انا عندي انونيموس ساعه يروح وساعه ييجي

اولا باعتذر عن عدم تكملة مواضيع " المعارضه المصريه في الميزان " عشان ظروف الامتحانات

واول ما اخلص امتحانات هكمل باذن الله

بس حبيت انزل البوست ده كنوع من التناحه

في البوست الاخير بتاع " كفايه " جالي تعليقين انونيموس " غير معرف" طبعا ( حسام الميرغني ) ده شر لابد منه

رغم انه بطل يكتب في مدونته ومسحها الا انه مصمم يكتب في مدونتي انا

لييييييييييييييييييه ؟؟؟ ماعرفش

المهم جالي تعليق من شخص غير حسام ( مصر الجديده ) ده

بيقولي :

fuck you son of bitch ....

طبعا الترجمه مش محتاجه مترجم ... فطبقا لاونكل انيس عبيد

الترجمه هي :

تبا لك ايها اللعين

يا حلاوه

والترجمه الاصليه طبعا مش محتاجه شرح

طب يا عم ايه تعليقك علي الموضوع

يا سيدنا انت داخل المدونه دي تشتم وخلاص

طب واشمعنا الانجليزي اللي داخل تشتم بيه

ولا انت شايفلك فيلمين اجنبي وجاي تتنطط علينا

ولما انت جامد كده يا روح خالتك ما بتدخلش باسم مدونتك ليه ولا انت نوعك ايه ولا ملتك ايه ولا جنسك ايه ولا توجهك ايه

الله اعلم ؟

..............

وفموضوع الاخوان

جالي تعليق من واحد اسمه السيد سفنجه

اه وربنا اسمه كده

"اللبه اتفتحت و اللي جواها باين من زمان وما يحبش ياكل اللي جواها غير الجعان سيبك منهم يا عم دول علام بتنجان"

يا حلاوه .. وفراشة الحاج يحيي تحييكم وتتمني لكم سهره سعيده

وبصبح علي كل الاخوه من سمالوط و باسم شباب مصر احب اهني السيد عباس الدهول علي عضوية مجلس الشعب عن الحزب الوطني وعنهم اخوهم ابو دومه ..

وطبعا التعليق ده بيفكرني بتاع بالشريط بتاع الشات اللي قي قناة ميلودي بعد ماتش الاهلي والزمالك

..............

في موضوع الاخوان بارضه

جالي تعليق من اللهو الخفي ( حسام الميرغني ) بيقول :

طبعا انت بتسال دلوقت راي حضرتي ايه في الموضوع ده" ؟"

اولا يا عمو حسام انا مسالتكش راي حضرتك يف الموضوع ده ايه ؟

وكفاية تفرض نفسك عليا ؟

"يا استاذ يا جاهل انت كاتب الموضوع ده للشهره عشان تبقي زي بقيت الناس اللي بتشتم في الاخوان وخلاص زي الناس اللي بتشتم في الملحدين وهم ولا بيفكروا مش تعاطفا مع الاخوان الاخوان زيهم زيك بالظبط اجهل خلق الله"

اذا كنت انا جاهل زي ما بتقول .. بتدخل عندي ليه

شهرة ايه يا موكوس هو في حد بيكتب عشان يتشهر غير امثالك .. وبعدين يا اخي انت زعلان ليه

ماشي انا موافق انا بكتب عشان الشهره .. طب وانت مالك ؟....وبرغم ان اصلا هم 7 او 8 اللي بيدخلوا المدونه

لكن مادام انت شايفني مشهور يبقي كلامك كله سليم يا معلم جدي

اه صحيح .. كل ما اقرا " اجهل خلق الله " اموت من الضحك عشان فعلا المفروض انك تضحك لما تسمع الجمله دي من واحد ملحد

"تقدر تفسرلي ليه نفسك تبقي مخرج وليه نفسك ينزلك كتاب وليه كل احلامك متعلقه بالشهره والفلوس"

انا حر يا اخي اشتغل مخرج اشتغل رقاصه انزل كتاب اقف ابيع مناديل في اشارات المرور ... اناااااااااااااا حر ... وانت زعلان ليه يعني ؟ ..ايه المشكله اني يكون عندي احلام نفسي احققها .. انت كمان هتدخل جوه دماغي .. مش كفاية جوه المدونه.

......................

