Sunday, August 22, 2010

عنصري 1

قررت أن أبدأ في كتابة هذا المقال أثناء صيامي حتى لا تنفلت أعصابي أكثر واستخدم عبارات وجمل قد أحاسب عليها أمام الله ثم القانون ... ثم أني قد قررت التراجع منذ أكتر من موضوع عن حريتي في استخدام أقبح الألفاظ والمعاني حتى أثبت شيئا ما لإنسان ما يعتقد أني لا أستطيع أن أفعل العكس .
منذ زمن ليس بعيد عندما علمني أبي الصلاة .. أبي ... ليس مثالا للحرية المطلقه وليس مثالا للسفليه العقيمه هو يحرص على الصلاة في المسجد وقناته المفضله هي إم بي سي تو ..يلعن الفتيات اللاتي يرقصن بعري في قنوات الفيديو كليب بينما ليس لديه أدنى اعتراض عن دراستي للاخراج وعملي بالسينما طالما قوله دائما ..أنه لا يجب أن انساق وراء شئ حرام وأن كل شئ حلاله حلال وحرامه حرام
إذن ..هو أقرب للوسطيه
ولكن لماذا أحدثك عن أبي أنا الذي قليلا ما أـحدث معه هو شخصيا .. منذ فترة طويله قبل دخولي الجامعة قررت أن أشتري شريط كاسيت ديني من محل للشرائط الدينية ... حقيقة بدأت أخاف من الظلام بعد هذا الشريط ..صوت الرجل كان مرعبا ..وأصوات البكاء كانت تتعالى بشكل مخيف مع كل ارتفاع لدرجة صوت الشيخ الذي يتحدث عن التليفزيون ومهازله والتصوير الحرام و و و
لذا .. انتفض ابي وأخبرني أن هذا ليس شريطيا دينيا ..أنه شريط للكبار فقط , لا يجب أن أستمع إلى كل هذا الهراء وأنا في سن المراهقه سوف يؤثر هذا بالسلب .. ثم أخبرني بحزم أن إن أردت أن أتعلم شيئا عن الدين فأسأله هو وإن لم يعرف هو الإجابه وقتها يحلّها الله من عنده
في الفتره الاخيره بدأت أتابع الشيخ أبو اسحق الحويني ... ذكّرني ذلك بشريط الكاسيت المذكور أعلاه .. بل يوجد عندي شك أنّه نفس الرجل ... ما هذا يا رجل ... ما الذي تود أن تقوله .. ما الذي تقدمه للاسلام ..بل ماذا تريد أن تقول للاسلام
ثم ما هذه اللغة التي تتحدث بها .. ألم تدخل المدرسة قط ... - دخلت - ألم يعلموك أداب الحديث , ألم تقرأ القرآن ألا تعلم شيئا عن المثل الذي يقول " الملافظ سعد " تبا يا رجل
ما هذا الهراء الذي تقدمه ..- نسوان - يا سيدي أنا لم أذكر تلك الكلمة القبيحه على مدونتي شخصيا وأنا لست برجل دين ..علّ جميع من يقرأ هذا الكلام يعرف عما أتحدث الآن
أنت رجل دين - أو يفترض أنك هكذا - إذن يجب عليك أن تنتقي ألفاظك
خروج "النسوان " حرام
التليفزيون حرام ..ثم أنت تظهر في التليفزيون ..فإنه حلال
كل هذا التعصب الذي تنشره , كل هذه الكراهية التي ملأت قلبك .. تبا لها ..يا رجل اجلس في بيتك ولا تعلمنا الاسلام
أتعلم ... أنا لو لم أكن مسلما ولو لم أكن أعرف إن الدين الاسلامي هو كل ما لا تقوله وتفعله ... لكنت رفضت تماما أن أدخل دينك المتخلّف
دين أبو اسحق الحويني .الذي لا حياة فيه
دين أبو اسحق الحويني الذي لا يحتاج النساء في شئ بينما احتاجهم الرسول في البيعه
دين أبو إسحق الحويني الذي يرفع صوته ولم يعلم أن أنكر الأصوات صوت الحمير
دين أبو إسحق الحويني ..ممل كئيب جامد ..لم أعهده إسلاما
بل هو دينك أنت بلا شك
أنت تضعنا أنت وأمثالك في مهمه نحن في غنى عنها وهي تحسين صورة الاسلام بعد ما تبثه من سموم الوهابية والسلفية الشريرة التي تضعها في قلوب المسلمين قبل غيرهم
العجيب أن نسبة من يؤمنون بكلامك قليلة .. ونسبة من تأخذ الحسنات على سبهم لك كثيرة جدا ..أخشى أن يكون الله يحاسب عباده بهذا الشكل فتدخل أنت بحسناتنا التي نفقدها عندما نشاهدك
إذن لماذا تستمر ..من ورائك من يعطيك مالا لكي تظهر علينا وتلطخ ثوبنا الأبيض بسوادك اللعين
نعم أنا أكره كل من هم على شاكلتك
أكره هذا الرجل الذي سمحت له تلك الدنيا بالظهور على شاشة التليفزيون ليدخل في كل بيت في الوطن العربي ليخبرنا أنه يجب علينا ألا نصرف في الاغتسال بالماء بعد التبرّز
نعم أنا لا أبالغ ولا أتجنّى على أحد لقد طلع علينا شيخا في شاشة التليفزيون يقول أن الماء إذا دخل من فتحة الشرج أثناء النظافه بعد التبرّز من مفطرات الصيام
أكرر هذه ليست نكته
أكرر نحن وصلنا لدرجة أننا تركنا الاسلام الذي قام على الحب والتسامح والنظافه لهؤلاء ..أصبح عمرو خالد شريرا عميلا خائنا لأنه يبتسم في وجه المشاهدين .. ثم أنه ليس عالما فلماذا يتكلم في الدين .. نعم حقا ..كيف يضحك بالله ألم يعلم أن ابو اسحق الحويني وأمثاله قد حرموا الضحك
أفلا يعقلون ؟
أنا أكره هؤلاء البشر وصراحة لا أطيق التعامل معهم ..وأنهم يجعلوني أتجنب كل من كانت له لحية خوفا من أن يكون على شاكلة هذا الحويني أو شيخ فتحة الشرج هذا
وأمثالهم ومموليهم من دولة السعودية الشقيقة التي لا يصلنا منها سوى كل شر ..وكل رجعية وكل نفاق مثلها مثل معظم الدول العربية التي تعفّنت فيها معاني العروبه
أنا أكره قناة الناس وقناة الرحمة وكل القنوات التي تبث سموما مثل تلك القنوات وأي قناة أخري غيرهم لها برنامجا في اليوم تأتي بشئ من شيوخ الوهابه المعقدين المتفلسفين الموهومين الأشرار وتبث سموما لها نحن في غنى عنها
شيوخ الاسلام ارحمونا .. لدينا ما يكفي من التخلف والعته والجنون والمبالغة في حياتنا لنتعامل معها .فلا تفتحوا علينا باب الهراء أكثر
فلقد اكتفينا بما لدينا من هراء
دعونا لاسلامنا نعيشه ولربنا يحاسبنا هو فقط ... على ما فعلنا ..أعزائي شيوخ الاسلام المعقّدين
تبا لكم

