحنا سكرانين طينه اهو .. عارف لو بتشرب حشيش ممكن اخليها تبطله .. بس المشكله بجد ان البت دي مسقطه عيلين قبل كده .. وانا بيني وبينك حاسس اني عايز اخلف في يوم من الايام واخاف البت تطلع مابقتش تخلف تاني تبقا مشكله .
قلتله :
الازازه خلصت قوم هات اللي في العربيه .

15 comments:

NubiaPrince said...

هاهاهاهاهاهاهاههاااااااااااااااااه

و هو يعني إيه أحــــا أساساً :P


هههههههههههههههههههههههههههههههههههه


أحمد أسامة :D

مواطن مصري said...

ههههه جامدة


هاتلي معاك ازازة يا عم خلينا ننسى

Che said...

ده انت مش تقولها ك... حضرتك بس .. ده انت تسبلها بالدين كمان يا زيكا ... ايه الناس بنت الجزمه دى
موودك مش مريحنى يا زيكا مش عارف ليه ... على كل يا ريس بدل الازازه لو عندك كبايه يبقى كفايه و انا عليا باقى العده ... و انت فاهمنى طبعا يا ابو الزيك .. هههههه

micheal said...

هههههههههههههههه..احا ما أنا عارف أن كلمة أحا دي عيب
يخرب بيت فقرك
:)
ايه يا ابني كمية التهييس دي
بس برضه أنت قلبك ميت حد يشتم بنت ويقولها كده
عارف أنها زودتها لما قالتلك رقاصة
:)
يلا ما علينا
بوست جامد يا مان

Zika said...

nubian prince

حبيبي يا اسامه

اقولك انا يا صاحبي

احا دي كلمة تعبر عن الاعتراض ههههههه مكتوب كده في المعجم القبيح

نفسي تتعمم الكلمه دي

Zika said...

مواطن مصري

عمور

هات الازازه واقعد لاعبنىىىى ههههههههههه

Zika said...

تشيي
فاهمك يابا ولو اني ماليش في البني بس انا معاك في اي بذوله

Zika said...

مايكي
هاعمل ايه بس يا مايك انا مابحبش حد يدوسلي ع الحته دي
بتوجعني اوي يا بومبو
لان الرقص ده من اكتر الحاجات اللي بحبها وعملتها في حياتي

Unknown said...

بصراحه ومن غير زعل انا كمان ما بستوعب الزلمه يرقص

بس صاحبك اللي في الاخر "لارج جدا" على قولتكم!!!

مدحت محمد said...

انت هلكتنى من الضحك

Zika said...

مياسي
ده على حسب نوع الرقص
اكيد انا مابقصدش الرقص الشرقي لاني متاكد انه خاص بالستات ومابعتبروش رقص
لكن الرقص ده فن وثقافه احنا فعلا مفتقدينها في الوطن العربي ومعتبرينها حاجه عيب
وده اعتقاد خاطئ تماما


:)
لا صاحبي ماكانش فايق بس كل الحكايه :D

Zika said...

مدحت محمد
الله يكرمك يا سيدي
نورت

اسماء عوني said...

يخرب بيت فقرك
انا فطست
لكن قولي مين صاحبك ده اوعى يكون حازم عشان عارفه حازم هو بتاع الحاجات دي ههههههههههه

جاااااااااااااااااااااااااامد يا زيكا البوست جاااااامد بجد

ست الحسن said...

أنا ضحكت جامد
البوست مكتوب كويس أوي .... وتتابع المقاطع راااائع

عندك أسلوب خاص وطريقة بتاعتك
شكراً لأني انبسطت أوي

Anonymous said...

hahahahahahahahahahaha

gamed 2a7'er 7agaaaa ya zika