وفي بوست " كفاية "

... نورني بارضه الاخ الغير مرغوب فيه حسام الميرغني في تعليق كمان وكمان

"كالعاده مالوش اي معني وبدون تحليل موضوعي وبدون اي صفه ادبيه"

مش زنب امي انك ما بتفهمش .. وما بتحسش كمان .. ده بدل ما تعلق داخل الموضوع .. رايح تشتم وتقل ادبك و وبعدين يعني انت لو اختلفت معايا وقولتلي لا انت غلط هقتلك .. ما فيه ناس كتير اوي مختلفه معايا بس بيتكلموا باحترام حاول تتعلم منهم .

وبعدين يا اخي مادام مش عاجباك المدونه ... بتدخل ليه

"ردا علي سؤالك ليا المره اللي فاتتفاحب اوضح اني بكتب من اجل الحريه والعلم"

صح انا بكتب عشان الشهره والفلوس وانت بتكتب عشان الحريه والعلم وكل واحد فينا بيدور علي اللي ناقصه

الله يرحمك يا برنارد شو ويبشبش الطوبه اللي تحت راسك

................

"اولا : انت بتلوم كفاية علي انهم ماعندهمش بديل طب ايه البديل اللي عندك انت ؟"

اخيرا اتكلمت في الموضوع

بص يا سيدي مكافأة ليك انك دخلت في الموضوع ... هرد عليك يا عم حسام يا بتاع الميرغني

اولا انا مش مطلوب مني اني احط بديل كل مهمتي بتنحصر في اني اقول اللي اقدر عليه واللي صح اقول ده صح واللي غلط اقول ده غلط لاني غير مؤهل لوضع سياسة دوله لان ولا مؤهلاتي ولا خبرتي السياسيه تؤهلني لده

وكل اللي اقدر اعمله اني لما اشوف ملحوظه اعلق عليها بحياديه واراعي ربنا في البؤين اللي بقولهم

..........................

بص بقي يا عم

انا عارف انك هتيجي تاني رغم الموضوع ده

عشان وانا بقرا بوست لاحد المدونين اتعلمت منه تعليق جميل اوي قاله علي واحد زيك

( الع.ء طي.ه بتجيبه )

انت مرحب بيك في اي وقت طول مانت بتدخل بمدونتك وبتحترم نفسك وبتحترم المدونه وبتحترمني وبتحترم كمان ذوق الناس المحترمه اللي بتدخل تلاقي شتايمك علي الهوا كده

انا مايهمنيش انك ملحد .. انا ليا اصدقاء ملحدين وشخصياتهم محترمه جدا ومن اعز اصحابي كمان

انا ميهمنيش ان ميولك الجنسيه غير ميولي الجنسيه مع احترامي لميولك اللي انا بختلف معاها بس ده ما يديكش الحق انك تبعتلي صور شذوذ علي الايميل وتقولي ايه رايك ؟

لان رايي مش محتاج صور قبيحه منك

انا ضد الشذوذ الجنسي مع احترامي لاي حد بيحترمني حتي ولو كان شاذ جنسيا .. وكل تعاملاتي مع المثليين كانت مع ناس طبيعيه جدا بخلاف ميولهم الجنسيه اللي انا كشخص ماليش دخل بيها

وعموما بما انك بتابع المدونه هتقرا موضوع كامل عن الشذوذ الجنسي قريبا

اخر الكلام

انا برحب باي تعليق من اي فرد حتي ولو كان قاسي جدا ومعارض ليا في كل كلمة بقولها طالما انه يكون داخل باسم مدونته .. ومش باحترم اي حد بيدخل غير معرف حتي ولو كان كاتب كلام كويس

لاني ما بكرهش في حياتي قد اللي ضد المناقشه وضد الحوار و الناس اللي بتخاف تدخل باسامي مدونتها عشان الفضيحه وربنا امر بالستر بقي

في حاجه اخيره بس يا حسام يا ميرغني ..

