Saturday, February 28, 2009

زيكا في بلاد العجائب + تحديث


تحديث
بناء علي تعليمات السيد المسؤل الاستاذ احمد سووووو ورغبات الانسه المبجله انجي قررنا نحن ممدوح ابن ابن عبد الحميد والملقب بزيكا القيام بعمل مونتاج صغير للبوست حيث يخلو الان من اية تلميحات خارجه ( من باب الحمام وكل خد عليه خوخه ) او شتايم او كل ما سبق
وهذا اقرار مني بذلك




اتفاجأت لما صحيت لقيت دونالد قاعد جمبي , عامل ايه يا دونالد واحشني , بدا دونالد يحكيلي عن حوار حصله وهو جايلي , ميكي ماوس عامل مشاكل جامده جدا , وكل يوم بيتخانق مع ميني وصوتهم بيوصل لاخر الشارع ده شئ عادي بس اللي استغربلوا دونالد ان بكار ماكنش عند ميني ولا حاجه , وانا اللي اكدت ده لان بكار كان معايا انا كنت قاعد انا وهو وسبيدر مان عند سندباد في الكهف بتاعه بنشرب شيشه , اذ فجاة الاقيلك ميني هي اللي جايالنا وده بارضه اللي انا اكدته لدونالد وعشان كده دونالد مسك ميكي ماوس وميني زعقلهم وقالهم ازاي صوتكم يعلا كده وازاي ميكي ماوس يفضح ميني بالشكل ده


المهم ميني في اخر الحوار اعترفت انها كانت ماشيه مع باتمان قبل ما تصاحب ميكي اصلها بتحب الوطاويط جدا ومن زمان كان نفسها تعرف وطواط لكن بعد ما الجوكر حط علي باتمان لما لقت ميكي ماوس قدامها الامر اختلف لانها بصراحه وهي مع باتمان كانت بتضرب هيروين هي وهيث ليدجر اللي هو الجوكر, قالت علي الاقل فار ومن توبي


وبعد الجواز المشاكل بانت بينهم اكتر


فرق طبعا بين باتمان وميكي ماوس , لكن اللي زعل جدا سوبر مان . وبصراحه بقي من حقه يزعل ازاي رافاييل بتاع سلاحف النينجا , يتخانق مع مايكل انجلو ويقولوا انه ما بيعرفش


هو اه مابيعرفش


بس بارضه مش كلمه تتقال لسلحفه يا جدعان


السلاحف ليها احترامها


الموضوع وصل لمد ايد , لكن الحمد لله المعلم رشدان اتدخل وحل الموقف بدل ما اتنين سلاحف يشدوا مع سوبر مان , وبحكم ان هو جد ميكي ماوس


راح شاخط لميكي ماوس و تيييييت وقاله : يعني ينفع يا ابن الفار .. تعمل كده مع مراتك وقدام مين قدام توم وجيري


بس الحقيقه الموقف اختلف كتير بعد ما بكار اتصالح مع سندباد , هم كانوا بيتخانقوا علي ذات الرداء الاحمر بس بصراحه بعد ما قلعت الرداء الاحمر ولبست الرداء الابيض كلهم سابوها ورجعوا تاني لسندريلا


خدوها من الملك اصلها بصراحه زعلت منه جامد لانه ضيع فردة الجزمه بتاعتها


ودي جزمه من عند الجنيه يعني جزمه اوريجينال


الكلام ده كله اثر في دونالد جدا


لدرجة انه قال انه هيلغي الحوار كله بسبب ان فريد كويمبي قافش مع الكلب اللي في توم جيري عشنا عاوز ابنه يطلع في حلقات زياده وفريد كويمبي مش عاوز , انا زعلت جدا علي زعل دونالد وعومت علي عومه لاني فعلا اتاثرت بالموقف , ماهو مش معقول يعني دونالد بعد ما يطلع تيييت في خناقة بكار وسندباد


يطلع كده من المولد بلا حمص


وانا كمان زعلت لاني طلعت من المولد بلا حمص


ذات الرداء الاحمر طلعت مش تمام وبصراحه ضحكت علينا كلنا خصوصا علي سندباد وعليا


خصوصا كمان ان اليس سافرت لبلاد العجائب وياريتك ما سافرتي يا اليس , رغم اني كنت عارف ان اليس هتطول في بلاد العجائب بس ماعرفش ايه اللي خلاني اتصرف كده رغم اني عارف ان اليس قبل ما تسافر جالها شد عضلي في مشكله بينها وبين بكار بسبب رشيده بس ان جيتو للحق


