Saturday, June 21, 2008

المعارضه المصريه في الميزان ...3

الاحزاب
لا اعلم لماذا اشعر ان المقاله ليست مقالة سياسية وانما مجرد مقاله كوميديه , فالحديث عن الاحزاب المصرية , يشعرني حقيقة بالغثيان . فمجرد التفكير في مدي تفاهة الاحزاب المصريه من اكبرها عددا وتحكما ( الحزب الوطني الديمقراطي) الي اصغرها شأنا وهو حزب الجبهة الديمقراطيه والذي تم تاسيسه العام الماضي
منذ عودة الاحزاب المصريه الي الساحه مرة اخري عام 1976 يجد الاعتراف بان اربع وعشرون حزبا لم يكن لها اي تاثيرا يذكر علي الحياه في مصر لعدة اسباب
منها ان منذ العام المذكور اعلاه لم تتغير قادة الاحزاب المصريه مطلقا الا بوفاة رئيس الحزب
الا فيما يري اليقظان عندما تندلع نيران العداوة بين اعضاء الحزب الواحد فتنقلب اذن القيادة الي معركة حربيه مثل ما يحدث الان علي سبيل المثال في حزب الوفد
فاذا نظرت الي اعمار رؤساء الاحزاب في مصر ستنبهر باعمارهم جميعا
حيث لا يقل عمر رئيس حزب في مصر عن سبعين عاما بل ان فؤاد سراج الدين رئيس حزب الوفد قد توفي عن عمر يناهز التسعين عاما
والغريب ان من ينقدون الرئيس مبارك علي بقائه في السلطه طوال مدة 25 عاما لم يتركوا هم رئاسة حزبهم طوال نفس هذه المده
كما يحدث في حزب الوفد او التجمع والاحرار والامه وغيرها من الاحزاب الكبري في مصر التي شانها شان جميع الاحزاب المصرية
اصبحت الاحزاب المصريه كهلا عاجزا مطلوب من الحياه السياسية المصرية العاجزه ان تعيله هو وابنائه من اعضاء الحزب
مجرد عرائس متحركه تسعي الي الظهور علي المسرح .. لا ادري ان كانت الاحزاب مهتمة بما يحدث في مصر بقدر اهتمامها بالمحاضر التي تحرر في اقسام الشرطه بعد كل معركة من معارك انتزاع السلطه
الطريف في الامر عن نصف عدد الاحزاب في مصر هي مجرد انشقاقات عن احزاب اخري
وعلي سبيل المثال لا الحصر
ان حزب الكرامه هو حزبا منشقا عن الحزب الناصري
فكما نحتار اليوم في بديلا لرئيس الجمهورية لعد اطاحته لكل ما يسمي بالصف الثاني في مصر
نبحث ايضا عمن يخلف تماثيل الاحزاب المصريه التي تودي يوما بعد يوما الاحزاب المصريه الي الجمود والتخلف وعدم الديمقراطيه
منذ ايام سمعت عن تنازل احمد الصباح رئيس حزب الامه ( هذا الرجل ذو الطربوش الذي رشح نفسه في انتخابات الجمهورية الاخيره وهو غير قادر علي نطق حروف كلمة مصر) عن تنازله لرئاسة حزب الامه ( علي ما اتذكر) لابنه وربما يطيل الله في عمري لكي اري هذا الرجل عجوزا مثل ابيه ويتنازل عن رئاسة حزب الامه لابنه هو الاخر وهكذا حتي يموت حزب الامه مقتولا بفعل الملل.
بعد انتخابات الجمهورية الاخيره ومشاركة نعمان جمعة فيها , ثبتت الحكومه المسمار الاخير في نعش حزب الوفد كما فعلت مع كل رؤساء الاحزاب الذين شاركوا في الانتخابات فظهر بعد الانتخابات ( ولا ادري لماذا في هذا التوقيت بالذات ) ان نعمان جمعه هو مزور و فاسد وسارق وديكتاتور في حزبه ثم ظهر من يتنازع معه علي رئاسة حزب الوفد
وكما فعلت الحكومه مع الدكتور ايمن نور قبل وبعد الانتخابات ثم حبسه مدة 5 اعوام ( هي مدة رئاسة الجمهورية )
التي ربما قد تكون الاخيره لعصر الحزب الوطني والرئيس مبارك
قد وضح للكفيف ان وفاة الاحزاب المصريه لم تكن فعلة الحكومة وحدها بل شارك ايضا في هذه الجريمه كل اعضاء الاحزاب
كل من شارك بالخمول او بالفساد او بالصراع او بالبقاء في قيادة الحزب رغم انف الجميع
ملحوظة اخيره :
لا اعلم لماذا عندما تاتي سيرة الحزب الوطني الديمقراطي الحالي بتم الربط بشكل مثير للاشمئزاز بينه و بين الحزب الوطني الذي اسسه مصطفي كامل عام 1907
ولمجرد العلم بالشئ فان التزوير التاريخي لن يفيد الحزب الحاكم شيئا وللعلم ايضا ان الحزب الوطني الديمقراطي الحالي هو حزب مصر العربي الاشتراكي الذي تم تاسيسه عام 1978 ثم تحول بعد ذلك الي الحزب الوطني الديمقراطي والتشابه في اسم الحزبين جاء مقصودا ومتعمدا ولك ان تسال العديد من عموم الشعب عن متي تم تاسيس الحزب الوطني الديمقراطي ... الكثير سوف يرد عليك بانه تم تاسيس هذا الحزب عام 1907 علي يد الزعيم الراحل مصطفي كامل
واقسم ان الرجل برئ من هذا العار .

