Thursday, April 24, 2008

في عشق الحشيش

Photobucket
في عشق الحشيش انا كنت ضارب يوم
الله عليك يا ملك ...والكبير كبير يا محمد يا منير
اللي بيروح حفلات لمحمد منير هيكتشف التناقض الغريب اللي بنيعشه في مصر ؟
واللي بيطرح السؤال اللي ياما سالوه قبلنا
"ليه الحشيش ممنوع مدام لسه مصرحين بالخمره"
(علي سلامه)
في حفلات محمد منير هتلاقي ان الشباب مسموحلهم انهم يدخلوا بازايز البيره او الويسكي او اي نوع من انواع الخمره لكن مش مسموحلهم انهم يدخلوا باي نوع من انواع المخدرات.
اكيد انا مش بكتب بحثا عن حرية المدخرات .
انتوا مش شايفين اليافطه اللي علي اليمين ولا ايه ؟
اوقف المخدرات ..... غير حياتك .... بطل قرف ... ياللا ياض
السؤال مش جديد وانا مش اول واحد يساله
ساله قبل كده كل واحد فكر في الموضوع
بالذمه مش سؤال وجيه
الخمره حرام .. والحشيش حرام
دي بتذهب العقل ... ودي بتذهب العقل
دي بتضيع الفلوس ... ودي بتضيع الفلوس
دي بتضر الجسم ... ودي بتضر الجسم
ليه دايما بنسمع عن شركات لانتاج الخمره
وعمرنا ما سمعنا عن
شركة الاهرام لانتاج افضل انواع الحشيش
تورا بورا افغاني
يعني تانشه ماشي
غرقانه ماشي
ماتشربش .. بارضه ماشي
ايه مالكوا مهيسين كده ليه
اصل انتوا ما تعرفوش اللي حصل ؟
قالولي تعالي نشرب حجرين
قلت وماله من حقي كمواطن مصري اني احرق صدري
والشيشه حلال شرعا
" ال حلال ال "
حجر فحجر .. حسيت اني بشرب تراب
ايه يا عم قص دي ولا سلوم ولا ايه الهباب اللي انا بشربه ده ؟
جري ايه يا زيكا .. انت ماشربتش حشيش قبل كده ولا ايه
لا لا لا .محبوش
ولا احب اللي بيشربوه ولا اللي بيبيعوه
طب ماللي بتشربه ده حشيش
ايه
اللي انت بتشربه .. ده حشيش
ده ... حشيش
الله يخرب بيتك . وبيت اللي خلفوك .. وبيت اللي يعرفوك وبيت اللي عايزين يشوفوك
.. اومال انا حاطت اليافطه في المدونه ليه ...ديكور
"انا مين انا ايه انا ليه ما خلااااص . زيكا انتهي"
يا سعاد .. انا شربت حشيش يا سعاد
يالهوييتييييييييييييييييييي

22 comments:

حاجات جوايا said...

مش بس الحشيش حرام
ولا الخمرة
ده كمان السجاير والشيشه حرام
وفيه فتاوى بكده
وأى حاجة بتضر الجسم والصحة والمجتمع حرام

المجتمع هو اللى غلط
بيحلل ويحرم على مزاجه
والأقلام اكبر مروج لكل الانواع دى

ربنا يحفظنا زيحفظ اولادنا واخوتنا

Zika said...

sally
اي حاجه بتضر الجسم حرام من غير فتاوي يا سالي
حتي مش بس اللي احنا اتكلمنا عليهم زي الحشيش او الخمره او الشيشه او السجاير لكن اي حاجه ممكن تضر بالصحه
يعني لو واحد
عنده تعب في ( الكلي) وبياكل مثلا حاجات فيها شطه وده بياثر علي الكلي طبعا وبالطريقه دي هو بيدمر صحته ده في حد ذاته حرام
يارب يحفظنا جميعا
نورتي المدونه
تحياتي

break said...