رشيده غلطانه ازاي يعني تقول قدام الناس ان اليس عاوزه تاخد منها لبن بالعافيه


حصلت ثورة وخناقه وزعيق وشتيمه وتييييت وناس بدات تتيييييت وتردح وحاجه اخر قلة ادب


بصراحه الموضوع ده كان محتاج كبير


ماهو اللي مالوش كبير يشتريله كبير


طلعنا كلنا علي غرندايزر عشان يحل الموضوع ده رفض بشده وزعق وصمم ان كونان هو اللي يحل المشكله لكن احنا مش بنحب كونان وطبعا كورومبو من ساعة لما اتجوز سحس وهو بقي اومليت


المهم اتجهنا كلنا علي مازنجر وقلناله اللي حصل بين ميكي ماوس وبين ميني


وكمان مشكله سندباد وبكار


ومشكلتي مع سندريلا


واخر حوار ليا مع اليس


وقلة ادب دونالد


ومشاكل بيني كده وبين باور رينجرز عشان خاطر التييييت اللي اسمهم سلاحف النينجا , ماهو مش معقوله يعني كابتن ماجد والراجل ضيف وكان جايب معاه عمر وبسام والفرقه كلها , يمشي وهو زعلان ويروح يحترف في البرازيل ويفهمني غلط مش عاوزين مشاكل بين الفرق يا جدعان


مازنجر قعدنا كلنا وشربنا حشيش ومعسل وشاي بحليب بربري , انا ماشربتش حشيش معاهم بس ميكي ماوس ما صدق ودخل هو وسندباد وبكار في كوباية وسبيدر مان والسلاحف وباور رينجرز شربوا تفاح


و آش قفش مع سابق ولاحق علي حوار حمضان لحد ما زيكا اطلق جملته الشهيره


لحد ما فجأه


.


..


...


....


.....


ايه ده .. مين اللي شال الغطا


ايه تيييت ام القرف ده


فين ام الغطا


يا جدعان مين شال الغطا يا جدعان


اكيد دونالد الوقح هو اللي عملها


تليفوني بيرن , تيت احا دي اليس


بتتصل من بلاد العجائب


هارد اشوفها عاوزه ايه




اعملي معاك شاي يا مازنجر

34 comments:

احساس لسه حى said...

استاذ زيكا
معلش اول تعليق امسحه بعد ما تقراه انا قابل وراضى

طبعا انت مردتش على كلام كتير

واهمها النسبه والتناسب اللى حسبت بيها حرب اكتوبر

ما تحسبها برضوا على حرب غزه


انت مش مقتنع بكلامى عن قطه طيب

بررى كلامها ايام غزه

وبرررى تسقط حماس

وبررى هجومها على النقاب والحجاب

وبرررى هجومها على زغلول النجار

وبرررى هجومها على الشيوخ كلهم بلا استثناء

ما عدا جمال البنا طبعا لو تعرفه

انا اعرف بقع حد احسن منى ومنك ومن المصريين منهم

الشهيد اللى بسلاح بسيط كان بيحارب جيش زى اسرائيل ومش خايف زى حكامنا

سواء بقه مات شهيد او لا

وانا عمرى ما بختلف مع نفسى فى شئ

ولا فاكر استغرابك بهجوم قطه ايام الحرب على غزه على المقاومه بس اللى عملته استغربت بس

ما قطه واللى شبها هى الاختلاف فى الاساس

وانا طبعا حر وبهوقها وبقاطع اللى بيكلمها

انا غلط ايه انا راى فى المقاومه تقريبا معظم المصريين مقتنعيين بيه

وروح شوف اى احصاء ولا تصويب على موضوع يخص المقاومه هتعرف ان رائيك بيؤمن بيه نسبه لا تذكر

