Monday, May 19, 2008

المعارضة المصرية في الميزان

Photobucket

اولا نبدا بالاخوان المسلمين بحكم انهم في اعتبار الكثيرين هم الاكثر تنظيما والاكثر فعاليه بين قوي المعارضة :
بعد اضراب 6 ابريل السابق وعزوف الاخوان عن المشاركه به اتضحت بكل سذاجة (نية)
الاخوان المسلمين .. فالاخوان المسلمين لا يبحثون سوي عن مصلحتهم الخاصه اي مصلحة الجماعه فقط .. ولا يهمهم اذا كانت تلك المصلحه تقف امام مصلحة مصر
عدم مشاركة الاخوان في الاضراب كان بحق صدمة لكل اوساط المعارضه حيث فقد الاضراب رغم نجاحه الكثير من المقومات منها العدد الاضافي للمتظاهرين وهكذا.
اتضح ان الاخوان المسلمين لا يهتمون سوي بالسلطه وبالسعي اليها في العديد من المواقف المتناقضه مثل تناقض موقف طلاب (الاخوان ) في جامعة القاهره بعد حديث السيد (الوزير الغريب) وزير كما يسميها ( الثقافه) عن الحجاب مع حديث قياداتهم , فبينما كانت تقوم المظاهرات وتتدخل قوات الامن لفضها كان يتحدث المرشد في القنوات الفضائيه عن ان كلام السيد الوزير قد اخذ اكثر من حجمه .. وهذا ان دل فيدل علي عدم التناسق والتنسيق بين قيادات الاخوان والاخوان !
الغريب في الامر ان اضراب 6 ابريل وضع الاخوان في موقف اكثر من محرج خصوصا وانه كان قبل محاكمة الكثير من قيادات الاخوان عسكريا( بعد ان تمت تبرئتهم من القضاء المصري ) بايام قليله .. مما جعل الاخوان (يتمسحون) في الحكومه برفضهم المشاركة في الاضراب .املا في ان تتعاطف معهم الحكومة اوتعدل عن محاكمتهم عسكريا او علي الاقل تخفف من الحكم قليلا , اما في اضراب 5 مايو ورغم مشاركة الاخوان في الاضراب فقد فشل كثيرا وكان اكثر سلبيا وبعدا عن الواقع والمشاركة من الذي سبقه , ويعد هذا العمل الجبان من قيادات الاخوان هو اكبر دليل علي ما اطرحه من ان الاخوان لا يعملون لمصلحة مصر او لمصلحة الاسلام كما يدعون وانما يعملون فقط من اجل مصلحتهم الشخصيه .
خرج علينا الدكتور عصام العريان علي قناة الجزيرة يبرر موقف الاخوان من عدم المشاركه بانه
( قد بارك الاخوان الاضراب ولكنهم لم يشاركوا)
اذن لماذا لم يشارك الاخوان ؟
(حقيقة الامر ان الاخوان قد دعموا الاضراب ويتمنون ان يتواصل هذا المسلسل في الايام المقبله )
اذن لماذا لم يشارك الاخوان ؟
( الاخوان هم قوي المعارضه الوحيده في مصر التي تقف في وجه الحكومه )
اذن لماذا لم يشارك الاخوان ؟
(الاخوان هم اكثر من في المعتقلات السياسيه في مصر )
كلها مبررات واهيه وسلبيه وتنم عن ضعف موقف الاخوان
وسلبيتهم
واستهتارهم
وتهربا من الاجابه علي السؤال المطروح ....!!!
لماذا لم يشارك الاخوان ؟
نفت اذن الاسطورة الكاذبه ان الاخوان يستطيعون تحريك الشعب المصري بسهوله كما تدعي بعض الصحف الامريكيه والمصريه علي حد سواء
فليس معني ان الكثير من المسلمين لديهم وازع ديني في بعض الاحيان ان هذا يعني انهم اخوان
فليس كل من اقام صلاة هو من الاخوان
وليس كل من عمل خيرا اخوان
وليس كل من ارتدي الزي الاسلامي او اطلق لحيته اخوان
فهناك العديد من المسلمين في مصر المتعلقين بالكثير من جوانب الدين الاسلامي( الظاهر منه كالزي والباطن كالفعل )
ولكنهم في النهاية ليسوا اخوان
لقد تعاطفت كثيرا مع الاخوان , ولقد وقفت كثيرا ضد اعتقالهم وازدرائهم والاستهزاء بهم كفئة معارضه مصريه او بمحاكمة مدنيين
( عسكريا)
نعم لازلت علي موقفي : فالاخوان هم الاكثر ظهورا والاكثر اعتراضا والفئة المعارضه الاكبر في مجلس الشعب وهذا حقهم
ولكن للاسف الشديد اتضح ان الاخوان اضعف من ذلك بكثير
فكل هذا كان من اجل الاخوان وليس من اجل مصر
الاخوان لا يبحثون سوي عن الشهره والحكم
لن استمر في دفاعي عنهم طالما يتبعون هذا النهج الفاشل فمصر بالنسبة لي
فوق الحكومه وفوق كل فئات المعارضه
لا تحتمل مصر ان يكون القادم اسوا
لا يحتمل شعب مصر ان تفكر الحكومه التاليه في مصلحتها الشخصيه هي الاخري وتترك الفقراء يذهبون الي الجحيم
لن يحتمل هذا الشعب ان يكون مستقبل ( ما بعد الحكومة ) فاشلا هو الاخر وبدلا من ان ياتي من يبحث عن حل للمشكلة ان يزيد الطين بله
ان تتحطم كل أحلام التغيير
ان تتحطم كل آماله علي صخرة الواقع