زكزوك

دول كام
111


بنطمن بس

Zika said...

break
دول يا ستي
حوال كده بالتقريب يعني مش متاكد اوي
مممممممممم
111
:P

Anonymous said...

هو ده تفكير المسلمين والمسيحين والجماعه اصحاب الديانات الوهميه
بتضحك علي نفسك ليه
هو دينك ده بيقولك اشرب حشيش
وبعد كده ترجعوا تقولوا ربنا قال والمسيح قال
ومعرفش مين قال
ياريت بعد ما تراجع نفسك تتاكد ان انت حمار
وابن وسخه
لانك علقت عندي في المدونه واستهترت بتفكيري وقعدت تقولي الدين والبتنجان
وراجع تقول انا شربت حشيش يا سعاد
المفروض تكتب تحت عنوان الخرا اللي انت بتكتب فيها او زي ما بتقول علي نفسك انك بتدون
" ممنوع التفكير قطعيا "

Unknown said...

ع فكرة اول مرة ادخل لك
بس اكيد مش آخر مرة
اسلوبك جميل جدا
وعاجبني بجد
الى الامام دائما وربنا يوفقك ان شاء الله

Zika said...

حسام المرغني
اهلا اهلا اهلا
الحمد لله ان انا افتكرتك
اصل بعيد عنك انا اعرف من اشكال سيادتك كتير
واضح جدا ان حضرتك بتعرف تختلف
وواضح اوي انك مثقف ومتعلم لدرجة انك عندك قدرة عجيبه علي الاختلاف مع الغير
علي الرغم بان تعليقاتي عند سيادتك في المدونه اللي انت تقريبا كل ما ادخل عليها الاقيك ماسح منها التدوينات
كل تعليقاتي كانت محترمه
وعمري ما قليت ادبي عليك ولا علي الست الوالده
رغم اني اكيد اعرف
بالنسبه لموضوع الدين
طبعا مش هناقشك فيه لاني تعبت معاك في المناقشه اللي دايما بتقلبها بشتيمه وسفالة وقلة ادب
وعموما احب اوضح
....
ديني ماقاليش اني اشرب حشيش ولا حتي المسيحيه بتقول كده
وواضح كمان انك لو تلاحظ اني كاتب اني مكنتش اعرف
ثانيا دي حياتي الشخصيه ولا تؤثر بالعموم علي ديني او علي سلوك المسلمين جميعا او المسيحين جميعا
بمعني
اني مش عشان شربت حشيش يبقي المسلمين والمسيحين كلهم ولاد ستين في سبعين ومنافقين وبيضحكوا علي نفسهم
بقالنا سنه بنتكلم مع بعض ولسه مش قادر تحترمني
يا اخي اعمل حساب العشره
واعمل كمان حساب انك دايما اللي بتتجه للشتيمه والقباحه
للاسف في ناس كتيره محترمه بتدخل علي المدونه دي وانا لحد دلوقت عامل لهم احترام ليهم ومش هرد عليك بالشتيمه اللي انت دايما بتبدا بيها
انا عارف انك ماتعرفش ناس محترمه كتير بس معلش بقي اديك هتتعود عليهم ان شاء الله معايا
انا اعرف ملحدين كتير جدا محترمين وبشيلهم فوق راسي لما بيتكلموا معايا وفعلا ناس محترمه لكن انت
وحتي شواذ جنسيا
طالما كل واحد فيهم بيحترم نفسه وبيحترمني يبقي ربنا هو الللي يحاسبه مش انا
لكن انت
تخيل نفسك كده .. اقف قدام المرايا كده وبص لنفسك
ملحد / وقولنا حرية عقيده
شاذ / وقولنا حرية اتجاه
قليل الادب / معلش لسانه طويل
ما بيعرفش يتناقش / وقولنا يتعلم
ما تجرب تعمل حاجه تشفعلك قدام الناس .. مش هقول قدام ربنا عشان عارف انك ماتعرفوش
ياريت بقي تنورني كتير
اليومين دول عشان انا فاضيلك

Zika said...

the riddle
نورت يا باشا المدونه
ويارب ماتكنش اخر ياره
وتنور المدونه دايما
شكرا علي زوقك
تحياتي

جيهان علي said...

