امبارح الساعه اتنين بالليل
اللي هي اتنين صباحا يعني
شوفت الحلقه بتاعة الطبعه الاولي بتاع المسلماني علي دريم
وجاب خبرين ورا بعض خلوني بصراحه سمعت صوت تطقيش كده بس ماحستوش وحسيت اني منهمك في خلايا عدم التوازن والانبعاج التقوسي
وحسيت قد ايه قيمة اللا بيض في حياتنا
ايوه
واللابيض
هو تعبير يدل علي ما كان يسمي في عصر من العصور باللامبالاه
الحكايه وما فيها
ان مية النيل فاسده
يعني فيه 34 مصنع بيرموا الصرف بتاعهم في النيل
وبعدين احنا نشرب
قوووم ايييه بقي؟
احنا نعيا
طبعا ده غير الاسر اللي بتفتقر نتيجة لمرض العائل الرئيسي بتاعها والكلي والكبد الوبائي والقولون وغيره وغيره
قوووووم ايه
لما نعيا نشتري دوا
الخبر اللي بعده
16 % من الادويه الموجوده في السوق فاسده
قووووم ايه
تعد انت تضرب في دوا ولا الدوا بيجيب نتيجة ولا حاجه
فطبعا ماتخفش
فطبعا تموووت
قوووووووووم ايه؟
مافيش قوم ايه ... ما خلاص
تطلع ربنا يحاسبك علي كمية سب الدين وكمية الشتيمه اللي انت شتمتها في الحكومه
وتدخل النار
طب بالذمه ده كلام يرضي مين يا اخواننا
الخبر التاني بيقول
كان فيه حته في حدايق حلوان
علي مساحة فدان معموله مقلب زباله
فالناس اهالي المنطقه طلعوا رجاله ووقفوا وقفة رجاله وشالوا الزباله وزرعوها وعملوها جنينه وسموها حديقة النصر
قوووووم ايه
الحكومه زعلت .. ازاي الناس دي تشيل مقلب الزباله وتعمله جنينه
هم اتجننوا ولا ايه اما شعب غريب صحيح يشيل الزباله العظيمه عشان يعملوا جنينه؟
فعلا ده احنا شعب ابن وسخه صحيح
قالوا شيل يابني الجنينه دي
احنا هنعمل طريق بطئ
النبي إحياة عيالكوا الاهي ما يرميكوا في ضيقه ولا يفقعلكوا بيضه قادر يا كريم
اللي يعرف يعني ايه طريق بطئ يرد عليا
طبعا الناس اتضايقت وقالتلهم طب استنوا حتي ننقل الجنينه في مكان تاني ده احنا دافعين دم قلبنا
ردت المحافظه لأ لأ لأ تؤ تؤ تؤ نو نو
سي تا ان ايمبوسيبل
مافيش وقت
وقطعوا الشجر وجرفوا الجنينه
ومن ساعتها وانا مش جايلي نوم
وجاري البحث عن الشمال في حين اعلنت جماعة الاومليت المصريه مسؤليتها عن اختطاف اليمين
23 comments:
:D:D
عمار يامصر
وتحيا مصر
وشربت ياشرين ياختي من نيلها
حلو كده
جميل اوي :D
وحسبي الله ونعم الوكيل فيكي ياحكووومه
الطريق البطىء على ما اظن هيكون موقف عربيات
انا ممن بعد الحلقة جالي اكتائب و استببحس نفساوي
هههههههههههههههههه
طيب ان مش هرد عليك علشان انا عندى نفس المشكله فى طريق قريب من الطريق اللى فيه مستفى مبارك لما اشوف بس هترسى على ايه
طريق بطء يعنى هيمشوا العربيات على سير ولا ايه
نفسى أعرف ايه اللى مزعلك أن كام مصنع يموا الصرف بتاعهم فى النيل أمال يرموه فين يعنى ؟؟
و بعدين ده مليان معادن و ح يساعد طفلك يكبر زى نيدو كده
فعلا مصر هبة النيل , و بما أن النيل مليان زبالة ....