11 comments:

Hany Saber said...

إيه كم الشحنة اللي جواك دي يا زيكا

هوّن عليك يا فتى

فاتيما said...

انتا لسان حال غالبية
المصريين تقريبا يا زيكا


مصر طول عمرها
اسلامها معتدل
وسطى بين تطرفين
و تحوى كل الثقافات
و كل الاديان
و كل الطباع و الأشكال
و دا كان يميزنا لحد وقت قريب
قبل ما المصريين يرجعوا من الخليج بأفكار مرعبة عن الحلال
و الحرام و اللبس و التصرفات
و يسمعوا كلام شيوخ بيحرموا العيش و العيشة
و اللى عايشنها
بينما لو جيت سألت حد فيهم عن رأيها ف السياسة و احوال المسلمين
و الظلم اللى مستفحل
متسمعش حس و لا صوت
مع ان دا من صميم
مهمتهم ف الحياة

لو كنت عنصرى

فانا معاك ف العنصرية الاولى دى

هتدونا الكارنيه
بعد كام بوست؟!!

Mahmood البطراوى said...

المشكله يا ابو الزيك ان الشيخ ابو اسحاق (والشيخ على السالوس فى المواضيع الاقتصاديه) هم دول الشيخين الوحيدين الى بحبهم كأشخاص وبحب اسمعهم ككلام

وبحس فى الاتنين انهم وسطين ومش بيزعقوا على عكس كتيييييير :))

amr el berbawy said...

حبيب قلبي زيكا طب والله عايزأبوسك
بس عشان صيام و إنت عارف
أم هند
أولا من المخطئ إننا نظن أن الوسطيه هي ما بين الرأي المتشدد و الرأي المتساهل
لإن الأراء بتختلف بإختلاف المواقف ولكن الإسلام يبقي علي نفس الخط

أنا أتفق معاك لأبعد الحدود من بشاعة الخطاب الديني
و طالما قلت إن سبب مصيبة الأمه دي
علماء دينها

انا صراحه وصلت لمرحله مبسمعش فيها غير
محمد سليم العوا
إسمعه يا زيكا
هذا رجل بوب
لإن منطقه الوحيد هو العقل راجل يخاطب عقلك لأبعد الحدود

المهم كنت هقولك حاجه و ناسيها
ممممممممم
أه إفتكرت
علي الرغم من عدم إتفاقي مع تصرفات عمرو خالد إلا إني بحترمه جدا لإنه قدر يجذب يصلح ناس كتيييير

بس بقي مش عارف هل الخطاب اللي إنت بتتكلم عنه اللي يركز علي الجانب النفسي للمتلقي أو بالأصح الجانب التخويفي
هل ده في ناس بتتأثر بيه بالإيجاب
مش عارف
بس زي ما إنت قلت عمرو خالد
انا عمرو خالد مش بيأثر فيا خالص بس بيأثر ف غيري و ده المطلوب وجود أبواب مختلفه
المهم نلاقي حد جذبه الخطاب المرعب

Polka Dotted said...