41 comments:

break said...

احم اول رد

بخاف اكون اول رد فى المواضيع السياسية
لانى حمارة سياسة

فطبيعى هقول
اللى بتقوله تمام ومظبوط وعشرة على عشرة
وراك يا ريس

break said...

النور قطع موجود
بس انا شايلاه من البروفايل
عشان يبئا بعيد عن ايد الستة :D

ONE-NEW-MESSAGE

جيفارا المصري said...

بص يا صاحبي
انا عايز اقولك حاجة واحدة (غير اني طبعا متفق معاك في كل اللي انت بتقوله طبعا )
الحاجة دي بقي هي ان انتقاد الأخوان اصبح تابو محرو في المدونات يا اما استحمل بقي انك تبقي كافر و عدو للأسلاميين
و كمان هتلاقي ناس بتقولك عيب اللي انت كاتبه و لما تحب تفكر يا اما تفكر صح يا اما تسيب التفكير لأصحابه
اه و الله العظيم
ده حصل معايا و مستنيه يحصل معاك
عشان ما احسش اني لوحدي في الحكاية دي

الأخوان ممنوع عندهم حق الأختلاف
ممنوع انك تفكر الا علي طريقتهم
و الا تبقي كافر و عدو للأسلاميين
خلي بالك من نفسك يا عم زيكا

Zika said...

break
:D:D:D:D:D
" تمام ومظبوط وعشره علي عشره "
ماشي
" وراك يا ريس"
يالهوي .... ال ريس ال انتي عايزه توديني فداهيه وخلاص
:D :D

Zika said...

جيفارا المصري
الاول كويس انق متفق معايا ده فحد ذاته دفعه ليا اني اقدر اتناقش بثقه مع الاخوان
وصدقني الموضوع مش جديد عليا
انا جربت الحوار ده مع الملحدين والشواذ في تدوينه قديمه كده في مدونة قديمه ليا ( مش موجوده دلوقت ) المهم اني طول مانا ماشي صح وبتكلم في حاجات واقعيه ميهمنيش كلامهم
ربنا يخليك يا جيفارا وبجد مبسوط بزيارتك للمدونه ويارب تتكرر دايما
نورتني

اميرة الهدوء said...
This comment has been removed by the author.
الفرعونة العاشقة said...

ازيك يازيكا
دى اول مرة ازور مدونتك
بس لفت نظرى اسم الموضوع
لما قريتة عجبنى اوى
انا ماليش فى السياسة
ومافهمش فيها اوى
بس صراحة نفسى ابقى ليا فيها
من وانا صغيرة
كنت بسمع ناس تقول ان الاخوان دى ناس كويسة
وفى نفس الوقت اسمع انهم ناس مش هقول مش كويسين
بس بيبصوا للدنيا بطريقة تانية
وعاوزين يخلوا الكل ينفذ كلامهم
برضاهم او غصب عنهم
المهم ينفذوا كلامهم
وحتى اذا كان رايهم دة غلط

معرفش الى بقولة دة غلط ولا صح
بس يعنى دة من بين كلام كتير اعرفة عن الاخوان

تصور فى حد منهم دخل ومش عاجبة اسمى الى بكتب بية
وبتقولى ان اسمى يعنى فيما معناة من الناس الى داخلة النار
وبتطلب منى اغيرة

ودة دايقنى اوى
لانها حتى ماردتش عليا
لا....دى داخلة تطلب منى وخلاص

معلش طولت عليكم

تحياتى
الفرعونة العاشقة

Zika said...