السلام عليكم ورحمة الله وبركاته

المشكلة أن الناس لسه مش واعيه لحرمانية المخدرات والسجائر وكل الحاجات دي
وفاكرين ان الخمرة فقط اللي حرام لأنها بس اللي ذكرت في القرآن
ميعرفوش علم في الشريعة اسمه القياس

وفعلا تناقض عجيب
يعني اللى مثبوت انه حرام من غير شك واحد في المليار مسموح به وعادي جدا انك تلاقي اعلان عن خمر
لكن اللي المفروض يعني مش كل الناس تعرف بأنه حرام زي المخدرات
يبقى ممنوع تداوله وجريمة

!!!!!!!!!!!!!!!

سلام

mostafa rayan said...

بص انا ماحضرتش حفلات لمنير قبل كدة بس لو اللي انت بتقوله صح يبقي منير لازم يتلام علي كدة ويتسأل ليه بيوافق علي كدة ؟ وفين الأمن ؟ لأنه اكيد هو بيغني في مكان محترم مش غرزة وهو كمان من مصلحته الناس تسمعه وهما فايقين مش مساطيل

ألاخ حسام الميرغني
اعتقد انه هناك طريقة للحوار والنقاش اكثر احتراما وتحضرا من هذه
المفروض اننا هنا بنعرض افكار وبناقشها مش بنشتم ونسب لبعض ارجو ان تتقبل رأيي بصدر رحب

Zika said...

جيهان علي
وعليكم السلام ورحمة الله وبركاته
مش عارف ازاي لسه في ناس مش مقتنعه بان التدخين حرام
مع ان ( القياس ) واضح ومش محتاج فتاوي ولا اي حاجه
بالعقل لوحده الناس تقدر تعرف من ده وهتلاقيه موجود في القران بس مش مباشرة طبعا
نورتي المدونه
تحياتي

Zika said...

mostafa rayan
كل حاجه في حفلات منير موجوده لان الناس بتبقي عايزه تنبسط اكتر وقت ممكن في حفلاته
وبالتالي منير مع الحاجات دي
رغم اني مش متخيل ازاي واحد ممكن (يسمع )
محمد منير وهو مش فايقله
:D
اكيد بيندمجوا مع المزيكا بس
....
بالنسبه لحسام المرغني
ماتحاولش معاه انا بس المشكله مش لاقي اللينك بتاع مدونته مش عارف راح فين
هو بطل يدخل عندي بلينك المدونه اللي هو اصلا بيمسح فيها تدويناته اللي هو بيكتبها
ومعندوش الجراه انه يدخل بيها
عشان بيتكسف من رد الناس عليه ومش بيعرف يرد عليهم
وصدقني حاولت معاه كتير بس هو مابيعرفش يتناقش باحترام

guevara said...

انا مين انا ايه انا ليه ما خلااااص . زيكا انتهي"
الجمله ديه مش غريبه عليا
قُصره الحكومه المفروض فعلا تبطل رذاله بقي وتخلي الحشيش ينزل علي بطاقه التموين

Zika said...

gyevara
عمنا :D
الجمله مش غريبه عشان تلاقيك سمعت زيها في اغنية محمد هنيدي :P
تعرف لو الحكومه نزلت الحشيش علي بطاقة التموين هتبقي حققت اكبر مطلب جماهيري في مصر وبكده تقدر تعد 25 سنه كمان من غير ما حد يقول بم

Desert cat said...

مشربش الشاى اشرب حشيش انا
ايه انا انا اتسلطت على الريحة باين

Zika said...

desert cat
:D:D:D
يالهوي هي الريحه فايحه اوي كده

المنسى said...

