Saturday, May 24, 2008

المعارضه المصريه في الميزان ..2

Photobucket


استمرارا لمسلسل انتقادي لتيارات المعارضه المصريه .. وكما استمر الحديث طويلا عن الاخوان ..كان لابد ان تاتي
الحركه المصريه من اجل التغيير
كفاية
في المرتبة الثانيه من حيث الاهميه
ظهرت حركة كفاية علي الساحه السياسيه المصريه عام 2004 وتكونت وقتها من مجموعه من المحامين والمثقفين واساتذة الجامعات والفنانين والشخصيات السياسيه المشهوره كانوا حوالي 300 شخص علي راسهم رئيس حزب الغد المحبوس المنحوش السيد ايمن نور
حيث كان داعما لهم كثيرا بعد حصولة علي حق بناء حزب الغد
وكان هذا قبيل الانتخابات الرئاسيه الذي سعي لها السيد ايمن نور ولكن .. بالطبع فضل وحدث له ما حدث للمرشحين التسع الاخرون
وكان هناك قاتل تسلسلي مثل ما يحدث في افلام الرعب الامريكيه

وفي شهور قليله نمت حركة متخلفون من اجل التحرير نظرا للدور السينمائي الذي لعبته في محاولة جممع كل المشاهير في كل ظهور لهم ذكرني هذا بمحاولة حضور الفنانين في مهرجان القاهرة السينمائي دون اي نجاح
ولكن
نجحت تلك الحركة بغرابه شديده في ان تجميع توقيعات ما يقرب من 17 الف رافض لنظام مبارك , معظمها ان لم يكن كلها ( اشخاص تتصفح النت لاول مره ) والباقي عضويات مفتعله وغير متفاعله سواء مع الحركه علي الانترنت او في المظاهرات وخلافه
الايجابي في كفاية هو محاولتها الوحيده الناجحه في جذب الاخوان وباقي احزاب المعارضه في صفهم رغم الاعتراض الذي لاقوه في بدايتهم اما السلبي فهو عدم ظهور اي نتيجة لكل تلك التحركات
الغريب ايضا ان كفايه منذ ظهورها لم تعلن انها حزبا سياسيا او ان لديها برنامجا للاصلاح او بديل للحكومه او حلول واقعيه . فهي فقط بكل قوتها وبكل ما تملك من مقومات لا تريد الا ازاحة النظام عن سلطته
( طب وبعدين ؟ )
يعد اسوأ ما في تلك الحركه المجهولة المستقبل
هو عدم لجوء اعضائها الي الشعب المصري ذاته بينما دائما ما تلعب حركة كفاية علي نغمة الشخصيات العامه والبارزه اعتمادا علي ان هذا سيجذب اليها الجمهور متجاهلين انهم يحاولون جذب الجمهور الي تغيير حياتهم ورفض النظام وليس الي فيلم سينمائي ممتلئ بالنجوم
وكذلك ان بعض هذه الافلام قد تسقط رغم تواجد احب النجوم الي الجماهير .
هذا لان فيلم " كفاية " بدون مضمون او دعنا نقول ان مضمونهم سطحي للغايه
بينما العمل السياسي كما اراه يجب ان ينبت من الشعب المصري من الفقراء والاغنياء علي حد سواء
اذا ارادت الحركة الاستمرار فعليها ان تبتعد عن محاولة ضم " المحترفين " اليها في صفقات غير مهمة الي نادي كفاية والبدء في البحث في اروقة الشوارع والحواري والمقاهي وخلافه حيث يتجمع المصريون لا يجدون من يسمعهم او ينصت اليهم ... سوي صاحب المقهي
ويعد اكبر دليل علي ان كفاية لا تبحث هي الاخري عن هموم المواطن ورايه واقحامه في العمليه السياسيه كان ظاهرا وواضحا وضوح الشمس في موضوع " محاكمة المدنين من قادة الاخوان عسكريا " حيث رايت الكثير من الاعلانات في الجرايد وخاصة جريدة الدستور عن ان حركة كفاية
تعلن عن انها حصلت علي توقيعات معترضه علي محاكمة المدنيين عسكريا
وعندما نظرت الي التوقيعات لم اري خانة واحده لم اتعرف علي صاحبها
فكانت كل التوقيعات علي غرار
خالد الصاوي
يوسف شاهين
خالد يوسف
مجدي مهنا
وائل الابراشي
مهدي عاكف
والعديد من الشخصيات السياسيه المعروفه والغير معروفه
لم اسمع عن انهم حصلوا علي توقيع المدرسين او المهندسين او اعضاء نقابة الاطباء او الموظفين والعمال وكل من يدخل تحت طائفة " اللي طلعان عين اللي خلفوهم " لم ار في المظاهرات التي لم احضرها قط ودائما ما كنت اكتفي برؤيتها عبر شاشة الجزيره سوي اعداد قليله و الكثير منهم يبدو عليهم الخبره السياسيه او المتابعين منهم لها
ورغم تجمع الكثير من الشخصيات العامه ضد الحكومه الا ان هذا لم يحرك شعرة من الحكومه
بينما وقف شعر الحكومة كله عندما تظاهر عددا لا باس به من عمال المحله الغلابه مطالبين بحقوقهم
وقبلهم عمال المصنوره -اسبانيا وحاليا عمال مصنع اجريوم وغيرهم
ففي حين عدم تحرك الحكومه في مظاهرات قضاة مصر الذين لهم سلطة توازي سلطة الحكومه نفسها
اهتزت الحكومه واصيبت بالرعب من التحرك الشعبي والشبابي في 6 ابريل رغم عدم وجود الاخوان ورغم عدم فعالية كفاية
وهذا ما اتكلم عنه وانادي به مرارا وتكرارا .. وهو البحث عن الناس
والبعد عن الهروله الي الشهره والافلام البايخه
كمان كان فيلم الاخوان ممل .. يستمر مسلسل الملل في فيلم " حركة متخلفون من اجل التحرير " كفاية
وبالفعل
اما ان تبدا كفاية بترك سعيها وراء الشهره هي الاخري والهروله وراء الفنانين و المثقفين والشخصيا المتاوجده اصلا في مجال السياسه
والبحث عن عامة الشعب
او نقول لها
كفاية
كفاية يا كفاية