اميره الهدوء ... الفرعونه العاشقه
ده كلام صحيح ..معظمهم فعلا ما بيقبلش الراي الاخر
وبارضه هم مش فالحين غير في نقد الناس .. وبينسوا ينقدوا نفسهم الاول
متغيريش اسمك مهما كان طالما عاجبك
مبسوط جدا باول زياره ويارب متكونش اخر زياره وتنوريني دايما
تحياتي
زيكا

حسام الميرغني said...

طبعا انت بتسال دلوقت راي حضرتي ايه في الموضوع ده
بس اكيد انت عارف رايي
يا استاذ يا جاهل انت كاتب الموضوع ده للشهره عشان تبقي زي بقيت الناس اللي بتشتم في الاخوان وخلاص زي الناس اللي بتشتم في الملحدين وهم ولا بيفكروا مش تعاطفا مع الاخوان
الاخوان زيهم زيك بالظبط اجهل خلق الله
تقدر تفسرلي ليه نفسك تبقي مخرج وليه نفسك ينزلك كتاب وليه كل احلامك متعلقه بالشهره والفلوس
اما بالنسبه لرسالتك الاخيره عن اسباب توقفي عن التدوين
احب اقولك اني عمري ما هسيب التدوين مش معني اني لسه ما كتبتش في المدونه الجديده اني توقفت
وراك وراك لحد ما اتخلص منك ومن امثالك
يا جاهل

Anonymous said...

اللبه اتفتحت
و اللي جواها باين من زمان
وما يحبش ياكل اللي جواها غير الجعان
سيبك منهم يا عم دول علام بتنجان

السيد سفنجه

adam said...

أحسنت يا صديقي

بالفعل أنا لم يعجبني تخاذل الإخوان في موضوع إبريل

رغم رفضي للإضراب

لكني استغربت من موقفهم

إلا أني وجدت لهم عذرا

أنهم كجماعة لها تاريخها وتنظيمها

لا يصح أن تمشي وراء دعوة قام بها بعض الشباب من مستخدمي الإنترنت

قد يكون ذلك لضعف ثقافتهم الحاسوبية

أقصد المسئولين عن اتخاذ القرار

وبما أنه كان الأول من نوعه

حيث لم نعتد على الإضراب الإلكتروني المصدر

فمن العقل أنهم يترووا وينظروا ماذا يفعل شباب الفيس بوك ؟

حتى إذا نجحوا تعاونوا معهم فيما بعد

لأنه لا يصح أن ينزل الإخوان بكل ثقلهم للساحة في أمر لا يملكون زمامه كهذا الإضراب المنظم عبر الفيس بوك

أخدت بالك يا صاحبي ؟

ربما هو عذر أقبح من ذنب

ربما عندهم حق

أنا لا أؤيدهم عامة ولا أؤيد الإضرابات


تحياتي لفكرك المستنير


آدم

Zika said...

حسام الميرغني
"زيك بالظبط اجهل خلق الله"
جميله الجمله دي خصوصا لما تكون خارجه من واحد ملحد
حلاوتك يا عالم
انا كنت عارف انك هتيجي تاني وعمرك ما هتبطل تناحه علي اللي خلفوني عشان في مثل قديم بيقول
العل. طي... بتجيبه
.....
حلو اوي حوار ان انا بكتب عشان الشهره والفلوس دي حسستني بنفسي اوي
طيب يا عم انا بكتب عشان الشهره والفلوس ... رغم اني لا غني ولا مشهور ..طب انت بقي بتكتب عشان ايه ؟؟؟؟
ثم ايه علاقة ردك الجميل ده بالموضوع
جرب تفكر وتشغل مخك ولو مره واحده قبل ما تتنيل تموت
وعموما
انا مبسوط اوي بزيارتك الوسخه دي ويارب تتكرر كمان وكمان

Zika said...

