Wednesday, April 16, 2008

الحق والخير والجمال 1

الجزء الاول : الخير
طول عمري كنت بفكر في مدي سذاجة التلت معاني دول بالذات .. افتكر مره سمعتهم في اغنية لعبد اللحيم حافظ بيتمني من ربنا ان التلت صفات دول يقدر يحبهم " علمني حب الخير حب الجمال والحق " طول عمري كنت فاكر ان دول هم المعني الحقيقي لكلمة سذاجه عشان بقم صعب تلاقيهم في الدنيا
وفجاه وفيوم واحد
لقتني فهمتهم هم التلاته
الصبح وانا داخل الجامعه ( وده في حد ذاته شئ غريب ان انا اروح الجامعه ) وعلي الباب ولسه بطلع الكارنيه لقيت واحد ماسك واحد في ايده وبيقولي دخله معاك بعد اذنك بصيت علي الولد التاني لقيته " كفيف " دخلته معايا وصلته لحد المكان اللي هو عايزه , في السكه القصيره اوي اللي مشيت معاه فيها حسيت براحه او بحاجه كويسه معرفش ايه هي حسيت انه مش مخنوق من حياته يمكن عشان حياته حجمتله احلامه وحددتهاله ومنعته من انه يحلم اكبر منها , ويمكن عشان هو راضي بحاله وسواء كده او كده اهو علي الاقل .. مرتاح
وصلته لحد المكان اللي هو طلبه وعرضت عليه اني اكمل معاه الطريق لحد اخره . ضحك ضحكه طيبه وقاللي انه هيقدر يكمل طريقه من هنا ... هو عارف سكته , وهيقدر يكمل لوحده زي ماهو متعود مديت ايدي عشان اسلم عليه مسك ايدي بقوه وداس عليها وقالي كمل طريقك متخليش حاجه تعطلك
لكن طول اليوم علي قد مانا كنت بفكر في كلامه كنت حاسس اني مبسوط رغم المشاكل ورغم الارف اللي الواحد بيشوفه كل يوم ومتعود عليه , حسيت اني بقالي كتير اوي صدري ماكنش مفتوح للهوا زي اليوم ده . في اليوم ده حسيت اني عايز اعمل كل حاجه حلوه
اتصلت بصحابي اللي كنت افش عليهم . روحت مبسوط حسيت بالصلاه وكاني اول مره اصلي في حياتي قريت قران وكاني لاول مره بقرا قران
حسيت ان الجو جميل . فعلا ماكنش فيه اجمل من اليوم ده
اليوم اللي اتعلمت فيه معني الخير

12 comments:

Desert cat said...

ربنا ينور طريقك وطريقه
وجزاك الله كل خير
عارف انت حسيت الاحساس الجميل ده ليه واتصلت بكل صحبك وحسيت بكل معنى جميل فى حياتك لانك انسان طيب وقلبه فيه نبض بالخير
غيرك بيمر عليه الاف المواقف ولا بيهتز فيه شعره وده ميجوزش عليه غير الرحمة
تحياتى

Zika said...

desert cat
شكرا علي تعليقك وكلامك وزوقك
تحياتي

mostafa rayan said...

بعض الأحيان نكونب حاجة لمثل هذه المواقف لنشعر بيقيمة مانملك من نعم انعم الله علينا بها
تحياتي لك

Zika said...

mostafaryan
فعلا ساعات كتير بنحتاج لموقف يصحينا
نورت المدونه
تحياتي

شقاوة شعب said...

حلو قوى قوى احساس عمل الخير
واحلى واحلى حب الخير والصبر عليه

مشتركة فى جمعية صناع الحياة ..فكنت بشوف بجد ناس فى الجمعية فعلا ربنا زرع فى قلبهم حب الخير
وبالتالى بصبروا قوى على كل مشاقه ومش بيزهقوا
واكيد ده بيتردلهم اضعاف مضاعفة اجرمن الله عزوجل

جميل وصفك لاحساسك بعد عملك الخير

تحياتى
شيماء

Zika said...

شقاوة شعب
علي فكره انا لما كنت شغال صحفي كنت عامل تقرير عن صناع الحياه بجد ربنا يبارك فيهم بجد شباب بيحب الخير جدا ومتعاون جدا وطيب جدا
ربنا يجايزهم خير ان شاء الله
نورتي المدونه

GOLDEN B0Y said...

اول تعليق ليا على هذه المدونه
مدونه رائعه
بالنسبه للبوست
كلمات جميله يا زيكا
ياريت نكون على تواصل
ROONEY

Zika said...

روني المصري
شكرا يا روني
نورت المدونه
ويارب متكونش دي اخر زياره
ونكون دايما علي تواصل
تحياتي

break said...

بحق بحق بحق البوست جميل اوى


بس اللى استشفيته انا من البوست انك حساس و حاجات صغيرة-مش بقلل منها طبعا- بتأثر فيك

مستنية باقى الاجزاء

Zika said...

break
شكرا يا بريك
الله يكرمك .. حلوه حساس دي ... هي اكيد صفه مش فيا بس والله مش عارف اقولك ايه بس علي زوقك ده :D
الاجزاء جايه قريب ان شاء الله

break said...

زيكاااااااااااااااااااااا

جرررررررررررررررررررررررررررررررررر

طيب انا عملت عبيطة على البوست اللى عندنا وجيت رديت عندك
انا قريته اول امبارح ومسكت نفسى ومردتش
جيت امبارح بئا قلت لا مبدهاش
انت تروح تفضحنى هناك و تقول انى انا اللى حرقتلك الفكرة
اروح منهم فين انا دلوقتى :(
معندكش اخوات مفترسين زيهم

Zika said...

break
breaaaaaaaaaaaaaaaaaaaak :)
ana 3andy a5 mpoftares zayohom bas ba3raf ata3ayash ma3ah :d
we ba3den manty elli 5alety el 7war yetkeshef a3mel eh ana ba2a :)
3moman mabrook 3al natiga :D