Wednesday, April 30, 2008

وهكذا سقطت حميده

مسعد :وهكذا سقطت حميده , يا أيها الملوك أيها الأمراء يا من تركتم عروشكم وأوطانكم وزحفتم بجيوشكم إلى هنا عبر البحار تدفع سفنكم رياح الحقد المقدسة لتطهروا ارض المسيح من البرابرة أعداء الصليب هكذا سقطت حميده هكذا أصبحت الأميرة الصليبية من الخونة
زيكا : ايه يا عم هدي اعصابك هي البنيه عملت ايه . دي يادوبك بتحب الواد .. هو الواد فتحي البواب ظبطها في محطة بتاعة الخلفاوي كانت بتتخانق مع العسكري عشان اتحرش بيها فقام الواد بصفو نيه اتدخل وفشخ العسكري وضربه قلمين قامت حميده اعجبت بيه جدا والواد بصراحه يستاهل يعني .. ماتزعلش نفسك كده ولا انت يعني اكمنك راسم علي فتكاتينيا والراجل الجعر التاني العجوز ده قفشها منك .. عيب . عيب دانت راجل محارب قد الدنيا اما تقف قدام مستقبل البنت

مسعد : ما من احد هنا لا يعرف إن صلاح الدين همجي متوحش ...ولكن حميدة وحدها عارضتنا ...لا (يقولها وهوا يضحك بقسوة) م..
. صلاح الدين أحسن للأسرى
ثم العرب ليسو برابرة...ومدام ليسو برابرة فلا مانع من الاتصال بهم وهكذا
زيكا : مالك بروح خالتك متحمس ليه كده انت محسسني انك قفشتها في وضع مخل مثلا ولا قافشها في عربيه عالمقطم .. ولا يعني فتحي البواب ده معلقها من نادي اليخت .. ده الواد والبت بيحبوا بعض .. حب برئ يعني
مسعد : هكذا اقتلعت الكراهية المقدسة من قلبها

زيكا : ده عبيط ده ولا ايه

مسعد : وتقدمت خطوة فعرف حب العدو طريقة إلى قلبها, وأسلمت جسدها المسيحي المقدس إلى رجل عربي
حميده؟؟! الفارسة الصليبية !! تلقى بنفسها بين أحضان رجل عربي وتنسى تقاليد هذه الحرب الشريفة نسيت إننا لن ننتصر بغير حقدنا المقدس

زيكا : اه بص ممكن هنا يكون عندك حق انا هقولك اللي حصل هو خطفها وقالها تاسلمي بالعافيه قامت هي اسلمت او ممكن يكونوا وقعوا في الخطيئه ولما قالتلوا استر عليا الاهي يستر عليك والدنيا مطرت والشبابيك رزعت قالها لأ انا مسلم ومينفعش اتجوز غير مسلمه فانتي تعلني اسلامك ونغيظ الراجل ابوكي ده ونحطه قدام الامر الواقع عشان يرضي يسيبلنا الاوضه الرابعه اللي عندكوا ونتجوز بقي يا حميده يا
حبيبتي

مسعد : الحب اخذ مكان الحقد في قلبك فهويتي

زيكا : علي فكره ياض انت مش حلو .. من جواك كده اسود بصراحه يعني عمال من الصبح تقولي الحقد الكره و فهويتي ولا كانك طالعلي من قصيده للمتغبي ( مش غلطه في الكتابه هو ده اسمه الحقيقي علي فكره ) وبعدين وماله اما تهوي يعني اومال عايزها تعمل ايه في الحر ده
ال هويتي ال

مسعد : احرقوها كالساحرات انزلوا بأيديكم الضربة التي يريدها الرب
زيكا : اوه ماي جاد .. ياللهول ..و ياللصاعقه .. من انت بحق الجحيم يا رجل حتي تتكلم هكذا ولماذا تحرقها وتشوه وجهها الملائكي . اهذا بدلا من ان تجيبلها اتنين كيلو موز ولا خطين بيزنس هديه هي والعريس بمناسبة الزواج الميمون

دعدور قلب الليل لمسعد : وهكذا تكون الضربة التي يضرب بها الرب كل من يتآمر على اورشاليم
لحمهم يذوب وهم واقفين على إقدامهم ..
عار عليك يا فارس الصليب مسعد إي قناع زائف تضعه على وجهك ؟ ولكن كل الأقنعة تسقط إمام أرداه الرب أنت تأمرت على اورشاليم تأمرت على حياتنا وعلى مستقبل الملوك والأمراء وعلى دماء ألاف من الجنود المسيحيين الذين جاءوا ليرفعوا الصليب على قبر المسيح وستلاحقك لعنة الرب حتى وأنت في قبرك... العرب رفضوا مؤامراتك
صلاح الدين رفض إن يضع يده في يدك القذرة
اقرءوا اقرءوا أيها الملوك والفرسان والأمراء
ولتنزل ضربة الرب على كل من يتآمر على اورشاليم

زيكا : ايه يا عمنا هي المشرحه ناقصه قتلا . انت ايه اللي حشرك اساسا. يعني انا عمال اقنع في الراجل واهديه تطلع انت زي الحبهان كده وتقولي لعنة الرب وبتاع عيب عليك يا علي فكره
وعلي فكره بقي انت راجل صح الصح انك سيحت لكونراد قصدي مسعد قدام الناس كلها .. احسن هو يستاهل عشان يبطل غل وحقد ورمي ودن عالناس
وبعدين ايه يا راجل صليب ايه اللي هيرفعوه علي قبر المسيح ليه واحنا ايدينا في جيوبنا ولا ايه لا لا لا
المسيحية هنا تخدم وتصان وليتكلم عنا فتحي فهو مسيحي
فتحي البواب : شعارنا الدين لله والساعه بخمسه جنيه والحسابه بتحسب
مسعد : عميل من عملائه .. اغراه بالمال
زيكا : مسعد يعلم من هم الذين يشترون بالمال اما انا فلا .
المهم يعني خلاصة الكلام .. يا عم مسعد سيب الواد والبت وادعيلهم ربنا يهديهم بدل المشي البطال اللي هم ماشيين فيه ده
يتبع

19 comments:

Nani said...