السيد سفنجه
رغم اني مش فاهم اوي
بس نورتني
وشكرا عالرباعيه الجميله دي

Zika said...

adam
زي مانت قلت يا ادم
عذر اقبح من ذنب
وده بيمثل كل اللي انا بقوله بالظبط
بتهمهم مصلحة الجماعه اكتر من اي حاجه في الدنيا
حتي لو اكتر من مصلحه البلد

كريم عاطف said...

عزيزي زيكا
أهلا بك في عالم السياسة
ردي طويل شوية بس غصب عني

أولا لازم تحدد انت بتنتقد الإخوان ليه لأن انتقاد الإخوان بيبقى بوابة لناس معينة (عارفين نفسهم) عشان ينتقدوا الإسلام و التيارات الإسلامية عموما، وطبعا بيلاقوها فرصة وزيطة

موضوع إضراب 6 أبريل: أنا كنت اتكلمت مع شباب من الإخوان وقولتلهم إن الجماعة كده ليها حساباتها الخاصة اللي انفصلت عن الإرادة الشعبية (يعني عشان موضوع المحاكمات العسكرية والمحليات) وإن عدم مشاركتهم في الإضراب خسارة كبيرة ليهم ولشعبيتهم، لكن عشان تبقى الصورة كاملة فيه عناصر كتير من الإخوان وبالذات من الشباب اشتركوا في الإضراب بصورة فردية وأنا شاهد على كده وخصوصا في جامعة القاهرة، الموضوع كبير وصعب نقول على جماعة زي الأخوان بتاريخها أنها بتسعى لمصلحتها وما يهمهاش مصلحة البلد، لأن أي حركة معارضة بيبقى هدفها تحسين وضع الدولة بس ده ما يمنعش طبعا إن فيه أخطاء، وبسبب أنهم أكبر فصيل معارض بتبان الأخطاء دي كبيرة قوي

حتة ان الإخوان أو أي فصيل معارض يحرك الشعب فده ما يحصلش إلا في حالة إذا كان التحرك ده نابع من إرادة شعبية

عارف ليه مش كل ملتحي أو متدين إخوان، عشان الإخوان هما جماعة سياسية في الأساس، فطبيعي أن مش كل الناس تنضم للإخوان وعشان سبب تاني إن الإخوان مش هما الفصيل الإسلامي الوحيد برغم أنه من أكبرهم

طبعا زي ما بتقول إن مصر فوق الحكومة وفوق كل فئات المعارضة، لأن الحزب أو الجماعة ما هي إلا أداة لتحقيق التغيير ولو اصطدمت مصلحة الفصيل المعارض مع مصلحة الأمة لازم يبقى فيه وقفة

طبعا لا داعي لذكر إني مش من الإخوان وبرغم كده احترمهم كثيرا واختلف معهم كثيرا أيضا
تحياتي ومستني رأيك في باقي فصائل المعارضة

زيزو الشقى said...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

Zika said...

كريم عاطف
اولا ازيك يا كريم ..
ايه اخبارك ..يارب تكون كويس
..........
أولا لازم تحدد انت بتنتقد الإخوان ليه لأن انتقاد الإخوان بيبقى بوابة لناس معينة (عارفين نفسهم) عشان ينتقدوا الإسلام و التيارات الإسلامية عموما، وطبعا بيلاقوها فرصة وزيطة
انا بنقد الاخوان عشان انا بنقد كل تيارات المعارضه المصريه بسبب ضعفها وتخاذلها ومش هنقد الاخوان بس لكن الدور جاي علي كل تيار وعشان الاخوان مواقفهم السلبيه اللي بدات تزيد عن الحد واخرها موضوع الاضراب وده مش محتاج ان حد يكون بيكره الاسلام وبيستغلها فرصه لاننا بارضه مش عايزين نحط تابوه ان الهجوم علي الاخوان بيعد بوبابة للهجوم علي الاسلام
اما بالنسبه للناس اللي انت بتقول عليهم احب اقولك اني عارفهم وبالاسم وماتقلقش انا مش منهم بدليل اني ياما دافعت عن الاخوان .. وياما اتكلمت عن قضايا الاسلام
موضوع إضراب 6 أبريل: أنا كنت اتكلمت مع شباب من الإخوان وقولتلهم إن الجماعة كده ليها حساباتها الخاصة اللي انفصلت عن الإرادة الشعبية (يعني عشان موضوع المحاكمات العسكرية والمحليات) وإن عدم مشاركتهم في الإضراب خسارة كبيرة ليهم ولشعبيتهم، لكن عشان تبقى الصورة كاملة فيه عناصر كتير من الإخوان وبالذات من الشباب اشتركوا في الإضراب بصورة فردية وأنا شاهد على كده وخصوصا في جامعة القاهرة، الموضوع كبير وصعب نقول على جماعة زي الأخوان بتاريخها أنها بتسعى لمصلحتها وما يهمهاش مصلحة البلد، لأن أي حركة معارضة بيبقى هدفها تحسين وضع الدولة بس ده ما يمنعش طبعا إن فيه أخطاء، وبسبب أنهم أكبر فصيل معارض بتبان الأخطاء دي كبيرة قوي