يلا ربنا يتوب علينا
ههههههههههههه
و حياتك عاوزين قطع غيار
بلدي او مزارع
مش هتفرق
بس ننقذ مايمكن انقاذة
بس يارب العربية اللي هتنقلهم متاخدش الطريق البطئ
والله انتا بطل هما كانوا لسه ما تفقعوش
ياعم دي بلد بنت وسخه واحسن لنا نموت احسن
طب والنعمة حاجة تضحك تصدق....والله حاجة تضحك بجد مهو مينفعش متضحكش لما تسمع المسخرة دى.......والله مسخرة وقلة ادب يعنى
مداخلة:معتقدش ربنا هيحاسبنا على شتيمتنا للحكومة يعنى بس سب الدين دة مينفعش على فكرة اشتم بس بالادب هو الدين ذنبه ايه عشان تسبه يعنى؟؟؟؟
ماعلينا المهم ان قناة دريم عاملة احلى شغل....هو ايه علاقة اليمين والشمال بالموضوع مفهمتش الحتة دى على فكرة
سلام
البيض هو الحل
اذا لم تكن مبضونا سيتمن البضينه عليك بالحكومه
انا مرارتي اتفقعت لما قريت البوست ده يعني نعمل ايه بس؟ نسببلهالهمن خربانه يعني ولا ايه
مهييجي ده كله في الاخر علي نفوخ اللي خلفوهم وييجوا يبتهمونا بالسلبيه واللامبالاه
ياااخي ااا
ولا بلاش
mony el sherif
بس يالهوي
حد يدعي علي حكومتنا
سامحها يارب سامحها
اشتاتا شلتوت
انتي عايزه الاسياد يحضروا
ههههههههه
نورتي يا جميل
مواطن مصري
هو انا فاهم الاولانيه لما هتقولي موقف عربيات
يعني بيعمل ايه موقف عربيات
قصدك جراج يعني ولا موقف يعني موقف محطه يعني
الف سلامه عالاستبحس يا عموور
:D
appy
لو هيعملوه طريق بطئ اشطه
بس نعرف يعني ايه
طريق بطئ الاول
ده محمد المسلماني نفسه ماكانش عارف
ماتساليلنا حد في الحي يا آبي
ساره
لا بلاش يرموه في النيل نفتحلهم فرع عندنا في الشقه ويصرفوا عندنا
كله فدا مصر
:P:P
ياااااااااااارب
adel
يا باشا انا اتعرفت علي واحد شغال في التوكيل وهيظبطنا
:D:D:D
اسامه باشا
ماهي كانت بتلخلخ الاول وبعد كده طارت
لا نموت ونسيبهالهم كده
ابدا
طب انا قاعد بقي ويوروني كده من هيبيض علي مين
:D
enjy
علي راي المثل يا انجي هم يضحك وهم يبكي
والله الله اعلم هيحاسبنا ولا لأ ربنا يستر
اكيد سب الدين ده غلط
حلوه اشتم بالادب دي
ههههههه
بعد كده هاقولهم الحكومه دي وحشه ويع وزفت و مش كويسه خالص :D
مش قناة دريم والله هو المسلماني ده فعلا جامد جدا
اعتبري انك ما سمعتيهاش وماتساليش حد عليها
انا اسف بس انتي عارفه لساني بيطول مني
:)))
سلام
dr.lecter
لا لا لا مافيش حاجه اسمها ما بلاش
انت هنا تقول اللي انت عاوزه
خد راحتك يا برنس
:D
تحياتي
اعمل نفسك ميت اعمل نفسك ميت يعني الحل متشربش عشان متعياش عشان متمتش ولا اقولك موت وريح نفسك انت هتقعد ليه
وبعد ين يا ولد يا زيكا الطريق البطئ
يا باش يا متعلم يا بتاع الجامعات والمدارس هو عكس الطريق السريع يعني انت لو بتمشي على الطريق السريع 120 كيلومتر في الساعة في الطريق البطئ ممكن تمشي على عشرة كيلو ولا اقولك ارجع بضهرك و
وسمعني اغانية راجعييييييييييييييين
وتعالى تعالى تعالى
بجد اكتشاف يا جماعة اكتشفت نوع جديد من البيض
يعني فيه بيض احمر وبيض ابيض وفيه بيض الحكومة
سمللي على جوزك يا اسمناعيل بيه
كفاااااااااااايه قوم
ايه...
طب كويس انهم
شالو الجنينه
مش احسن
مايعقبوهم
ويحطو الزبال فى قلب بيتهوم
تقدير ليها
اصلها بقت من الاساسيات
الزباله بقت شعار اخلاق الحكومه بتعتنا
طب أعمل فيك ايه يا زيكس
دول خبرين يتحطوا..بالذات التاني
أم احنا شعب ابن وسخة بصحيح
:)
مش عارف أقول ايه بس يا زيكس
احم احم
تحياتي
عمار يا مصر
يعنى الناس يعملوا جنينه تقلبها الحكومه مزبله وترجع وزاره البيئه يزعلوا ويقولوا سحابه سودا
قوم ايـــــــــــــه
انا ضحكت ضحك على اللى احنا فيه
عماار يا اوكرانيا
ومتبقاش تشتم كدة تانى احسن اقصلك لسانك
قوووووووووم ايييييه
ههههههههههههههه
Post a Comment