Saturday, July 26, 2008

سبع سبعاتي

التاج ده لبسته من عند الناس بتوع صيدله
سبع حاجات نفسي اعملهم
1- نفسي ابقي احسن مدرب رقص في مصر
2- نفسي اخرج فيلم اكون انا اللي كاتب السيناريو بتاعه
3- امثل مع يوسف شاهين .. ده لو لسه فيه نفس يعني
4- اخلص من الكليه الزفت دي .... كلية تجارة لا مؤاخذه
5- انزل ديوان فيه اشعار من اللي كاتبها
6- نفسي الزمين يلف وارجع بضهري سنتين لورا ومحدش يسال ليه
7- نفسي مصر تبقي محترمه
سبع حاجات ماعرفتش اعملهم
1- ارضي ابويا وامي
2- ادخل كلية اعلام جامعة القاهره
3- امشي في الشارع وماعملش حادثه
4- احافظ علي نفسي من الاصابات
5- ماعرفتش ابقي بطل اوليمبي زي ما كنت طول عمري بحلم
6- اعيط .. للاسف عمري ما عيط ومش بعرف اعيط
7- اكدب .. مابعرفش اكدب بارضه وعمري ما كدبت رغم ان نفسي اكدب مره في حياتي عشان انقذ نفسي من مشاكل بحط نفسي فيها بسبب صراحتي الغبيه
سبع حاجات باقولهم دايما
1- حصل : ودي تعبير يدل علي التهكم
2- act like a man yad : ودي بتحث علي التشجيع ودايما بقولها في الجيم
3- اامين : ودي بتدل علي الموافقه
4- احا : ودي بتدل علي الاعتراض
5- يا راااجل : دي بتدل علي اني مش مصدق وبتتقال للنوعين سواء ذكر او انثي
6- let's do it : ودي بتدل علي التحمس في فعل شئ ما
7- قدر محصلش : ودي ملهاش معني بس بقولها علي سبيل التهييس
سبع مشكلات ممكن الفلوس تحلهم
1- انتج فيلم
2- اشتري عربيه نيو بيتتلز كوبيه كابورليه .. وعلي فكره مش غاليه اوي يعني عشان تعرفوا ان انا متواضع
3- افتح كلاس لتعليم الرقص
hip hop - salsa - tango - break dance ..
4- اسافر اتعالج من الاصابات اللي لحقت بيا مؤخرا وممكن تضيعلي مستقبلي فعلا
5- اشتري شركة ميكس شوكولاته
6- اتبرع للاهلي عشان يبني الاستاد بتاعه ههههه
7- واتبرع لمستشفي السرطان بارضه .. العيال دي محتاجه مساعده فعلا مش هزار
سبع اماكن بحبها
1- اسكندريه
2- المكان اللي بدرب فيه رقص
3- البلاتوه اللي بصور فيه الفيلم
4- قهوة البورصه
5- بيتنا
6- كافيه في ميدان لبنان اسمه تكساس
7 - المانيا .. بلد الاحلام
سبع اشخاص بحبهم غير اهلي
1- جزره ودي اخت دينا الله يرحمها ودينا دي كانت صاحبتي بقي ربنا يرزقها الجنه ان شاء الله
2- سلمي ودي اخت رنا الله يرحمها ورنا دي كانت صاحبتي بارضه ربنا بقي يرزقها الجنه ان شاء الله ( وعشان كده مش بفكر في الارتباط دلوقت حفاظا علي نسبة الوفيات بين البنات )
3- احمد عبد الحليم صاحب عمري
4- هشام ابن خالتي ووصاحبي وحبيبي وكفاءه
5-سامح . وده اقرب الناس ليا
6- بهاء الحاج .. صاحبي ومخرج الفيلم اللي شغال فيه دلوقتي
7- احمد ذكي ... الله يرحمه
سبع حاجات بحبهم
1- بحب اكتب زي عينيا
2- الرقص
3- التمثيل
4- القعده مع صحابي
5- النت والمدونات
6- بحب العب pro evalution soccer .. دي لعبة كمبيوتر
7- بحب متابعة اخبار السياسيين والشعرا واشعارهم وكده
سبع مدونات بافتحهم اول ما ادخل اونلاين
هم كتير بس اول سبعه يبقوا
1- بتوع صيدله والنور قطع
2- قطة الصحراء
3- كلو ماشي
4- آبي
5- ادم
6- عيون مصريه
7- الاغلبيه الصامته
ايه التاج ابن الطويله ده
الحمد لله خلصت
the end

10 comments:

Empress appy said...

نفسي ابقي احسن مدرب رقص في مصر

ههههههههههههههههههههه
لا يا راجل ماشى ماشى ورينا
الهمه
ويا رب تبقى احلى مخرج فى الدنيا

sa'7so'7te said...

المخرج
انا لسه كنت امرة بحبسك هناك فالمركب عشان فكرت تخلع من التاج

بس بجد دى احلى ردود قريتها على التاج
بس ليا عندك طلبين

اتعلم عندك الرقص قبل فرحى عشان انا بتخنق من منظر العرسان و هم مش بيعرفوا يرقصوا غير تقليد السلو كمان :)

تانى طلب بأه..شركة مكس للشيكولاته بتاعتك ابقى انا المستهلك الوحيد ليهاا

والنبى يا مخرج و النبى و النبى

كلام على بلاطة said...

شوف يا سبع
تقدر تعيط براحتك
والوسااائل المساعدة كتير
وانسى يوسف شاهين علشان
توفى

break said...

هو انا ليه حاسة انى رديت مرة قبل كدة

Zika said...

appy
مش عارف بتضحكي عليه بس لو عايزه تضحكي اوك نضحك
هههههههههههههههههههههههههههههه
مش عارف ليه بارضه حسيت انك بتتريقي علي الرقص .... اوبااااااااااااا
كده انا ممكن اقتل خروف من بتوعك
يسمع من بؤك ربنا ..وابقي احي مخرج في الدنيا
نورتي يا آبي

Zika said...

sa'7so'7te
لا يا فندم انا افراج من زمان
ربنا يخليكي بس مش عارف اقولك ايه
تعالي بس انتي القاهره وانا هعملك خصم
25%
وبالمناسبة لشركة ميكس هبقي افوتلك اتنين عشان خاطر العشره
اتنين بس بلاش طمع

Zika said...

break
لا لا لا
ماردتيش قبل كده ... ردي بقي ياللا انا مستني
:D

Zika said...

كلام علي بلاطه
يوسف شاهين مات الله يرحمه
ممدوح عبدالحميد عايش
:D
الله يرحم السينما بعد يوسف شاهين

Anonymous said...

بس انا متأكدة انى كتبت رد بقى
بس هه
اكيد وانا بنزله النت فصل
مليش دعوة انا عايزة ردى

break

nada said...

انا اول مره ادخل هنا ودخلت بالصدفه انا صحيح مش فهمه حاجه بس بجد شدتني طباعك وسبعاتك دي اتمنى مكنش دخله غلط يلا باي