بمناسبة " الميرغني "

تحب تشد معايا ... مواتير ولا غرز ولا الاتنين يا حليوه ؟

اه صحيح ... واللي يقف في الاشاره يبقي .... انت عارف بقي

المعارضه المصريه في الميزان ..2

استمرارا لمسلسل انتقادي لتيارات المعارضه المصريه .. وكما استمر الحديث طويلا عن الاخوان ..كان لابد ان تاتي

الحركه المصريه من اجل التغيير

كفاية
في المرتبة الثانيه من حيث الاهميه
ظهرت حركة كفاية علي الساحه السياسيه المصريه عام 2004 وتكونت وقتها من مجموعه من المحامين والمثقفين واساتذة الجامعات والفنانين والشخصيات السياسيه المشهوره كانوا حوالي 300 شخص علي راسهم رئيس حزب الغد المحبوس المنحوش السيد ايمن نور

حيث كان داعما لهم كثيرا بعد حصولة علي حق بناء حزب الغد

وكان هذا قبيل الانتخابات الرئاسيه الذي سعي لها السيد ايمن نور ولكن .. بالطبع فضل وحدث له ما حدث للمرشحين التسع الاخرون

وكان هناك قاتل تسلسلي مثل ما يحدث في افلام الرعب الامريكيه

وفي شهور قليله نمت حركة متخلفون من اجل التحرير نظرا للدور السينمائي الذي لعبته في محاولة جممع كل المشاهير في كل ظهور لهم ذكرني هذا بمحاولة حضور الفنانين في مهرجان القاهرة السينمائي دون اي نجاح
ولكن
نجحت تلك الحركة بغرابه شديده في ان تجميع توقيعات ما يقرب من 17 الف رافض لنظام مبارك , معظمها ان لم يكن كلها ( اشخاص تتصفح النت لاول مره ) والباقي عضويات مفتعله وغير متفاعله سواء مع الحركه علي الانترنت او في المظاهرات وخلافه
الايجابي في كفاية هو محاولتها الوحيده الناجحه في جذب الاخوان وباقي احزاب المعارضه في صفهم رغم الاعتراض الذي لاقوه في بدايتهم اما السلبي فهو عدم ظهور اي نتيجة لكل تلك التحركات
الغريب ايضا ان كفايه منذ ظهورها لم تعلن انها حزبا سياسيا او ان لديها برنامجا للاصلاح او بديل للحكومه او حلول واقعيه . فهي فقط بكل قوتها وبكل ما تملك من مقومات لا تريد الا ازاحة النظام عن سلطته
( طب وبعدين ؟ )
يعد اسوأ ما في تلك الحركه المجهولة المستقبل
هو عدم لجوء اعضائها الي الشعب المصري ذاته بينما دائما ما تلعب حركة كفاية علي نغمة الشخصيات العامه والبارزه اعتمادا علي ان هذا سيجذب اليها الجمهور متجاهلين انهم يحاولون جذب الجمهور الي تغيير حياتهم ورفض النظام وليس الي فيلم سينمائي ممتلئ بالنجوم
وكذلك ان بعض هذه الافلام قد تسقط رغم تواجد احب النجوم الي الجماهير .
هذا لان فيلم " كفاية " بدون مضمون او دعنا نقول ان مضمونهم سطحي للغايه
بينما العمل السياسي كما اراه يجب ان ينبت من الشعب المصري من الفقراء والاغنياء علي حد سواء
اذا ارادت الحركة الاستمرار فعليها ان تبتعد عن محاولة ضم " المحترفين " اليها في صفقات غير مهمة الي نادي كفاية والبدء في البحث في اروقة الشوارع والحواري والمقاهي وخلافه حيث يتجمع المصريون لا يجدون من يسمعهم او ينصت اليهم ... سوي صاحب المقهي
ويعد اكبر دليل علي ان كفاية لا تبحث هي الاخري عن هموم المواطن ورايه واقحامه في العمليه السياسيه كان ظاهرا وواضحا وضوح الشمس في موضوع " محاكمة المدنين من قادة الاخوان عسكريا " حيث رايت الكثير من الاعلانات في الجرايد وخاصة جريدة الدستور عن ان حركة كفاية
تعلن عن انها حصلت علي توقيعات معترضه علي محاكمة المدنيين عسكريا
وعندما نظرت الي التوقيعات لم اري خانة واحده لم اتعرف علي صاحبها
فكانت كل التوقيعات علي غرار
خالد الصاوي
يوسف شاهين
خالد يوسف
مجدي مهنا
وائل الابراشي
مهدي عاكف
والعديد من الشخصيات السياسيه المعروفه والغير معروفه
لم اسمع عن انهم حصلوا علي توقيع المدرسين او المهندسين او اعضاء نقابة الاطباء او الموظفين والعمال وكل من يدخل تحت طائفة " اللي طلعان عين اللي خلفوهم " لم ار في المظاهرات التي لم احضرها قط ودائما ما كنت اكتفي برؤيتها عبر شاشة الجزيره سوي اعداد قليله و الكثير منهم يبدو عليهم الخبره السياسيه او المتابعين منهم لها
ورغم تجمع الكثير من الشخصيات العامه ضد الحكومه الا ان هذا لم يحرك شعرة من الحكومه
بينما وقف شعر الحكومة كله عندما تظاهر عددا لا باس به من عمال المحله الغلابه مطالبين بحقوقهم