روح اتاكد قبل ما تتكلم

وكلامى عن المقاومه

مبنى على اسمها مقاومه

افهم معنى مقاومه يعنى ايه وتعالى حاسبها

وال100الف احتفلوا لشئ تفهمه انت بس

ولو مليون برضوا مش هيعجبك

ولو غزه كلها احتفلت مش هتقتنع

مش عاوز تصدق ان مقاومه بسلاح بسيط هومت اسرائيل

بطريقة حسبتك انت اللى قولتها

اكيد ترضى عنها اسرائيل

ما اسرائيل عاوزه تخلص من حماس

وقطه بتقول تسقط حماس

وانت بتقول كفايه حماس

متفقين كلكم على حماس

علشان الشعب الفلسطينى

بس اسرائيل مش غبيه علشان تحاول تخلص من حماس علشان فلسطين ...... ناس تانيه ممكن تكون غبيه

انت مهجمتش حماس
تضليل ده ليه

بس لو دى هزيمه يبقى اسرائيل انتصرت

سؤالى لحضرتك هى اسرائبل انتصرت

وانا اتمنى زيك ان كل الناس تكون فى الجنه برحمة ربنا ان شاء الله

يعنى انت مش عاوز المقاومه تبطل

طيب اعرف تقاوم ازاى ممكن اعرف

بس اسرائيل مكنتش عاوزه اتنين ولو كانت عاوزه رائيك يخرجوا ويسلموا نفسهم لاسرائيل تقتلهم

ياااااااااااااه الحل سهل

انا هبعت رساله لحماس

اى جد عاوزه تخلص منه اسرائيل تقول

هو هيخرج ويموتوه بدل ما يقتلوا النساء والاطفال

بجد انتى بتقولى حاجات تزعلنى على حالك

مره نسبة وتناسب بين جيش وجيش
وعند المقاومه الاضعف تنسا كلامك

ومره مطالبه لاى قائد بتسليم نفسه امام اى هجوم لاى محتل

ده انت فكرك عالى وعسكرى وشجاع

بس الله عليك

عو سيدنا خالد بن الوليد انسب ولا سلم نفسه احسن عينى منغششه

طيب هو انسب من بلده يعنى وسابها ولا فى حرب

طيب هما حماس كانوا ينسحبوا ازاى

لا يسلموا نفسهم نسيت

وافكارى مش عكس مبادئ الناس

يمكن عكس قله من الناس

واجبلك فى كل تصويت فى اى موقع نشوف الناس رائيها زيك ولا زى

واجبلك ليه ما تحش تقرى كويس وانا حاططلك كام تصويت وهتشوف

الموضوع اللى قبل ده واللى قبله

انا بحترم الافكار لما تكون بتتكلم بفكر ثابت

مش بفكر كتغير حسب اللى عاوزه تهاجمه

هحرمك طبعا

وانا بقاطع بس لما الاقى موضوع مش عجبنى هعلق عليه

من باب انى اقول للاعور يا اعور عينى عينك

ردى بقه على سؤال عن النسبه والتناسب بين جيش اسرائيل والمقاومه

وتسليم القاده نفسهم للاحتلال كل ما يهجموا على اهلهم

وسلمى على الترمى

*البت المشمشية *حلوة بس شقية * said...

هههههههههههههههه
طيب ايه اللى جاب بكار للعالم دى
انا بموت فىجرنديزر
بس اصحا يابابا فوق
ابقا اتغطا كويس واصححب اللحاف كلو عليك
احسن تصحا مرة تلاقى دراكولا ولا حاجة

Zika said...

احساس لسه حي
مانا قلتلك ما بمسحش تعليقات بس عينيا الاتنين حاضر هارد عليك
يا استاذ حسام

بس يارب تقتنع
انت بتقفش في النقط حلو اوي
بس انا اقول طور تقول احلبوه
انا ماردتش علي النسبه والتناسب لانها مش محتاجه رد
انا قلتلك ردي في التعليق الاول
" هو انت ما قريتوش "
حاضر نحسبها علي غزه
النتائج اللي انت قلتها دي
بتاعة دول عاوزه تعترف بحماس
والكلام ده
جميل
بس للاسف مش واقعي
ومش مفيد
ماهو انا ما بقا داخل خناقه " وادخل واتضرب انا وصحابي اللي مالهمش في الخناق والراجل اللي بيتخانق معايا كان حالف يموتني وبعد ما قطع القميص وكسر دراعي وخرشملي وشي ولمجرد انه ماموتنيش
اطلع اقول
ده انا طلعت ميتين امه "
اعقلها
هو فين نسبة فلسطين ؟
هو عشان اسرائيل ما قضتش علي المقاومه - كلها - تبقي المقاومه انتصرت