بص يا كريم اكيد مايهمنيش اشتراك الاخوان كافراد . لكن الاهميه القصوي في اشتراكهم كمؤسسسه معارضه وده اثر سلبيا علي عدم اكتمال نجاح الاضراب
ماقولتليش ايه رد شباب الاخوان علي كلامك معاهم .
كمان انا حاولت كتير اني اتكلم مع شباب الاخوان في جامعة القاهرة بس ما حدش بيديني فرصه اني اتناقش او اعارض وعشان كده كان صعب اني مانقدهمش طريقتهم السياسيه .. اذن لو مسكوا الحكم وهم كده قبل ما بيقبلوش الراي الاخر من اولها .. طب وبعد ما يبقي في ايديهم سلطه .. هل هنشوف قهر للمعارضه تاني ؟
ولا ممكن ربنا يحن عليهم ويبقوا ديمقراطيين .!!
مش شرط كل فصائل المعارضه تبقي بتسعي للتغيير .. في ناس كتير بتهمها مصلحتها الشخصيه وفيه مؤسسات معارضه كتير واحزاب معارضه كتير ما تعرفش حاجه عن مصر .
قصدي يعني ان جماعة الاخوان بتدافع عن نفسها وعن مصلحتها اكتر ما بتدافع عن بلدها
لتاني مره هقولك ان انا نقدي للاخوان مش رفض ليهم كتيار معارض ليه تاريخ مشرف
ولكن لازم ننقد الحاجه اللي شايفينها غلط .. مفيش حد فوق النقد
حتة ان الإخوان أو أي فصيل معارض يحرك الشعب فده ما يحصلش إلا في حالة إذا كان التحرك ده نابع من إرادة شعبية
ماتنساش ان كمان لكل فئة معارضه مشجعيها ولو ماشترتكتش في حدث معين بالتالي المناصرين ليها مش هيشتركوا وبالتالي اي حركه شعبيه اكيد لابد ليها من رااده شعبيه لكن اراده شعبيه دي مين هيوجدها .. مين اللي هيجمع تيارات الشعب مع تيارات المعارضه
اكيد تيارات المعارضه ذات نفسها
عارف ليه مش كل ملتحي أو متدين إخوان، عشان الإخوان هما جماعة سياسية في الأساس، فطبيعي أن مش كل الناس تنضم للإخوان وعشان سبب تاني إن الإخوان مش هما الفصيل الإسلامي الوحيد برغم أنه من أكبرهم
اكيد مفيش خلاف بيننا في النقطه دي وعشان كده لازم نفصل بينهم . وانا ذكرت النقطه دي عشان فيه ناس كتير ما بتفصلش
طبعا زي ما بتقول إن مصر فوق الحكومة وفوق كل فئات المعارضة، لأن الحزب أو الجماعة ما هي إلا أداة لتحقيق التغيير ولو اصطدمت مصلحة الفصيل المعارض مع مصلحة الأمة لازم يبقى فيه وقفة
وده اللي حصل عشان كده كان لازم تكون فيه وقفه
طبعا لا داعي لذكر إني مش من الإخوان وبرغم كده احترمهم كثيرا واختلف معهم كثيرا أيضا
تحياتي ومستني رأيك في باقي فصائل المعارضة

مش شرط تكون من الاخوان عشان تدافع عنهم
انا فاهم ده كويس
اسعدني جدا ردك يا كريم وشكرا علي متابعتك وعلي اهتمامك

تحياتي

Zika said...