وقبلهم عمال المصنوره -اسبانيا وحاليا عمال مصنع اجريوم وغيرهم
ففي حين عدم تحرك الحكومه في مظاهرات قضاة مصر الذين لهم سلطة توازي سلطة الحكومه نفسها
اهتزت الحكومه واصيبت بالرعب من التحرك الشعبي والشبابي في 6 ابريل رغم عدم وجود الاخوان ورغم عدم فعالية كفاية
وهذا ما اتكلم عنه وانادي به مرارا وتكرارا .. وهو البحث عن الناس
والبعد عن الهروله الي الشهره والافلام البايخه
كمان كان فيلم الاخوان ممل .. يستمر مسلسل الملل في فيلم " حركة متخلفون من اجل التحرير " كفاية
وبالفعل
اما ان تبدا كفاية بترك سعيها وراء الشهره هي الاخري والهروله وراء الفنانين و المثقفين والشخصيا المتاوجده اصلا في مجال السياسه
والبحث عن عامة الشعب
او نقول لها
كفاية
كفاية يا كفاية

المعارضة المصرية في الميزان

اولا نبدا بالاخوان المسلمين بحكم انهم في اعتبار الكثيرين هم الاكثر تنظيما والاكثر فعاليه بين قوي المعارضة :

بعد اضراب 6 ابريل السابق وعزوف الاخوان عن المشاركه به اتضحت بكل سذاجة (نية)

الاخوان المسلمين .. فالاخوان المسلمين لا يبحثون سوي عن مصلحتهم الخاصه اي مصلحة الجماعه فقط .. ولا يهمهم اذا كانت تلك المصلحه تقف امام مصلحة مصر

عدم مشاركة الاخوان في الاضراب كان بحق صدمة لكل اوساط المعارضه حيث فقد الاضراب رغم نجاحه الكثير من المقومات منها العدد الاضافي للمتظاهرين وهكذا.

اتضح ان الاخوان المسلمين لا يهتمون سوي بالسلطه وبالسعي اليها في العديد من المواقف المتناقضه مثل تناقض موقف طلاب (الاخوان ) في جامعة القاهره بعد حديث السيد (الوزير الغريب) وزير كما يسميها ( الثقافه) عن الحجاب مع حديث قياداتهم , فبينما كانت تقوم المظاهرات وتتدخل قوات الامن لفضها كان يتحدث المرشد في القنوات الفضائيه عن ان كلام السيد الوزير قد اخذ اكثر من حجمه .. وهذا ان دل فيدل علي عدم التناسق والتنسيق بين قيادات الاخوان والاخوان !

الغريب في الامر ان اضراب 6 ابريل وضع الاخوان في موقف اكثر من محرج خصوصا وانه كان قبل محاكمة الكثير من قيادات الاخوان عسكريا( بعد ان تمت تبرئتهم من القضاء المصري ) بايام قليله .. مما جعل الاخوان (يتمسحون) في الحكومه برفضهم المشاركة في الاضراب .املا في ان تتعاطف معهم الحكومة اوتعدل عن محاكمتهم عسكريا او علي الاقل تخفف من الحكم قليلا , اما في اضراب 5 مايو ورغم مشاركة الاخوان في الاضراب فقد فشل كثيرا وكان اكثر سلبيا وبعدا عن الواقع والمشاركة من الذي سبقه , ويعد هذا العمل الجبان من قيادات الاخوان هو اكبر دليل علي ما اطرحه من ان الاخوان لا يعملون لمصلحة مصر او لمصلحة الاسلام كما يدعون وانما يعملون فقط من اجل مصلحتهم الشخصيه .