هههههههههههه
والله انت فله
انا ماقلتش كل ما تعوز اسرائيل واحد من المقاومه يسلم نفسه
انا ضربتلك مثال - انت مافهمتهوش - علي الانسحاب وامتي نقول مقاومه وامتي نقول المقاومه تستني شويه ونتكلم
انت عمرك شوفت خناقه كلها ضرب ضرب مفيش شتيمه
مفيش ناس كبيره تيجي تسلك

رايك في المقاومه راي
ورايي .. ده راي
وانا مسالتكش عن الاحصائيات
لكن انت للاسف رايك بيختلف علي حسب كلامي
يعني اقول يمين تقول شمال
اقولك ثقافة الانسحاب وثقافة وقف الحرب
تقولي هيييييه انت بقي عاوز المقاومه تسلم نفسها
وهييييه انت مابتفمش حاجه
" انت مش بتقرا تعليقاتك يا سيدي ولا ايه"
انت ما قرتش مواضيعي عن المقاومه يا حسام
انا بس عاوز اسالك
يعني انت ما شوفتش كلامي عن المقاومه
وبالمناسبه اخر بوست كتبته كتبه معايا د\ حسنا وعلي فكره هي فلسطينيه شهدت الازمه بعينها
ماتدخليش في حوار قطه لانه منتهي بالنسبالي , شيلني من حساباتك عشان انا مش مقتنع برايك
وقلتلك قبل كده اي حاجه زي دي تسالها هي ماتسالنش انا

وياريت ادخل الاقيك معلق علي موضوع وبعدين ما المناقشه عندك في المدونه بتجيب تعليقاتك هنا ليه , مانا بدخل وبناقشك عندك هو انا طلعت اجري
طبعا انا برد علي كل حاجه بس انت بتلف وتدور يا ريس
وانا واضح جدا
واضح لدرجة انك مش شايف كلامي لانك مش واضح
رديت عليك في النسب
ورديت عليك في الحوار اللي انت اخترعته بتاع تسليم القاده ويارب يكون وصلك
تحياتي

Zika said...

البت المشمشيه
اول تعليق عالموضوع
مبروك
جرنديزر وبكالر وانا ودونالد كلنا ولاد كار واحد
هههههههههه
وبعدين دراكولا ليا حكايه معاه هابقي احكيهالك بعدين
ده حبيبي يا بنتي
صاحبي وحبيبي وكفاءه

مواطن مصري said...

هههههههههههههههههههههه بقولك قولي نوع الحشيش او اسم الديلر الي انت بتشتري منو الحشيش

بس هوفعلاً الجوكر حط على باتمان الله يرحم الجوكر مش هيتكرر

اسماء عوني said...

في حاجات حاسه انها بتترجم معايا وفيه حاجات مش عاوزه تترجم
او يمكن مالهاش ترجمه
يمكن الموضوع كله مالهوش ترجمه
وانا اللي بهيس
بس اسلوبك اكتر من رائع

احساس لسه حى said...

زيكا
اوك انت مصمم

ماشى هاخد المعم وارد عليه بأختصار

اوك رد على النسبه والتناسب اللى مش محتاجه رد

جيش بيحارب جيش تقولى نسبه وتناسب

جيش بيحارب مقاومه تقولى خسائر وقتلى

والنتايج بتاعت دول عاوزه تعترف بحماس

تركيا دول عاوزه تعترف بحماس

الاتحاد الاروبى اللى قال يجب التعامل مع حماس

اخر حاجه هى الدول اللى تجدد ايه ممكن يعترف بيه وايه لا

حماس اللى اختارها الشعب باغلبيه محتاج دول تعترف بيه

ربنا يهديك الشعب اللى بيختار مش الدول

وموضوع انها انتصرت اقولك هى اسرائيل انتصرت

وقولنا نسبه وتناسب ما المفترى اللى كسرلى دراعى لو فتوه وانا ضعيف ومعرفش يموتنى وعورته ابقه انتصرت عليه

لاكن لو انا فتوه وبتخانق مع فتوه وهو كسرلى دراعى وانا عورته ساعات مكنش انتصرت

فهمت ولا لسه

واسرائيل مقدرتش تقضى على المقاومه

ومهما قتلت منها فى ناس شرفاء هتفضل تقاوم وتموت شهيده ....وانت بتهاجمهم على جهاز كمبيوتر بتشرب شاى بحليب

