مع الاعتذار لاي حد هيفهم
صحيت الصبح مالاقتش فطار عاجبني قولت انزل علي كافيه بحبه كده افطر فيه
واخترت الفطار
فول وبيض
بيض كتير
مع ان كان عندنا بيض في البيت بس في النهايه بارضه بيض الكافيه ارحم من بيض البيت
رجعت البيض
سورري قصدي رجعت البيت
لقيت امي عامله بلوبيف البيض ومكرونه
قلت لا بلاش بيض
انا هانزل اجيب اكل لنفسي
تاكل ايه ياض يا زيكا
تاكل ايه ياض يا زيكا
كلت بيض بالبسطرمه
رجعت البيت تاني اتبضنت
واحد صاحبي اتصل بيا قالي تعالي نلعب بلاي ستيشن واتعشي معايا
روحت
لقيته عنده بيض
كلنا انا وهو بيض
وبعد كده مشيت في الشارع
لقيت واحده ماشيه بتبيع بيض
معدي من جمب عربية فول لقيت واحد بيطلب
اتنين فول بالبيض
رجعت لبيتنا تاني
لقيت أمي عامله كيك
وطبعا انتوا عارفين ان الكيك بيتعمل من البيض
25 comments:
ايه يا عم زيكا الحياه اللى مليانه بيض دى اللى انت عايشها
و بعدين يا بن عمى البيض عامل حصار علينا بس لازم نقاوم يا اما هيغرقنا فى الصفار و البياض بتاعه
روق كده يا عم زيكا
هههههههههههههه
كيك باالبيض
زي كيك بالشوكولاتة كده
هههههههههههههه
بس ايه اليوم البيض ده
أول مرة ازورك يا باشا ودخلت كدة اذبهليت
والحكيكة قعدت اهرش فى نوفوخى كتييييييييييييير.. انى أفهم ايه حكاية البيض دى.. لا مونكن أبداااااااااااا.. لغاية ما فتحت الموضوع السابق وفخمتوا اخيرا
ما هو البيض ورانا ورانا يعنى هنروح منه فين بس.. حكومة منها لشعب كل دراع حكومتة يارب
:D:D
طيب ربنا يفك خنقتك
كل ده بيض
معلش وتم قبول عذرك :p
انا بموت فى البيض واتسالت بيمثل ليه ايه قولت الكتكوت ايه المشكله يعنى فيه يا زيكس ده جميل كل بيض وانت طيب
بيض في البيت وبيض في الشارع وبيض في الكافيه
وبيض في كل حته
وجاي تنقلنا البيض ده علي بلوجر
ايه البيض ده
:D
طب ايه ؟
تانى بوست بالبيض
شكلك كده بتحبه قوى
واضح أن دى حالة الملل اللى عندك يا عم زيكا
و شكلك كده فى انتظار جوتو ههههه
بييييس يا مان
اكيد ده كان يوم الخميس الي فات بس كل ديه ناس بتبيض عليك يا لهوي مش معقول يا زيكا ده انت طلعت راجل بيض
هي جت عليا الناس كملها بتبيض عليك وانا مبضش على الاقل احنا اصحاب وممكن نستحمل بعض
اية اليوم الي كلة بيض
:)
che
وما الحياه الا بيضة كبيره يا تشي
ليك وحشه يا معلم
adel
ده نوع جديد يا معلم
:D:D
manooosh
يااه اول زياره وتيجي علي بوست زي ده
معلش بقا امسحيها فيا
اه فعلا الحكومه بقت وحشه اوي
:)
ياااااارب
نورتي ونوريني كده علي طول
Mony el sherif
يارب ياختي يارب
ميرسي يا باشا علي قبول العذر :P
appy
الناس بقي ماتعرفش اني كاتب البوست ده عشان الناس تبدا تلون البيض في شم النسيم
بقالك طتير اوي ماجيتيش يا خالتي
اسماء
يوم بالبيض
البت المشمشيه
ابدا يا ستي هم راحوا كلهم عند الراجل صاحب البيت واتصافوا والحمد لله يعني مافيش حد اتعور
والنبي انتي عسل ههههههههههههههههههههههههه
ماجي
لا والله مش بحبه يا ماجي بس الظروف
ساره نجاتي
واديني في انتظار جوتو
وشكله مش هيجي
بييس يا وومان
عمرو فوخس
لا انت بالذات لا ولما هاشوفك هاضربك عشان البيض اللي انا فيه ده
:D
مواطن مصري
يا باشا مش بايدنا نصيب بقي هنعمل ايه
:))
ههههههههههههههههه..صباح البيض يا معلم زيكا
:)
عارف أنا من صغري بكره البيض جدا رغم اني تملي أقول حياتي بيض
:)
تحياتي
يا نهار أ[بيض]....
وبعدين أنت متضايق ليه؟؟
ماهي السما كانت صافية وبيضا وأنت ماشي براحتك رايح الكافية علي قشر بيض .. وطبعا دفعت الحساب يعني رميت بياضك ...
يعني ده طبيعي ،،
بس أكيد اللي زعلك إن كل البيض ده مش كان ملون
Post a Comment