زيزو الشقي
شكرا يا زيزو
نورت عالم التدوين كله
سلام

appy said...

زيكا بص يا زيكا الاخوان هما قوة فى المعارضه ماشى مش اختلفنا
وكل واحد فى الدنيا مش الاخوان بس لازم بيلعب على مصلحته لغايه لما يوصل فى مركز قوة مش اكتر وبعدين يبدا يبان اختلافى مع الاخوان مش دينيا طبعا لانهم لو بيستخدموا الدين ستار يبقى ربنا اللى هيحاسبهم مش انا انما سياسيا فى انتقاد بعد التصرفات والتضارب
وفى النهايه مصر مش الاخوان والشعب اقوى بكتير يعنى عددنا اكتر منهم بكتير والشعب اكبر من المعارضه اصلا
يبقى فى النهايه الشعب هو اللى بيحدد بس دى ثقافات
انما الاعتقالات فكتير قوى سواء اخوان او غيرة ده عموما نظام بلد كله فاشل من معارضه لحكومه فهمت حاجه
وكلمه فى ودنك متتدخلش مع حد وحش فى مهاترات انت فاهم قصدى صح ولا افهمك علشان حوارك ميزنلش لمستوى متدنى جدا

Desert cat said...

طيب يا زيكا ما هو معروف منذ قديم الازل ان الاخوان لا يمهم سوى مصالحهم الشخصية
وموقافهم باينة ومدونة فى سجلات التاريخ
وخير دليل الـ 8 عضو اللى مقعدينهم فى مجلس الشعب شوفهم عملوا ايه للناس اللى اديتهم ثقتها وانتخبتهم
وغير كدا عندك تاريخهم خير شاهد هو يمكن تخاذلهم فى اضراب 6 ابريل هو اللى بروز الصورة بتاعتهم ووضحها اكتر امام كل فئات الشعب
بالنسبة لتضارب اقولهم
فقديما قالها الاب الشرعى ليهم حسن البنا
ليسوا اخوانا وليسو مسلمين
تحياتى

Desert cat said...

وبالمناسبة جيفارا المصرى كل كلامه صح 100 %
خد بالك منه اوى اصل انا هو نولنا من الاتهامات ما لايعد ولا يحصى
ثقافة الاختلاف الجديدة بقى

gannah said...

احسنت...بحيك على البوست

Zika said...

appy
طيب يا آبي ماهو لو ثبت يا آبي انه بيلعب لمصلحته ليه نخليه يوصل للسطة والحكم ؟
صح والله فعلا كل شئ فاشل مش بس الحكومه
وان شاء الله استني نقد بقية تيارات المعارضه
......
وبالنسبه للشخص ده انا حاولت كتير امنع نفسي من اني اناقشه او ارد عليه بس كل حاجه وليها حدود بارضه
وعموما حاضر هحاول علي قد ما اقدر اتجنبه عشان مانزلش لمستواه

Zika said...

desert cat
بالظبط اضراب 6 ابريل هو اللي فضحهم بعد ما ناس كتيره اوي كانوا مخدوعين في قدرتهم وقوتهم
ناس كتيره اوي كانت حاطه امل عليهم لكن طبعا طلعوا زيهم زي غيرهم
ويمكن انيل
بالنسبه لكلام جيفارا هو عنده حق فعلا وانا مجرب من قبل كده موضوع الهجوم ده سواء من الاخوان او من غير الاخوان
ماتخافوش عليا انا جاهز لاي رد
سواء كان رد محترم ارد عليه باحترام او رد من اللي هم
ثقافة الاختلاف الجديده
معظمهم سواء اخوان او لأ من الناس اللي بتدخل " غير معرف " دي بيتعاملوا
مش معايا تبقي ضدي
او
مش صاحبي تبقي عدوي
وربنا يستر بقي

Zika said...

gannah
شكرا يا جنه
نورتي المدونه
ويارب دايما تنوريني بزيارتك
تحياتي ليكي

حماتــــــــــــي ملاااااااااااك said...

