Sunday, June 29, 2008

فرعون وجنوده

{فَأَخَذْنَاهُ وَجُنُودَهُ فَنَبَذْنَاهُمْ فِي الْيَمِّ وَهُوَ مُلِيمٌ} (الذاريات: 40).




وقال تعالى: {وَدَمَّرْنَا مَا كَانَ يَصْنَعُ فِرْعَوْنُ وَقَوْمُهُ وَمَا كَانُوا يَعْرِشُونَ} (الأعراف:


137).




"هل أتاك حديث الجنود *فرعون وثمود" البروج الآيتان 17



إن فرعون علا في الأرض وجعل أهلها شيعا يستضعف طائفة منهم يذبح أبناءهم





ويستحيي نساءهم إنه كان من المفسدين" القصص الآيات 1-4



قال تعالى: "واستكبر هو وجنوده في الأرض بغير الحق وظنوا أنهم إلينا لا يرجعون





*فأخذناه وجنوده فنبذناهم في اليم فانظر كيف كان عاقبة الظالمين" القصص 39-40




"فأتبعهم فرعون بجنوده فغشيهم من اليم ما غشيهم" طه الآية 78



"فأخذناه وجنوده فنبذناهم في اليم وهو مليم" الذاريات الآية 40



صدق الله العظيم



ليه ربنا كان دايما بيذكر فرعون وبعد كده يلحق بيه جنوده



ليه ربنا دايما في كل آيه بتنم عن الغضب علي فرعون كان في نفس الوقت مش بيستثني




جنود فرعون معاه



عارفين معني كده ايه ؟



يعني اللي قال انا عبد المامور دخل النار



يعني اللي قال دي اوامر البيه الظابط دخل النار



يعني اللي ما شغلش عقله منهم وشارك في الفساد دخل النار



يعني كل واحد جه من قريه وعامل نفسه ما بيفهمش او هو فعلا ما بيفهمش وشارك في




تعذيب الناس دخل النار



يعني فرعون ما دخلش النار لوحده .. لأ كل واحد ساعده سواء بتعذيب ابناء مصر ايامها




او تعذيب المؤمنين من بني اسرائيل دخل النار



ربنا مارحمش الجنود الغلبانين اللي مالهمش ذنب اللي بينفذوا اوامر الملك فرعون اللي



لو ما نفذوش اوامره هيدخلوا جهنم الدنيا



كل واحد من جنود فرعون استخدم سلطته في ايذاء الناس دخل النار حتي لو كان مجبر



علي انه يستخدمها



لان الله اولي بالعباده والخوف




نقول كمان مره




إن فرعون علا في الأرض وجعل أهلها شيعا يستضعف طائفة منهم يذبح



ابنائهم ويستحيي نساءهم إنه كان من المفسدين
"


القصص الآيات 1-4




ما اشبه اليوم بالبارحه


13 comments:

وجهة نظري said...

كلامك مظبوط تماما ... عارف ليه ربنا أتبع الجنود بفرعون؟؟ لأنهم مش غلابه، لأنهم علي الرغم إن كتير منهم مينفعش يعصوا الأرض لأنهم بيخافوا أو مش حيستحملوا العقاب .... إلا إنهم وببساطه شديده كانوا ممكن ينسحبوا او يستقيلوا ويبقوا من أفراد الشعب .... كل واحد فيهم كان مبسوط أوي بالسطوه والنفوذ كل واحد حسب مستواه

محبوش يسيبوا السلطه والنفوذ وإتبعوا فرعون برضاهم، فلازم عقابهم يكون من نفس عقابه

عارف، في لقطه بتنط في مخي كل شويه وبقعد أفكر فيها كتير أوي... اللقطه دي لمخبرين شكلهم مبهدل ولابسين معفن (أسف) ... بس كانوا شادين واحد من المتظاهرين ونازلين فيه ضرب وتلطيش وشلاليت .... تفتكر هما كانوا زعلانين؟؟ كانوا مهتمين؟؟؟ طب الصيع دول بياخدوا إيه علشان يعدموا ضميرهم تماما كده؟؟؟ بياخدوا ملاليم. بس في الناحيه التانيه بينزل علي القريه عنده يتنطط علي الغلابه ويتأمر عليهم ويبلطج عليهم معتمد علي إنه مخبر عند فرعون ومبسوط أوي

بس كفايه أنا طولت خالص

Zika said...