السلام عليكم
اهلا بك في مدونتي
انما لماذا هذاالمبلغ بالضبط فلانه غير خاضع لرقابة السي اي ايه او الاف بي اي او ان بي وكل المختصرات الامريكة
بدناش يجينا اكتر من هيك علشان ما نروح جونينة غوانتانمو
:)

Zika said...

nani
وعليكم السلام ورحمة الله وبركاته
واهلا بيكي في مدونتي
عموما المبلغ بارضه مش بطال يعني مش قليل اكيد
وان شاء الله مفيش جوانتانامو
:)

رونى المصرى said...

ههههههه


لا جامد الفيلم ده يا زيكاااا


بوست جميل


خلينا على تواصل يا صاحبى

ROONEY_OSA@YAHOO.COM

Zika said...

روني المصري
D
الحمد لله ان الفيلم بتاعي عجبك
:D
نورتني
واتشرف بالتواصل يا باشا

break said...

بسم الله الرحمن الرحيم

ايه اللى جرالك
مانت كنت سايباك البوست اللى فات كويس

عموما انا بنادى معاك على (مسعد ) تقريبا نسيت الاسم
انه يجوزهم بئا عشان انت تتعدل
وتفهمنا و الموضوع

Eman Eltaher said...

عايزة أقولك قبل كل شئ
انه انت أحسنت بجد اختيارك للأغنية
مركب ورق دى بجد أغنية جميلة جدا

نيجى بقى للبوست
لذيذ و دمه خفيف

بس هو مين "مسعد " ده بجد ؟؟
عشان أنا اتغظت منه

:)

appy said...

هو ايه ده اللى انت بتقوله انا مش فاهم بقى ولا ده تاثير الاجازة يا نهار ابيض ما تركز يا عمنا
ماشى الله
هو منين رايح فين

break said...

و هكذا اختفى زيكا

Zika said...

break
محسساني انك هتبعتيلي جواب ولا حاجه وانا في العراق
:D
المهم
اهم حاجه انك عشان تاخدي بالك من الموضوع انك تكوني اتفرجتي علي فيلم الناصر صلاح الدين
:D:D
ادعيلهم ربنا يهديهم بقي ويهديني انا كمان
:D
علي فكره انا مختفي عشان بس الجهاز بايظ عندي والنت بقالوا فتره طويله من يوم الجمعه اللي فاتت مقطوع وحاسس ان انا مقطوع علي العالم

Zika said...

eman eltaher
فعلا الاغنية حلوه
الحمد لله انها عجبتك
ومسعد ده اساسا مستفز
اللي هو اصلا كونراد في فيلم الناصر صلاح الدين
:D :D :D

Zika said...

appy
فين بس الاجازه دي يا آبي ياريت
ده انا جهازي بايظ وعندي بعيد عنك وعن السامعين بادسيكتور
"ربنا يجعل كلامنا خفيف عليهم"

break said...

زيكا انا محتاجة مساعدتك
عايزة ارفع اغنية على البلوج
هيا بتشتغل على REAL PLAYER


وشكرا مقدما

mado80 said...

زيكا

عامل إيه يا مان والله ليك وحشه

إيه يا فنان الفيلم العربي ده

بس أسلوبك تحفه بجد

تحياتي يا زيكا ليك

المنسى said...

هههههههههه
حلقة لذيذة هستنى باقى الحلقات
مش تتأخر
هستناك
http://elmancy2000.blogspot.com/

sa'7so'7te said...

ايه يابنى انا اتروشت
كل ما الدنيا تقلب ابيض و اسود ترجع انت تدلق علينا جردل الوان
مش كده التعامل
و بعدين ماتسيبهم يولعوا فيها خطافه الرجاله دى
هو عاد فى رجاله فى مصر لما سيادتها سايبه رجاله الصليبين كلهم و جايه عليه

Zika said...

break
sorry 3ala el ta25er fil rad ya break gehazy bayez zai manty 3arfa we fen we fen lama ba3od 3and 7ad min so7aby
elmohem
ana hab3atlek 3ala email el seta bto3 saidala ezzay te3mily el song
we isa tetla3 sa7 bas lama asala7 el gehaz 3ashan el file 3ala gehazy yalla have a nice emta7anat :D

Zika said...

mado
hey ezayak ya maged 3amel eh ..yarab tkon tamam
shokran 3aal el (etra2 ) dah ya basha
dah bas men zo2ak
:)

Zika said...

mansy
menawar ya basha
law rabak karam b goz2 tany aw3edak hab2a adek 5abar :D
nawart el blog
:) ta7yaty

Zika said...

sa'7so'7te
we law eny mesh fahem eh 7ekayet gardal el alwan de bas yalla mesh moshkila heya aked 7aga koisa :D
7aram yewala3o feha heya m3amletsh 7aga rabena yostor 3ala el nas ba2a :D
bas law 3aiza twala3y feha
wala3y wala yehemak :D