اتقي شر الحليم إذا غضب
والشعب المصري أكبر حليم علي وجه الأرض
بس بجد سعيدة بيك لأنك بتتكلم في موضوعات ذي دي .. وسنك الصغير نسبياً يثبت أن فيه أمل في بكرة
تحياتي

Zika said...

حماتي ملااااااك
اهو مستنيين بس الحليم ده يغضب .. لكن مافيش شكله ناوي يدخل الجنه وش
شكرا علي الاطراء الجميل ده
نورتي المدونه المتواضعه بتاعتي
واتمني زيارتك ليا دايما
تحياتي

كريم عاطف said...

ماشي يا زيكا
ردك جميل ومنطقي
وطبعا أنا معاك إن مافيش حد فوق النقد

Zika said...

كريم عاطف
شكرا كريم علي زيارتك
بتسعدني دايما
الحمد لله خرجنا متفقين
تحياتي ليك

سبهللة عالآخر said...
This comment has been removed by the author.
سبهللة عالآخر said...

ماهو لو اللى فى سنك يعقوا زيك كدة ويتكلموا كلام الناس العاقلين
ويبعدوا عن الهبل بتاع البنات والشيشة والسجاير والسكس والزفت
ماكنش دة بئى حالنا
طبعا موافقاك فى الرأى
إشمعنى انا اللى هاعترض يعنى

بس سيبك انت
انا اكتر حاجة عاجبانى ان
كلامك اكبر من سنك
مع ان ايام عز الاسلام
ولا بلاش عز دى
ايام صدر الاسلام
وبلاش صدر كمان
قصدى اقولك ايام مجد الاسلام كان اللى فى سنك بيقود غزوات كبيرة
وبينتصر فيها كمان
بارك الله فيك

أحمد عبد الفتاح said...

العزيز زيكا
ده زيارتي الاولي لمدونتك واسمح لي احييك علي المدونة الرائعة ده
انا تقريبا معاك في اغلب الكلام الي قلته
فانا كنت من أشد المعارضين داخل لاخوان لقرار عدم المشاركة في اضارب 6 أبريل وشاركت في الاضراب وكنت موجود داخل المحلة
لكن السوال
احنا اتفقنا علي خطا موقف لاخوان من 6 ابريل ليه بقه متحملين عليهم لما قرروا يشاركوا في 5 مايو ؟
انا ذي ما انتقضت الاخوان من موقفهم من 6 ابريل كان لازم احييهم علي موقفهم من 4 مايو
ثم بعيد ع الاضرابين دول
هل تنكر باقي مواقف الاخوان ؟
تحب افكرك بمظاهرا ت القضاة 2005 وكام واحد اعتقل من الاخوان ؟
انا مش بدافع عن الاخوان بس انا بقول يريت لا ننظر للامر من جانب واحد
أتمني تكون رسالتي وصلت

أحمد عبد الفتاح said...

معلش
بالنسبة لجيفارا المصري
احب اقول
نقد الاخوان ليس تابوه
ويمكن تتعجب لما تعرف أن أكثر مدونات تنتقض لاخوان هي مدونات شباب الاخوان
أنت لو دخلت علي مدونتي مثلا هتلاقي نقد صريح في أكثر من موضع للاخوان

Zika said...

سبهلله عالاخر
والله مش عارف اقولك ايه بس علي رفع
المعنويات ده
ايوه انا عارف حكاية مجد الاسلام دي
كان الواد يبقي عنده 16 سنه
هوووب
تلاقيه واخد جيش وبيفتح بلد
ايييييه دنيا
انا عندي 18 سنه ولسه مدخلتش الجيش
:D :D
ولو جاتلي اعفا هبقي مبسوط
نورتي المدونه
ومبسوط جدا بتعليقك
يارب تكرري الزياره دايما
تحياتي

Zika said...

