Wednesday, March 17, 2010

حوار مع مسطول




هذا الحوار قد أجريته مع مناضل عوني بعد ما كان منتشيا لحصوله على أول مرتب في حياته يتعدى ال 1000 جنيه ومايكونش تيبس من حتة خليجي ( وهذا على حد تعبيره ) تعبيره عشان مش طالبه غباوه


ما رأي سيادتكم في التطبيع مع اسرائيل رغم ان الاسرائيلين ( بيعملوا الغلط ) مع الفلسطينيين واتعدوا حدودهم ؟

بص .. أنا لما أفك الفلوس دي اروح احطها في البنت يحسن تتسرق أه واسيبها للذكرى وابقا استلف فلوس م البت أختي أو استقطع العيال اخواتي الصغيرين في مصروفهم


احم .. بقول لحضرتك ما رأيك في التطبيع مع اسرائيل ؟

عارف ياد يا زيكا .. أول مره أحس ان انا راجل


حضرتك مش راجل على فكره يا فندم والتقارير اللي قدامي بتقول كده

احترم نفس أهلك ده انت حيالله صحفي وانا راجل قابض باكو .. بقولك باكو يا عم يعني هانشتري درينكيز كله النهرده


بس حضرتك على طول بتشرب سفلقه علينا وده غلط ع الزلط ثم ان حضرتك انا مش صحفي اشاسا .. ده حوار ايه المهبب ده

يا عم ماتزقش ان اللي كنت عاوز اسنجفك


كفي نفسك يا فندم

لو كفيت نفسي اللي زيك مش هايعيش


حضرتك كفي نفسك وانا واللي زيي لينا ربنا .. ماتحملش هم وكفي نفسك انت بس

طيب


طيب أرجع وأقول لسيادتك ايه وظيفة سيادتك ع الفيس بوك غير انك تتريق ع اللي جابوني وتخش تضيف البنات من عندي ومن عند اختك وانت ماتعرفهمش اللهم الا من رحم ربي

انا مابضيفش حد من عندك غير المشتركين بينك وبين أختي .. وبعدين يا أخي ما اللي مش عاجبه ما يعملي اجنور ولا انا يعني قافش ع الماوس


طيب ايه رأي حضرتك في الناس اللي داخله تقولك ان دي مش صورة سعادتك اللي حاططها ع الفيس

أحب أقولهم *&^@#&$%@&# يا ولاد ال *&*&*%^* هو ايه المميز في الصوره فشخ كده لدرجة انهم مش مصدقين يعني جون ترافولتا . دي حاجه تفقع ال ... مراره يا أخي


طب ايه رأي سعادتك في البنات اللي مش بتحط صورها ع النت أو بيحطوا صور مش بتاعتهم لفنانات وكده وايه راي حضرتك أصلا في الاختراع ده

شوف


ايوه اديني في العالي بقا .. ها ؟

حاجه من اتنين

يا اما وحشين وخايفين يحطوا صورهم

يا اما حلوين أوي لدرجة انهم صورهم بتتسرق فبيتقوا شر من صبحت عليه بعششينايه أما بالنسبه للاختراع فهواختراع جيد جدا ولكن كعادة المصريون يسيئون استخدامه لدرجة تفقع المراره اللي باقيه

هه ( راجع سطرين تلاته فاتوا ) هتلاقي في واحده اولريدي اتفقعت*


هنا خرجت الصديقه جزره الشهيره بمي جمال عن صمتها وقالت

بالفعل - أي والله قالت بالفعل - المصريون يسيئون استخدام أيوها شئ خلقه ربنا .. راجع الليزر والتليفزيونات والنت والعربيات والموبايلات جت ع الفيس بوك وبعدين أنا أحب أضيف حاجه ممكن ؟


اتفضلي سيادتك . ولو انك أصلا دخلتي زي الخازوق في نص الكلام

بص حضرتك انا باختلف مع الاخ مناضل في حتى ان البنات وحشين عشان كده شايلين صورهم لسبب وهو اني زي القمر ومش حاطه صورتي .. هذا وبالاضافه الى ان سيادته زي القمر وحاطط صورته وبيشوف بلاوي وارجو من سيادته تحري الدقه - ويتحريها كويس كده - عشان ماتغاباش عليه


