Monday, March 9, 2009

حظوظ

قصيدة بعنوان الخطاوي في اخر البوست
ـــــــــــــــــــــــــــــــــــــــــــــــــــ
اه والله الدنيا حظوظ , زي ما قريت في العنوان كده .. وهي كلمه ابرك من عشره
حظوظ
عارف عارف هتقولولي الاجتهاد
والكفاح
والجد
والشغل
ايوه سامعك ياللي هناك .. بتقول ايه ؟
نجاح
اه ايوه ايوه سمعت عنه
عارف بارضه هتقولوا ايه
نزرع اللي ناكله وناكل اللي بنزرعه و نكتب اللي بنحسه
و الدنيا عربيه مانيوال مش هيدروماتيك
ماشي بس ده مش موضوعنا بارضه
ماهو بارضه مايمنعش ان بارضه دي حظوظ
يعني مثلا
ليه ابويا ابو مصطفي
ليه مش ابو غالي موتورز مثلا
او ليه ماكانش قريب ابن خالة علي ابو شادي
او مش متجوز بنت عمة ابن خالة وزير الصحه
او جوز بنت ابن عم اللي جابوا وزير التعليم
او كان لعيب كوره
اه
يعني مثلا انا ليه اسمر
ليه مش اخضر مثلا . انا بحب اللون الاخضر جدا وعلي الاقل هابقي مميز شويه
اه
ليه مش بعرف العب كوره زي ابو تريكه
او مش حريف زي اسماء عوني
ومش جرئ زي احمد فؤاد نجم
انا ليه دمي مش خفيف زي عمرو اديب
او مش واثق في نفسي زي محمود سعد
ليه
انا مقتنع ان كل واحد عنده موهبه
بس اشمعنا انا عندي الموهبه اللي مابتاكلش عيش وفيه منها كتير
يعني
انا عندي موهبتين
الكتابه والتمثيل
الاولانيه دي بيشحتوا بيها علي الرصيف
والتانيه بيتفرجوا بيها علي الشحاتين بتوع الرصيف الاولاني ويتحسروا ويقولوا ليه يارب مش عارفين نشحت زيهم
ايه ؟
اثبات ؟
حاضر
كلنا سمعنا اغنية حدوته مصريه
ودايما لما نسمعها
الله يا ملك .. الله يا منير
الله يا شاهين
بقولك ايه ياض يا مش عارف ايه هافولك علي معلومه يوسف شاهين هو اللي شال الصولوهات من الاغنيه
يا راجل يا سلام .. ايه العبقريه دي
عمر حد سال مين اللي كتبها؟
عمر حد حس بعبد الرحيم منصور
عرم حد شافه في الشارع وسلم عليه وقاله انت بجد استاذ
انا بحب شجر الليمون اوي
الله يا استاذ عبد الرحيم بصراحه اغنية قول للغريب دي جميله
بلاش منير
بلاش الاغاني
حد فيكوا بالزمه يعرف مين كتب فيلم الهروب بتاع احمد زكي ؟
ها؟
حد عارف الاجابه؟
اكيد لأ
اصلا حد سمع اسم مصطفي محرم قبل كده
مش ممكن
ماصدقش
اصلا لما اتفرجنا علي مسلسل لن اعيش في جلباب ابي
ماحدش سال مين اللي كاتب النص ده
لان طبعا ده كاتب اسمه مصطفي محرم
مع ان المسلسل ضرب اوي مع واحد ماعندوش فكره عن التمثيل زي محمد رياض
مش بقولكوا حظوظ
اه والله حظوظ
طب وربنا حظوظ
مش بقول ان انا فقري
او ان حظي وحش وانا كده فريد من نوعي
بس مش تفتكروا بارضه ان لو حاجه من اللي فوق دول حقيقيه كانت هتسهل العمليه شويه
يعني بارضه معلش
ليه كل الناس بتتعلم الاستيميشن وتفهمها
وانا ببقي قاعد زي دكر الضفدع في موسم التزاوج . قاعد بضحك ومهيبر لاني مش فاهم اي حاجه
بشوفهم بيحطوا اوراق وبعد كده بيلموها
هي حظوظ
ماهو ماحدش يقنعني ان مثلا مثلا ابن الوزير الفلاني كان خايف في يوم من الايام علي مستقبله
او ان بنت فيفي عبده , ماتعرفش تشتغل في المجال اللي هي عايزاه من غير ما حد يفتح بؤه
مش امها رقاصه
بارضه ماحدش هيفتح بؤه
بالعكس
دول هيبقوا فخورين بيها
حظوظ
ملحوظه : علي فكره انا مش بحسد الناس اللي فوق دي ولا انا مكتئب ولا كان نفسي امي تبقي رقاصه ولا حاجه
بالعكس انا مش زعلان ومش ندمان
وعمري ماندمت علي حاجه عملتها او قلتها , وفخور بنفسي وباهلي وبمستوايا العلمي والادبي والاجتماعي والفسدقي والبحلقي
بس بااااااااارضه
هي حظوظ
الخطاوي