وانا سالتك المقاومه تعمل ايه واسرائيل عماله كل شويه تقتل منهم ومن اهلهم

افتنى بالراى المظبوط والحل السحرى

وانا بقولك الاحصائيات احسن أنت فاكر منك كتير

لا الحمد الله فى ناس بتقول للمقاومه اثبتى مهما كانت الخساير ناس فى وسط الناس كمان

انت كلامك على المقاومه ايه قولى تانى

بتساندها على مزاجك يعنى قاعد بتاكل وتشرب وت..... وعاوز تحددلهم قاوموا باى طريقه

شوف بما تكون بينهم تبقى تناقشهم ازاى تقوموا

بس طول ما لاانت بعيد كده ساند وهما اللى بيموتوا مش انت هما واهلهم وشعبوهم

شعبوهم بس اللى ممكن يقولهم مش عوزنكم مش اى حد تانى

بالذات اللى بيقاوم بلسانه بس زى وزيك

وقطه بقه دى زباله مش شايف الناس بيقولوا عليها ايه .....ما تدافع عنها يلا وتقولهم عيب دى محترمه

لا انت اللى تسالها لانك زبونها وتعليقات بتنزل عندها اصل تعليقاتك اليفه مش بتخربش

بتخربس بس حماس

وبخش عندك اوريكى ردى عليك فى بيتك

وكلامك شايفه كله ودماغك كمان

بس مردتش برضوا على حرب اكتوبر الل حسبتها بالنسبه والتناسب

وقارن بقه بين جيشتا فى اكتوبر

وبين المقاومه فى غزه بالارقام لو تعرف

وقولى تانى ايه مطلوب من المقاومه

تقاوم ازاى ولما اسرائيل تقتل حد منهم يعملوا ايه

اظن سؤالين واضحين

وسؤال اخير بقه

ايه رائيك فى تسقط حماس عند قطه معاها ولا ضدها

3 اسئله بس اظن سهل

سلام

سارة نجاتى said...

ياعينى يا ابنى

ايه الهياس ده ؟؟
طبعا ذكاء المصريين اشتغل معايا و بيقولى أن فى سيم فى الحوار

لكن أكيد مفيش حوار لامم من بكار لديزنى لاند هههههههه

و سلاحف
ايه بس مالك؟؟
هههههههه

سلام

اسماء عوني said...

والله لو الحوار اللي في دماغي هو اللي انت كاتبه
تستاهل تاخد جايزة نوبل وانت قاعد عالكرسي

micheal said...

البوست ده كله ألغاز يا مان بس بجد بخرب بيت دماغك يا زكاوة..انت عامل فيه شغل جبار واحلي ما فيه الصراحة قعدة الحشيش
هع هع هع هع
تحياتي

Unknown said...

لا بقي يا زيكا انت نصاب ازاي ماتجيبش سيرة دوري البطولي في الخناقه و اني ضربت رفايلو لما كان فاح عليك المطوه
و لما طلعنا ع الصحرواي و عصابة القناع الاسود كانت ورانا مش انا الي هربتك

عسل انت يا زيكا هاشوفك الجمعه يا باشا

وينكى said...

بااااااااااشااااااا
نمت وصحيت وقناة ديزنى عندك ببلااااااش
بس والنبى ماتنساش الرقابه عشان فيه حاجات ماينفعش الاطفال يتفرجوا عليها
وعجبتنى صورة بوجى وطمطم دى موووت
هاستناك فى الساقيه النهارده يامان ولو ماجيتش هاطلعلك انا فى الحلم
:P

مذكرات مشاغب said...

ههههههههههههههههههههههههه
ده انت شكلك كنت بتبات على التليفزيون وانت صغير
فكرتني بالذي مضى
وعملت فكرة كارتون فيه الشخصيات دي كلها
اهم حاجه تبقى تستغطى كويس وانت نايم

ملحوظه صغنونه:في حزارك مع (احساس لسه حي)عجبتني جدا جدا ردودك
واحييك على ارائك

تحياتي

aMr saYed said...

جااااااااااااااااااااامد
بس انا بحب سباق السلاحف

يا مان الحكاية باين عليها كبير كبير بس اهم حاجة ان كرومبو و بكااااار بس يا زيكا انت احلاهم واعقلهم

يا واد يا زيكا تعالى هنا حاضر يا عم شكشك

حبيب هارتي

حروف said...