خروج "النسوان " حرام

seriously??

I seriously hate some of the religious channels !!! they make me SCARED as u said

eh da begad !!!!

fi ba3d el do3ah bey7abebook fil deen.. w bey7'alo manzarna kwaies odam el 3'er moslemeen... laken el ashkal di :-S mesh keda !


شيخ فتحة الشرج


ana kont 7atrefed b sabab di :D bas fe3lan da7akteni :D

babosha said...

انا معاك فعلا بقت حاجة مستفزة قوى انك تلاقى شيوخ مش بيرغبوا الناس فى الدين دول بيرهبوهم وحكاية الفتاوى دى بقى مضيعاناه وبقت الفتاوى على كل حاجة وفى كل حاجة بقت للى ليه فيها واللى ملهوش احنا دينا دين وسط بلاش نسمعهم احسن ونعمل اللى رسولنا ودينا قالنا عليه ورمضان كريم

Zika said...

هاني
تعالى خدلك شوية شحن يا هاني
:D

فاتيما
أيون ..احنا طول عمرنا وسطيين وسنه يعني وسطيه ايه اللي يخلينا نجري ورا العالم دي بقا مش فاهم ؟

مافيش كارنيه يا باشا انتي تيجي في أي وقت :D

Zika said...

البطراوي
بصراحه يا بطوط انا مش باشوف اي وسطيه او منهجيه في كلام الناس دي اطلاقا .. طب اديني مثال لحاجه عدله قالوها يمكن تكسب فيها ثواب :D:D

البرباوي

ايه يا جدعان الاسامي دي :D

ده على اساس اني هاوافق تبوسني بعد الفطار ... ده كلام يعني ؟
الخطاب اللي انا باتكلم عليه اللي يستخدم الاسلوبين
زي القران
ربنا دايما يقول
الاتنين اللي دخلهم الجنه واللي دخلهم النار
وبيوازن بين الاتنين إلا في حالة الرحمه فكفة الرحمه طبعا بتوزن عند ربنا
اللي اقصده اني يهمني شكل الخطاب الديني انه مايبقاش خطاب ديني متزمت زي الغرب اللي بيدي خطاب ديني كنٍذي مرعب حتى المسيحيين مابيقبلوهوش
وهكذا

Zika said...

batabet
هو بيقول كل الكلام اللي انا قلته ده فعلا
وفعلا شكل الخطاب الديني في مصر بقا كوبي من السلفيه والوهابيه اللي بعيده جدا عن السنه اللي هي رمز الوسطيه في الاسلام
اللي هي طول عمرها معتنقها الشعب المصري
المد الشيعي والوهابي والسلفي والحاجات دي خربت البلد


بالنسبه للشيخ :D

عشان كده مش بانصح حد يدخل مدونتي وهو في الشغل عشان حاجات الكبار فقط دي :D
:)

babosha
حتى البرامج اللي في القنوات الاسريه عادي زي الحياه والمحور وكده الحلقات الدينيه بتبقا كوميديه بصراحه
ناس بتسأل أسئله غريبة
والردود بابقا أغرب
منوره

Che said...

اولا يا زيكا هقولك على نقطه صغيرة أوى ... انت مش محتاج تثبت اى حاجه لأى حد و اللى مش عاجبه يولع يا عم حتى الشخص ده - معرفش ليه حاسس انى عارف الشخص ده - ما علينا
ثانيا انا ابويا الله يرحمه زى ابوك بالظبط ربنا يطولك فى عمره ... و اظن - وليس كل الظن اثم - انى كبير بما يكفى و عاقل و قارئ جيد اكبر من ان حد يقولى الصح من الغلط ، خصوصا من المشايخ دول اللى بسبلهم الدين و المله كل ما اشوفهم مع ان اغلبهم اوسخ من الوساخه نفسها
يا عم زيكا الناس دى بتاكل عيش على قفا الناس .. انا اعرف ان العالم اللى بيتاجر بدينه بيدخل النار ، و دول مش بس بيتاجروا بدينهم .. دول كمان بيفتحوا قنوات زياده عشان الحلوين المقطقطين اللى زيهم يعيشوا على قفا الناس اللى بتتصل عشان تعرف علاج السرطان ايه و اللى فى الغالب بيقولك خدلك معلقه عسل نحل عليها شويه حبه البركه على الريق
يا عم انا هسكت عشان انا صايم و لو اتكلمت اكتر من كده هفقد صيامى عليهم

laila elshowaishan said...

جميلة مدونتك يامحمود

عجبتنى بجد هيه ومدونة شخبطة

وياريت أشوفك فالمدونات بتاعتى