شوفت الخطاوي يا نيل

شوف ماشيه بيا لفين

صبر الحياري يا ليل

ماشي بدربي حزين

رغم اختلاف العصور

والناس وراها ناس

نفس الضيا يا النور

واصل مدي الاحساس

ابعد بطول السور

سور اللي فاصل بيني

وبين اللؤا يا نور

شوف عدي كام ليله

شوف فاتنا كام نهار؟

لا في قوه ولا حيله

غير صبر وانتظار

انا عمري يوم ما زعلت

علي كلمه او صوره

وكتمت فيا وشيلت

والحيره منظوره

بايديا ايه انا غير

حبة كلام وصداع

بيجيلي منه كتير

باين الدوا خداع

40 comments:

adel said...

كلامك صح بس هنعمل ايه

طب ما انا بكتب و كل حاجة من شعر عامي و فصحي لاغاني لافلام قصيرة و طويلة و بحب السينما و المونتاج و الاخراج و بحاول فيهم

بموت في المزيكا بس مفيش حظ ياسيكا

هههههههههههههههههه

حقودي said...

أحنا هنحقد ولا ايه
ياعم انت كل واحد يلعب دورة صح
انت زيكا و انا حقودي
يعني كل واحد يخليه في التخصص بتاعه
بيس يا معلم
تحياتي

... amr said...

صباح الحظوظ يا سيدي و اللهم لا حسد :))

-------------

انا اللي كنت قاعد جبنك في صلاة الجمعة و قمت من جنبة
:))))

كل سنة و انت طيب

وينكى said...

بص يابنى
ممكن تكون الدنيا حظوظ فعلا
بس انا مؤمنه ان ربنا قسم الحظوظ دى على الناس بالتساوى
دور جوا نفسك على الحاجه اللى بتميزك واللى اى حد من الناس اللى فوق دى كانت تتمنى انها تبقى عندها
دا مش مجرد كلام نظرى وربنا شاهد
انا اكتر واحده فى الكون ده كانت حاسه ان مالهاش لازمه وان قبرها هايتكتب عليه
زى ماعاشت زى ماماتت
بس لما استكشفت نفسي لقيت قد ايه الواحد ممكن تكون فيه حاجات حلوه قوى قوى
حتى لو بسيطه.. بس مميزة
ازعل شويه وخد وقتك
بس ماتطولش لان الوقت مش مكفي
العمر بيجري ومش هايستناك لحد ماتاخد راحتك فى الزعل
انا عندى حفله يوم الأربع اللى هو 11 مارس
عاوزه اشوفك بجد.. مش عشان اى حاجه تانيه

سارة نجاتى said...

يعنى يا زيكا لو قلتلك أن ده أهم بوست كتبته من يوم عرفت سيادتك مش ببقى بأبالغ
ليه؟؟
عشان أنت كتبت عن سارة من غير متاخد بالك
على طول بفكر فى الناس المنسية دى و بخاف يحصل لى زيهم
بس المشكلة أن حتى موهبة الناس المنسية دى مش متأكده أن عندى نصها
و بحسدك بينى و بين نفسى أنك قلت
" الكتابة و التمثيل"
لأن أنا عندى لخبطة , حاسه أنى ممكن أكتب (مقال) و بحب الكتابة الابداعية (قصص) , لكنى حاسه أنى فاشلة فى النوع التانى و كويسة فى الأول . مع أنى كنت عاوزه العكس
غاويه المجال الاعلامى وعارفه أنى ممكن أكون موهوبة فيه بس بفكر يعنى نفترض أنى بقيت اعلامية ناجحة جدا , و مت , ح أسيب ورايا حاجة ؟؟ لا عمل فنى الناس بتشوف و لا أدبى حد بيقراه
لذلك أنا بشبه الاعلامى بالحلاق
لو ملقتش الحلاق بتاعك فاضى ح تحلق عند غيره .
يعنى ممكن أكون موهوبة فى شىء و كان نفسى أكون موهوبة فى شىء تانى

