Saturday, June 14, 2008

العيال كبرت ... واتجوزت كمان

علي طول كده ومن غير مقدمات
البوست ده بوست اعتراضي يعني لا محل له من الاعراب
فرحتي مغطيه علي دماغي اني كاتب اي حاجه تاني
العيال هتتجوز خلاص لأ والمشكله انهم هيتجوزوا كلهم في شهر واحد وطبعا مش هيبقي فيه في حياتي غير الكيبورد والمدونه و البلاي ستيشن
اييييييييييييييييييييييه دنيا
اول جوازه
مايكل - مارينا
مايكل عنده 23 سنه ومارينا ( مش اللي في الساحل ) عندها بااااارضه 23 سنه
والطشت قاللي يا واد يا زيكا .. العيال دي شكلها هتتجوز قريب وهيفلسعوك يا معلم وبصراحه بقي استلفت الدبور والنحله بتوع آبي وقعدوا يزنوا علي دماغي عشان ادعبس وراهم لحد ما اعرف هيتجوزوا امتي
والحمد لله عرفت حتي قبل ما ام مايكل تعرف
وطبعا طبعا طبعا اليوم ده هيبقي اسعد يوم في حياتي لما اشوف مايكل انجلو زعيم سلاحف النينجا في الكوشه وجمبه احلي مصيف فيكي يا مصر
بجد بجد انا مش عارف اقول ايه
لكن بجد انا فرحان بيكوا اوي وطبعا عايزكوا تعملوا امبراطورية ميم
يعني كي ولادكوا يبقيوا زيكوا كده
يبقي مايكل وماريمنا جابوا ايه بقي
محمود ومحمد ( لأ ماينفعش ) اممممممم يبقي ممدوح اكيد لازم تسموا الولد ممدوح عشان يطلع حلو
امنعوا الضحك ... قلت امنعوا الضحك
مبروك يا مايكل يا اول فرحتي ومبروك عليك مراتك ويارب تخلوا بالكوا من بعض وربنا يوفقكوا في حياتكوا
...................
تاني جوازه
بيقولوا اللي بيتجوز سوريه بيعيش عيشه هنيه .. عايزين نجرب بقي المثل ده بطريقه تانيه
اللي يتجوز سويديه يعيش عيشه هنيه
وده اللي هنجربوا مع
روحي روحي روحي
حبيب هارتي من جوه
سامح الايوبي و مراته اللي اسمها عايز كتالوج دي
مارتينيا ( اسم ده ولا ازازة ويسكي )
بجد يا سامح بارضه ما تتصورش فرحتي بيك قد ايه ومبروك يابن الحلال
وياريت تلم نفسك بقي وتهدي اعضائك كده وتحافظ علي مراتك وتبطل سجاير انت وهي
والله الواحد خايف لا تخلفوا علبه ميريت
وطبعا طبعا مش هحضر الفرح
جايز يبقي عندي ساعتها حفله حفلتين مش عارف بقي
:P:P
بعد مايكل باسبوع واحد بس وعموما شهر سته كله خير وبركه
كتب الكتاب لان مراته سويديه هيكون في سفارة السويد وده مايعتبرش كتب كتاب ده عقد جواز وبعد كده هيروحوا هم الاتنين علي الازهر عشان يتحطوا في القفص رسميا
اول مره اشوفها دي بصراحه بس ياللا طول عمرك يا سامح حتي من ايام المدرسه وانت عجيب
سامح عنده 20 سنه ومارتينيا عندها 32
ربنا يوفقكوا يااااااااااااااااااااااااااااااااااااااااااااااااااااااااااااااااااااارب
ولو اعرف يعني ايه مبروك بالسويدي كنت قلتلك يا مارتي بس مش مشكله ترجملها ياض
...................
تالت جوازه
اوف ده ايه ده ياخويا .. العيال كلها هتهج مره واحده
وانا هسيب اللي ورايا واللي قدامي يا ولاد اللذينه انت وهو وهي وهي وهي وهو وهو
واسيب بقي اعمالي المرطرطه والمطرطشه في كل حته دي واعد جمبكوا
ااااااااااخ
قطعت الخلفه وسنينها
المهم بقي قصره عشان انا تعبت
محمود ابن عم عبد الواحد هيتجوووووز يا مينز
منه بنت عم عادل هتتجووزه يا وومنز
الواد ياخويا معايا في فصل وواحد ودرس محاسبه واحد وسقطنا في نفس المواد وبنعيد مع بعض وبنلعب كوره مع بعض والبت كمان كانت بتلعب معانا كوره وبنلعب علي بلايستيشن واحد وبنتفرج علي دش واحد وال ايه
يومين والاقيهم قاعدين جمب بعض
قلت معلش بقي ربنا يستر علي ولايانا
هههههههههههه
شويتين لقيتلك الواد بيقولي انا هروح اخطبها
الواد اتهف في دماغه ولا ايه
شويتين وخطبها شويتين كمان
ستوووووووووووووووب
بعد الجواز يا روح خالتك
وبعدين بصراحه بقي انا بفكر اخليكوا تتجوزوا انتوا السته في يوم واحد
مش هعد انا كل اسبوع احضر لبس وأأجر عربيه واحط بنزين وادفع مخالفات عشان معييش رخصه ده غير الدوشه والخوته بتاعة كل جوازه
مانا اصلي مجرب حوار جواز الاصحاب ده قبل كده
ببقي عامل زي ام العروسه
وفي الاخر بعد كل الرغي ده كله اكتر حاجه مفرحاني ان محمود ومنه اتلموا بدري قبل ما يقعوا في الخطيئه وتعد بقي تقول اريد حلا والحاجات دي
محمود هيتم 19 سنه بعد الجواز ب10 ايام
يوم 8 /7
وكذلك منه
بعديه بيومين 10/7
وانا هودعكوا 11/7 طبعا بعد كل الارهاق ده
..............
بعد كل التهيييييييييس ده انا عايز اقول اني اسعد بني ادم في مصر ام الداليا كلهاااااااااااااااا
ومبروك لمايكل ومارينا وسامح و ومارتيني ومحمود ومنه
والف مبروك
عقبال عندكوا يا ولاد
لولولولولولولولي

23 comments:

Anonymous said...