هههههههههههه
جامدة ياعادل ياإمام
والله
بص ياحبيبى من إتباع كلام الله أراح قلبه وسيبك من النظام المتخلف إللى حاكمنا دلوقتى دى عالم عندها زهايمر وأكيد شوفت كتير من أفلا م مصرية تشوف فيها إن المخدرات بتدخل البلد ععن طريق الحكومة شيالله ياحكومة
أنا شخصيا أعرف ناس مش معرفة شخصية يعنى لأ سمعت عنهم بفضل المنطقة إللى ساكن فيه عزبة خير الله فى دار السلام لو تسمع عنها مش موجودة على الخريطة
فى ناس فعلا بتشتغل مع الحكومة والحكومة بتسهلهم دخول المخدرات وبعناية شخصية من رجال الأمن أما الخمرة فده مشروب المتحضرين إنت نسيت ولا إيه
ومحدش فاهم حاجة وسلملى على الترماى

Zika said...

المنسي
:d
الحمد لله انها عجبتك يا منسي
انا عرفت مؤخرا موضوع انه بيتم علي عينك يا تاجر ومحدش بيقبض علي تجار المخدرات الا اللي ما يعجبش الظبات
وسلملي علي الترماي

علاء عارفين said...

معاك حق والله اشمعنى الشرب عادي و الحشيش ممنوع

يا كللوا يدخل يا كللوا يتمنع

بلد حالها غرييب

:D

Zika said...

dr nightwing
لا كله يتمنع ايه
انت عايز تقطع عيش الناس
ده الحشيش فاتح نص بيوت مصر
والنص التاني مستهلكين
:D:D:D
الحمد لله انا لا من النص ده ولا من النص ده
:D

Anonymous said...

الوووووووووووووو
الاخ زيكا انتي معايا؟؟؟؟؟؟
طيب كويس

بص يا اخ زيكا الحشيش ده شئ مقررررررف
وانا بصراحة شربته اكتر من مرة
بس بطلته نهائيا لانه بيسببلي الاقرف
اي نعم انت بتشربه وتنبسط وبتهيس وبيبقى الضحك للركب واي حد بيقول اي كلمة بتضحك عليها
بس بعد كده؟؟؟؟؟
بعد كده بتلاقي نفسك مخنوق من حياتك خنقة سووووووووووووودة وليه تعمل في نفسك كده؟
وزائد انه بيخلي شكلك مش مضبوط بعد كده

فالاحسن نبعد عنه
انا بفتكر اني مرة مشيت من شارع وكان الشارع ده ريحته كله حشيش
وكان فيه ضابط واقف مش عارف بيعمل ايه الصراحة الظاهر كان فرحاااااااااااان
ولا كان بيوصل حشيش لحد الله اعلم
ولا كان بيعمل دماغ عالريحة مش مشكلة

الخلاصة ان الحشيش ده بقى متداول زي العيش والجبنة

ولو حضرتك تكرمت ورحت بور سعيد هتلاقي بياعين الحشيش اكتر من البقالين
يعني تقريبا اي كشك سجاير عنده حشيش برضه

العملية اصبحت عادية جدا
والحشيش اصبح ممنوع نظريا مش عمليا يعني على ورق

انا اتذكر مرة كنت راكب تاكسي والسواق قاعد جنبي ورحت التاكسي مقلوبة حشيش راح مطلع دبوس كده وبيقولي اتفضل انا فكرته سيجارة بص انا قولتله مش بدخن عيب ناخد من الراجل سجايره بعد شوية راح مولعه وطلع حشيش يعني ما شاء الله على حال الدنياااااااااااا

مش هقووووووووووووول غير هيصواااااااااا
واللي يحصل يحصل

اسف على الاطالة

وسلملي على الطيااااااااااارة

يلا سلااااااااااااااااااام
زووووووووووووو

Zika said...

شاهين
انا والله مش بشرب حشيش يا باشا
انا ضد المخدرات شكلا وموضوعا
بس دي كانت مره صحابي ضحكوا عليا وشربوني حشيش وانا للاسف ماعنديش خبرة بريحة الحشيش
عموما اتمني ان ظاهرة المخدرات دي تقل
نورت المدونه
تحياتي