وجهة نظري
كلامك بارضه في السليم يا معلم
لكن تعالي هنا قولي
هو كان فيه مظاهرات ايام الفراعنه بارضه ومخبرين
:D ;) :P :D

Soooo said...

ومين قالك يابو الزيك انهم مش عارفين ده
عارف .. انا كنت باتكلم مع واحد ظابط شرطه في سني .. كان معايا في ثانويو وكده
الواد بيقوللي انهم لو نزللهم امر حمله ونزلو الشوارع وحد اظهر تعاطف .. مجرد تعاطف
بينيلوه اخر نيله

الجميل في الموضوع اني لما قلتله طب مانت تتنيل في الدنيا احن من انك تتنيل في الاخره .. قاللي الحكمه المشهوره
ربنا بيغفر للكافر لما بيتوب .. وربنا يتوب علينا

فهمت قصدي؟؟؟؟



سلاموووووووووز

Zika said...

sooo
لا ماهو الاغرب بقي يا ريس انهم عارفين ده
والمصيبه تبقي اشد
ربنا يهدي عبيده
سلامووووز

break said...

ما اشبه اليوم بالبارحة

:(

تحليل جميل و مقنع

Zika said...

break
الحمد لله انه جميل ومقنع

Empress appy said...

يا واد يا زيكس لما بتركز انت والله هايل وفى الجون موضوعك ده
بس تقول لمين يا ابنى السلطه لما بتيجى فى ايى حد خلاص بتذهب عقله زى الخمرة بجد بالظبط
بيكون حد فاهم ان مفيش اقوى منه تسلم يا زيكس

dido said...

السلام عليكم يا شباب
كلامك منطقي والله بس مين يسمع ماهي قصه فرعون في القران زي ما قصه جنوده في القران والاتنين مش بيتعظوا ولا يتعبروا
ولا الحكام هنا ولا الجنوود هنا
انا مقولتش حاجه
:) الجبن سيد الاخلاق

dina said...

و الله فعلا ملاحظة دقيقة جدا ما شاء الله كويس انك اخدت بالك منها..و دا بيأكد ان السلبية مش بس مكروهة عشان هى سلبية انما كمان ربنا نهانا عنها و الله بجد يا ريت مقالك دا يقراه عدد كبير من الناس عشان كل واحد يعرف انه حيتحاسب(يوم تبرأ الذين اتبعوا من الذين اتبعوا )
تحياتى

Zika said...

appy
حلوه لما بركز دي يا آبي
السلطه بتعمل كتير اوي يا افندم
تسلمي يا آبي

Zika said...

dido
وعليكم السلام ورحمة الله وبركاته
لا لا قولي ماتخافيش فيه ديقراطيه في البلوج عندي :)

Zika said...

dina
ربنا ما سابلناش حاجه ناقصه في حياتنا
والآيه اللي انتي كتبتيها اكبر دليل
نورتي يا دينا
تحياتي

Layla said...

وزي ما في جنود فرعون.. في سحرة فرعون اللي ما استجابوش وا منوا واتبعوا موسى


فَأُلْقِيَ السَّحَرَةُ سَاجِدِينَ (46) قَالُوا آمَنَّا بِرَبِّ الْعَالَمِينَ (47) رَبِّ مُوسَى وَهَارُونَ (48) قَالَ آمَنتُمْ لَهُ قَبْلَ أَنْ آذَنَ لَكُمْ إِنَّهُ لَكَبِيرُكُمُ الَّذِي عَلَّمَكُمُ السِّحْرَ فَلَسَوْفَ تَعْلَمُونَ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَافٍ وَلَأُصَلِّبَنَّكُمْ أَجْمَعِينَ (49) قَالُوا لَا ضَيْرَ إِنَّا إِلَى رَبِّنَا مُنقَلِبُونَ (50) إِنَّا نَطْمَعُ أَن يَغْفِرَ لَنَا رَبُّنَا خَطَايَانَا أَن كُنَّا أَوَّلَ الْمُؤْمِنِينَ (51)

سورة الشعراء