يخرب عقلك يا واد يا دوحه ايه اللي انت عامله ده
بقي انا مصيف يا تنح
اصبر بس عليا لما افوقلك
وبعدين بكل قر بقي يا اخي بقيت عامل زي مسمار عشره
:D:D:D:D:D
انا بكلمك هنا ليا انا ههزاك علي الطبيعه النهرده يا فالح
وبعدين انا مكنتش اعرف حوار سامح ده ..
دانتوا يومكوا هيبقي زي وشكوا
اذا كنت انت ولا سامح ولا مايكل
بس ماتقولوش خليها مفاجاه
ههههههههه
باي باي يا تحفه

Unknown said...

ايه يا عم قاعة الاحتفالات الي انت فتحتها

كل ده في شهر واحد يا عيني عليك انت احسن حل لمهم كلهم في فرح واحد علشان ترقص مره واحده و خلاص

و انت بقي هاتتجوز امتي

مبرووووووووك يا زيكا

Zika said...

marina
اللهم لا تعليق علي كلامك يا ست مارينا لنا لقاء بقي
وبعدين انتوا تعبكوا راحه
بس ياريت بقي شوية كلام حلو
عدوا الجمايل ياختي انتي وهو
:D:P:P

Zika said...

marina
اللهم لا تعليق علي كلامك يا ست مارينا لنا لقاء بقي
وبعدين انتوا تعبكوا راحه
بس ياريت بقي شوية كلام حلو
عدوا الجمايل ياختي انتي وهو
:D:P:P

Zika said...

emy
معلش بقي يا ايمي
الواحد طلعان عينه
مع الاولاد
عقبال عندكوا كده
انا مش هتجوز
اما اجوز العيال الاول ابقي اتجوز انا
الله يبارك فيكي

المنسى said...

عقبالك يامخرج
ويكون فرح جماعى لكل المدونين
وفى شهر واحد

mado80 said...

كويس يا زيكا أديك
أطمنت علي العيال يا عم
عقبالك يا مان وربنا يكتر من افراحك كمان وكمان

تحياتي ليك يا زيكا

Zika said...

المنسي
عقبالك انت كمان يا منسي
نورتني
تحياتي

Zika said...

mado80
ربنا يخليك يا مان وعقبال عندك انت كمان

بيكيا للبيع said...

الف مبروك لووووووووووووووووووووووووووووووووووولللى
ابقى احجز ليه بقى فى الافراح دى كلها او اقولك اعمل كله مع بعضه عقبالك يا مخرج يا زيكس يا رب


آبى هانم
علشان مش تستغرب دى المدونة التانيه هههههههههه بتاعتنا كلنا مش انا بس

Zika said...

appy
وبعدي بق يفي اللخبطه دي
:D
الله يبارك فيمي يا آبي وعقبالك كده يارب
ومبروك المدونه الجديده
انا كمان عملت مدونه جديده
:D

كلام على بلاطة said...

الف مبروك يا زيكا
كل دى افراح
تهانينا

Zika said...

كلام علي بلاطه
الله يبارك فيك يا استاذنا
عقبال عندكم

EGYPT EYES said...

مبروك يازيكا وعقبال كل الحبايب (:

Zika said...

egypt eyes
الله يبارك فيك عقبالك
:)

حاجات جوايا said...

هههههههههههه
مبروك يا زيكا لاصحابك وعقبال عندك قريب ان شاء الله
بيتهيالى يوم فرحك احنا اللى هنبقى زى ام العروسة
ربنا يستر
ههههههههههه

دمت بخير اخى

سالى

break said...

ايه دا ما شاء الله


وصل مباركاتى للكل
وجبلهم هدايا بالنيابة عنى على حسابك

اكتر حاجة لفتت نظرى الى هيتجوزوا عندهم 19 سنة دول؟
افهم من كدة اننا خلاص قربنا نعنس

Zika said...

حاجات جوايا
ربنا يخليكي ههههههههه
انا لسه بدري عليا اوي
المهم الواحد يرتاح من الولاد وبعد كده يبدا يكون نفسه وماتستعجلوش بقي
اذا ما كنتوش هاتتعبوا في فرحي هاتتعبوا في فرح مين يعني
:P :D
ههههههه
نورتي يا سالي

Zika said...

break
اه يا بنتي احنا خلاص عجزنا
ياللا بقي حسن الختام
ال هدايا علي حسابي ال
لا يمكن ابدا
:D:D

funckydoctor said...

ايه ماسورة الجواز اللى انفتحت ده
ربتا يتمم بخير
وعقبالك بدل ما انت بتحقد عليهم كده :D
سلاموز

Zika said...

funckydoctor
هي فعلا ماسوره وضربت
وعقبالك انت كمان
واديعلي ابطل احقد عليهم
:D:D

Anonymous said...

eh ya wad el tasyee7 elli 3al hawa da keda ... tefda7na kolena marra wa7da .. :D:D
3o2balak ya zikaaa keda lama rabena yekremak be 3arosa 7elwa keda :D
we nefra7 beek kolena
tesada2 7elw el blog beta3ak
makontesh a3raf en demaghak nedefa keda :P:D

Zika said...

same7
ماشي يا عم الامور
لما اشوفك
:D