ده تخيل مني لخناقه بين واحد مش مسلم وواحد مسلم بس طبعا بيحاول يداري فضيحته اللي ربنا ابتلاه بيها
الكلام ده علي فكره حصل سنة 2030
وانتوا عارفين بما اني جاي من المستقبل عشان انتشلكوا من الواقع المرير اللي انتوا فيه فالحكايه دي حصلت قدام عينيا اللي هياكلهم الدود دول
ابطال الموقف هما شخصين
س
,
ص
س : الواد ده علي فكره شكله مسلم يا جدعان وبيستعبط .. وبجد بقي الكافيه بقي يلم اليومين دول
ص : انت بتكلمني انا يا كابتن
س: ايوه باكلمك انت انت هتعمل فيها عبيك .. عيني في عينك كده . مش انت مسلم
ص : لا والله يا كابتن انا مش مسلم
س : طب احلف كده
ص: والله العظيم يا عم مش مسلم وربنا مش مسلم وكتاب الله ما مسلم , احلفلك بايه تاني عشان تصدق اني مش مسلم هاتلي مصحف يا عم وانا احلفلك عليه
س: ياللا يا مسلم يابن المسلم ياللي ابوك مسلم واخوك مسلم واختك مسلمه وعيلتك كلهم مسلمين واحد واحد
ص: يا عم خليك محترم وبعدين " اذا جاائكم فاسق بنبأ فتبينوا ان تصيبوا قوما بجهاله فتصبحوا علي ما فعلتم نادمين " صدق الله العظيم
س: لا لا لا انا مش مصدق ياض .. واصلا انت باين عليك يانك مسلم .. مش علامة صلاة دي ياض ولا علامة الجوده
ص: يا عم دانا حلفتلك والكعبه الشريفه مش مسلم وحياة النعمه دي ما مسلم وعزة جلال الله انا مش مسلم .. احلفلك بايه تاني عشان تصدق
س : ياللا يا عيله بتصلي العيد يا ولاد المسلمين ... اه يا عيله بتروح الجامع .. ياللا ياللي بتقروا الفاتحه يا ولاد المسلمين
هقولك ايه مانت مسلم هاتقولي الله يسامحك
ص: يا عم الله يسامحك بس علي فكره انا مش مسلم
س : المسلمين بقوا في كل حته لأ وكمان ايه بيقعدوا معانا في الكافيهات .. اما حاجه غريبه فعلا
ص: يا عم انا تعبت معاك اقولك اني مش مسلم وانت مش عايز تقتنع
س: ياللا يا ياض يا مسلم من هنا .. بدل ما اكسر عضمك يا عيله مسلمين كلكوا اه يا عيله مفهاش واحد يهودي واليهودي فيكوا يطلعلييي
4 comments:
السلام عليكم
على فكره موضوع جامد جدا ههههههههههههههه
وحلو قوى التخيل ده الى يارب يحصل وميحصلش
يحصل وربنا يهدى الجميع للهدى
وميحصلش اننا نبقى بنتبرا من الاسلام
موضوع متميز ودمه خفيف قوى
تحياتى
zizoooo
وعليكم السلام ورحمة الله وبركاته
الحمد لله ان الموضوع عجبك يا باشا
وربنا يهدي الجميع
نورت المدونه يا فندم
واتمني دوام الزياره والتواصل
تحياتي
على موقع عمرو خالد
فى كاريكتير
واحد بيقول
تصدق ان القران فى حاجات غلط ..اه و المصحف
مش بعد كذا سنة ولا حاجة
قريب لو فضلنا كدة هيحصل
break
break
ربنا يستر يا بريك
ولا اقولك يا انونيموس
:D
Post a Comment