احمد عبد الفتاح
جميل
بص انا ما انكرتش
تاريخ الاخوان
واكيد ما نستش مواقف الاخوان السابقه سواء موقف القضاه او غيره
لكن انا نقدت مواقف تانيه اكتر للاخوان وانا ماقولتهاش كلها طبعا
اخطاء هي بتساوي نفس قوة الايجابيات
بمعني
ان زي ما سقفنالهم في موقف القضاه
كان لازم نعترض لما اخطائهم تكتر
اما بالنسبه لحتة ان انا قلت
انهم بيشتغلوا لمصلحتهم
انا لسه عند موقفي
لان السلبيات بتبين عيوب الجماعه
اكتر ما الايجابيات بتبين مزاياها
او اخطائهم اكتر
او بيدوروا علي مصلحة الجماعه فين وبيعملوها حتي لو مصلحة الجماعه هتتعارض مع مصلحة مصر
...
موقف 4 مايو
بص يا باشا
يوم 4 مايو ده كان مسرحيه فاشله من الاخوةان لتصحيح خطاهم الفادح
في 6 ابريل عشان كده ماكانش مقبول انهم يصلحوا غلطهم بطريقه ساذجه
بانهم يتصدروا اضراب تاني
وفيه في الموضوع ده خطا سياسي فادح
الا وهو
انهم ماحسبوش قد ايه الناس هتتوافق معاهم في موضوع الاضراب ده
بدليل ان عدد المشاركين في الاضراب سواء بالمضربين او بالمتظاهرين
اقل بنسبة فظيعه من عدد المشاركين في 4 مايو
وده بيدل علي حاجات كتيره اوي
اولا ضعف وسذاجة موقف الاخوان
ثانيا ان الاخوان خبرتهم السياسيه خانتهم
ده غير ان ده بيوضح انهم حاولوا يصلحوا صورتهم اللي هم بوظوها اصلا باخطائهم بطريقه فاشله
خلت صورتهم تزيد اكتر واكتر
....
اخر حاجه احب اقولهالك
بالنسبه لموضوع انك شاركت في مظاهرات المحله والعديد من افراد الاخوان عملوا كده
فاحب اكرر للمره التانيه انه لا يعنيني مشاركة الاخوان كافراد وانما يعنيني مشاركتهم كمؤسسه
شكرا جدا علي اهتمامك ووجودك وتعليقك
نورت المدونه
وبحييك علي مدونتك الهايله
واتمني انك تكرر الزياره دايما
تحياتي

Zika said...

احمد عبد الفتاح
يا باشا دي مدونتك
معلش ليه
خد راحتك عالاخر
...
بس اسمحلي هو عنده حق
لان فعلا انا من خلال متابعتي للمدونات اللي بتنقد الاخوان
ومنها جيفارا
او قطة الصحراء او غيرهم
بتلاقي هجوم عنيف من الاخوان في ردودهم علي المواضيع دي
"وطبعا بدون تعميم "
فعلا نقد الاخوان بق تابوه رغم
نقد الكثيرين ليهم
وده عشان معظمهم لا يقبلوا الراي الاخر
وبيعتبروا الهجوم عليهم مدخل للهجوم علي الاسلام
تحياتي

زيزو الشقى said...

كتبت احد موضوعاتى وسوف ترى افكارى

تحياتى

عز

سلاااااااام

arsenalwy said...

يازيكا

كله ماشى حلويات بالبركة يعنى كله بيدور على مصلحته والاخوان دول اول ناس يدوروا عليها عايزين بس يكسبوا الناس باتخاذهم الدين شعار لهم


وادعوكى لوضع لوجو حملة وقف تصدير الغاز الى اسرائيل

ودة اللينك بتاع اللوجو
http://www.zshare.net/image/12105759293805bb/

arsenalwy said...

يازيكا

كله ماشى حلويات بالبركة يعنى كله بيدور على مصلحته والاخوان دول اول ناس يدوروا عليها عايزين بس يكسبوا الناس باتخاذهم الدين شعار لهم


وادعوكى لوضع لوجو حملة وقف تصدير الغاز الى اسرائيل

ودة اللينك بتاع اللوجو
http://www.zshare.net/image/12105759293805bb/

Zika said...

زيزو الشقي
عينيا الاتنين
شكرا علي دعوتك ليا لموضوعك
ده شرف ليا
انا جاي اهو
:)
تحياتي

Zika said...

arsenalwy
فعلا والله يا ارسنالاوي كله بقي
حلويات خالص
وعلي فكره يا باشا
اتمني ان تكون كلمة
"ادعوكي "
غلطة املائيه ولو اني عارف انه صعب شويه
بس لو بصيت عالصوره وركزت فيها شويه
او ماركزتش خالص لو بصيت بصه عاديه
او لو بصيت علي البروفيل
هتعرف الفرق
:D :D :D
نورتني ويارب زيارتك ليا دايما
تحياتي