شي الله يا معلّم ماركس
شي الله يا سيد لينيين
القرش على الله بطبعه
والصحة نجيبها منين ؟
والعالم كله بيرقص
شي الله يا سيد يا ماركس
العملة الصعبة رصاصة
قاتل دايما بيصيب
الكوكب غير مهتم
أمريكا غرضها مريب
أمريكا غرضها مريب
والرأسمالية الفجة
هي السبب يا حاجة
في أزمة الأنابيب
واهو لما الموتى يزيدوا
العالم بارضه هاينقص
شي الله يا سيد لينين
شي الله يا سيد يا ماركس
صنف البني آدم شاحح
والناس بتبيع في السوق
والسوق نفسه بيتباع
وحقوق بتضيع وحقوق
والسر الغالي مشاع
ممكن يتذاع بجنيه
ببساطة المنطق عيرة
واهو كله وله تسعيرة
واهو كله وله تسعيرة
بيقولوا مجاعات وبلاوي
وشاكيرا
سايبه بيكيه
هاتركّز ليه وعلى ايه ؟
والعالم كله بيغلَى
بس انت قيمتك بترخص
شي الله يا سيد لينين
شي الله يا سيد يا ماركس
No comments:
Post a Comment