Sunday, April 19, 2009

رحلتي مع البيض



مع الاعتذار لاي حد هيفهم


صحيت الصبح مالاقتش فطار عاجبني قولت انزل علي كافيه بحبه كده افطر فيه

واخترت الفطار

فول وبيض

بيض كتير

مع ان كان عندنا بيض في البيت بس في النهايه بارضه بيض الكافيه ارحم من بيض البيت

رجعت البيض

سورري قصدي رجعت البيت

لقيت امي عامله بلوبيف البيض ومكرونه

قلت لا بلاش بيض

انا هانزل اجيب اكل لنفسي

تاكل ايه ياض يا زيكا

تاكل ايه ياض يا زيكا

كلت بيض بالبسطرمه

رجعت البيت تاني اتبضنت

واحد صاحبي اتصل بيا قالي تعالي نلعب بلاي ستيشن واتعشي معايا

روحت

لقيته عنده بيض

كلنا انا وهو بيض

وبعد كده مشيت في الشارع

لقيت واحده ماشيه بتبيع بيض

معدي من جمب عربية فول لقيت واحد بيطلب

اتنين فول بالبيض

رجعت لبيتنا تاني

لقيت أمي عامله كيك

وطبعا انتوا عارفين ان الكيك بيتعمل من البيض

25 comments:

Che said...

ايه يا عم زيكا الحياه اللى مليانه بيض دى اللى انت عايشها
و بعدين يا بن عمى البيض عامل حصار علينا بس لازم نقاوم يا اما هيغرقنا فى الصفار و البياض بتاعه
روق كده يا عم زيكا

adel said...

هههههههههههههه

كيك باالبيض
زي كيك بالشوكولاتة كده

هههههههههههههه

بس ايه اليوم البيض ده

MaNoOoSh said...

أول مرة ازورك يا باشا ودخلت كدة اذبهليت
والحكيكة قعدت اهرش فى نوفوخى كتييييييييييييير.. انى أفهم ايه حكاية البيض دى.. لا مونكن أبداااااااااااا.. لغاية ما فتحت الموضوع السابق وفخمتوا اخيرا
ما هو البيض ورانا ورانا يعنى هنروح منه فين بس.. حكومة منها لشعب كل دراع حكومتة يارب

MǿиY El-Shreef said...

:D:D

طيب ربنا يفك خنقتك

كل ده بيض

معلش وتم قبول عذرك :p

Appy said...

انا بموت فى البيض واتسالت بيمثل ليه ايه قولت الكتكوت ايه المشكله يعنى فيه يا زيكس ده جميل كل بيض وانت طيب

اسماء عوني said...

بيض في البيت وبيض في الشارع وبيض في الكافيه
وبيض في كل حته
وجاي تنقلنا البيض ده علي بلوجر
ايه البيض ده
:D

*البت المشمشية *حلوة بس شقية * said...

طب ايه ؟

magi said...

تانى بوست بالبيض

شكلك كده بتحبه قوى

سارة نجاتى said...

واضح أن دى حالة الملل اللى عندك يا عم زيكا
و شكلك كده فى انتظار جوتو ههههه

بييييس يا مان

aMr tA3LaB said...

اكيد ده كان يوم الخميس الي فات بس كل ديه ناس بتبيض عليك يا لهوي مش معقول يا زيكا ده انت طلعت راجل بيض

هي جت عليا الناس كملها بتبيض عليك وانا مبضش على الاقل احنا اصحاب وممكن نستحمل بعض

مواطن مصري said...

اية اليوم الي كلة بيض
:)

Zika said...

che
وما الحياه الا بيضة كبيره يا تشي
ليك وحشه يا معلم

Zika said...

adel
ده نوع جديد يا معلم
:D:D

Zika said...

manooosh
يااه اول زياره وتيجي علي بوست زي ده
معلش بقا امسحيها فيا
اه فعلا الحكومه بقت وحشه اوي
:)
ياااااارب
نورتي ونوريني كده علي طول

Zika said...

Mony el sherif
يارب ياختي يارب
ميرسي يا باشا علي قبول العذر :P

Zika said...

appy
الناس بقي ماتعرفش اني كاتب البوست ده عشان الناس تبدا تلون البيض في شم النسيم
بقالك طتير اوي ماجيتيش يا خالتي

Zika said...

اسماء
يوم بالبيض

Zika said...

البت المشمشيه
ابدا يا ستي هم راحوا كلهم عند الراجل صاحب البيت واتصافوا والحمد لله يعني مافيش حد اتعور
والنبي انتي عسل ههههههههههههههههههههههههه

Zika said...

ماجي
لا والله مش بحبه يا ماجي بس الظروف

Zika said...

ساره نجاتي
واديني في انتظار جوتو
وشكله مش هيجي
بييس يا وومان

Zika said...

عمرو فوخس
لا انت بالذات لا ولما هاشوفك هاضربك عشان البيض اللي انا فيه ده
:D

Zika said...

مواطن مصري
يا باشا مش بايدنا نصيب بقي هنعمل ايه
:))

micheal said...

ههههههههههههههههه..صباح البيض يا معلم زيكا
:)
عارف أنا من صغري بكره البيض جدا رغم اني تملي أقول حياتي بيض
:)
تحياتي

mimi said...

يا نهار أ[بيض]....

mimi said...

وبعدين أنت متضايق ليه؟؟
ماهي السما كانت صافية وبيضا وأنت ماشي براحتك رايح الكافية علي قشر بيض .. وطبعا دفعت الحساب يعني رميت بياضك ...
يعني ده طبيعي ،،
بس أكيد اللي زعلك إن كل البيض ده مش كان ملون