سيد مناضل يعني .. الأخت جزره هزأتك ومسحة بكرامة أهلك الأرض وقالت عنك انك حمار ومتخلف وده مش كلامي طبعا ده الكلام اللي هي قالته

* اوعا حد يراجع الكلام اللي فوق

فما رد سيادتك على ذلك الادعاء ؟


أنا مش فاهم أصلا انت ايه اللي خلاك تجيبها معانا وانت عارف انها بتروح مع تالت توت ... لكن بما انها طلبت ردي فانا جاهز بردي وباقول .. اني متفق معاها مش كل البنات اللي مش حاطين صورهم وحشين ..خلاص يحطوا صورهم عشان نعرف نفرق

الحلوه تيجي كده ( وأشار بذراعه الأيمن ) والوحشه تيجي كده ( وأشار بذراعه الأيمن بارضه بس الناحيه التانيه ) عمل كده يعني

فهمتوا .


طيب أستاذه جزره يعني حضرتك عارضة أزياء مش مشهوره خالص وماحدش يعرفك غيرنا

طبعا طبعا

ورغم ذلك انت لا تضعين صورتك فما المبرر

المبرر يا سيدي الزيكا انه الفيس بوك بالنسبة لي هو مثل موبايلي لا أحب أن أضيف أرقام جديده وخلاص

وخاصة ما يبتليني الله به من ذكور قادمين من اتجاه بروفايلك أمثال هذا الوغد الذي يجلس أمامنا الآن ويضيفني ثم يبرشط علي ويبدأ في مخاطبتي وكأني نايمه فحضنه امبارح أو أننا راضعين على بعض فما يكون من علي الا ان اشتكي لي . فتشمئز بوجهك وتقول يخرب بيت دين ام الفضايح .. أعملِك ايه ماهم لغوا البرايفسي بتاعة الفريندز ومابقاش ينفع اخبيهم زي زمان

فاسكت قائلة .. يخرب بيت العيشه


سيدتي ولكن اعذريني .. ربما أحب ان أضيف ان تعليقاتك المبجله عندي ربما تكون سبب في أن يفهم الناس اننا أمام احدى بيوتشي الدعاره ولولولوولي باي باي يا قطه رغم اني أشدو ليل نهاء أن كلكن صديقاتي واخواتي البنات التي لم يرزقني الله بهم وقد عوضني بكن خيرا


هنا قاطعنا مناضل

خخخخخخخخخ اييييييييييه انتوا هاتقلبوها بيض ولا ايه .. انت يا عم انت مش بتعمل الحوار ده معايا انا .. خلاص ركز


هنا قاطعتنا منه و سامح دون قصد موجهان كلامهما لبعضهما

لا وربنا الكوره دي اوفسايد الحكم ده حرامي .. والكلام كان على لسان منه ... وسط قهقهات سامح الذي يبدو وأنه قد أحرز جولاً


عودة اليك سيدي مناضل .. ومع أخر سؤال قبل أن نخرج لفاصل اعلاني ونقوم نتخمد وكل واحد يروح بيت أهله

بعد حصول سيادتك على مبلغ وقدره ألف جنيه لأول وآخر مره .. واضعين في الاحتياط ان سيادتك اترفدت وخدت زومبه .. الجمهور يود أن يسألك ... ماذا بعد ؟

يندفع الي السيد مناضل بكلتا يديه ماسكا الزجاجه من يدي قائلا .. هات بس أم البتاعه اللي انت خلصتها لوحدك دي يا طفس افندي

بص قل للجمهور لا تقلقوا ... وان غدا .. الأربعاء قريب

وأني لن أسكت وسوف أعود الى مرتبي المفضل 500 جني بالصلاه ع النبي وعودة للزباين الخليجيات ذوي الطرحات والشيش والذكور أصحاب الكروش المتقدمه والمعرسين اللي بيعدوا جمب أصحاب الكروش .. ونقضي الليل كله في اقناع سيادته ان المكان محترم ولا يقدم الخمور .. لكنه طبعا مابيفهمش .. فيقوم يمشي ويرفض يحاسب ونجيبله البوليس فيدفع زي البوبي .. ثم يغادر لاعنا السياحه في مصر مناديا السيد السواق .. ودينا لشارع الهرم حبيبي ..خلينا نشوف نسوان اللي علي حق .. والله فديت شارع الهرم كله والله فديته

10 comments:

dr.lecter said...