و بالنسبة للمسرحية بتاعتك يا زيكا , أنت لو مشكلتك فى المكان , اعملها ان شاء الله فى بيتكوا
لو مع رقابة , صورها فيديو فى مسرح فاضى و حطها ع النت و وزعها , متخليش مجهودك يروح كده
شوف مكان فدائى مستعد ينفض للرقابة و يعرضها لكوا .

يلا ادينا عايشين
سلام

حررروووف said...

مش حظ اد ماهي نصيب والرضي والقناعه احلي حاجه وبتريح كمان
حنعمل ايه الدنيا بقت وحشة وكلها سلالم بتوصل ع سلالم

كل سنة وانت طيب
دمت بالف خير

*البت المشمشية *حلوة بس شقية * said...

اة
هيا الدنيا فيها حظوظ
بس كلو بأيد ربنا طبعا

ونصيب

بس خلاص
دوشتنى
ده كلو بوست

aMr tA3LaB said...

زيكا
حبيب هارتي مش معقول يا ابني انت الي بتقوله حظوظ ايه وبتاع انت اصلا عيل فقري اه انا صاحبك و مش هخبي عليك انت عيل فقري عامل زي حسين ياسر نزل ماتش اطرد لعيب واتغير بيسخن في الماتش الي فات اطرد لعيب ومنزلش يعني مفيش حد احسن من حد

والله ياض يا زيكا كله خير وان شاء الله هتجيلك فرصة احسن يمكن المسرحية اتلغت عشان في فرصة احسن جيالك انا عايزك بس تؤمن بكلمة واحدة اكيد انت عارفها بس نسيها في الظروف ديه
" ربنا عمره ما هيجبلك شر "
عارف لما عدت كنت زعلان اوي وبتاع بعد كده بسنة عرفت ان الحمد لله اني سقطت لان حاجات كتيرة اوي حصلتلي وكانت مرتبطة على السنة الدراسية منها حكاية سفري بره


متزعلش والي جاي احسن واحسن ويا مان عملتلك قصيدة صغننة هتلاقيها عندي طالعة من قلبي بجد

سلام يا زيكا

aMr tA3LaB said...

وبعدين انت ذكرت كام مثل كده

عبدالرحيم محمد اول مرة اسمع عنه ومصطفى محرم كمان هما ابدعوا والي غنى للاول ابدع وابدع وجاب احساس عالي
طب ليه متبقاش زي جويدة او اسمان بكري او عبد الرحمن يوسف او احمد فؤاد نجم او عبد الرحمن الابنودي او او اواو هفضل اذكر في شعراء للصبح

ليه متحولش تبقى كتاباتك مخلدة زي المتنبي واحمد شوقي و حافظ ابراهيم ونزار قباني و ايليا ابو ماضي وووووووووووووو

هفكرك بكلمتين

مصطفى كامل قال ايه
لا يأس مع الحياة ولا حياة مع اليأس

يعني لو قعدنا لطمنا وعيطنا مش هنعيش لازم يبقى عندك امل كبير اوي و هدف كبير تاني تحققه غير الي فشل باسباب خارجة عنك و بفعل فاعل ومتشيلش نفسك حاجة معملتهاش انا اراهنك ان في ناس من الكاست بتاعك مش شايلة نفس همك كده
فكها وحاول من جديد

الكلمة التانية
تعريف كلمة الخبير
هو شخص فشل كثيرا فتعلم من اخطاءه فاصبح خبيرا بكل تجاربه السابقة ولم يقع في الخطأ

والفاشل شخص عمره ما اتعلم من اخطاءه ابدا ابدا

و فيكمان كلمة سعد زغلول قال مفيش فايدة
ههههههههههههه

الكملة ديه ليك انت مفيش فايدة منك ما شاء الله دايما متالق وعجبتني اوي كلمات الشعر بتاعتك يا متالق
وزيكا يا زيكا يا عيدان مزيكا

mahasen saber said...

انا حسيت انى قاعده فى حضرت صلاح ابو سيف
ايه الواقعيه دى يا ممدوح

عارف لو مش اللقاء الجميل ده معتقدتش ان كان هيبقى ليا حظ فى انى اتعرف بمدونتك القيمه دى

enjy said...

