Friday, August 14, 2009

حبة حرية


انا نور متعلق ع الحيطه


بيشق ضلوع


وماليش في الزحمه وف الزيطه


وغناوي دموع


انا طير متعلق متشعلق


في بواقي كتير


وانا قلبي بسرعه بيتعلق


بقلوب ويطير


ويسافر علي كل حبيبه


ويروح مشاوير


انا قصه ولكن منسيه


انا قصه ولكن


مكبوت الحب الساكن فيا


بتضيق علي قلبي


تشيرتاتك


وبتوسع مني الحريه


علشان تحجيبه


مش عارف اغنيلك حتى


" الطول واللون والحريه "


علشان تـَحْجـِيبه


مالاقتش في حبك غناويا


وعينيكي السوده المِحْمره


مش فاهم فيها


ولا فاهم معنى انك حره


لما تغطيها


الدين على عيني


بس انا عاشق


طلعان ديني


من شوق راشق


في ضلوع الرسمه اللي راسمها


ب خطوط الميل


وانا راسم جسمك وملامحك


مليون تفصيل


انا عيل في الحب وعايز


حبة حريه


وهايضفل متشعبط فيكي


والضي هيتشعبط فيا


وهاتلمع عيني اما تشوفك


محروم من حبة حنية


خطاويكي المليانه محبه


هاتبحبح علي قلبي الشوق


وتنقط احساسك حبه


وتبوح بالسر المخنوق


والنور المتعلق يوصل


للكون ويفوت


وهايرسم من صوتك غنوه


تعزفله سكوت


وانا قلبي العاشق الهايف


هايموت ويحسك بشفايف


هايدوقها ولو مره وحيده


وبعديها يموت


ويموت في كلامك وسكاتك


وكانه مات صباحية عيد


وهايدخل بيها ف جناتك


وكانه شهيد

ممدوح عبد الحميد
" زيكا "

12 comments:

كــركــبــة دمـــاغ ㋡ said...

مش عاااااااااااااااااااااااااااااادية

كــركــبــة دمـــاغ ㋡ said...

تسلم ايدييييييييييييييييييييييييك بجد

كــركــبــة دمـــاغ ㋡ said...

قراتها مرة واتنين وتلاته


وعايزة اقراها رااااااااااااابع

كــركــبــة دمـــاغ ㋡ said...

حقيقي ابداااااااااااااع من الخيال

بجد بجد بجد خطيييييييييييييييييرة

كــركــبــة دمـــاغ ㋡ said...

عجبتني قوي عــ فكرة

ومتشعبطة قوي فيها

كــركــبــة دمـــاغ ㋡ said...

كفايه كده ولجد مش عارف اقول ايه

جااااااااااااااااااااااااااامده

الدرعمي said...

جميلة يا زيكس

adel said...

مممممممم
وكمان
مممممممم

تصدق حلوة قوي قوي ياواد
خصوصا دي

وعينيكي السوده المِحْمره
مش فاهم فيها
ولا فاهم معنى انك حره
لما تغطيها
الدين على عيني
بس انا عاشق
طلعان ديني

عاجبني قوي هي حرة تعملي اللي هي عاوزه وانت حر برضه تقولي اللي يعجبك

Bent Men ElZman Da !! said...

جميله اووووووووووى يا زيكا
تسلم ايدك

Zika said...

حبايبييييي
شقاوة مراهقه متهيالي دي اول زياره منوره بكمية التعليقات د دي
:)))
شكرا لرايك\
ادم
بنتعلم منك يا بوب
عادوول
بارضه بنتعلم منك يا كبير
بنت من الزمن ده
شكرا اوي بجد جدا
:)
نورتي
نورتوا كلكوا يا مصيتني
:))

حروف said...

تحفةةةةةةةةةةةةةةةةة فن يابني استاذ ورئيس قسم

الدرعمي said...

على فكرة انت لازم تشيل القصيدة دي عشان أنا تعبت من كتر قرايتها كل ما آجي أقرأها لما قربت أحفظها تعبتني يا بني .. الله ينور عليك