ههههههه جامده فحت لازم تنزلها نوت علي الفيس

adel said...

هههههههههههههه
وربنا مسخرة ياض
هههههههههههه

بتشرب من ورايا يارمضان ؟؟
وديني لاقطع عنك المصروف
ومفيش افلام ياض تاني

Magi Mostafa said...

ههههههههه
ده انت فضحت الواد خالص
بس يستاهل ايه وحشين ومش بيحطوا صورهم دى دلوقتى سواء وحشه او مش وحشه الصور بتتسرق و ناس ينسبوها لنفسهم والى يحطها عنده وممكن اوى اى حد اعصابه تعبانه ياخدها والاسم ويعمل احلى شغل على مدونته فبدل الاسم ولنك المدونه يبقى الاسم والصوره واللنك
من الاخر الصوره الى على النت ملهاش صاحب لان الناس ضميرهم صاحى اوى زى مانت عارف
ده غير طبعا الى قالته جزره
ملخبطنى هى و ميمى بالجزر بتاعهم ده
هى الازازه الى فوق دى فيها ايه بالظبط

Che said...

هههههههههههههه ..... الله يحرق الفضايح يا زيكا ... يعنى صاحبك شرب شويه و اتبسط تقوم مسيحله كده :)
ده انا كده هخلى بالى .... و بعدين فالح بس تقولى بطلت شرب سجاير و شيشه و تعمل عليا واعظ لما اقولك تعالى نشرب حشيش .... ماشى يا عم زيكا

micheal said...

يا بووووي..بوست مهلك للضحك يا زيكا مع اعتراضي على كلمة نسوان الواردة في اخر البوست..أنت عارفني رخم اوي في الحاجات دي
هع هع
استفسار بسيط: حضرتك عملت حوار مع الأخ مناضل(والمقامات محفوظة طبعا) عشان خاطر مسك 1000 جنيه مرة واحدة بعدما كان ثابت ع ال500
طب ايه رأيك لما عميد زيي لم يتحصل إلا على ال500 جنيه دول تقريبا في الفترة من نوفمبر 2008 وحتى الان أي 500 جنيه في 17 شهر بمعدل 98 قرشا يوميا
!!!!

سارة نجاتى said...

هههههههههههههههه
ده حوار مع خمس مساطيل يا معلم ههههههه

Zika said...

DR .LECTER
بلاش عشان الفضايح ههههه

دولا
لأ كله الا المصروف
وبلاش مفيش أفلام دي يحسن تتفهم غلط الله يخرب بيتك هههههههههه

ماجي
هو عارف انه اتفضح وزمانه قاعد بيطم دلوقت .. عندك حق وماعندكيش في حكاية الصور دي بس خليها على الله بقا انا مجرد محاور خللوا التهم للضيف مش ليا هههههههههه
هم الاتنين جزر والجزر زي مانتي عارفه بيقوي النظر

الازازه كان فيها ميه معدنيه " بركه " كنا قاعدين بنخمس فيها انا وجزره ومنه ومناضل وسامح
أصل الميه بتقطع كتير عند جزره في المعادي :d

تشي
يا جدعان قلنا شاربين ميه معدنيه بركه ليه سوء الظن ده بس
ههههههههههه أه يا معلم خللي بالك

Zika said...

مايكل
كلمة نسوان دي قالها الراجل العربي
مش انا ولا مناضل يا ميشو
خلاص يا ميشو نبقا نعمل معاك حوار بالمره ونضرب تهييسه في العالي ههههههههه

ساره
هأ .. لأاا يا ساره احنا كنا بنشرب ميه معدنيه بركه من ام جنيه ونص دي ماتفهموناش غلط يا جدعان ههههههههههههه

adel said...

ههههههههههه
ياجماعة انا بدي لزيكا افلام اوروبية
قصدي افلام بجد
مش افلام من اللي بالي بالك

اهو ياعم محدش هيفهم غلط
:):)

Bent Men ElZman Da !! said...

هههههههههههههههههههههههه
مسخررررررره
انا ميته من الضحك وربنا
هههههههههههههههههههههههههه