هو اول تعليق عندك بيتكلم عن ايه مش فاهمة؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ
اول زيارة وانت كنت مهيس حجيللك لما تصحي

Empress appy said...

لا ايه الا الله ايه برنامج الكارتون ده لا وحافظ كله ما شاء الله عليك يا زيكس يا خويا ربنا يكملك بعقلك

احساس لسه حى said...

معلش بقه هكسب فيك ثواب

اقرى الخبر ده

http://www.masrawy.com/News/Egypt/Politics/2009/march/4/us_womens.aspx


وياريت تركز فى الكلمتين دول


وقالت إن أعضاء الوفد، الذي يضم 60 شخصية دولية: "يطالبون إدارة (الرئيس الأمريكي باراك) أوباما بالضغط من أجل رفع الإغلاق الإسرائيلي لغزة، والعمل مع حركة حماس المنتخبة ديمقراطيا بدلا من تجاهلها وإطلاق عملية سلام جديدة".


ودول مش انصار حماس

اتعلم من الامريكان يمكن بدل كلامى مش عجبك

سلام

ومتنساش اللينك اقراه كويس

Zika said...

مواطن مصري
يا باشا الحشيش مع مازنجر هابقي اوصيلك علي نصايه

Zika said...

اسماء
تترجمي بقي ماتترجميش انتي ودماغك شوفي هتروحي بيكي لفين
بس انا مش هاعترف حتي ولو سجنتوني :D

Zika said...

احساس لسه حي
انا جاوبتك بس انت مش عاوز تقتنع
النسب قولتلك
وقولتلك ان نسبة فلسطين تكاد لا تذكر
رغم اللينكات اللي انت وريتهاني
انا وجهة نظري واضحه
ركز انت بس
انت بتتكلم من منطق وانا بتكلم من منطق
بتتكلم من زاويه وانا بتكلم من زاويه
حكم عقلك شويه وسيبك من ان كل الناس بتسب لحماس وانت المنقذ الوحيد
انا قريت رد اسماء عوني عندك وقريت ردك عليها
وبالنسبه للمقاومه من ورا الكيبورد متهيالي انك ماروحتش هناك وحاربت
ومين قال اني مش من حقي اقول رايي
انا حر يا عم
مش معني اني مامسكتش سلاح وحاربت
يبقي اقعد ساكت لو شوفت شئ محتاج رايي
انا عامل المدونه دي عشان اقول رايي
" نظرية الفتوه عندك مشكله
يعني لو هو جامد وانت دخلت وهو ماموتكش تخرج وتبقي انت انتصرت "
احصائيات ايه وبتنجان ايه وكتير مني ايه
يا عم انت فيه كتير منك
لكن للاسف مفيش كتير مني وده للاسف اللي مودي البلد في داهيه
ماقللتش من المقاومه ( ماتجيبش كلام من عندك ) انا قلت المقاومه مانتصرتش
وقلت انهم بيحاربوا جيش
ماينفعش ينتصروا
انت نقطتك انهم طالما بيحاربوا جيش تبقي نسبتهم اعلي
وطظ في الناس اللي بتتقتل
انت اللي يهمك عدد الناس اللي بتستشهد من حماس لكن الناس
في داهيه
ارصلك الكلام اكتر من كده ايه
للمره الاخيره يا حامي حمي الشعب الفلسطيني من الاوغاد امثالي
خلافك مع قطه ومبادئها وارائها تناقشها عندها مش عندي
وياريت المره اللي جايه لو جيت
تعلق عالموضوع والمناقشه بخصوص الامور دي خليها في مدونتك انت لان المناقشه بدات هناك وسيبها تنتهي هناك
" لكل مقام مقال"
لو علقت تاني في غير الموضوع همسحه علق هنا علي موضوع البوست غير كده لأ
المناقشه معاك غير مجديه لانك قافل علي دماغك
واه بالمناسبه
مش بحب الشاي بلبن

Zika said...

ساره نجاتي
يا بنتي بكار ده وصل للعالميه ومانتم هو وذات الرداء الاحمر
شكلك مش متابعه الاخبار

Zika said...

اسماء
انا استاهلها من زمان بس الللي يقدر هع هع هعهع هعهعهعهعهع

Zika said...