ولما بقول كدة تلاقيهم كلهم رسموا علامات الاشمئزاز الفلسفى
و تؤ تؤ تؤ تؤ
بلاش تشاؤم
انتى ثورجية؟
هو فى ايه؟
سهليها تسهل
الله ينور يا ابنى

°ˆ~*¤®§(*§ نـــوارة §*)§®¤*~ˆ° ° said...

بايديا ايه انا غير

حبة كلام وصداع

بيجيلي منه كتير

باين الدوا خداع

الله الله ابيات بقمة الرووووووووعة

ابدعت فيها فعلا

انت لسه باول حياتك و لسه قدامك الحياة طويلة حاول مرة واتنين و عشرة وان شاء الله هتحقق كل احلامك

ربنا يوفقك

Che said...

البوست بتاعى نزل يا عم زيكا

Appy said...

يا زيكس يا زيكس
كله بوقته يا زيكس

Zika said...

adel
يا باشا انا زيكا مش سيكا
ههههههههه
ماهو انا مش بقول الكلام ده تشاؤما لقيت تلت تربعكم داخل بيقولي نفس الكلام
هههههه
قشطه انا مش لوحدي

Zika said...

حقودي
لا يا عم ادي العيش لخبازه
انا بقر بس
:)
تحياتي يا باشا

Zika said...

عمرو
منور يا باشا
ماعرفش الحمام بيطلب في اوقات غريبه
ال ايه بطني توجعني قبل الادان بدقيقتين
:)))
وانت طيب يا جميل

Zika said...

وينكي
شوفي يا وينكي
انا مؤمن بارضه ان فيه حاجه اسمها كفاح وتعب وكل ده
بس انا كانت ملاحظتي في البوست
ان العمليه كانت ممكن تبقي اسهل لو فيه شوية حظ
وانا هاجي الحفله بس تردي عليا وتفهميني حفلة ايه ؟

EmY said...

خلاص يا عم اشتغل رقاصه و كل البيبان تتفتحلك و مستقبلك يبقي علي واحده و نص

انا بقي اعرف مصطفي محرم ايه رأيك و ده اجل عبقري و ليه افلام كتير حلوه اوي و عمل معظم افلام نبيله عبيد الناجحه

Zika said...

ساره نجاتي
يا فندم ليا الشرف اني اكتب عن الاستاذه ساره بحالها
:)
بصي يا ساره انا علي عكس مابيبان عليا مش بحب الاحباط ده خالص
لكن زي ما قلت لوينكي
انا واثق في موهبتي وواثق في نفسي بس بارضه مصمم
ان انا لو بني ادم محظوظ زي ناس تانيه خدت فرصتها في وقت بدري
الموضوع كان هيبقي بالنسبالي اسهل
ومش انا بس انا مجرد مثال
نورتي يا ساره

Zika said...

حروووف
طيب ما بارضه الحظ مفيد
اه نصيب والحمد لله علي كل حال
والقناعه كنز لا يفني
بس الحظ بيسهل حاجات كتير اوي

تعليقك منطقي وردي عليكي مش منطقي
ايه رايك في الاعتراف ده
هههههه
وانتي طيبه يا فندم
ونورتي البلوج
تحياتي

Zika said...

البت المشمشيه
يا بنتي ايه مالك بس
كل ده عشان بتروجيت طرقع الاسماعيلي

Zika said...

عمرو تعلب * 2
بص يابني انا مش فقري انا بس مش محظوظ كفايه
وبالنسبه لموضوع اني اخلي كتاباتي خالده
هو فيه خلود اكتر من اغنية حدوته مصريه
او مسلسل لن اعيش في جلباب ابي
وهكذا يا عمرو
المهم سيبك قولي عملت ايه في موضوع كلمتنا

Zika said...

محاسن صابر
شكرا علي المجامله اللطيفه دي
ربنا يحفظك يا فندم
سعيد بتشريفك للمدونه
وبمعرفتك
نورتي جدا
تحياتي

حررروووف said...

نورتني بلزيارة لا كلماتي وكويس انها عجبتك

Zika said...

انجي
اه ويقعدوا يقولولك
يابنتي قولي الحمد لله عاللي انتي فيه
غيرك مش لاقي
الله ينور يا بنتي

Zika said...

