اول موضوع من المواضيع اللي قلت هعملها وكان نفسي اعملها
اني كنت اروح الرجنال اللي اتطردت منه بعد شهر واحد بس والسبب اني كنت بكتب مواضيع ضد سياسة الجرنال وده معجبش رئيس التحرير لان مواضيع الجرنال كانت عبارة عن مواضيع تعبير سخيفه ولا انه امتحان عربي للاعداديه .وكانت كل المواضيع عن حنان السيده الام سوزان مبارك وانجازاتها في مجال المراه والطفل والاسره ..وعن انجازات الاب الحنون الرئيس محمد حسني مبارك راعي مصر والمصريين وقيسوا بقا انتوا الباقي علي كده .
طبعا واحد غيري كان سلط عيال علي رئيس التحرير يمشوا وراه ويقولوله العبيط اهو .. العبيط اهو
لكن انا طلعت كويس وابن ناس ومحترم واكتفيت باني كلت علي قفايا وقبت الاقاله . وقبلت الاهانه وعرفت صورة الصحافه في مصر عامله ازاي ... 90% من جرايد بلدنا عايزه عود كبريت ويتحرقوا كلهم في ميدان عام برؤساء تحريرهم بصحفيينهم بسلطاتهم ببابا غنوجهم , يعني الجرايد اللي علي مقاس
الاخبار والجمهوريه والاهرام والوفد وروز اليوسف حتي بعض جرايد المعارضه .صوت الامه و الفجر وميمنعش ان حتي الدستور والمصري اليوم بيخرفوا ساعات بس اهم عالاقل ..عندهم حاجه اسمها " شرف "مش موجوده في اماكن تانيه كتير
كل اللي كنت عايز اعمله اني اروح ابص في عين رئيس التحرير واقوله انه فاشل
رغم اني عمري ما كنت بجح او قليل الادب لكن بارضه
قليل من القباحه يفي بالغرض
...صحيت بدري ....
روحت الجرنال
خبط عالباب ..نفس الورقه المعفنه اللي كانت موجوده من ساعة ما اشتغلت هناك
" اخيرا هقابل الراجل المنافق اللي ميعرفش يعني ايه صحافه "
" هقوله ان انت مش صحفي وانك معندكش شرف"
" هقوله ان انا فعلا عيل صغير زي مانت بتقول ..بس علي الاقل مش منافق ولا جاهل زي امثالك"
هقوله...
فتحتلي الست اللي في الشقه اللي قصاد الجرنال وقالتلي " عايز مين يا استاذ.
انا عايز الجرنال حضرتك
هو حضرتك متعرفش
خير
اصل الجرنال اتنقل لمكان تاني
طيب متعرفيش حضرتك فين ؟
لا يابني للاسف معنديش فكره
شكرا يا فندم اسف عالازعاج
لا مفيش حاجه
.....
كل اللي قدرت اعمله اني ارجع بيتنا وانا قفايا يقمر عيش...
لحد مالعيش اتحرق
7 comments:
زيكا
ازيك
ايه يا مان ده كله ده انت شايل أوي من رئيس التحرير ده
بس كويس أنك عملت اللي عليك وروحت لاقيته بقي ما لاقيتوش مش مهم
بس بذمتك في أحلي من حنان الماما سوزان و بابا مبارك ده يا بني كلهم حنيه
ده بابا مبارك مغرق الشعب في الحنيه ايه يابني أنت معندكش نظر ولا ايه
:)
يلا ياعم بتمنالك أنك تلاقي رئيس التحرير ده وتفرغ فيه كل اللي أنت شايلهوله
تحياتي ليك يا مان
هههههههههههههه
ربنا بيحبك
كان زمانا دلوقتى بنترحم عليك
عمل حادثة وهو ماشى مع انه كان كويس
مستنيين باقى المواضيع اللى ناوى تعملها
:)
مش انت جيت حمد لله على السلامه
انما هو جورنال ايه الله يكرمك اصلى اصلا مبقتش اصندق حتى الاختراع الهلامى اللى اسمه تلفنون ده
وبعدين متتكلمش عن حنيه طنط سوزى ولا اونكل مبارك لو سمحت انتم شعب فظيع غوغاء مش عارفه عاوزين ايه من الناس ما سيبين الهوا ببلاش اهو اووووووووف عليك يالا باى
mado
والله يا مان شايل فقلبي اكتر من كده كمان
:D
break
بيني وبينك يا بريك الحمد لله انها جت علي قد كده .اصلك ما شوفتيش الراجل رئيس التحرير ده ...هوالمفروض ان انا طويل ...زي ما الناس بتقول يعني ..الراجل ده بقي راسي عند كوعه .. ودراعه يفرد اربع دراعات من بتوعي
بس كلام في سرك يعني
:p
:D
appy
جرنال اسمه اخبار الجمهوريه , وهو المفروض انه جرنال مستقل..بس سبحان الله لحد دلوقت ماشفتلوش عدد نازل في الشوارع زي بقية جرايد مصر
تقريبا التوزيع بينحصر في المكتب ذات نفسه بس
..
اما بالنسبه لموضوع مبارك وسوزان ..فانا بتفق معاكي فان احنا شعب غوغاء .لأان احنا لو ششعب محترم ماكنش ده بقي رئيس جمهورية مصر العربيه
:D
مدونتك هايله يا زيا
ورديت على تعليقك الجميل
روح اقراه بقي
وعندى اقتراح ليك
ايه رأيك نعمل تبادل تدويني
وتسمح لى احط لينك مدونتك عندى؟
توافق يا جميل
الاول فكر كويس
اصلي صحفى فى المصري اليوم
: )
Post a Comment