خرج علينا الدكتور عصام العريان علي قناة الجزيرة يبرر موقف الاخوان من عدم المشاركه بانه

( قد بارك الاخوان الاضراب ولكنهم لم يشاركوا)

اذن لماذا لم يشارك الاخوان ؟

(حقيقة الامر ان الاخوان قد دعموا الاضراب ويتمنون ان يتواصل هذا المسلسل في الايام المقبله )

اذن لماذا لم يشارك الاخوان ؟

( الاخوان هم قوي المعارضه الوحيده في مصر التي تقف في وجه الحكومه )

اذن لماذا لم يشارك الاخوان ؟

(الاخوان هم اكثر من في المعتقلات السياسيه في مصر )

كلها مبررات واهيه وسلبيه وتنم عن ضعف موقف الاخوان

وسلبيتهم

واستهتارهم

وتهربا من الاجابه علي السؤال المطروح ....!!!

لماذا لم يشارك الاخوان ؟

نفت اذن الاسطورة الكاذبه ان الاخوان يستطيعون تحريك الشعب المصري بسهوله كما تدعي بعض الصحف الامريكيه والمصريه علي حد سواء

فليس معني ان الكثير من المسلمين لديهم وازع ديني في بعض الاحيان ان هذا يعني انهم اخوان

فليس كل من اقام صلاة هو من الاخوان

وليس كل من عمل خيرا اخوان

وليس كل من ارتدي الزي الاسلامي او اطلق لحيته اخوان

فهناك العديد من المسلمين في مصر المتعلقين بالكثير من جوانب الدين الاسلامي( الظاهر منه كالزي والباطن كالفعل )

ولكنهم في النهاية ليسوا اخوان

لقد تعاطفت كثيرا مع الاخوان , ولقد وقفت كثيرا ضد اعتقالهم وازدرائهم والاستهزاء بهم كفئة معارضه مصريه او بمحاكمة مدنيين

( عسكريا)

نعم لازلت علي موقفي : فالاخوان هم الاكثر ظهورا والاكثر اعتراضا والفئة المعارضه الاكبر في مجلس الشعب وهذا حقهم

ولكن للاسف الشديد اتضح ان الاخوان اضعف من ذلك بكثير

فكل هذا كان من اجل الاخوان وليس من اجل مصر

الاخوان لا يبحثون سوي عن الشهره والحكم

لن استمر في دفاعي عنهم طالما يتبعون هذا النهج الفاشل فمصر بالنسبة لي

فوق الحكومه وفوق كل فئات المعارضه

لا تحتمل مصر ان يكون القادم اسوا

لا يحتمل شعب مصر ان تفكر الحكومه التاليه في مصلحتها الشخصيه هي الاخري وتترك الفقراء يذهبون الي الجحيم

لن يحتمل هذا الشعب ان يكون مستقبل ( ما بعد الحكومة ) فاشلا هو الاخر وبدلا من ان ياتي من يبحث عن حل للمشكلة ان يزيد الطين بله

ان تتحطم كل أحلام التغيير

ان تتحطم كل آماله علي صخرة الواقع

ثقافة الكلمات المتقاطعه

اين توجد اطول بطيخه في العالم ؟

من هو اول من شرب شيشه قص ؟

اين يقع جبل بطاطس ؟

من هو اول من حلق دقنه ؟

متي اقيمت اول مسابقه لقتل النمل في العصر الحديث ؟

لا طبعا معرفة اجابات الاسئله الساذجه السخيفه دي مش هي الثقافه

الانسان المثقف هو الانسان اللي عنده معلومات مجمعه عن شئ بيحبه او بيتقنه او متابعه وموجود في اتجاهاته وافكاره وباين علي كلامه انه متاثر بشئ معين وكلمة ثقافه ماينفعش تتقال في العموم

ماينفعش اقول الانسان ده مثقف .

لان الثقافه كلمة مش عايمه كده وخلاص ..

يعني كلمة مثقف دي تتقال علي واحد قرا في حاجات كتير ودرسها واتناقش فيها وخرج باللي يفيده في حياته وحياة غيره

كمان لازم الثقافه تتحدد

يعني مهم اوي نقول الانسان ده مثلا مثقف في الرياضه

يعني متاثر بالرياضه وقرا كتير في انواعها ويمكن مارس كتير منها وهكذا وبالتالي شخصيته رياضيه يمعني ان الرياضه اثرت علي تفكيره فبيحب الرياضه وبالتالي هو شخصيته تتوصف يانها رياضيه بمعني انه متقبل للاخر عنده روح المنافسه متعلق بالرياضه ومتابعها مرح لياقته عاليه وهكذا

ونقيس علي كده في باقي الحاجات ..

ولا انتوا شايفين ايه ؟