26 comments:

break said...

اكزلاااااانت

:D

الدرعمي said...

أوافقك الرأي تماما

وأشاركك النداء

كفاية

يا

كفاية



تحياتي


آدم

Zika said...

break
ثاااانكث

:d

Desert cat said...

والله يا زيكا هو العرف السائد انى مثلا لما الاقيك صاحب منصب فى مكان ما واطالب باقلتك من المنصب ده يبقى عندى اسباب الاقالة وكمان ابقى محدده اللى يصلح مكانك
وده الىل المفروض كفاية تعمله هى بتطالب باقالة النظام وكلنا مش كفاية بس
يبقى المفروض يكون فى برنامج جاهز
وطالما من عندهم برنامج يبقى لو سمحتوا كفاية يا كفاية

Zika said...

adam
شكرا يا ادم علي المتابعه
وانتظر المزيدان شاء الله

Zika said...

desert cat
بالظبط هي دي المشكله .. انهم مش عندهم بديل للمشكلة

حمادة زيدان said...

بص يا عم زيكا
المصيبة الكبيرة أنه الشعب المصري من يوم ما ربنا خلقه لا بيهش , ولا بينش , وكل اللي بيعملوا بيصقف ... يعني تلاقي الظباط الأحرار غلبوا الملك وزعطوه بره الشعب كلوا وقف وقعد يصقف لجمال عبد الناصر واصحابه لغاية الآن ...
ولكن حركة كفاية بدأت من المثقفين وانتهت عند المثقفين يعني هما كام واحد الواحد بيلاقيهم في المظاهرات ما بيتغيروش وباقي الشعب محلك سر ولا في الدماغ أصلاً ... وده عيب في كفاية آه ولكنه عيب أكبر فينا كشعب أنه مفيش معارضة حقيقية ممكن تغير حاجة
معلش طولت عليك اوى

Zika said...

حماده زيدان
حلو اوي تعبير
كفاية بدات عند المثقفين وانتهت عند المثقفين
وفعلا هو عيب فينا زي ما هو عيب فيهم

Hossam Nasr said...

موعدنا غداً لنتحد ولو لدقيقة
الساعة الرابعة عصراً نرسل رسالتنا الأخيرة
http://kawlansadida.blogspot.com/2008/05/blog-post_24.html

26.05.2008

كريم عاطف said...

انت بقى ناوي تشوط في كل المعارضة
على فكرة أنا متابع المدونة بتاعتك كويس بس مزنوق في الامتحانات فانتظر مني تعليق طويل قريب

Zika said...

whispers just for a night
شكرا علي الدعوه اللي مافهمتش هي عن ايه بالظبط
وشكرا علي زيارتك
نورت
تحياتي

Zika said...

كريم عاطف
مش بشوط ولا حاجه يا كريم
ده مجرد نقد بسيط
:)
وشكرا علي مدونتك
ربنا يوفقك في الامتحانات
ويوفقني انا كمان
وتعدي علي خير ان شاء الله
تحياتي

كلام على بلاطة said...

يا سيدى الفاضل كلنا بنجرى وراء المشاهير
لكن باقى الشعب الحقيقى واقف فى الطوابير ومحدش معبرة
وهو ما عندهوش وقت لكلام المثقفين
رحمتك يا رب

Zika said...