20 comments:

محمد الكومي said...

احزاب ايه يا راجل قول احزان

Do not Press F1 said...

السلام عليكم
بص انت اتكلمت عن موضوع غاية فى الكوميديا السوداء موضوع الاحزاب المصرية اللى قال عنها الاستاذ محمد الكومى احزان وليست احزاب
..........
دلوقتى بيتهيالى مافيش احزاب معارضة اللهم حزب الغد اللى ربنا يستر عليه
ولو فى معارضة بتبقى على استحياء من تحت لتحت كدا يعنى نظام نعارض ياريس عارضوا يا معارضة
........
لو بصينا على رؤساء الاحزاب زى ما انت اتكلمت فحدث ولا حرج عنهم وعن مهازلهم والبلاوى اللى جابوها للاحزاب بتاعتهم زى رافت السعيد اللى كل كام يوم تظهر له مقالة فى الاهرام واللى مش بقى فاضى غير انه يهاجم حركة 6 ابريل والحركات التانيه واصف اياهم بشوية عيال اى كلام
........
بجد برافو عليك انك عارف عدد الاحزان المصرية لانى بصراحه مش اعرف عددهم


سلامووز

Zika said...

محمد الكومي
احزان يا ريس
:)
تحياتي

Zika said...

don't press f1
وعليكم السلام ورحمة الله وبركاته
فعلا كلامك مظبوط مفيش في مصر حاجه اسمها احزاب دي مجرد قاترينات للحكومه عشان يقولوا ان فيه معارضه
ورافت السعيد زيه زي غيره كلهم بقوا شخص واحد ولا كنها عدوي

......
ربنا يخليك واديك عرفت عددهم
:)
نورت واتمني دوام الزياره
تحياتي

mostafa rayan said...

حبيبي ازيك
بص بالنسبة للموضوع دة فعلا احنا ماعندناش احزاب خالص ورؤساء الأحزاب ليسوا اكثر من ديكتاتورين بدليل عدم وجود كوادر شابة في هذه الأحزاب
بخصوص بقي العيال اللي اتجوزت عقبالك ياعم وبخصوص اللي بشتم فكل اناء ينضح بما فيه
وربنا يحققلك كل احلامك وتبقي احسن مخرج في مصر - بس ابقي استعين بيا اكتبلك السيناريو -
وبخصوص الأخوان انا معاك في كلامك عنهم ولوقلت هقول كتير
سلاموز وتحياتي ليك

appy said...

على حزن وداد قلبى
مش انت عارف راى فى المعارضه اللى ضربها فى العارضه والحزن الوتنى ده استغفر ربنا بعد ذكر اسمه اربع مرات هههههههههههههههه

Zika said...

mostafa rayan
تمام الحمد لله يا باشا
يارب تكون بخير
ايه يا عم التعليق الشامل الجامع ده
:D
نورتني اي مصطفي
تحياتي

Zika said...

appy
استغفر الله العظيم
استغفر الله العظيم
استغفر الله العظيم
استغفر الله العظيم
هيدخلوا النار اكيد الناس دي
:D

Desert cat said...