Mike
اتفضل معانا يا مايكي
لااااااازم تشرب

Zika said...

emy
ايه يا ايمي بس بالذمه ده كلام تقوليه
يا بنتي
رفايلو ده سلاحف النينجا
ضربتيه ايه بس
وبعدين يا بنتي ده كارتون يعني مش حقيق
لا حول ولا قوة الا بالله
وايه عصابة القناع الاسود ده فكرتيني باسماء عوني كانت عامله عصابه زي ده في ثانوي
لا اله الا الله
مانتي كنتي بعقلك يا جزره
لا اله الله الله

Zika said...

winky
اودي وشي منك فين بس
اتفضلي يا فندم الصوره
بيتك ومطرحك
نورتي يا وانكا

Zika said...

مذكرات مشاغب
يا باشا وانا صغير ايه
انا مابشيلش الكارتون من عالجهاز
والله انا كنت مستغطي بس كنت بتقلب فالظاهر ان الغطا
واخد بالك انت

ملحوظه صغنونه : ربنا يخليك يا فندم
طول ما بتدافع عن رايك بحريه طول ما غقلك يقبل المناقشه
نورتني جدا
واظن ان دي اول زياره
سعيد بيها جدا ويارب دايما كده منورني
سلام يا مشاغب

Zika said...

amr ta3lab
ربنا يخليك يا عمرو ده بس من زوقك
بس والله مازنجر اعقل مني
ههيهيهيهيهيهي
نورت يا فوكس

Zika said...

حروف ( دلو مره ثانيه وجرح تاني سابقا
ايه الاسم الطويل ده
لا مالكيش دعوه باول تعليق ده خارج عن النص
عموما
نورتي وان شاء الله تيجي في يوم اكون عاقل
بس ماوعدكيش بصراحه
هههههه
نورتي يا فندم
واول زياره ليكي . مش كده بارضه ؟
ارجو دوام تكرار النور ده
تحياتي

Zika said...

appy
البلاص ده فيه عسل
وده فاااضي
والنبي حط الحمار ده في الباركينج
وانا عندي شعره ساعة تروح وساعه تيجي

Unknown said...

هو اى نعم البوست لذيذ واااااااخر هياس بس ليه القباحة يا اخ زيكا يعنى؟؟؟ انت مش ملاحظ انهم شخصيات كرتونية وفى عيال صغيرة من اللى بيعملوا صداع دول ايييييون المقرفين دول بيتفرجوا؟؟؟؟
اعمله مونتاج بقى عشان خاطر مينى بتتكسف وكدة

اسماء عوني said...

ايه بس يا زيكا مونتاج ايه يا راجل
ده الشتيمه حلوه
هع هععععععععععععععععع
لا كده كويس يا زيكا

عروسة said...

ممممممممممم بوست لطيف ودمة خفيف
سلاموووووووووووووز

Unknown said...

الاخ العزيز زيكاس افندى
يا ابنى يا حبيبى انشكحت ايما انشكاح-حلوة ايما دى- لما لقيتك شلت القباحة
هو اى نعم مفيش حاجة مونكن تخلينى اتحرج يعنى ولا حاجة بس اهو عشان الاولاد تنبسط يا زييييييييييييييينب
اساسا اللى بسطنى اكتر انك اهتميت يعنى ومعتبرتش دة تعدى على حقوق الملكية المهلبية ولا حاجة وكمان اسمى طلع عندك نيهاع نيهاع
لسة رايي فى البوست ان دمه خفيف وتحفة ومهيس جامد جامد
وهذا اقرار منى بذلك
ملحوظة
الجملة دى فكرتنى بسيد ابو حفيظة وبلد الكاتب الجالس القرفصاء وحضارة السركى
صباح الفل

NIDAAL .R said...

أيه يا حاج
هو انا بقرا قصة ولا وقعت فى مغارة و متاهة

انا توهت يا عمنا
لدرجة انى مش فاكر غير الناس الى بحبهم بس

انا اكتر حاجة بحبها الباور رينجيرز و مازينجر .

بس أزاى رافاييل يعمل كدة مع اخوه مايكل انجلوا.
العيال دى سرعها ساب و عايزين الى يظبطهم \مهو خلاص .. من ساعة ما اعتزلنا افلام الكارتون وهما بقوا زى الرابش

تلاقى الكارتون الى بيستخدموه دلوقتى نوعيته وحشة ولا حاجة

بس حاسب انت
اسلوبك فى التنقل بين شخصيات القصة رائع جداً

دمت بالخير
وعلى معادنا