Tuesday, May 18, 2010

أمك اسمها ايه يا دكتور

الدكتور لطالب قاصص شعره راستا
قوم يابني اخرج بره انا مابدرسش لرقاصات عندي هنا

الطالب يقوم من مكانه ثم ينادي على زميل ليناوله شنطته

الدكتور
اخلص يا روح امك انت هاتعملك فيلم

الطالب في غضب هادئ
يا دكتور حضرتك انا امي ست محترمه بلاش سيرة الاب والام ... انا خارج

الدكتور في انفعال غير مبرر
الله وانا كل واحد امه تتشرمط بره وتسرحلي عيالها ييجوا يتشرمطوا هنا ويعلمونا الادب

الطالب ببكاء مكتوم وانفعال
تصدق ان انت مش محترم

الدكتور
وانت بقا اللي هاتعلمني الاحترام يا حيلة امك - مشيها حيلة أمك - هاه انت اللي هاتعلمني الاحترام ؟

الطالب في انفجار يتجه نحو الدكتور
قائلا
ماهو طالما مش محترم يبقا لازم تتربى
ثم صفعه على وجهه صفعة قوية جدا

الدكتور يتجه نحو الطالب في انفعال لحظة دخول الامن الى المدرج يلتفوا حول الطالب كل منهم معنفا اياه في مجاملة للدكتور ثم يأخذونه بعيدا

الدكتور في مواجهة الطلبه
وانتوا يا محترمين .... المنهج اللي انا شرحته كله لاغي وهاشرح منهج جديد وهاييجي كله في الامتحان واللي مش عاجبه يخبط راسه في الحيط

ثم يرمي الدكتور المايك في غضب تاركا المحاضرة

تمت

7 comments:

magi said...

دى قصه حقيقه؟
فى ناس كده فعلا
:(

Zika said...

ماجي

لأ دي مش قصه حقيقيه دي من وحي خيالي

dr.lecter said...

يعني ياجدع جايب لفظه تتشرمط ومش عاوز تحط كلمه ...امك

عامه انا باتفقع من الدكاتره دي الحمد لله ربنا تاب علينا من الايام دي

AHMED SAMIR said...

القصة دي خيالية
طمني و قل لي انها خيالية
اصلها لو حصلت بجد تبقى مصيبة
مصيبة
و اللهي مصيبة

مواطن مصرى نايم said...

على فكرة الموقفده حصل شبهه قدام عينى
بس مع بنت

ستيتة حسب الله الحمش said...

اولا ايه راستا ده؟
انجليزي ده يا مرسي

خطوات عملية
1- تقديم شكوى لعميد الكلية في المأفون ده والإستشهاد بالدفعة
2- عمل محضر في أمن الجامعة واخد رقمه واللي تعمل المحضر الوالدة اللي اتشتمت علشان تعرف توريه مين ابن ال........ الحقيقي
3- التهديد بتصعيد المحضر للنيابة
4- يطلب زمايله يشهدوا في المحضر واللي يمتنع خوفا من الرسوب ها يشهد صدقني بعد الرسوب مباشرة لأن الدكتور ده نوايها

ايه اللي ها يحصل
1- ربك بيسلط ابدان على ابدان وكل واحد فاكر نفسه ........ فيه اللي ............ من اللي جابوه وها يقف له يا رئيس قسم يا عميد كلية لأن ها يكون له بدل العدو عشرة ومستنين له على تكة
2- المحضر قبل ما يتصعد ها يلحقوا الواد وامه ويعملوا معاهم المستحيل لسحب المحضر لأنها سب وقذف وفيها ما فيها وان شاء الله الواد ابو راستا يذاكر بس كويس علشان ميديش فرصة ساعة النتيجة ان حد يقول ادي ورقته فاضية اهي
3- لو الواد فاشل اساسا يبقى فل خالص ممكن يقدم اعتذار عن الإمتحان باي شهادة مرضية مضروبة وكده كده مش فارقة معاه بدل ما يرسب
4- لو الواد من الأوائل يبقى فل خالص يقدم اعتذار عن الإمتحان علشان لا يفقد تقدير المادة
5- لو الواد خاف وامه خافت وابوه خاف والزملاء اللي سمعوا السب والقذف خافوا
يبقى الدكتور .......... وكل دول لا يقلوا عنه ................
6- ايه يحصل لو استشرنا محامي
وممكن نستشير ببلاش محاميي المدونين
نط في الكوز ومسدس صغير وقلم رصاص
علشان يا زيكا
عيب
عيب قوي
عيب قوي خالص
مجرد نعرف بس القصة
لأن لا يموت حق وراءه مطالب
ولو الأم والأب اللي ربونا اتشتموا
لازم نربي اللي ميعرفش قدرهم
ولكن كله بالقانون
كله في نطاق الأسرة

هذا الشخص اللي انت بتقول عليه استاذ جامعة
1- هو شخص شاطر والا مكنش بقى استاذ
2- بيئة وحقير وتربية تحت الكوبري ليس إلا
ماهو مش كل شاطر بالضرورة لقى حد يربيه
3- يمثل حالة شعب مصاب في اخلاقه
واعصابه
وبابا غنوجه

حرقت دمي وانا كنت صاحية ناوية اذاكر علشان احسن مجموعي وانتقل من دكتورة جامعة لصاحبة محل كشري عندها تمساحة

Che said...

هههههههههه .... ده اكيد دكتور فى هندسه يا زيكا ، اصلهم دكاتره هندسه اللى ولاد مره كده