اولا الف مبروك خطوبة وزفاف اصدقائك
صدقنى ففرحت جدا وانا بقرا الموضوع وشايفه ناس ربنا بيجمعهم مع بعض
ربنا يرزقهم الذرية الصالحة
بالنسبة بقى لموضوع الاحزان
فاحنا للاسف فى بلد العجايب
يعنى ننهى عن الشيئ ونأتى بمثله
الاهم ان اى حزب من الاحزاب دى عمل ايهقدم ايه واضح للبلد
الجميع يلهو وهدفه فقط هو الحكم
طيب ماهى مبقاش فيها حاجه تتسرق
دى اتخصصت وبقت مل شركات اجنبيه
يعنى اللى هيحكم بعد كدا هيبقى علشان اييييييييييييه
علشان يقولوا سادة الريس راح سيادة الريس جه
ابن سيادة الريس راح ابن سيادة الريس جه
صدق المثل اللى قال
الصيت ولا الغنى

Zika said...

desert cat
ألله يبارك فيكي يا قطة عقبال عندك
اما بالنسبة لموضوع الاحزاب
انا مش عارف والله اقول ايه
فعلا مفيش فايده فيهم
بالظبط عاملين زي الزومبي
احياء واموات

ايه ده هو كمان الرئيس الجاي هيبقي عنده ابن نقول عليه راح وجه
يالهوي
ربنا يستر

كريم عاطف said...

ازيك يا زيكا
طبعا الحزب الوطني بتاع مصطفى كامل بريء من الحزن الوطني بتاع دلوقتي والله يرحمه بقى مطفى كامل يا ريته كان سماه اسم تاني عشان العالم دي، بخصوص أحزاب المعارضة انا مش هعلق عليها عشان ما تقولش متحيز،ولو اتفقنا أو اختلفنا، لأن أنا شايف إن المعارضة الحقيقية هي حزب العمل اللي فيه تعتيم إعلامي كامل عليه،طبعا مافيش حد كامل وما بيغلطش

Zika said...

كريم عاطف
كلام سليم يا كريم بس بالنسبة لنقطة حزب العمل .. والتعتيم الاعلامي
في ناس كتير بيتعمل عليهم تعتيم اعلامي ورغم كده ظاهرين
يعني تفتكر كفاية او المدونين ما بيتعملش عليهم تعتيم اعلامي
وهكذا
بس مين بيفرض نفسه علي التاني ؟
الاعلام ولا الحقيقه ؟
اعتقد الحقيقه

كريم عاطف said...

بص هو مش كل الحقيقة تقدر تفرض نفسها على الإعلام، حتى كفاية فمش كل فعاليتها ومظاهراتها واللي بتعمله معروف الناس العادية اللي في الشارع،واللي يعرفه رجل الشارع عن المدونين قليل جدا وأغلبه كلام وحش، عموما التعتيم الإعلامي ده مش حجة دي كانت ملحوظة بس

funckydoctor said...

الحزن الوطنى تقصد
ربنا يهدهم قول أمين

mado80 said...

البوست حلو أوي يا زيكا
وبيدل إنك تملك عقليه سياسيه درجه أولي يا مان

طبعا يا زيكا ده موضوع كوميدي ولا أفلام إسماعيل ياسين في زمانه
أحزاب إيه يا راجل دي مجرد لعبه بس علشان نبان قدام الأجانب بشكل لطيف مش أكتر وكلنا عارفين كده
علي الأقل نبقي مسايرين للموضه
ماهي الموضه اليومين دول ديمقراطيه وحريه وكده ولا إيه؟!

تحياتي يا زيكا ليك وألف مبروك علي المدونه الجديده كلماتك حلوه أوي يا مان

دمت بكل خير يا زيكا

Zika said...

كريم عاطف
انا فاهم ده يا كريم بس انا قصدي علي الاقل الناس بتسمع عنهم
لكن معلش اعذرني
حزب العمل
كام واحد يعرف ان فيه في مصر حزب اسمه حزب العمل ؟

Zika said...

funcky doctor
آآآآآآآآآآآآآآآآآمييييييييييين

Zika said...

mado80
مادو واحشني ايه اخبارك يارب تكون بخير
يا عم ده بس من زوقك
والله يا مادو انت جبت مربط الفرس
الموضه دلوقت ديمقراطيه فطبعا لازم نمشي وراها

dina said...

و الله بجد موضوع مفيد جدا جدااا و انا استفدت منه و واضح انك عامل مجهود عظيم فيه و يمكن اهم حاجة استفدتها ان الاحزاب دى نموذج مصغر للبلد و للحكومة و اللى بيحصل فيها و ان المشاكل واحدة و الاسلوب واحد
تحياتى

Zika said...

dina
فعلا يا دينا انا معلومات كتيره من الموضوع ده متجمعه وانا نفسي استفدت من المعلومات الجديده اللي اكتشفتها
شكرا
نورتي المدونه
تحياتي