كلام علي بلاطه
فعلا في فئه كبيره من الشب المصري مشغوله بهمومها الفرديه لكن طبعا ليهم عذرهم
الحايه صعيه عليهم بالاضافه طبعا بجهلهم وعيشتهم وحاجات كتير
تحياتي

Unknown said...

اولآ انا عايزا اعرف تعليقاتي بتختفي من عندك ليه انا علقت علي البوست ده و الي قبلو و مش عارفا راحو فين

المهم انا كنت بقول ان معندناش في مصر نظام معارضه حقيقي

اخوان وفد الغد الكرامه الناصري الوطني الاحرار و كل الحزاب المصريه الغيره و الكبيره همها الاول مصلحتها و بس

المهم مصلحتهم فين و هايوصلوا لكرسي الحكم ازاي و كل واحد بيلعب علي ورقه مراهن علي نجاحها الي بيستغل الدين و الي بيستغل كره الناس للحكومه المهم يوصل لان الناس تثق فيه و وقت مايقعد علي الكرسي يبان نواياه الحقيقه

تحياتي يا زيكا

Unknown said...
This comment has been removed by the author.
EGYPT EYES said...

أتفق معك في أنه من الخطأ الأعتماد على النخب في القضيه المصر واختلف معك في أن الأغنياء يمكن أن يكون لهم اي دور حقيقي في مساعدة مصر فقط الفقراء ياعزيزي
فقط الفقراء هم من سيحررون أنفسهم
تحياتي لك وشكرا على تحليلك السياسي وهبقى اجي أقرا كتبت أيه عن حبايب قلبي الأخوان

sa'7so'7te said...

والله يا ريس انا مش بفهم فى السياسه
بس اى حاجة يقولها العظيم زيكا تبقى صح الصح
بريزيدون

Zika said...

emy
والله يا ايمي مش عارف بس انا بجد عمري ما بمسح اي تعليق
ده انا حتي مش بمسح الشتايم
اكيد في حاجه غلط يا من جهازي يا اما جهازك
وانا بصراحه ارجح جهازي لانه بقاله فتره مهيس
عموما معلش بقي حقك علي الكمبيوتر بتاعي
:))
المهم بقي
كلامك مظبوط انا بقي نفسي الناس تفوق قبل ما المعارضه هي كمان تبقي زيها زي الحكومه
عشان مش عايزين اللي جاي يبقي اسود من كده
تحياتي يا ايمي

Zika said...

egypt eyes
اولا حمد الله عالسلامه
كنت مفتقدك كتير والله
نورت المدونه بعد طول غياب
.
ثانيا بالنسبه لنقطة الخلاف
بص انا ضد اننا نفصل اي شريحه من المجتمع المصري عن المعارضه
وطبعا ده عشان ما يحصلش انقسامات وطوائف او يحصل فراغ بين مصري ومصري تاني لمجرد ان ده اتحكم عليه انه يبقي من طبقه معينه وده انحكم عليه يبقي من طبقه معينه
كلنا مصريين يا عزيزي
وازا ما كناش حاسين بنفس الالم
يبقي علي الاقل نحس بالم بعض
تحياتي ليك
دايما بتشرف بزيارتك ليا

Zika said...

sa'7so'7te
حلوه بريزيدون دي
هههههههههه
ربنا يخليكي
شكرا شكرا شكرا شكرا

Anonymous said...

كالعاده مالوش اي معني
وبدون تحليل موضوعي وبدون اي صفه ادبيه
ردا علي سؤالك ليا المره اللي فاتت
فاحب اوضح اني بكتب من اجل الحريه والعلم
وده طبعا علي عكسك تماما
نرجع لموضوعنا بقي
اولا : انت بتلوم كفاية علي انهم ماعندهمش بديل
طب ايه البديل اللي عندك انت ؟

Empress appy said...

زيكس
بص بقى انا راى من زمان ان المعارضه ريكلامات وبس الحكومه سيباها براحتها والدليل الانقسامات اللى بتحصل جواهم يعنى مثلا لما زعلوا من الساداتانه قدم طلب الاحاطه وهما متضامنين مع زميلهم يعنى مش مكله مصلحه المشكله هما
تانى حاجه هما مبهدلين بعض داخليا بجد وصراعات وتصوير افلام وغلطات لبعض
يبقى فى النهايه هما معارضه ملهاش لازمه
يعنى لازم يبقى فيه معارضه قويه ولها خطط وبديل ومن الناس ورايهم مش هما اللى ينصبوا بعض
وانا موافقه اترشح بدلهم ههههههههههههههه

Zika said...

anonymous
الله يسامحك

Zika said...

حسام الميرغني
هجرب معاك طريقة الطناش يمكن تجيب نتيجة

Zika said...

appy
هههههههه
خلاص يا آبي رشحي نفسك وانا مستعد اصوتلك
:P
.....
طبعا عندك حق
نورتي يا آبي