نواره
شكرا يا نواره علي تشجيعك
نورتي جدا جدا
والحمد لله ان الابيات عجبتك

Zika said...

che
انا جاي اهو

Zika said...

appy
لا وماله يا ابي اما نخليها بدري شويه عشان الناس تلحق تروح تفطر

Zika said...

حررروووووف
حلوه جدا وخصوصا اخر واحده كمان

Zika said...

ايمي
جزرة . وقعتي في النص يا جزره
مانا ا باشتغل رقاصه ومش نافع يا جزره
اوعي تكوني فاكراني بهزر
بجد طيب قوليله ممدوح زيكا بيقولك انت جامد اوي

اسامه عبدالعال said...

زيكا فى اول زياره لمدونتك بقولك انتا جميل قوى وانا طبعا فاكرك ياباشا
وبقولك الى انتا قلته فى البوست ده ناس كتير عايزه تقولوا بس مش عارفه ازاى

تحياتى لك ياصديقي الجديد

Zika said...

اسامه عبد العال
وانا اقول البلوج منور ليه
اهو اهو يا جدعان
واحد قال انه كان عاوز يقول اللي عاوز اقوله
ربنا يا اسامه يجبر بخاطرك

تحياتي ليك يا صديقي

فتاة ضائعة في زمن الأوهام والأحلام said...

انا شايفه انه كلامك محبط جدا وانا لو فكرت بنفس الطريقه يبقي علي الدنيا السلام لأنه انا اصلا محبطة خلقة من عند ربنا بس كانت زمان معلوماتي بتقول انه اللي كتب لن أعيش في جلباب أبي الاستاذ إحسان عبد القدوس ولا ايه يا نجم

msafa said...

تعرف يا فندم انا بحترمك جدا علشان انت قوى وعندك بور مش ممكن انا نفسى اشتغل معاك
انا كمان بتاع ديكور مسرح
ممكن نشتغل فى يوم من الايام مع بعض

mahasen saber said...

بعد ده كله قطع لسان اليى يقول بتحقد حقد ايه يا راجل ههههههههههههه

انا عرفت مصطفى محرم شفت بئه ان الكتاب لسه بخير

كتاباتك تحفه تحفه ويا رب تأكلك عيش او حتى التمثيل اهى اى حاجه تأكلك عيش حاف حتى يا زيكا

ربنا يوفقك يا ابنى

Zika said...

فتاة ضائعه
لا لا لا مافيش احباط خالص خالص
انا عن نفسي مش بحب الاحباط
بصي هحكيلك حكاية لن اعيش في جلباب ابي
هي اه طبعا بتاعة احسان عبد القدوس الروايه الاصليه وعلي فكره لو قريتيها هتلاقي انها غير المسلسل كتير هتتفاجاي ان الشخصيه المحوريه هي نظيره
مش الحاج عبد الغفور
المهم الراجل ده بقي خد القصه بتاعة احسان عبد القدوس وغير فيها وعملها نص سينمائي وبقت مسلسل ناجح جدا
والفضل لمصطفي محرم طبعا
بلاش احباط ده بس كان تفريغ طاقه مش اكتر
نورتي جدا
تحياتي يا فندم

Zika said...

مسافه
اسكن بيوت الفرح اه ممكن اسكن بيوت الحزن لا يمكن

مش انت كاتب كده عند عالبروفايل
انا كمان كده
وان شاء الله ربنا يقسملنا نشتغل مع بعض وتكون حاجه كويسه ان شاء الله

نورت يا باشا
وعود حميد

Zika said...

محاسن صابر
اهو شوفتي يا حماس
مين قال حقد بس يا عالم
ههههههههه
اي حاجه يا باشا انا مش همي اكل عيش انا بس عاوز الناس كمان تاكل عيش من كلامي

kiki said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,A片,AIO,AV,AV女優,A漫,免費A片,情色,情色貼圖,色情小說,情色文學,色情,寄情竹園小遊戲,色情遊戲,AIO交友愛情館,色情影片,情趣內衣,情趣睡衣,性感睡衣,情趣商品,微風成人,嘟嘟成人網,成人,18成人,成人影城,成人圖片,成人貼圖,成人圖片區,UT聊天室,聊天室,豆豆聊天室 ,哈啦聊天室,尋夢園聊天室,聊天室尋夢園,080苗栗人聊天室,080聊天室,視訊交友網,視訊